ARYNews.tv | Urdu – Har Lamha Bakhabar

Tag: mecca

  • سعودی عرب: مکہ مکرمہ سے 6 غیر ملکی گرفتار

    سعودی عرب: مکہ مکرمہ سے 6 غیر ملکی گرفتار

    سعودی عرب مکہ مکرمہ میں پولیس نے ایک عوامی مقام پر اجتماعی جھگڑے میں ملوث چھ غیرملکیوں کو حراست میں لے لیا۔

    سعودی خبر رساں ادارے کی رپورٹ کے مطابق محکمہ امن عامہ کے بیان میں بتایا گیا ہے کہ ایک وائرل ویڈیو میں دیکھا جاسکتا ہے کہ پاکستانی اور بنگلہ دیشی شہری کسی تنازع پر جھگڑا کررہے تھے۔

    رپورٹس کے مطابق مکہ مکرمہ سے زیر حراست ملزمان کو ابتدائی قانونی کارروائی کے بعد پبلک پراسیکوشن کے حوالے کردیا گیا۔

    علاوہ ازیں قصیم ریجن میں پولیس نے جنرل ڈیپارٹمنٹ آف کمیونٹی سکیورٹی اینڈ کامبیٹنگ ہیومن ٹریفکنگ کرائمز کے تعاون سے ایک خاتون کو ہراساں کرنے کے الزام میں غیرملکی کو گرفتار کیا ہے۔

    بیان کے مطابق یمنی باشندے صادق سعید فرحان کو ابتدائی قانونی کارروائی کے بعد پبلک پراسیکیوشن کے حوالے کردیا گیا۔

    اس سے قبل سعودی عرب میں سکیورٹی حکام کی جانب سے ریاض اور حائل سے منشیات کی اسمگلنگ میں ملوث کریمنل گینگ کے 37 ارکان کو حراست میں لے لیا گیا تھا۔

    سعودی خبر رساں ادارے کی رپورٹ کے مطابق وزارت داخلہ کے سرکاری ذرائع کا اس حوالے سے کہنا ہے کہ گرفتار شدگان میں وزارت داخلہ کے 6 ملازمین شامل ہیں۔

    رپورٹس کے مطابق زیر حراست افراد میں 28 سعودی، 5 شامی، دو ایتھوپین، اور دو یمنی شہری شامل ہیں، جو نشہ آور اشیا اور منشیات کے حصول اور اسمگلنگ میں ملوث پائے گئے۔

    سعودی عرب: سنگین جرم میں دو غیر ملکیوں کو سزائے موت

    اس کے علاوہ سعودی شہریوں میں وزارت دفاع اور وزارت نیشنل گارڈ کے دو، دو جبکہ وزارت داخلہ اور وزارت صحت کا ایک اہلکار شامل ہے۔

    وزارت داخلہ کی جانب سے حراست میں لئے گئے افراد کو ضروری قانونی کارروائی کے بعد پبلک پراسیکوشن کے حوالے کردیا گیا ہے۔

    بیان کے مطابق سکیورٹی ایجنسیاں منشیات کے ذریعے مملکت اور اس کے نوجوانوں کو ہدف بنانے کی تمام مجرمانہ سازشوں کے خلاف چوکس ہیں۔

  • سعودی عرب : مکہ مکرمہ میں آج سے داخلہ ممنوع

    سعودی عرب : مکہ مکرمہ میں آج سے داخلہ ممنوع

    ریاض : سعودی عرب کی حکومت نے اجازت نامے کے بغیر مکہ مکرمہ میں داخلہ ممنوع قرار دے دیا، صرف حج کیلیے آنے والے اس پابندی سے مستثنیٰ ہوں گے۔

    سعودی عرب میں جی اے سی اے کی جانب سے تمام غیر ملکیوں کیلیے خصوصی ہدایت نامہ جاری کیا گیا ہے جس میں کہا گیا ہے کہ تمام ایئر لائنز مسافروں کی دستاویزات اور ٹکٹ کی درست تصدیق یقینی بنائی جائے۔

    ہدایت نامے کے مطابق ٹرانزٹ ویزا رکھنے والے صرف کنفرم ٹکٹ اور واضح سفر کے ساتھ ہی آمد و رفت کرسکتے ہیں۔ بغیر حج ویزا یا اجازت نامہ کے مکہ مکرمہ میں داخلہ ممنوع قرار دیا گیا ہے۔

    23اپریل سے 10جون 2025 تک صرف حج ویزا ہولڈرز کو مکہ مکرمہ میں داخلے کی اجازت ہوگی اس کے علاوہ عمرہ، وزٹ ویزا یا سیاحتی ویزا ہولڈرز مکہ مکرمہ میں داخل یا قیام نہیں کر سکتے۔

    تمام ایئر لائنزکو تنبیہ جاری کی گئی ہے کہ اس حوالے سے بورڈنگ گیٹس پر واضح ہدایات لگائیں اور اعلانات کریں، سعودی عرب کی تمام ایئرلائنز کو جی اے سی اے کی ان ہدایات پر عمل درآمد اور اس کی مکمل پابندی کرنے کا کہا گیا ہے۔

    سعودی عرب میں وزارتِ حج و عمرہ نے’ایکس‘ پلیٹ فارم پر جاری ایک بیان میں اس بات پر زور دیا ہے کہ حج 2025 کی سعادت حاصل کرنے کے خواہش مند افراد کے لیے ضروری ہے کہ وہ ’نسک‘ پلیٹ فارم کے ذریعے حج کا اجازت نامہ حاصل کریں۔

    قبل ازیں سعودی ذرائع ابلاغ کی رپورٹ کے مطابق مکہ مکرمہ میں پرمٹ کے بغیر داخلے پر منگل اور بدھ کی درمیانی شب پابندی عائد کردی گئی ہے، جن غیرملکیوں کے اقامے مکہ مکرمہ شہر سے جاری ہوئے ہیں وہ اس پابندی سے مستثنی ہوں گے۔

    یاد رہے کہ مکہ پرمٹ کے لیے وزارت داخلہ نے ابشر اور مقیم پلیٹ فارم پر ’تصریح پورٹل‘ لانچ کیا ہے جس کے ذریعے پرمٹ جاری کرایا جاسکتا ہے۔

    ہر سال حج سیزن کی وجہ سے مکہ مکرمہ میں عازمین حج کی سلامتی اور ان کی سہولت کے لیے عام افراد کے مکہ مکرمہ داخلے پر پابندی عائد کی جاتی ہے تاکہ شہر میں لوگوں کا غیرضروری ازدہام نہ ہونے دیا جائے۔

  • سعودی عرب: زائرین کو مسجد الحرام تک پہنچانے کے لیے اہم اقدام

    سعودی عرب: زائرین کو مسجد الحرام تک پہنچانے کے لیے اہم اقدام

    سعودی وزارت حج و عمرہ کا کہنا ہے کہ ’زائرین کو ایئرپورٹس، بندرگاہوں اور بری سرحدی چوکیوں سے مسجد الحرام تک پہنچانے کے لیے متعدد راستے اور ٹرانسپورٹ وسائل کو استعمال میں لایا جارہا ہے۔

    بین الاقوامی خبر رساں ادارے کی رپورٹ کے مطابق وزارت کا اس حوالے سے کہنا ہے کہ راستوں اور ٹرانسپورٹ وسائل میں تنوع کے باوجود سب کی منزل ایک ہوتی ہے۔ آسانی و اطمینان کے ساتھ زائرین کو مسجد الحرام تک پہنچانے کا عمل انجام دیا جاتا ہے۔

    وزارت حج نے کنگ عبدالعزیز انٹرنیشنل ایئرپورٹ جدہ سے مکہ مکرمہ پہنچانے والے راستوں کا تعارف کرایا۔

    مکہ مکرمہ کلاک ٹاور کے عجائب گھر میں کیا کچھ موجود ہے؟

    وزارت کا اس حوالے سے کہنا تھا کہ جدہ ایئرپورٹ سے زائرین حرمین ایکسپریس ٹرین، پرائیویٹ گاڑی، ٹرانسپورٹ کی منظور شدہ ایپس، ٹیکسیوں اور عمرہ بسوں کے ذریعے مکہ مکرمہ کے لیے سفر طے کرتے ہیں۔

  • بارش کے بعد ہریالی، مکہ کے پہاڑوں‌ پر پرندوں‌ کی تصاویر وائرل

    مکہ: بارش کے بعد مکہ کے پہاڑوں پر ہریالی چھا گئی ہے، اور پہاڑوں‌ پر خوب صورت پرندوں‌ نے بھی بسیرا کر لیا ہے، جس کی تصاویر سوشل میڈیا پر وائرل ہو گئی ہیں۔

    تفصیلات کے مطابق سعودی عرب میں گزشتہ ہفتوں کے دوران مسلسل بارش کے باعث مکہ مکرمہ کے پہاڑ سبزہ زاروں اور وادیاں پرکشش نخلستانوں میں تبدیل ہو گئی ہیں۔

    ہریالی بڑھتے ہی پرندے بھی مکہ کے آسمان پر نظر آنے لگے ہیں، اس سلسلے میں ایک سعودی سعودی فوٹو گرافر منصور الحربی کی تصاویر ٹوئٹر پر وائرل ہوئی ہیں۔

    العربیہ نیٹ کے مطابق انھوں نے مکہ مکرمہ کے آسمان پر پرندوں کے جھنڈ کی تصاویر اور ویڈیو بنا کر سوشل میڈیا پر شیئر کی، تو دیکھتے ہی دیکھتے وائرل ہو گئیں۔

    روئے زمین کا سب سے پاکیزہ حصہ سر سبز و شاداب ہو گیا (ویڈیوز)

    منصورالحربی کا کہنا ہے کہ وہ مکہ مکرمہ ریجن میں نظر آنے والے قدرتی مناظر کی عکاسی کے لیے گھر سے نکلے تھے، مکہ کے شمال میں واقع الجموم سے گزرتے ہوئے جب نظر آسمان کی جانب گئی تو وہاں البلشون (بگلوں) کے جھنڈ خوب صورت شکل میں اڑتے ہوئے نظر آئے۔

    واضح رہے کہ یہ پرندے نقل مکانی کر کے مکہ کے پہاڑوں پر پہنچے ہیں۔

  • روئے زمین کا سب سے پاکیزہ حصہ سر سبز و شاداب ہو گیا (ویڈیوز)

    ریاض: روئے زمین کا سب سے پاکیزہ حصہ مکہ مکرمہ سر سبز اور شاداب ہو گیا ہے۔

    عرب میڈیا رپورٹس کے مطابق گزشتہ دسمبر میں والی موسلادھار بارش کے باعث مکہ مکرمہ کے پہاڑ، وادیاں اور گھاٹیاں سرسبز اور شاداب ہو گئی ہیں۔

    مکہ کے پہاڑوں اور صحرائی علاقے میں حد نگاہ ہریالی نظر آ رہی ہے، مسلسل بارش کے باعث مکہ مکرمہ کے پہاڑ اور وادیاں خوب صورتی کا منظر پیش کرنے لگی ہیں۔

    رپورٹس کے مطابق سعودی عرب میں صحرا کے کچھ حصوں میں ہفتوں کی بارش اور سیلاب کے بعد اچانک گھاس اور پودے اگ آئے ہیں، اس سے قبل شدید بارشوں سے مکہ اور دیگر علاقے بری طرح سیلاب میں ڈوب گئے۔

    سوشل میڈیا پر شیئر کی جانے والی ویڈیوز میں مقدس شہر کے اردگرد پہاڑی علاقے کو سبزہ زاروں اور پودوں سے ڈھکا دیکھا جا سکتا ہے، جہاں عام حالات میں بالکل ہریالی نہیں ہوتی۔

  • عمرہ زائرین کی تعداد میں اضافہ، تجارتی مراکز میں رونق

    عمرہ زائرین کی تعداد میں اضافہ، تجارتی مراکز میں رونق

    ریاض: گزشتہ کچھ روز میں عمرے کے لیے سعودی عرب آنے والے زائرین کی تعداد میں اضافہ ہوا ہے جس کے بعد تجارتی مراکز کی رونقیں بڑھ گئیں۔

    اردو نیوز کے مطابق سعودی عرب آنے والے عمرہ زائرین کی تعداد میں اضافے کے باعث مکہ مکرمہ کے تجارتی مراکز کی رونقیں بڑھ گئی ہیں۔

    مسجد الحرام کے اطراف واقع مالز، تجارتی مراکز اور دکانوں میں پہلے سے زیادہ چہل پہل ہے۔

    علاوہ ازیں المسفلہ، اجیاد، الغزہ اور انفاق المحبس الجن محلوں میں غیر ملکی زائرین بڑی تعداد میں رہائش پذیر ہیں، مسجد الحرام کے علاقے میں ہوٹل ٹاورز میں واقع مالز میں بھی زائرین کی بڑی تعداد موجود ہے۔

    العزیزیہ محلے میں ہر طرف زائرین نظر آرہے ہیں، جی سی سی ممالک کے علاوہ کئی عرب ملکوں کے زائرین بڑی تعداد میں عمرے کے لیے پہنچے ہوئے ہیں۔

    ایک تجارتی مرکز کے ذمہ دار فرید محمد نے بتایا کہ غیر ملکی زائرین اپنے عزیزوں کے لیے تحائف، قالین، مصنوعی زیور اور ضرورت کا سامان خرید رہے ہیں، ملبوسات اور زیورات کی خریداری میں بھی دلچسپی لے رہے ہیں۔

    فرید محمد نے بتایا کہ تجارتی مراکز کے مالکان زائرین کی آمد سے خوش ہیں اور وہ زائرین کے خیر مقدم کی تیاریاں پہلے سے کیے ہوئے تھے۔

  • زائرین کی سہولت کے لیے مکہ مکرمہ میں میگا منصوبہ

    زائرین کی سہولت کے لیے مکہ مکرمہ میں میگا منصوبہ

    ریاض: سعودی عرب کے مقدس شہر مکہ مکرمہ میں 7 نئے ہوٹل ٹاورز تعمیر کیے جائیں گے تاکہ زائرین کی تعداد اور انہیں فراہم کردہ سہولیات میں اضافہ کیا جاسکے۔

    اردو نیوز کے مطابق سعودی عرب میں ام القریٰ تعمیراتی و ترقیاتی کمپنی نے مکہ مکرمہ میں مسار فرنٹ میگا پروجیکٹ کے تحت 7 ارب ریال سے زیادہ کی لاگت سے 7 ہوٹل ٹاور قائم کرنے کا اعلان کیا ہے۔

    یہ مکہ مکرمہ میں ام القریٰ کمپنی کے ہوٹل منصوبوں کا پہلا مرحلہ ہے۔

    یہ کمپنی مسجد الحرام کے صحنوں سے 500 میٹر کے فاصلے پر اس علاقے میں نئے ہوٹل تعمیر کرے گی جسے حرم مکی کا مرکزی علاقہ کہا جاتا ہے۔

    منصوبے میں 43 ہزار مربع میٹر سے زیادہ کے پلاٹ پر ایک میگا مال بھی تعمیر کیا جائے گا جبکہ بس شٹل سروس سٹیشن بھی بنے گا۔

    کمپنی کے ایگزیکٹو چیئرمین یاسر ابو عتیق کا کہنا ہے کہ مسار میگا پروجیکٹ مستقبل میں مقدس شہر آنے والوں کو متعدد آپشن فراہم کرے گا۔

    انہوں نے کہا کہ مسار فرنٹ مکمل ہونے پر قابل دید عصری مرکز بن جائے گا، اس سے مکہ مکرمہ کے شہریوں اور زائرین دونوں کو عصری سہولتیں میسر آئیں گی۔

    چیئرمین کے مطابق یہ منصوبہ سعودی وژن 2030 کے اہداف کی تکمیل اور مکہ مکرمہ میں زائرین کی تعداد 30 ملین تک پہنچانے کے ہدف میں معاون بنے گا۔

  • سعودی عرب: حج و عمرہ کے لیے آنے والدین کے لیے بچوں کی نرسری کا منصوبہ

    سعودی عرب: حج و عمرہ کے لیے آنے والدین کے لیے بچوں کی نرسری کا منصوبہ

    ریاض: سعودی عرب کے مکہ کلاک رائل ٹاور میں بچوں کے لیے نرسری کھولی جائے گی جس کا مقصد یہ ہے کہ وہاں قیام کرنے والے والدین اپنے بچوں کو نرسری میں چھوڑ کر اطمینان سے عبادات کرسکیں۔

    اردو نیوز کے مطابق سعودی عرب میں مکہ کلاک رائل ٹاور میں فیئر ماؤنٹ ہوٹل کے سی ای او کا کہنا ہے کہ ہوٹل میں رہنے والے عازمین حج اور عمرہ زائرین آئندہ رمضان 2023 سے بچوں کی دیکھ بھال کی سہولتوں سے فائدہ اٹھا سکیں گے۔

    عبد العزیز الموسیٰ کا کہنا ہے کہ فیئر ماؤنٹ ہوٹل عازمین حج اور عمرہ زائرین کے بچوں کی دیکھ بھال کے لیے ایک نرسری بنائے گا۔

    انہوں نے کہا کہ پہلا مرحلہ اگلے سال شروع کیا جائے گا، ہوٹل میں 150 بچوں کی دیکھ بھال کی گنجائش ہوگی، دوسرا مرحلہ 2024 کے وسط میں شروع کیا جائے گا جب اس کی گنجائش 300 سے 500 بچوں تک بڑھ جائے گی۔

    سی ای او کا کہنا ہے کہ اس انیشی ایٹو کی ضرورت ہے کیونکہ اس سے عازمین حج اور عمرہ زائرین اطمینان سے عبادت کر سکیں گے اور انہیں علم ہوگا کہ ان کے بچوں کی دیکھ بھال کی جا رہی ہے۔

    انہوں نے کہا کہ نرسری میں بچوں کا خیال رکھا جائے گا اور انہیں ان عبادات کے بارے میں بھی تعلیم دی جائے گی جو ان کے والدین انجام دے رہے تھے۔

    عبد العزیز الموسیٰ کا کہنا ہے کہ ہائی ٹیک بریسلیٹ والدین کو اپنے بچوں کے بارے میں جاننے کی سہولت دے گا اور کیمرے بچوں کی دیکھ بھال کی سہولتوں کی نگرانی کریں گے۔

  • غار حرا کے قریب جدید ٹیکنالوجی کی مدد سے نزول وحی سے متعلق نمائش

    غار حرا کے قریب جدید ٹیکنالوجی کی مدد سے نزول وحی سے متعلق نمائش

    ریاض: سعودی عرب کے اہم مقدس شہر مکہ مکرمہ میں غار حرا کے قریب حرا کلچرل ڈسٹرکٹ ون کے نام سے نیا زون قائم کر دیا گیا جہاں نزول وحی سے متعلق نمائش کا اہتمام کیا گیا ہے۔

    اردو نیوز کے مطابق سعودی حکومت نے مکہ مکرمہ میں غار حرا کے قریب حرا کلچرل ڈسٹرکٹ ون کے نام سے نیا زون قائم کر دیا ہے، مکہ مکرمہ اور مشاعر مقدسہ رائل کمیشن حرا کلچرل ڈسٹرکٹ کا نگران ہے۔

    حرا ڈسٹرکٹ 67 ہزار مربع میٹر سے زائد رقبے پر قائم کیا گیا ہے جس میں زائرین کے لیے مرکز بھی قائم کیا گیا ہے جبکہ غار حرا جانے والی سڑک، قرآن کریم عجائب گھر اور وحی کے موضوع پر نمائش گاہ کا اہتمام بھی کیا گیا ہے۔

    حرا کلچرل ڈسٹرکٹ نے اپنے ٹویٹ میں کہا کہ غار حرا کی سب بڑی پہچان اولین نزول وحی کا مقام ہے۔

    وحی نمائش گاہ میں پیغمبروں پر وحی نازل ہونے کا قصہ بیان کیا گیا ہے، پیغمبر اسلام محمد ﷺ پر وحی کے نزول کو خاص طور پر اجاگر کیا گیا ہے۔ علاوہ ازیں وحی سے جڑے ہوئے عناصر غار حرا، ام المومنین حضرت خدیجہؓ اور جبرائیل علیہ السلام کا تعارف دلکش انداز میں پیش کیا گیا ہے۔

    حرا کلچرل ڈسٹرکٹ کا دوسرا اہم مقام القرآن الکریم عجائب گھر ہے جس میں جدید ٹیکنالوجی کی مدد سے قرآن کریم کا خوبصورت تعارف دیا گیا ہے، کتاب اللہ کے قلمی نسخوں کو پرکشش انداز میں دکھایا گیا ہے۔

    ڈسٹرکٹ میں ریستوان اور قہوہ خانے بھی کھولے گئے ہیں جہاں زائرین کے لیے ملکی اور بین الاقوامی لذیذ کھانوں اور مشروبات کا انتظام ہے، غار حرا کی پہچان اجاگر کرنے والے تحائف اور یادگاری اشیا فروخت کرنے والی دکانیں بھی قائم کی گئی ہیں۔

  • دی لائن سٹی میں سب سے پہلے مکان بک کرواؤں گا: گورنر مکہ

    دی لائن سٹی میں سب سے پہلے مکان بک کرواؤں گا: گورنر مکہ

    ریاض: مکہ مکرمہ کے گورنر شہزادہ خالد الفیصل کا کہنا ہے کہ دی لائن سٹی میں وہ سب سے پہلے مکان بک کروائیں گے، اس منصوبے میں 90 لاکھ کی آبادی بسائی جائے گی۔

    سعودی ویب سائٹ کے مطابق مکہ کے گورنر شہزادہ خالد الفیصل نے جدہ سپر ڈوم میں منعقد دی لائن سٹی نمائش کا دورہ کیا، یہ نمائش یکم اگست سے شروع ہوئی تھی اور 14 اگست تک جاری رہے گی۔

    گورنر مکہ کا کہنا تھا کہ دی لائن سٹی میں سب سے پہلے مکان بک کرواؤں گا۔

    انہوں نے کہا کہ یہ سٹی 34 مربع کلو میٹر ہے، اس کی چوڑائی 200 میٹر اور مجموعی لمبائی 170 کلومیٹر ہوگی۔

    گورنر کا کہنا تھا کہ دی لائن سٹی سطح سمندر سے 500 میٹر اونچی ہوگی اور اس میں کل 90 لاکھ کی آبادی ہوگی، مستقبل کا منصوبہ اس سے پہلے کبھی نہیں ہوا، یہ اپنی نوعیت کے اعتبار سے بہت منفرد ہے۔