Tag: media talk

وزیراعلیٰ پنجاب حمزہ شہباز نے کہا ہے کہ عمران خان نے نفرت کی آگ پورے پاکستان میں پھیلا دی ہے، تم جہاں بھی دبک کر بیٹھے ہو آئین وقانون حرکت میں آئیگا۔

اے آر وائی نیوز کے مطابق وزیراعلیٰ پنجاب حمزہ شہباز نے لاہور میں نیوز کانفرنس کرتے ہوئے کہا کہ عمران خان نے نفرت کی آگ پورے پاکستان میں پھیلا دی ہے اور اپنے کارکنوں میں نفرت کا بیج بو دیا ہے، اتنی نفرت بھر دی ہے کہ گولی مارنے والے نے یہ بھی نہ دیکھا کہ یہ بھی بہادر پولیس اہلکار ہے۔

حمزہ شہباز نے کہا کہ کاسٹیبنل کے بیٹے کے آنسوؤں سے میرا دل چھلنی ہوگیا، میں شہید کے بیٹے کو دونوں ہاتھوں سے سلام پیش کرتا ہوں، میں انتقام نہیں لوں گا لیکن وہ کروں گا جو ایک پاکستانی کے ناطے مجھے کرنا چاہیے، سیاست کی آڑ میں انتشار پھیلانے سے پر قانون حرکت میں آئیگا اور جمہوریت کے لبادے میں خودکش جیکٹ پہن کر حملہ کرینگے تو قانون حرکت میں آئیگا۔

وزیراعلیٰ پنجاب نے مزید کہا کہ صوبے کےعوام سے معافی چاہتا ہوں دل پر پتھر رکھ کر اقدامات کر رہےہیں، انشااللہ اس ملک پر ہماری جان بھی قربان ہے وہ ملک قائم نہیں رہتے جہاں عدالتوں کے فیصلے نہ مانے جائیں اور آئین و قانون کی پرواہ نہ ہو، یہ بنانا ری پبلک نہیں کہ الیکشن کمیشن اور الیکشن کی تاریخ بھی تمہاری مرضی کی ہو۔

انہوں نے کہا کہ لوگوں کو دھمکیاں دینا کون سی سیاست ہے، عمران نیازی کو اوچھے ہتھکنڈوں کی آئین و قانون اجازت نہیں دیتا، یہی خدشات تھے یہ گالیوں سے گولیوں کی سیاست کرنا چاہتا ہے، انتقام کی آگ میں اتنی دورچلے گئے کہ نوجوانوں کو ایک نوکری نہ دے سکے، اپنا بنی گالہ کا گھر قانونی قراردیدیا،غریب کے گھر گرا دیے، مری میں 21 لوگ برف میں مر گئے مگر تمہیں ان سے ملنے کی توفیق نہ ہوئی۔

وزیراعلیٰ پنجاب حمزہ شہباز نے کہا ہے کہ ایسا نہ سمجھیں یہ جو مرضی کہتا رہے گا اسے پاکستانی اداروں کیخلاف زہرآلود گفتگو پر جواب دینا ہوگا۔

اے آر وائی نیوز کے مطابق وزیراعلیٰ پنجاب حمزہ شہباز نے پاک پتن میں میڈیا سے گفتگو کرتے ہوئے سابق وزیراعظم عمران خان کا نام لیے بغیر کہا کہ ایسا نہ سمجھیں کہ یہ جو مرضی کہتا رہے گا اسے پاکستانی اداروں کیخلاف زہرآلود گفتگو پر جواب دینا ہوگا۔

حمزہ شہباز نے کہا کہ پاکستان کے سفارتی محاذ پر دوست ممالک اس کی زبان کا نشانہ بنے، اس نے پاکستانی قوم سے جو وعدے کیے وہ جھوٹے ثابت ہوئے، نوجوانوں کے ایک کروڑ نوکریوں کا خواب چکناچور کیا، کہتا تھا کہ میں کشمیر کا وکیل بنوں گا پاکستان کا وکیل بنوں گا، لیکن دنیا میں نہ پاکستان اور نہ ہی کشمیر کا وکیل بن سکا۔

وزیراعلیٰ پنجاب نے مزید کہا کہ پاکستان کا آئین توڑا اور کہتا ہے رات 12 بجے سپریم کورٹ کیوں کھولی، اس وقت آئین کی پاسداری کیلئے سپریم کورٹ کے دروازے کھلے،

مہنگائی نے آج لوگوں کو ذہنی مریض بنادیا ہے، ہماری پہلی ترجیح ہے لوگوں کی زندگی میں آسانی پیدا کی جائے، انہوں نے کہا کہ پنجاب میں گورنر نے آئین کے ساتھ کھلواڑ کیا ہے۔