ARYNews.tv | Urdu – Har Lamha Bakhabar

Tag: mayor

  • تیونس میں دارالحکومت کی پہلی خاتون میئر منتخب

    تیونس میں دارالحکومت کی پہلی خاتون میئر منتخب

    تیونس کے دارالحکومت کی تاریخ میں پہلی بار خاتون میئر کا انتخاب کرلیا گیا۔ 54 سالہ سعاد عبد الرحیم خواتین کے حقوق کی ایک سرگرم کارکن بھی ہیں۔

    نومنتخب میئر تیونس کی اسلام پسند پارٹی سے ہیں اور ان کی پارٹی اعتدال پسند سمجھی جاتی ہے۔

    سعاد ایک فارما سیوٹیکل کمپنی سے وابستہ ہیں جبکہ وہ خواتین کے حقوق کی بھی سرگرم کارکن ہیں۔

    تیونس کے بلدیاتی انتخابات مئی میں منعقد ہوئے تھے جس میں ایک درجن کے قریب خواتین نے میئر کے عہدے کے لیے انتخاب لڑا تاہم تمام عہدوں میں صرف سعاد کو فتح حاصل ہوئی۔

    مزید پڑھیں: میکسیکو سٹی کی پہلی خاتون میئر

    سعاد نے تیونسی صدر کی جماعت کے نامزد کردہ امیدوار کو بھی شکست دی ہے۔

    میئر بننے کے بعد سعاد کا کہنا تھا، ’میں اپنی جیت کو تیونس کی ان تمام خواتین کے نام کرتی ہوں جنہوں نے اعلیٰ عہدوں تک پہنچنے کے لیے سخت محنت کی‘۔

    خیال رہے کہ عرب ممالک میں اس وقت تیونس خواتین کے حقوق کے اعتبار سے سب سے نمایاں دکھائی دیتا ہے۔

    سنہ 1956 میں فرانس سے آزادی حاصل کرنے کے بعد سے ملکی آئین میں مرد اور خواتین شہریوں کی برابری یقینی بنائی گئی تھی۔

    تیونس میں اگلے برس صدارتی اور پارلیمانی انتخابات کا انعقاد بھی ہو رہا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • میکسیکو سٹی کی پہلی خاتون میئر

    میکسیکو سٹی کی پہلی خاتون میئر

    میکسیکو سٹی: شمالی امریکی ملک میکسیکو کے دارالحکومت میکسیکو سٹی میں پہلی بار خاتون میئر کو منتخب کرلیا گیا۔

    56 سالہ کلاڈیا شینبم شمالی امریکا کے سب سے بڑے شہر کی تاریخ میں پہلی خاتون ہیں جو اس عہدے پر فائز ہوئی ہیں۔

    اس سے قبل ایک اور خاتون روزاریو روبلز نے میکسیکو سٹی کی قائم مقام میئر کی حیثیت سے ذمہ داریاں نبھائیں، تاہم کلاڈیا پہلی خاتون ہیں جو براہ راست انتخابات کے ذریعے اس عہدے پر فائز ہوئیں۔

    کلاڈیا اس سے قبل میکسیکو سٹی کے ایک ضلع کی ضلعی میئر بھی رہ چکی ہیں۔ وہیں سے ان کے شہر کے میئر بننے کی راہ ہموار ہوئی۔

    تاہم ان کی میئر شپ کا دور تنازعات کا شکار رہا۔

    ان کا ضلع گزشتہ برس ستمبر میں آنے والے زلزلے سے شدید طور پر متاثر ہونے والے علاقوں میں سے ایک تھا۔

    زلزلے میں ضلع کا ایک نجی اسکول بھی زمین بوس ہوگیا جس سے 19 بچے ہلاک ہوگئے۔

    اسکول کی تباہی کے بعد تنازعہ اٹھا کہ مذکورہ اسکول کو تعمیر کی اجازت غیر قانونی طور پر دی گئی تھی، اسکول کے مالک نے اسکول کی عمارت کے اوپر اپنی رہائش کے لیے اپارٹمنٹ بھی تعمیر کیا تھا جس کی وجہ سے پوری عمارت غیر متوازن ہوگئی۔

    ہلاک ہونے والے بچوں میں سے ایک کے والدین عدالت جا پہنچے اور انہوں نے کلاڈیا کو اس حادثے کا ذمہ دار ٹہرایا۔

    گو کہ کلاڈیا نے اس کی ذمہ داری قبول کرنے سے انکار کردیا تاہم کلاڈیا کے مخالفین کی تعداد کم نہ ہوئی۔ میئر کے لیے ہونے والے انتخاب کے روز بھی لوگوں کی ایک بڑی تعداد نے ان کے خلاف مظاہرہ کیا اور ’قاتل قاتل‘ کے نعرے لگائے۔

    کلاڈیا کا کہنا ہے کہ ان کے مخالفین ان کی سیاسی مقبولیت سے خائف ہو کر اوچھے ہتھکنڈے اپنا رہے ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سان فرانسسکو کی پہلی سیاہ فام خاتون میئر سے ملیے

    سان فرانسسکو کی پہلی سیاہ فام خاتون میئر سے ملیے

    کیلیفورنیا : امریکا کے شہر سان فرانسسکو کی تاریخ میں پہلی مرتبہ 43 سالہ افریقی خاتون لندن بریڈ 50 فیصد ووٹ حاصل کرکے شہر کی میئر بن گئیں۔

    تفصیلات کے مطابق امریکی ریاست کیلیفورنیا کے شہر سان فرانسسکو کی تاریخ میں پہلی بار سیاہ فارم امریکی خاتون نے میئر کا حلف اٹھایا ہے۔

    غیر ملکی خبر رساں ادارے کا کہنا تھا کہ افریقی نژاد لندن بریڈ لمبے عرصے سے اپنی کمیونٹی میں سرگرم تھی، میئر کے انتخابات کے ایک ہفتے بعد لندن بریڈ کو فاتح قرار دیا گیا۔

    امریکی خبر رساں ادارے کا کہنا ہے کہ 43 سالہ لندن بریڈ نے کل 50 فیصد ووٹ حاصل کرکے میئر کے انتخابات میں کامیاب ہوئی ہیں۔

    لندن بریڈ واحد خاتون میئر ہیں جو امریکا کے پندرہ بڑے شہروں میں ایک سان فرانسسکو میں اپنی خدمات انجام دیں گی۔

    غیر ملکی خبر رساں ادارے کے مطابق سان فرانسسکو میں تیزی سے بے گھر افراد کی تعداد میں اضافہ ہوتا جارہا ہے، شہر کی گلیوں میں بڑی تعداد میں جھگی بستیاں آباد ہیں کیوں کہ زمینوں کی قیمتیں آسمان کو چھونے لگیں ہیں۔

    سان فرانسسکو کی نو منتخب میئر مسز بریڈ شہری حکومت میں قانون ساز بورڈ کے صدر کی حیثیت سے بھی خدمات انجام دے چکی ہیں اور گذشتہ برس دسمبر میں میئر کے انتقال کے بعد نگراں میئر کے فرائض کی انجام دہی بھی کرچکی ہیں۔

    غیر ملکی خبر رساں ادارے کا کہنا تھا کہ سان فرانسسکو کے انتخابات رواں ماہ 5 جون کو ہوئے تھے، لیکن الیکشن کے نتائج تاخیر کا شکار ہوگئے تھے کیوں کہ الیکشن کمیشن کے اہلکاروں نے ہزاروں ووٹ غلط شمار کیے تھے۔

    خیال رہے کہ لندن بریڈ شہر کی پہلی خاتون میئر نہیں ہیں، ان سے قبل ڈیانے فین سٹین 1978 میں سان فرانسسکو کی میئر رہ چکی ہیں جو تاحال کیلیفورنیا کی سینیٹر ہیں۔

    یاد رہے کہ لندن بریڈ کی بہن سنہ 2006 میں بہت زیادہ منشیات استعمال کرنے کے باعث ہلاک ہوگئی تھیں جبکہ ان کا بھائی کئی دنوں میں جیل میں قید ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • شہر میں بڑھتے ہوئے جرائم کے باعث نیند نہیں آتی: میئر لندن

    شہر میں بڑھتے ہوئے جرائم کے باعث نیند نہیں آتی: میئر لندن

    لندن: برطانوی دار الحکومت کے میئر صادق خان نے کہا ہے کہ لندن میں بڑھتے ہوئے جرائم پر شدید تشویش ہوتی ہے جس کے باعث مجھے نیند نہیں آتی۔

    ان خیالات کا اظہار انہوں نے مقامی ریڈیو ’ایل بی سی‘ میں انٹر ویو دیتے ہوئے کیا، صادق خان کا کہنا تھا کہ شہر میں بڑھتے ہوئے پر تشدد جرائم کا ذمہ دار تو میں ہوسکتا ہوں لیکن اس پر معافی نہیں مانگوں گا کیوں کہ اس کی ذمہ دار حکومت بھی ہے۔

    انہوں نے کہا کہ پورے ملک میں جرائم کی بڑھتی ہوئی تعداد کا سبب حکومت کی جانب سے پولیس فنڈز میں کٹوتی ہے لیکن شہر میں اگر کوئی بھی غیر قانونی عمل ہوتا ہے تو اس کا براہ راست ذمہ داری مجھ پر عائد ہوتی ہے جس کا میں جواب دہ ہوں۔

    برطانیہ میں سائیکل سوار چور بھاری مالیت کا کیمرہ چھین کر فرار ہوگئے

    میئر لندن کا کہنا تھا کہ جرائم پورے ملک میں بڑھ رہے ہیں اور حکومت کو اس بات کا احساس کرنا چاہیے کہ سیکورٹی فورسز کے وسائل میں کمی کا جرائم کی بڑھتی شرح سے گہرا تعلق ہوتا ہے۔

    واضح رہے کہ گذشتہ روز لندن میں سائیکل سوار چور ایک نجی ٹی وی کے عملے سے 15 ہزار پاؤنڈ کا کیمرہ چھین کرفرار ہوگئے تھے جن کی تلاش اب تک ممکن نہیں ہوسکی۔

    لندن میں دورانِ ڈکیتی مکان مالک قتل، ملزم گرفتار

    خیال رہے کہ لندن میں بڑھتے ہوئے کرائم ریٹ سے آئے دن اس نوعیت کی وارداتوں میں اضافہ ہوتا جا رہاہے جس کے باعث مقامی شہری بھی بہت پریشان ہیں جو اپنی قیمتی اشیاء سے محروم ہوجاتے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • جو لوگ پتنگ کاٹنا چاہتے تھے آج ان کی نیندیں حرام ہوگئیں: میئر کراچی

    جو لوگ پتنگ کاٹنا چاہتے تھے آج ان کی نیندیں حرام ہوگئیں: میئر کراچی

    کراچی: شہر قائد کے میئر وسیم اختر نے کہا ہے کہ جو لوگ پتنگ کاٹنا چاہتے تھے آج ان کی نیندیں حرام ہوگئی ہیں، ایم کیو ایم کو الیکشن کمیشن کی جانب سے پتنگ کا نشان دے دیا گیا ہے جس پر میں اہل کراچی کو مبارک باد پیش کرتا ہوں۔

    ان خیالات کا اظہار انہوں نے کراچی کے علاقے قذافی چوک میں منعقد جلسے سے خطاب کرتے ہوئے کیا، وسیم اختر کا کہنا تھا کہ الیکشن میں برساتی مینڈکوں کو شکست دیں گے، جو لوگ ایم کیو ایم کے خلاف سازش کر رہے تھے عام انتخابات میں عوام انہیں شکست دیں گے۔

    ان کا مزید کہنا تھا کہ سوائے سندھ کے سارے صوبے ترقی کر رہے ہیں، حکومت سندھ نے سندھ کے لیے کچھ نہیں کیا، نگران حکومت سے مطالبہ کرتا ہوں کہ وہ کراچی کا پیسہ کراچی پر خرچ کرے۔

    میئر کراچی کو نالوں کی صفائی کے لیے ایک ماہ کی مہلت

    خیال رہے کہ الیکشن کمیشن آف پاکستان کی جانب سے آئندہ عام انتخابات کے لیے سیاسی جماعتوں کوانتخابی نشان کی الاٹمنٹ کا عمل شروع کردیا گیا ہے جس کے تحت پہلے مرحلے میں بغیراعتراضات والی 77 سیاسی جماعتوں کو انتخابی نشان الاٹ کردیئے ہیں۔

    ایم کیو ایم پاکستان کو پتنگ کا نشان الاٹ کردیا گیا ہے، یہ نشان ایم کیوایم کے سینئر ڈپٹی کنوینیئر عامرخان کی درخواست پر الاٹ کیا گیا جبکہ فاروق ستار اور خالد مقبول دونوں کی کنوئینر شپ کی درخواستیں عدالت میں زیرسماعت ہیں۔

    الیکشن کمیشن نے متعدد سیاسی جماعتوں کوانتخابی نشان الاٹ کردیا

    واضح رہے کہ پارٹی آئین کے مطابق کنوینئر کی عدم موجودگی میں سینئر ڈپٹی کنوینئر کو تمام اختیارات حاصل ہیں، عامر خان نے سینئر ڈپٹی کنوینیئر کی حیثیت سے درخواست دی الیکشن کمیشن نے عامر خان کی درخواست منظور کرلی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • میئر کراچی کا شہر کے مختلف علاقوں کا دورہ، ترقیاتی کاموں کا جائزہ

    میئر کراچی کا شہر کے مختلف علاقوں کا دورہ، ترقیاتی کاموں کا جائزہ

    کراچی: شہر قائد کے میئر وسیم اختر نے کراچی کے مختلف علاقوں کا دورہ کیا اور ترقیاتی کاموں کا جائزہ لیا، اس موقع پر انہوں نے جلد کام مکمل کرنے کی ہدایت بھی کی۔

    تفصیلات کے مطابق میئر کراچی وسیم اختر نے کراچی کے ان علاقوں کا دورہ کیا جہاں ترقیاقی کام جارہی ہے، بعد ازاں میڈیا سے گفتگو کرتے ہوئے وسیم اختر نے کہا کہ ناظم آباد انڈر پاس پر کام جاری ہے اسے جلد مکمل کر لیا جائے گا، دس سال سے انڈر پاسز کے تعمیراتی کاموں پر کسی نے توجہ نہیں دی، ہمیں سیوریج سسٹم کو بھی بہتر بنانا ہے۔

    وفاقی بجٹ میں کراچی کے لیے کوئی اسکیم نہیں رکھی گئی: میئر کراچی

    انہوں نے کہا کہ ایسا کام کر رہے ہیں کہ انشااللہ ناظم آباد، لیاقت آباد، غریب آباد انڈر پاسز پر اب پانی کھڑا نہیں ہوگا، اور نہ ہی اب شہریوں کو مشکلات کا سامنا کرنا پڑئے گا، پی پی حکومت نے شہر پر کوئی توجہ نہ دی، پاکستان پیپلز پارٹی صرف کاغذوں پر ترقیاتی کام کراتی ہے۔

    میئر کراچی کا کہنا تھا کہ ہم زمین پر ترقیاتی کام کراتے اور شہریوں کے درمیان ہوتے ہیں، عوامی نمائندے ہیں اسی لیے عوام کے درمیان رہ کر کام کرتے ہیں، مجھے منتخب کونسل کی مکمل حمایت حاصل ہے، میں الزامات سے ڈر کر بھاگنے والا نہیں ہوں۔

    جو افسران سیاست کرنا چاہتے ہیں وہ نوکری چھوڑ دیں، میئر کراچی

    وسیم اختر کا مزید کہنا تھا کہ 80 کروڑ کے بجٹ کا 80 فیصد سیوریج کے کاموں پر خرچ ہورہا ہے، سیوریج کے کاموں کا بل بنا کر حکومت سندھ کو بھیجوں گا، ہم شہر کے ساتھ مخلص لوگ ہیں سچے اور صدقے دل کے ساتھ شہر کی ترقی کے لیے کام کرتے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • وفاقی بجٹ میں کراچی کے لیے کوئی اسکیم نہیں رکھی گئی: میئر کراچی

    وفاقی بجٹ میں کراچی کے لیے کوئی اسکیم نہیں رکھی گئی: میئر کراچی

    کراچی: شہر قائد کے میئر وسیم اختر نے کہا ہے کہ وفاقی بجٹ میں کراچی کے لیے کوئی اسکیم نہیں رکھی گئی، ہم نے کئی اسکیمیں پیش کیں لیکن افسوس کہ انہیں شامل نہیں کیا گیا۔

    ان خیالات کا اظہار انہوں نے گارڈن ویسٹ یوسی 19میں ترقیاتی کاموں کے معائنے کے بعد میڈیا سے گفتگو کرتے ہوئے کیا، وسیم اختر کا کہنا تھا کہ شہر کا حق مارا گیا اور اسے محروم رکھا جارہا ہے اور یہ کوئی نئی بات نہیں کراچی کے ساتھ ایسا ہمیشہ ہوتا آیا ہے۔

    انہوں نے کہا کہ ہمارے بجٹ کا استعمال ہورہا ہے، ہم نے کراچی کے مسائل حل کرنے کے لیے دن رات ایک کردی، سچی نیت کے ساتھ شہر کے لیے کام کر رہے ہیں اور شہریوں کو کام ہوتا نظر بھی آرہا ہے۔

    کراچی سے کتوں کا خاتمہ کیا جائے گا‘ مئیر کراچی

    میئر کراچی کا کہنا تھا کہ ہم جانتے ہیں کراچی میں بے شمار مسائل ہیں لیکن انہیں حل بھی کررہے ہیں، پانی وسیوریج کے مسائل نے شہریوں کی زندگی مشکل کردی، سندھ حکومت نے کبھی کراچی کا نہیں سوچا، شہر کو ہمیشہ محرومیوں میں رکھا جاتا ہے۔

    ووٹ کی طاقت سے شہر کی بہتری کے لیےکام کررہے ہیں، مئیر کراچی

    ان کا مزید کہنا تھا کہ شہریوں سے اپیل ہے کہ وہ سڑکوں، گلیوں اور علاقے کی ترقی میں اپنا کردار ادا کریں، سڑکوں پر خود کچرا پھینکیں اور نہ ہی کسی کو پھینکنے دیں، یہ شہر ہمارا ہے اس کی سفائی ستھرائی کا خیال شہریوں کو بھی رکھنا چاہیے، امید ہے تمام مسائل جلد از جلد حل کر لیے جائیں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • میئر اسلام آباد کی بطور چیئرمین سی ڈی اے تعیناتی کالعدم قرار

    میئر اسلام آباد کی بطور چیئرمین سی ڈی اے تعیناتی کالعدم قرار

    اسلام آباد: اسلام آباد ہائیکورٹ نے وفاقی دارالحکومت کے میئر شیخ انصر عزیز کی بطور چیئرمین سی ڈی اے تعیناتی کالعدم قرار دیتے ہوئے تحریری فیصلہ جاری کردیا۔

    تفصیلات کے مطابق اسلام آباد ہائیکورٹ نے میئر اسلام آباد کی بطور چیئرمین سی ڈی اے تقرری کیس کا تحریری فیصلہ جاری کردیا۔

    فیصلے کے تحت شیخ انصر عزیز کی بطور چیئرمین سی ڈی اے تعیناتی کالعدم قرار دے دی۔ فیصلہ اسلام آباد ہائیکورٹ کے جسٹس اطہر من اللہ نے جاری کیا۔

    فیصلے کے مطابق شیخ انصر کی تعیناتی سپریم کورٹ کے فیصلے کی خلاف ورزی ہے۔ عدالت کا کہنا ہے کہ سی ڈی اے کے بورڈ ممبرز تعینات کیے جائیں۔ 45 دن میں سی ڈی اے کا نیا چیئرمین 5 سال کے لیے تعینات کیا جائے۔

    عدالت کا کہنا تھا کہ شیخ انصر کے بطور چیئرمین سی ڈی اے فیصلے برقرار رہیں گے۔ سنہ 1960 کے آرڈیننس کے مطابق سی ڈی اے خود مختار ادارہ ہے۔ آرڈیننس میں سی ڈی اے چیئرمین اور بورڈ کو بھی خود مختاری دی گئی ہے۔

    فیصلے میں مزید کہا گیا کہ وفاق سی ڈی اے کی ہر طرح کی مدد کرنے کا پابند ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ذوالفقار آباد آئل ٹرمینل فعال ہونے سے ٹریفک حادثات میں کمی ہوگی، میئرکراچی

    ذوالفقار آباد آئل ٹرمینل فعال ہونے سے ٹریفک حادثات میں کمی ہوگی، میئرکراچی

    کراچی: وسیم اختر نے کہا ہے کہ ذوالفقار آئل ٹینکر پارکنگ ٹرمینل فعال ہونے سے شہر کی سڑکوں پر یفک کا دباؤ کم ہوگا اور حادثات میں بھی نمایاں کمی ہوگی۔

    ذوالفقار آباد آئل ٹینکرز  پارکنگ ٹرمینل کی افتتاحی تقریب کے موقع پر خطاب کرتے ہوئے میئر کراچی  نے کہا کہ ذوالفقار  آباد آئل ٹینکرز ٹرمینل میں تمام تعمیرات نقشے کے مطابق کی جائیں گی۔

    انہوں نے کہا کہ شہر کی بہتری اور سڑکوں پر ٹریفک رواں دواں رکھنے کے لیے ہم سب کو مل کر کام کرنا ہوگا، اب شہر میں مختلف مقامات پر کھڑے ہونے والے آئل ٹینکرز ذوالفقار آباد پارکنگ ٹرمینل منتقل کیے جائیں گے۔

    اس موقع ٹرانسپورٹرز سپریم کورٹ  کے صدر کپیٹن ریٹائرڈ آصف محمود نے پارکنگ ٹرمینل پر مختلف سہولیات کی عدم فراہمی پر میئر کراچی سے شکایت کرتے ہوئے کہا کہ ٹرمینل میں تمام ضروری سہولیات فراہم کی جائیں۔

    شیریں جناح کالونی سے بے دخل کیے جانے والے دکانداروں کی ایسوسی ایشن کے صدر محمد خان ترین اور سیکریٹری راجہ شکور نے کہا کہ سپریم کورٹ کی ہدایت کے باوجود ذوالفقار آباد آئل ٹرمینل میں دکانوں کے لیے جگہ مختص نہیں کی گئی۔

    ذوالفقار آباد ٹرمینل کی جگہ دو سو ایکڑ پر محیط ہے جس میں تین ہزار آئل ٹینکرز کے کھڑے ہونے کی گنجائش ہے جبکہ یہاں پولیس چوکی، مختلف دکانیں، فائر بریگیڈ آفس، مساجد، ہوٹل اور ڈرائیورز کے قیام کے لیے جگہ مختص کی گئی ہے۔

  • پی ٹی آئی نے میئرکراچی کی تقریب حلف برداری روکنے کیلئے پٹیشن دائرکردی

    پی ٹی آئی نے میئرکراچی کی تقریب حلف برداری روکنے کیلئے پٹیشن دائرکردی

    کراچی: پاکستان تحریک انصاف نے کراچی کے نو منتخب میئر کو حلف برداری سے روکنے کیلئے پٹیشن دائرکردی۔

    تفصیلات کے مطابق پی ٹی آئی کے رہنما فیصل واوڈا کراچی کے نو منتخب میئر وسیم اخترکیخلاف خم ٹھونک کر میدان میں آگئے ہیں۔

    انہوں نے نو منتخب میئرکراچی کیخلاف پٹییشن سندھ ہائیکورٹ میں داخل کروادی ہے، درخواست میں وسیم اختر کیخلاف سنگین نوعیت کے الزامات عائد کیے گئے ہیں۔


    Faisal Vawda goes against Waseem Akhter's… by arynews

    انہوں نے درخواست میں وسیم اختراورالیکشن کمیشن کو فریق بناتے ہوئے مؤقف اختیار کیا ہے کہ وسیم اختر سانحہ 12 مئی سمیت بغاوت، سہولت کاری اور دہشت گردی کے 30 سے زائد مقدمات میں ملوث ہیں جو کہ انسداد دہشت گردی کورٹ میں زیرسماعت ہیں۔

    ان کا کہنا ہے کہ وسیم اختر جیل میں ہیں اور جب تک ان سے تعتیش مکمل نہیں ہوجاتی اوروہ بے گناہ ثابت نہیں ہوجاتے لہذا عدالت سے استدعا ہے کہ تب تک حلف برداری کی تقریب کو روک دیا جائے اور وسیم اختر کو بحیثیت میئر کراچی کا حلف نہ لینے دیا جائے۔

    ذرائع کے مطابق یہ امید ظاہر کی جارہی ہے کہ اس پٹیشن پر کل سماعت بھی کی جائے گی۔