ARYNews.tv | Urdu – Har Lamha Bakhabar

Tag: mecca

  • سعودی عرب اور قطر کے تعلقات بہتری کی جانب گامزن

    سعودی عرب اور قطر کے تعلقات بہتری کی جانب گامزن

    دوحا : سعودی عرب اور قطر کے درمیان برف پگھلنے لگی‘ سعودی فرماں روا شاہ سلمان بن عبدالعزیز نے مکہ میں 30 مئی کو طلب کیے گئے خلیجی ممالک اور عرب لیگ کے اجلاس میں شرکت کے لیے امیر قطر کو بھی دعوت نامہ بھیج دیا۔

    بین الاقوامی خبر رساں ادارے کے مطابق قطر کی وزارت خارجہ نے سعودی عرب کی جانب سے 30 مئی کو مکہ میں ہونے والے خلیجی تعاون کونسل گلف کے ہنگامی اجلاس کا دعوت نامہ موصول ہونے کی تصدیق کی ہے جب کہ ایک ہفتہ قبل قطر نے دعوت نامہ ملنے کی تردید کی تھی۔

    قطر ی وزارت خارجہ کا کہنا تھا کہ اتوار کو سعودی وزارت خارجہ کی حکام سے ہونے والی ملاقات میں سعودی فرمانروا سلمان بن عبد العزیز کا قطر کے امیر تمیم بن حمد الثانی کے لیے تحریری پیغام دیا گیا جس میں 30 مئی کو مکہ میں اجلاس میں شرکت کی دعوت دی گئی۔

    غیر ملکی خبر رساں ادارے کا کہنا تھا کہ گزشتہ 2 برس سے قطر اور دیگر عرب ممالک کے درمیان کشیدگی جاری ہے اور سعودی عرب سمیت 6 عرب ممالک نے جون 2017ءکو قطر سے سفارتی تعلقات ختم کرنے کا اعلان کرتے ہوئے قطر پر اخوان المسلمون کے سمیت دولتِ اسلامیہ اور دیگر شدت پسند تنظیموں کی حمایت کا الزام عائد کیا تھا۔

    واضح رہے کہ 19 مئی کو سعودی فرماں روا شاہ سلمان نے مشرق وسطیٰ میں سعودیہ عرب کی تیل کی تنصیبات پر حملے سے پیدا ہونے والے تناﺅ پر مکہ میں 2 اہم اجلاس منعقد کرنے کا اعلان کیا تھا جس میں خطے میں پیدا ہونے والے تناو¿ اور سیکیورٹی مسائل پر تبادلہ خیال کیا جائے گا اور مشترکہ لائحہ عمل طے کیا جائے گا۔

  • ماہ صیام کے دوران مکہ سیکرٹریٹ میں 11 ہزار ملازمین 876 آلات کے ساتھ مامور

    ماہ صیام کے دوران مکہ سیکرٹریٹ میں 11 ہزار ملازمین 876 آلات کے ساتھ مامور

    ریاض : سعودی حکام کی جانب سے ماہ صیام کے دوران مکہ معظمہ میں معتمرین کے قیام و طعام کے لیے 1100 ہوٹلوں کی خدمات فراہم کی گئی ہیں۔

    تفصیلات کے مطابق : مکہ معظمہ میں ماہ صیام کے موقع پر صحت وصفائی اور دیگر امور کے لیے 11 ہزار ملازمین کو 876 آلات کے ساتھ مامور کیا گیا ہے۔

    مقدس دارالحکومت کے سیکرٹری انجینیر محمد القویحص نے بتایا کہ مرکزی امور کی انجام دہی کے لیے فیلڈ کمیٹیاں تشکیل دی گئی ہیں جو پبلک مقامات پر حفظان صحت اور صفائی سمیت دیگر امور کی کڑی نگرانی کریں گی۔

    غیر ملکی میڈیا کا کہنا تھا کہ تمام ذبحہ خانوں کی صفائی کو یقینی بنانے کے لیے سخت مانیٹرنگ کی جائے گی۔ شہریوں کو معیاری گوشت کی فراہمی یقینی بنانے کے لیے پیش ور ویٹرنری ماہرین کی خدمات حاصل کی گئی ہیں۔

    عرب خبر رساں ادارے کا کہنا تھا کہ ماہ صیام کے موقع پر مکہ معظمہ میں معتمرین کی سلامتی اور حفاظت کے لیے فول پروف سیکیورٹی پلان ترتیب دیا گیا ہے۔

    مکہ معظمہ کے شہری دفاع کے ڈائریکٹر میجر جنرل سالم بن مرزوق المطرفی نے کہا کہ شہری دفاع کی تمام سیکیورٹی یونٹوں کو ماہ صیام کے دوران فعال اور متحرک رکھا جائے تاکہ معتمرین کی حفاظت اور ان کی مدد کو یقینی بنانے کے ساتھ کسی بھی حادثے سے فوری نمٹنے کی کوشش کی جاسکے۔

    انہوں نے کہا کہ مسجد حرام اور اس کے اطراف میں شہری دفاع کا چوکس عملہ ہمہ وقت اپنی ذمہ داریوں پر مامور ہوگا تاکہ مسجد میں بہت زیادہ رش کے اوقات میں نمازیوں اور معتمرین کو درپیش مشکلات میں ان کی مدد کی جاسکے۔

    درایں اثناء سعودی عرب میں رئیل اسٹیٹ سیکٹر کے مشیر اور سعودیہ میں مقیم شہریوں کی کمیٹی کے رکن فواز بدری نے ایک بیان میں بتایا کہ ماہ صیام کے دوران مکہ معظمہ میں معتمرین کے قیام و طعام کے لیے 1100 ہوٹلوں کی خدمات فراہم کی گئی ہیں۔

    انہوں نے بتایا کہ حالیہ ایام میں ہوٹلوں میں معتمرین کی طرف سے کمروں کی بکنگ میں غیر معمولی اضافہ دیکھنے میں آیا ہے۔ ان کا کہنا تھا کہ مسجد حرام سے کم سے کم فاصلے پر العزیزیہ، الششہ اور العتیبیہ کے مقامات پر ہوٹلوں اور رہائشی فلیٹوں میں کارپٹڈ، صاف ستھرے اور ہوادار کمرے دستیاب ہیں۔

    مقامی کاروباری شخصیت اور ہوٹلنگ کے امور کے ماہر عبدالحکیم الحمود نے بتایا کہ مکہ معظمہ میں ہوٹلوں میں ایک رات کے قیام کے لیے تین ستارہ ہوٹلوں میں 150 ریال سے 350 ریال تک اجرت مقرر کی گئی ہے۔ مسجد حرام کے قریب ترین ہوٹلوں میں ایک دن کے قیام کا کرایہ 1500 ریال ہے جب کہ پنج ستارہ ہوٹلوں میں ایک ماہ کا کرایہ 80 ہزار ریال ہے۔

  • سعودی عرب میں موسلادھار بارش، شہریوں کو احتیاطی تدابیر اختیار کرنے کی ہدایت

    سعودی عرب میں موسلادھار بارش، شہریوں کو احتیاطی تدابیر اختیار کرنے کی ہدایت

    مکہ: سعودی عرب میں موسلادھار بارش کا سلسلہ جاری ہے، تیز ہوا کے باعث شہریوں اور مقیم غیر ملکیوں کو احتیاطی تدابیر اختیار کرنے کی ہدایت کی گئی ہے۔

    تفصیلات کے مطابق سعودی عرب کے شہر مکہ مکرمہ اور گردونواح میں موسلادھار بارش کا سلسلہ جاری ہے، جبکہ تیز ہواؤں کے پیش نظر حکام نے شہریوں کو محتاط رہنے کی ہدایت کی ہے۔

    عرب میڈیا کے مطابق مکہ مکرمہ اور گرد ونواح میں گزشتہ 2 دن سے بارش کا سلسلہ جاری ہے، جدہ سمیت بحرہ، ذہبان، عسفان، ثول اور قرب وجوار کے دیگر علاقے گرد وغبار کی لپیٹ میں ہیں۔

    حکام نے شہریوں کو یہ بھی ہدایت کی گئی ہے کہ وہ پر خطر مقامات سے دور رہیں تاکہ کسی بھی قسم کے جانے نقصان سے بچا جاسکے۔

    سعودی عرب میں شدید بارشوں سے نظام زندگی معطل

    حکومتی اعلامیے کے مطابق جدہ سمیت دیگر علاقوں میں گرد وغبار کے طوفان کے ساتھ تیز ہوا ہے، تاہم سانس کے مریض گھروں تک محدود رہیں، گرد وغبار کا طوفان جاری رہے گا۔

    واضح رہے کہ سعودی عرب کے شہر مکہ میں ان دنوں تیز بارشوں کا سلسلہ جاری ہے، گذشتہ روز بھی شہر میں موسلادھار بارش ہوئی تھی۔

    خیال رہے کہ گذشتہ سال نومبر میں سعودی عرب کے مختلف علاقوں میں شدید بارشوں کے باعث نظام زندگی معطل ہوگئی تھی، موسلا دھار بارشوں کے باعث سڑکیں اور انڈر پاسز زیر آب آگئیں تھیں۔

  • سعودی عرب: بوڑھے اور معذور حجاج کے لیے اسکوٹرز کی شکل میں مفت شٹل سروس فراہم

    سعودی عرب: بوڑھے اور معذور حجاج کے لیے اسکوٹرز کی شکل میں مفت شٹل سروس فراہم

    مکہ: مسجد حرام کی انتظامیہ نے بوڑھے، مریض اور معذور حجاج کرام کی سہولت کے لیے اسکوٹرز کی شکل میں مفت شٹل سروس فراہم کردی ہے۔

    تفصیلات کے مطابق مسجد حرام میں ٹرانسپورٹ سروس کے ڈائریکٹر صالح محمد علی ہوساوی نے میڈیا کو بتایا کہ حرم شریف کی پہلی منزل کے میزانائن فلور کو ان برقی سواریوں کے ذریعے طواف اور سعی کرنے والوں کے لیے مختص کردیا گیا ہے۔

    میزانائن فلور پر ان اسکوٹرز کی تعداد سات سو بتائی گئی ہے جب کہ فری وہیکل سروس کے تحت تمام سواریوں کی مجموعی تعداد 8700 ہے، جو مسجد حرام کے تمام اطراف کے مخصوص پوائنٹس پر موجود ہوں گی۔

    شٹل سروس تک لوگوں کی آسان رسائی کے لیے مختلف مقامات پر کاؤنٹر بھی بنائے گئے ہیں جہاں سے زائرین کو شٹل سروس کے استعمال کے سلسلے میں معلومات مل سکتی ہیں۔

    انتظامیہ کے مطابق اسکوٹرز اسٹینڈز کے ساتھ QR کوڈ فراہم کیے گئے ہیں جنھیں اسکین کرکے روٹ اور متعلقہ نقشہ معلوم کیا جاسکتا ہے۔

    حرم شریف کے توسیعی حصے میں کام کے دوران کرین الٹ گئی

    خیال رہے کہ یہ سروس پہلی بار متعارف کرائی گئی ہے جس کے تحت بوڑھے اور مریض زائرین کو الشبیکہ کے علاقے سے شاہ فہد توسیع کے علاقے اور میزانائن فلور تک پہنچانے کی سروس فراہم کی جا رہی ہے۔

    ڈائریکٹر صالح محمد علی ہوساوی کے مطابق تین ہزار سے زائد سعودی نوجوانوں کو مختلف شفٹوں میں بھرتی کیا گیا ہے جو سواریوں کی وجہ سے پیدا ہونے والی رکاوٹوں سے بروقت نمٹیں گے۔

    خیال رہے کہ حرم شریف میں توسیعی کام بدستور جاری ہے، مسجد کے ایک حصے کو مزید توسیع دی جارہی ہے، جہاں آج کام کے دوران ایک کرین بھی گر گئی تھی جس میں کوئی جانی نقصان نہیں ہوا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • مسجد الحرام میں حملے کا منصوبہ ناکام‘ حملہ آور ہلاک

    مسجد الحرام میں حملے کا منصوبہ ناکام‘ حملہ آور ہلاک

    مکہ المکرمہ: سعودی عرب میں مسجد الحرام پر دہشت گردوں کا حملہ سیکورٹی فورسز نے ناکام بنادیا۔

    تفصیلات کےمطابق سعودی وزارت داخلہ کا کہناہےکہ حملہ آورمسجد الحرام میں دھماکے کی منصوبہ بندی کررہا تھاجسے سیکیورٹی اہلکاروں نے ناکام بنادیا ہے۔

    غیر ملکی خبر رساں ادارےدہشت گرد منصوبہ ناکام بنانے کے لیے سعودی سیکیورٹی اداروں نے مکہ مکرمہ میں پہلی کارروائی العسیلہ کالونی میں کی، جبکہ دوسرا آپریشن مسجد الحرام کے نواح میں اجیاد المصافی نامی کالونی میں کیا گیا۔

    اجیاد کالونی کے ایک مکان میں چھپے ایک خودکش بمبار نے سیکیورٹی اہلکاروں پر اس وقت فائرنگ کی جب اہلکاروں نے اسے وارننگ دی کہ وہ خود کو قانون کے حوالے کردے تو دہشت گرد نے حکم ماننے کے بجائے خود کو دھماکے سے اڑا لیا۔

    سعودی حکام کےمطابق اس واقعے میں 6 زائرین اور 5 سیکیورٹی اہلکاروں کو معمولی زخم آئے جبکہ ایک خاتون سمیت پانچ افراد کو حراست میں لے کر ان کے خلاف تحقیقات شروع کر دی گئی ہے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • پاک سعودی دوستی ایک مضبوط چٹان کی مانند ہے، سردار محمد یوسف

    پاک سعودی دوستی ایک مضبوط چٹان کی مانند ہے، سردار محمد یوسف

    مکہ مکرمہ : وفاقی وزیر مذہبی امور سردار محمد یوسف نے کہا ہے کہ پاک سعودی دوستی ایک مضبوط چٹان کی مانند ہے، ان خیالات کا اظہار انہوں نے مکہ مکرمہ میں سعودی وزیر مذہبی امور شیخ صالح آل الشیخ اے ملاقات کے موقع پر کیا۔

    تفصیلات کے مطابق وفاقی وزیر مذہبی امور سردار محمد یوسف نے مکہ مکرمہ میں سعودی وزیر مذہبی امور سے ملاقات کی۔

    ملاقات میں سردار محمد یوسف کا کہنا تھا کہ سعودی عرب نے مشکل کی ہر گھڑی میں پاکستان کا ساتھ دیا ہے، پاک سعودی دوستی ایک مضبوط چٹان کی مانند ہے۔انہوں نے خادم الحرمین شریفین شاہ سلمان بن عبدالعزیز کو حجاج کرام کیلئے قابل قدر خدمات پر خراج تحسین پیش کیا۔

    اس موقع پرسعودی وزیر شیخ صالح آل الشیخ نے کہا کہ خادم الحرمین الشریفین شاہ سلمان بن عبدالعزیز پاکستان سے خصوصی محبت رکھتے ہیں اورپاک سعودی تعلقات کو قدر کی نگاہ سے دیکھتے ہیں۔

    ان کا کہنا تھا کہ پاک سعودی تعلقات مزید مضبوطی کی طرف گامزن ہیں، اسلام دشمن قوتوں کو کھبی بھی اجازت نہیں دی جائے گی کہ وہ اسلامی ممالک میں تفرقہ بازی پھیلائیں۔

     

  • آج سورج عین خانہِ کعبہ کے اوپرہوگا

    آج سورج عین خانہِ کعبہ کے اوپرہوگا

    مکہ مکرمہ: آج سورج عین خانہِ کعبہ کے اوپرہوگا اس وقت دنیا بھرکے مسلمان اس موقع پرقبلے کی درست سمت کا تعین کرسکتے ہیں۔

    آج پاکستانی وقت کے مطابق دوپہردوبج کراٹھارہ منٹ پرخانہِ کعبہ اورمسجد الحرام میں موجود تمام چیزوں کا سایہ ختم ہوجائے گا اوردنیا بھرمیں سایوں کا رخ بیت اللہ شریف کی جانب ہو گا۔

    یہی وہ وقت ہے جب سورج خانہ کعبہ کے عین اوپر ہوگا اورمکہ مکرمہ سے باہردنیا بھرکے مسلمان اس موقع پر قبلہ کی درست سمت کا تعین کرسکتے ہیں۔

    سمت کا تعین کرنے کے لئے زمین میں ایک لمبی چھڑی گاڑھ دی جائے عین دوبجکراٹھارہ منٹ پراس کا سایہ مکہ مکرمہ کی جانب ہوگا جو قبلہ کی درست سمت ہوگی۔ سولہ جولائی کو دو بجکرچھبیس منٹ پربھی سورج بیت اللہ کے اوپرگزرے گا۔