جرمنی میں کار مکینک کا کام کرنے والا شخص اپنی ریاست کا بادشاہ ہے، سوشل میڈیا پر ویڈیو وائرل ہونے کے بعد لوگوں نے شدید حیرت کا اظہار کیا۔
ذرائع کے مطابق افریقہ کے ہوہو ئی قبیلے کا سربراہ مکینک کا کام کرکے اپنی روزمرہ کی ضروریات پوری کرتا ہے، یہ ایک ایسا بادشاہ ہے جسے اپنی سرزمین پر قدم رکھے تقریباً 50سال گزر چکے ہیں۔
سیفس بانسا نامی دراصل افریقی ملک کھانا کی خود مختارسرحدی علاقے میں رہائش پذیر ہوہوئی قبیلے کا سربراہ ہے، یہ عہدہ اسے اس کے دادا کی موت بعد ملا۔
اس قبیلے میں دولاکھ سے زائد مردو خواتین ہیں، جرمنی میں مقیم سیفس بانسا ٹیلی فون، فیکس اسکائپ اور ای میل کے ذریعے اپنے حکومتی امور انجام دیتا ہے۔
چھیاسٹھ سالہ سیفس بانسا سال1970 میں تعلیم کے حصول کیلئے جرمنی آیا تھا پھر وہ واپس اپنے قبیلے نہیں گیا کیونکہ اسے فنی تعلیم حاصل کرنے کا شوق تھا اسی مقصد کیلئے اس نے ایک کمپنی میں انٹرنس شپ پر کام شروع کیا۔
وہ اپنی سلطنت سے دور رہ کر اپنی رعایا کی ترقی و خوشحالی کیلئے احسن طریقے سے کام کررہا ہے، اسپتال اور نئی ایمبولینسوں کا انتظام ہو یا دریا پر پل کی تعمیر یہ سارے کام وہ آن لائن رہ کر بخوبی انجام دیتا ہے۔
