کراچی : میئرلند ن صادق خان نے مزارقائد پر حاضری دی ، پھول چڑھائے اور فاتحہ خوانی کی اور کہا کہ لندن سب کے لیئے کھلا ہے سیاحت تعلیم سے استفادہ حاصل کیا جاسکتاہے۔
تفصیلات کے مطابق میئرلندن صادق خان کراچی پہنچے اور مزارقائد پر حاضری دی ، پھول چڑھائے اور فاتحہ خوانی کی جبکہ مہمانوں کی کتاب میں اپنے تاثرات قلمبند کئے۔
اس موقع پر میڈیا سے گفتگو کرتے ہوئے میئر لندن صادق خان کا کہنا تھا کہ کراچی آمد پر فخر محسوس کررہاہوں ، لندن میں تعلیم، کاروبار اور سیاحت کیلئے آپ کو خوش آمدید کہتا ہے۔
صادق خان نے کہا کہ لندن سب کے لیئے کھلا ہے وہاں پاکستانیوں کے لیئے ملازمتوں ،کاروبارتجارت ،سیاحت اور تعلیم کے بہترین مواقع موجود ہیں۔ 
میئر لندن نے مزید کہا کہ لندن میں ہندو،سکھ،مسلم ہر رنگ ونسل کے لوگ رہتے ہیں، ہمیں آئندہ 70سالوں کیلئے مل کر کام کرنے کی ضرورت ہے۔
کراچی میں دورے کے دوران میئر لندن گورنرسندھ اوروزیراعلیٰ سندھ سے بھی ملاقات کریں گے جبکہ برطانوی ڈپٹی ہائی کمیشن کی جانب سے میئرلندن کے اعزازمیں استقبالیہ دیا جائے گا۔
کراچی آمد سے قبل میئر لندن کا کہنا تھا کہ پاکستان میں مجھے بے انتہا پیار ملا ہے، کراچی پاکستان کا انتہائی اہم شہر ہے، اس کا دورہ کرکے خوشی ہوگی۔
اس سے قبل میئر لندن صادق نے وزیراعظم شاہدخاقان عباسی، وزیرخارجہ خواجہ آصف اور میئر کراچی سے ملاقاتیں کیں ، جس میں میئرلندن کوعلاقائی، معاشی میدان میں پاکستانی کامیابیوں سےآگاہ کیاگیا جبکہ صادق خان نے دونوں ممالک میں مختلف شعبوں میں تعاون بڑھانے پر زور دیا۔
وزیراعظم شاہدخاقان عباسی کا کہنا تھا کہ ہرپاکستانی کوصادق خان کےلندن میئرمنتخب ہونےپرفخر ہے، پاکستان برطانیہ کے ساتھ قریبی تعلقات کو اہمیت دیتا ہے۔
میئرکراچی وسیم اختر کا کہنا تھا کہ صادق خان کی لندن از اوپن مہم میں بھرپورتعاون کیاجائےگا، کاروباری شعبےمیں دونوں شہروں میں تعلقات مزید مستحکم ہونگے۔
واضح رہے کہ 2 روز قبل میئر لندن صادق خان 9 رکنی وفد کے ساتھ بھارت سے براستہ واہگہ بارڈرلاہور پہنچے تھے ، مئیر لاہور مبشر جاوید اوربرطانوی ہائی کمشنر تھامس انڈریو نےاستقبال کیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
