Tag: media talk

نوازشریف اورآصف زرداری نےملک کوبری طرح نوچاہے، وزیرریلوے شیخ رشید

لاہور: وزیرریلوے شیخ رشید کا کہنا ہے کہ ہم نے سودن میں دس ٹرینوں کا منصوبہ پورا کیا،نوازشریف اورآصف زرداری نے ملک کوبری طرح نوچاہے، قوم چوراورچوکیدارمیں بےایمان اورایماندارمیں فرق کرے۔

تفصیلات کے مطابق وزیرریلوے شیخ رشید نےمیڈیا سے گفتگو کرتے ہوئے کہا 100 دنوں میں10ٹرینوں کا منصوبہ مکمل کردیا ہے، فریٹ ٹرینیں مارچ تک 12 کردیں گے۔

وزیرریلوے کا کہنا تھا کہ وزیراعظم نے ہدایت کی سیاسی پوسٹنگ والوں کوفارغ کردیں ، جو ملازمین کام نہیں کررہے یکم کو میٹنگ میں ان کو بھی فارغ کردیں گے، چاہتے ہیں ریلوے میں نوجوانوں کو شامل کریں۔

شیخ رشید نے کہا رسالپور فیکٹری کو5 ٹرینیں ٹھیک کرنے کے لئے دی ہیں، لوکوموٹیو کو ٹھیک کررہے ہیں، ہمارے مزدور کام کررہے ہیں، کمیشن کھائے گئے، ادارے کو تباہ کیاگیا، 69 لوکوموٹیو آئے جو تباہ و برباد کھڑے ہیں، اس کے بعد اور بھی لوکوموٹیو آئے، جن میں 5 خراب کھڑے ہیں۔

[bs-quote quote=”ہم نے سودن میں دس ٹرینوں کا منصوبہ پورا کیا” style=”style-6″ align=”left”][/bs-quote]

ان کا کہنا تھا کہ سی پیک ایم ایل ون آرہا ہے ہمارے پاس ہے ، ایم ایل ون کا فیصلہ وزیراعظم نے کرنا ہے، ایم ایل ون میں کراچی سے پشاور تک نیا ٹریک ہوگا، جس میں کوئی کراسنگ نہیں ہوگی اور 160تک اسپیڈرکھی ہے، ٹریک160اسپیڈ کا مطلب ٹرین 260 اسپیڈ تک چل سکے گی، ہوسکتا ہے ایم ایل ون کا ٹھیکہ کسی پرائیویٹ کمپنی کو دے دیں۔

وزیرریلوے نے قوم سے درخواست کی کہ مجھے ایک مہینہ زیادہ دے دیں، 30 دسمبر تک ریلوے میں بڑے اقدامات کیے ہیں، سفاری ٹرین پر بھی کام ہو رہا ہے، جلد خوشخبری دی جائے گی۔

شیخ رشید نے کہا ایم ایل ون کے بعد ایم ایل ٹو اور تھری پربھی جائیں گے، ریلوے کی زمین پر 5ہزار لوگوں نے گھر بنالیے، ماضی میں سہولت دی گئی، 5 سے 10ہزار مکان گھرانا میرے بس کی بات نہیں، کے ایم سی آگے آئے۔

ان کا کہنا تھا کہ بدقسمتی سےکچھ سیاستدانوں کیساتھ قوم کے کچھ عناصربھی کرپٹ ہیں، لوگوں کو زیادہ سے زیادہ روزگار دینا چاہتے ہیں، پشاور سے لنڈی کوتل تک نئے ٹریک کا آغاز کیا جارہا ہے، طور خم کے ذریعے تجارت ہورہی ہے، ہم بھی حصہ ڈالیں گے۔

[bs-quote quote=” وزیرہوں قوم کےکندھوں پربوجھ ڈال کرنہیں جاؤں گا،” style=”style-6″ align=”left”][/bs-quote]

وزیرریلوے نے کہا ریلوے کے اسپتال پرائیویٹ سیکٹر کو دینے کی کھلی آفرکرتے ہیں، پرائیویٹ سیکٹر کو آفر ہے آگے آئیں اور ریلوے کے اسپتال حاصل کریں۔

شیخ رشید کا کہنا تھا کہ وزیرہوں قوم کےکندھوں پربوجھ ڈال کرنہیں جاؤں گا، ہم سے روسیوں نے بھی رابطہ کیا ہے لیکن ترجیح چین ہے۔

انھوں نے مزید کہا نوازشریف اورآصف زرداری نےملک کوبری طرح نوچا ہے، قوم فیصلہ کرے اور چوراورچوکیدارمیں بےایمان اور ایماندار میں فرق کرے۔

نومبر 24, 2018
سانحہ ماڈل ٹاؤن میں چیف جسٹس کےفیصلے سے مطمئن ہیں، ڈاکٹر طاہرالقادری

لاہور : پاکستان عوامی تحریک کے سربراہ ڈاکٹرطاہرالقادری کا کہنا ہے کہ جےآئی ٹی کی تشکیل ہماری ترجیح ہے، چیف جسٹس کے فیصلے سے مطمئن ہیں، امید ہے انصاف ملے گا۔

تفصیلات کے مطابق پاکستان عوامی تحریک کے سربراہ ڈاکٹر طاہر القادری نے سپریم کورٹ لاہور رجسٹری کے باہر میڈیا سے گفتگو میں سانحہ ماڈل ٹاؤن کیس میں لارجز بینچ کی تشکیل پر اطمینان کا اظہار کرتے ہوئے کہا کہ وہ پانچ دسمبر کو کیس کی سماعت کیلئے اسلام آباد جائیں گے۔

ڈاکٹر طاہر القادری کا کہنا تھا کہ سانحہ ماڈل ٹاؤن سے متعلق لارجربینچ کی تشکیل ہماری ترجیح ہے، چیف جسٹس بینچ کی سربراہی کریں گے، وہ ان کے اس فیصلے سے مطمئن ہیں، امید ہے اب انصاف ضرور ملے گا۔

اس سے قبل پاکستان عوامی تحریک کے رہنما خرم نوازگنڈاپور نے میڈیا سے گفتگو کرتے ہوئے کہا تھا کہ سانحہ ماڈل ٹاؤن کے سلسلے میں لاہوررجسٹری میں پیشی تھی، ملزم نوازشریف،شہبازشریف راناثنا کو طلب کیا گیا تھا، وکلا نے کہا وقت پراطلاع نہیں دی گئی تیاری نہیں کرسکے۔

انصاف کے لئے پوری زندگی جدوجہد کرتے رہیں گے، خرم نوازگنڈا پور

خرم نوازگنڈا پور کا کہنا تھا کہ کیس سننےکےفیصلے پر چیف جسٹس کے شکرگزار ہیں، 5دسمبر کو سپریم کورٹ کا لارجز بینچ بنانے کا حکم جاری ہوا ہے، کیس اب سپریم کورٹ میں سنا جائے گا، سپریم کورٹ پر مکمل یقین ہے۔

انھوں نے مزید کہا کہ انصاف کے لئے پوری زندگی جدوجہد کرتے رہیں گے، عدالت سے اپیل ہے قتل کے مقدمات کو ترجیحی بنیادوں پر سنا جائے۔

مزید پڑھیں : سانحہ ماڈل ٹاؤن کیس ، چیف جسٹس کا نئی جے آئی ٹی بنانے کیلئے 5 رکنی لارجربنچ تشکیل کاحکم

دوسری جانب ساںحہ ماڈل ٹائون کی متاثرہ خاتون کا کہنا ہے کہ ساںحے میں ان کا بیٹا شہید قتل ہوا، اس کیس کو سننے پر وہ چیف جسٹس کی شکر گزار ہیں، امید ہے چیف جسٹس کےنوٹس لینے پر انصاف ملے گا۔

یاد رہے چیف جسٹس ثاقب نثار نے سانحہ ماڈل ٹاؤن کی تحقیقات کے لیے نئی جے آئی ٹی بنانے کے لیے 5رکنی لارجر بنچ تشکیل دینے کا حکم دیا ہے، لارجربنچ 5 دسمبرسے اسلام آباد میں کیس کی سماعت کرے گا۔

نومبر 19, 2018
آکسفورڈڈکشنری میں آصف زرداری لکھیں تومطلب کرپشن، منی لانڈرنگ آتاہے، فیاض الحسن چوہان

لاہور: وزیراطلاعات پنجاب فیاض الحسن چوہان کا کہنا ہے کہ اقامہ منی لانڈرنگ،کرپشن اور لوٹ مار کا ذریعہ ہے، زرداری نے25سال کی محنت کےبعد کرپشن میں نام بنایا، آکسفورڈ ڈکشنری میں آصف زرداری لکھیں تومطلب کرپشن، منی لانڈرنگ آتا ہے۔

تفصیلات کے مطابق وزیراطلاعات پنجاب فیاض الحسن چوہان نے میڈیا سے گفتگو کرتے ہوئے ہائی کورٹ بینچ نہ بننے پر وکلا کے احتجاج پر کہا کہ معاملے کا ابھی علم ہوا ہے، قانون ہاتھ میں لینے کی اجازت کسی کو نہیں، مشتعل وکلانےقانون کےماتھےپرٹیکہ لگانےکی کوشش کی، قانون حرکت میں آئے، مشتعل وکلا کے خلاف ایکشن لیاجائے گا۔

وزیراطلاعات پنجاب کا کہنا تھا کہ چیف جسٹس سے درخواست ہے وکلا کے خلاف نوٹس لیں، مشتعل وکلا کے لائسنس منسوخ ہونے چاہئیں، کار سرکار میں مداخلت کرنے والے وکلا کے خلاف کارروائی ہوگی، واقعے کی پوری تحقیقات کرکے ملوث لوگوں کے خلاف کارروائی ہوگی۔

فیاض الحسن چوہان نے کہا منی لانڈرنگ کے خلاف وزیراعظم عمران خان ہی ایکشن لے سکتے تھے، منی لانڈرنگ اقامے کے نام پرہوتی تھی، اقامے کا ڈرامہ کل شہزاد اکبر نے بے نقاب کردیا ہے، ڈرائیور اور مالی کے نام پر جائیدادیں بنانے والے سامنے آرہے ہیں، مک مکا ہوتا تھا اس لیے بیرون ملک سے پیسہ واپس نہیں آسکا، موجودہ حکومت مک مکا کی مخالف ہے،پیسہ تو بیرون ملک سے واپس آئے گا۔

[bs-quote quote=” زرداری نے25سال کی محنت کےبعد کرپشن میں نام بنایا ” style=”style-6″ align=”left”][/bs-quote]

ان کا کہنا تھا کہ پی پی کے دوست کہتے ہیں ہوم ورک کرلیں پھر بیان دیں، ہم نے ہوم ورک کیا ہے اسی لیے تو اتنی رقم سامنے آئی ہے، شوگرملز پر قبضے،زمینوں پر قبضے کس نے کیے سب کو معلوم ہے، پی پی دوست سمجھیں ایان علی کے ذریعے اب پیسہ باہرنہیں جائے گا۔

صوبائی وزیراطلاعات نے آصف زرداری پر کڑی تنقید کرتے ہوئے کہا کہ آصف زرداری نے اپنا نام ایسا بنایا ہے، جس کی مثال نہیں ملتی، آکسفورڈ ڈکشنری میں آصف زرداری لکھیں تومطلب کرپشن،منی لانڈرنگ آتاہے، یہ درست ہے ایک زرداری پیپلزپارٹی پربھاری،ہم نےہوم ورک کرکے700ارب منی لانڈرنگ کاسراغ لگایا، یہ سچ ہے بڑی محنت اورجدوجہد کے ساتھ آصف زرداری کرپٹ بنے۔

فیاض الحسن چوہان کا کہنا تھا کہ عجیب بات ہے لیڈرٹی وی پراعتراف کرتا ہے اور رہنما دفاع کرتے ہیں، پہلی مرتبہ کسی حکومت نے 5ہزار کے جعلی نوٹ پکڑے، یہ سچ ہے بڑی محنت اور جدوجہد کیساتھ آصف زرداری کرپٹ بنے۔

وزیراطلاعات پنجاب نے کہا مشاہداللہ خان کو چیلنج دیتاہوں ٹی وی مناظرہ کرلیں، جس کی چاپلوسی کرکے یہاں تک پہنچےاس کے پول کھولوں گا، مشاہداللہ خان نے شریف خاندان کی کرپشن چھپائی، خاندان کوپی آئی اےمیں بھرتی کررکھاہے اور سرکاری خرچ پربیرون ملک کروڑوں کاعلاج کراچکے ہیں،مشاہد اللہ خان کا کام سار ادن صرف لوگوں کو لڑانا ہے،انھوں نے سینیٹ میں عمران خان کیخلاف غلیظ زبان استعمال کی۔

[bs-quote quote=”
فیاض الحسن چوہان کامشاہد اللہ کوٹی وی مناظرےکاچیلنج” style=”style-6″ align=”left”][/bs-quote]

ان کا مزید کہنا تھا کہ کرپشن میں ملوث25افسران کوپلی بارگین کےباعث رہائی ملی، سندھ میں پی پی گورننس کابراحال ہےعوام تنگ آچکےہیں، مرادعلی شاہ کے رشتےدار نے بھی نیب سے پلی بارگین کرکےجان چھڑائی، زرداری اورشریف کہیں بھی گھومیں ساتھ چلناان کی مجبوری ہے، زرداری اورشریفوں کے کرپشن کےتعلقات ہیں۔

فیاض الحسن چوہان نے کہا جہانگیرترین سے متعلق فیصلے بھی تکنیکی وجوہات بیان کی گئی ہیں، ان کے پاس کوئی عوامی عہدہ تونہیں ناپارٹی میں کوئی عہدہ ہے، جہانگیرترین نےعدالتی فیصلےکوقبول کیا،عدلیہ پرتنقیدکےنشترتو نہیں برسائے، سیاسی کارکن کی حیثیت سےکوئی بھی کسی کوفارغ نہیں کرسکتا، جہانگیرترین پی ٹی آئی کےہمدرد اورسیاسی کارکن ہیں۔

صوبائی وزیراطلاعات کا کہنا تھا کہ پاکستان کی سربلندی کے لیے موجودہ حکومت کے کردار سے اپوزیشن خائف ہے، پاکستان کے لیے ہمارے لیڈر کے وژن سے ن لیگ پی پی پریشان ہے، احتساب سب کا اور بلاامتیاز ہوگا اطمینان رکھیں، سارے کرپٹ جیل میں ہوں گے، نوازشریف نااہلی کےبعدکس حیثیت سےپارٹی کےقائد بنے ہوئے ہیں۔

انھوں نے مزید کہا آفیشل کیمرے کے بغیر آڈیو یا ویڈیوکلپ چلانا پیمرا رولز کے خلاف ہے، پرویزالٰہی ملاقات سے متعلق ویڈیوز چلانے والے چینلز نے پیمرا رولز کو توڑا، اتحادیوں سے کسی قسم کے اختلافات نہیں ہم سب ایک پیج پرہیں، پی ٹی آئی اور اتحادی متحد ہیں کسی قسم کے اختلافات نہیں۔

نومبر 14, 2018
میں نے کسی کی دم پر پاؤں نہیں رکھا جو لوگ تلملا رہے ہیں ،فاروق ستار

کراچی : ایم کیو ایم پاکستان کے رہنما فاروق ستار نے عامر خان اور کنور نوید کے اثاثوں سے پردہ اٹھانے کا اعلان کرتے ہوئے کہا میں نے تو کسی کی دم پرپاؤں نہیں رکھا، جو لوگ تلملا رہے ہیں۔

تفصیلات کے مطابق ایم کیو ایم پاکستان کے رہنما فاروق ستار نے انسداد دہشت گردی کی عدالت کے باہر میڈیا سے گفتگو کرتے ہوئے کہا گزشتہ رات ایم کیو ایم پاکستان کو بحران سے نکالنے کےحل پیش کیے، پارٹی میں اور رابطہ کمیٹی پر کچھ لوگوں کا قبضہ ہے ، کارکنوں کی بڑی تعداد سمجھ رہی ہے اس سےتنظیم کو نقصان ہو رہا ہے۔

فاروق ستار نے ایک بار پھر انٹرا پارٹی الیکشن کا مطالبہ کرتے ہوئے کہا رابطہ کمیٹی اپنے فیصلوں سے کارکنوں میں اعتماد کھو چکی ہے ، کارکنوں کو ذمے داروں کو 5 فروری کی پوزیشن پر بحال کیا جائے۔

ایم کیو ایم پاکستان کا کہنا تھا کہ تنظیمی کی بنیادی رکنیت سے ہٹانے کو مجھ سمیت کارکنان نے مسترد کیا، ہم جمہوری طریقے سے اوروہ ڈرا دھمکا کر پارٹی چلانا چاہتے ہیں۔

[bs-quote quote=”اگر یہ لوگ اثاثوں کی تفصیلات نہیں دیتے تو بہت جلد میں پردہ اٹھادوں گا” style=”style-6″ align=”left” author_name=”فاروق ستار”][/bs-quote]

رابطہ کمیٹی پر تنقید کرتے ہوئے انھوں نے کہا میں نے کسی کی دم پرپاؤں نہیں رکھاجو لوگ تلملارہے ہیں ، مجھ سمیت سب اثاثوں کی تفصیلات کارکنوں کی عدالت میں پیش کریں، اگر یہ لوگ پیش نہیں کریں گےتوبہت جلدمیں پردہ اٹھادوں گا۔

فاروق ستار کا کہنا تھا کہ پارٹی میں احتساب تک ملک میں کرپشن کا خاتمہ نہیں ہوگا ، عمران خان کو بھی اپنی پارٹی میں احتساب شروع کرنا ہوگا ، خالد مقبول بھی احتساب کی بات کریں۔

رہنما ایم کیو ایم پاکستان نے کہا 22 اگست کےبعدایم کیوایم پاکستان کولندن سے الگ کردیا، میرا لندن والوں سے کوئی رابطہ نہیں، مائنس ون اتفاق سے اور مائنس ٹو سازش کےتحت ہوا ہے۔

خیال رہے گذشتہ روز ایم کیو ایم پاکستان کی رابطہ کمیٹی نے فاروق ستار کو پارٹی سے نکال دیا تھا، سابق سربراہ کی بنیادی رکنیت ختم کرنے کا فیصلہ بہادر آباد مرکز میں ہنگامی اجلاس بلا کر کیا گیا تھا۔

مزید پڑھیں : پارٹی رکنیت ختم کرنے کی وجوہات نہیں بتائی گئیں، فاروق ستار

جس پر فاروق ستار کا کہنا تھا کہا رابطہ کمیٹی کا میری رکنیت معطلی کا فیصلہ بزدلانہ ہے، پارٹی رکنیت ختم کرنے کی وجوہات نہیں بتائی گئیں، بہادر آباد میں عامر خان، کنور نوید، فیصل سبزواری کا قبضہ ہے، خواجہ اظہار، وسیم اختر، خالد مقبول کا بھی قبضہ ہے، 41 سالہ رفاقت کو چند ٹھیکیدار، قبضہ گیروں نے انا کی بھینٹ چڑھایا۔

[bs-quote quote=” رابطہ کمیٹی کا میری رکنیت معطلی کا فیصلہ بزدلانہ ہے” style=”style-7″ align=”left” author_name=”فاروق ستار”][/bs-quote]

انھوں نے مزید کہا تھا کہ رابطہ کمیٹی کے فیصلے کو مسترد کرتا ہوں، فیصلہ غیرآئینی اور پارٹی قوانین کے خلاف ہے، عامر خان اور کنور نوید کو میں نے چیلنج کیا کہ آؤ کارکنوں کا اجلاس بلاؤ، اجلاس میں اپنے اپنے گوشوارے دیانت داری سے پیش کریں، میں ان کی آنکھ میں تب سے کھٹکنے لگا جب میں سربراہ بنا اور معاملات ہاتھ میں لیے۔

یاد رہے 5 نومبر کو ایم کیو ایم فاروق ستار نے پریس کانفرنس کرتے ہوئے کہا تھا کہ رابطہ کمیٹی کے لوگ کہتے ہیں پارٹی میں آمریت نہیں، ایم کیوایم میں چند لوگوں کی آمریت ہے،وہ اپنے گوشوارے ظاہر کریں، وہ چند لوگ دبئی سمیت جہاں جائیدادیں ہیں، گوشوارے کارکنان کوبتائیں۔

فاروق ستار کا کہنا تھا کہ جمہوریت کے نام پر اقتدار کے مزے لوٹنے والوں کو حساب دینا ہوگا، میں کل بھی پی آئی بی کالونی میں رہتا تھا اور آج بھی وہیں رہتا ہوں، وہ چند لوگ بتا دیں 1986میں کہاں رہتے تھے اور اب کہاں رہتے ہیں۔

رہنما ایم کیو ایم پاکستان کا کہنا تھا کہ انسداد کرپشن کےنعرے پروزیراعظم عمران خان کے ساتھ کھڑا ہوں، پیپلز پارٹی،ن لیگ،ایم کیو ایم سمیت جس نے بھی لوٹ مار کی احتساب ہونا چاہیے، پوچھا جائے یہ جائیدادیں اور پراپرٹیز کہاں سے آئیں؟

نومبر 10, 2018
عافیہ صدیقی کی رہائی ومشکلات کی کمی میں کوشش کریں گے،شاہ محمود قریشی

ملتان : وزیرخارجہ شاہ محمودقریشی کا کہنا ہے کہ عافیہ صدیقی کی رہائی ومشکلات کی کمی میں کوشش کریں گے، آسیہ بی بی فیصلے پرنظرثانی اپیل دائر ہوچکی ہے، اس کا فیصلہ عدالت کرے گی، وہ پاکستان میں ہے،وہ بیرون ملک نہیں گئیں۔

تفصیلات کے مطابق وزیرخارجہ شاہ محمودقریشی نے ملتان میں میڈیا سے گفتگو کرتے ہوئے دورہ چین کے حوالے سے کہا کہ روزگارکی فراہمی کے لیے اقدامات اٹھا رہے ہیں، شنگھائی میں بین الاقوامی ایکسپو میں وزیراعظم پاکستان کو مدعو کیا گیا، شنگھائی میں 130ممالک کےحکام میں سے7حکام نے خطاب کیا، خطاب کرنے والے 7حکام میں سے وزیراعظم عمران خان بھی تھے۔

وزیرخارجہ کا کہنا تھا کہ چین و روس کے صدر نے8 پویلین کادورہ کیا، جن میں ایک پاکستان تھا، چین میں دفاعی تعاون پربھی تبادلہ خیال ہوا، برآمدات بڑھانے پر چین سے اچھی پیشرفت ہوئی ہے، اس سال چین کے لیے ہماری برآمدات دگنی ہونے کا امکان ہے۔

شاہ محمودقریشی کا کہنا تھا کہ سعودی عرب چین دورے کے بعد معاشی بحران کا تاثرختم ہوجائے گا، ایلس ویلزسے مختلف اسٹیک ہولڈرزکی ملاقات ہوئی، ایلس ویلزسےملاقات میں دوطرفہ تعلقات پرزور دیاگیا اور امریکا سے انرجی ودیگر شعبوں میں تعاون بڑھانے پربات ہوئی۔

آسیہ بی بی پاکستان میں ہےوہ بیرون ملک نہیں گئیں

افغانستان کے حوالے سے ان کا کہنا تھا کہ افغانستان پاکستان کی مذاکرات کی کوششوں کوتسلیم کررہاہے، امن مذاکرات کیلئےافغانستان کو پاکستان کی مکمل سپورٹ ہے، صدر اشرف غنی نے ایڈوئزی کونسل نامزدکی جو مذاکرات میں مدد کرے گی۔

آسیہ بی بی سے متعلق وزیرخارجہ نے کہا آسیہ بی بی فیصلے پر نظرثانی اپیل دائرہو چکی ہے،اس کا فیصلہ عدالت کرے گی، آسیہ بی بی پاکستان میں ہےوہ بیرون ملک نہیں گئیں، خواہشات پرچیزیں نہیں ہوتیں، ادارےقانون کے پابند ہیں۔

عافیہ صدیقی کے حوالے سے شاہ محمودقریشی کا کہنا تھا کہ عافیہ صدیقی کی رہائی ومشکلات کی کمی میں کوشش کریں گے، عافیہ کی بہن کی دفترخارجہ کوکچھ شکایات ملی تھیں ازالہ کریں گے، آئندہ ہفتے فوزیہ صدیقی سے ملاقات کروں گا،قانون کے دائرے میں مدد کریں گے۔

آئندہ ہفتے فوزیہ صدیقی سے ملاقات کروں گا،قانون کے دائرے میں مدد کریں گے

انھوں نے پاک بھارت تعلقات سے متعلق کہا کہ بھارت ہماراہمسایہ ہے، دونوں ملکوں میں اچھے تعلقات چاہتےہیں، بھارت سے تعلقات میں سردمہری ہے پیشرفت دکھائی نہیں دےرہی، بھارتی حکومت اس وقت انتخابات میں الجھی ہوئی ہے اور انتخابات کے لیے ایک مرتبہ پھر پاکستان کونشانہ بنائے گی، بھارتی حکام سے ابھی تک تعلقات میں کوئی اچھی پیشرفت نہیں ہوئی۔

وزیرخارجہ کا کہنا تھا کہ کوشش کررہے ہیں اپوزیشن کو ساتھ لے کر آگے بڑھیں، ملک میں اتحاد اور صوبوں میں اتفاق ہے، پاکستان کے لیے سب مل کر کام کریں گے، دوتہائی اکثریت کسی کے پاس نہیں،آئینی ترمیم کے لیے اکثریت درکار ہے۔

100 روز پورے ہونے دیں،اقدامات سامنے آجائیں گے

شاہ محمود قریشی نے کہا 100 روزہ پالیسی کامطلب تھا عمران خان اپنے لوگوں کوجگائیں، پالیسی کامقصدتھاہم اپنےلیےٹارگٹ سیٹ کریں، ہم نے پالیسی کے ذریعےاقدامات اٹھائے ہیں جن پرکام بھی کیا گیا ہے، 100 روز پورے ہونے دیں،اقدامات سامنے آجائیں گے، اپنے نمائندوں کو ٹائم فریم دیا تھا،پیشرفت عوام کو نظرآئے گی۔

نومبر 8, 2018
آئین میں کہیں نہیں لکھا کہ پورے ملک میں بلدیاتی نظام ایک ہو: سعید غنی

سکھر: وزیر بلدیات سندھ سعید غنی کا کہنا ہے کہ آئین میں کہیں نہیں لکھا کہ پورے ملک میں بلدیاتی نظام ایک ہو۔ صوبے میں ایک جیسا نظام نہیں ہو سکتا تو سب جگہ کیسے ہو سکتا ہے۔

تفصیلات کے مطابق وزیر بلدیات سندھ سعید غنی کا کہنا تھا کہ بلدیاتی انتخابات کی تاریخ پر حتمی بات نہیں کروں گا۔ شہریوں کو صاف پانی فراہم کرنا ترجیح ہے۔ سکھر میں شہریوں کو پینے کے لیے صاف پانی نہیں مل رہا۔

انہوں نے کہا کہ کسی کے خلاف کارروائی کریں تو وہ عدالت چلے جاتے ہیں، جعلی بھرتی ملازمین کو ہٹائیں گے تو وہ سڑکوں پر آئیں گے، کوریج ملے گی۔

سعید غنی کا کہنا تھا کہ وزیر اعظم کو اختیار نہیں وہ کسی صوبے کو بلدیاتی انتخابات پر ڈکٹیٹ کریں۔ آئین میں کہیں نہیں لکھا کہ پورے ملک میں بلدیاتی نظام ایک ہو۔ صوبے میں ایک جیسا نظام نہیں ہو سکتا تو سب جگہ کیسے ہو سکتا ہے۔

وزیر بلدیات نے مزید کہا کہ وزیر اعظم کو جو لوگ سمجھا رہے ہیں ان کو خود بھی سمجھنا چاہیئے۔ کرپشن کسی نے کی ہے تو عمران خان کا کام پکڑنا نہیں ہے۔ ’چیئرمین نیب جس طرح سے وزیر اعظم سے ملے اس پر حیرت ہے‘۔

اکتوبر 29, 2018
ہم میں سے کسی نے این آراو کیلئے رابطہ نہیں کیا، نوازشریف

اسلام آباد : سابق وزیراعظم نواز شریف کا کہنا ہے کہ ملکی حالات عوام دیکھ رہے ہیں، ہم میں سے کسی نےاین آراوکیلئے رابطہ نہیں کیا، این آراو کا الزام لگا رہے ہیں تو اس کا نام بھی لیں۔

تفصیلات کے مطابق سابق وزیراعظم نواز شریف نے پیشی کے موقع پر احتساب عدالت کے باہر میڈیا سے گفتگو کرتے ہوئے کہا ایک تشنگی رہ گئی،وہ آخری سانسیں لے رہی تھی اور میں قید خانے کی سلاخوں کے پیچھے بند تھا، ابھی تک صدمے کی کیفیت سے باہر نہیں آسکے۔

نوازشریف کا کہنا تھا کہ ہم میں سے کسی نے این آراوکیلئے رابطہ نہیں کیا، این آراو کا الزام لگا رہے ہیں تو جرات کرکے اس کا نام بھی لیں۔

سابق وزیراعظم نے کہا ملکی حالات عوام دیکھ رہےہیں، مولانافضل الرحمان گزشتہ روز ملاقات کیلئے آئے ان کا احترام ہے، ان سے جو باتیں ہوئی وہ پبلک میں نہیں کرنا چاہتا۔

ان کا کہنا تھا کہ شہبازشریف کوصاف پانی کیس میں بلایاگیا اور آشیانہ میں گرفتارکیاگیا، جب آشیانہ میں کچھ نہیں ملا تو اب ایک اور کیس بنایا جا رہا ہے، شہباز شریف کو کہا جارہا ہے آپ کے اثاثےآمدن سے مطابقت نہیں رکھتے۔

کرپشن کے الزام میں گرفتار شہباز شریف کے حوالے سے نواز شریف نے کہا شہبازشریف نےدن رات محنت سےکام کیاہے، انھوں نے جو محنت کی اس کے ثمرات ملکی سطح پردیکھےگئے، شہبازشریف نےوہ کام کیےجوآج تک کسی وزیراعلیٰ نےنہیں کیے۔

ان کا کہنا تھا کہ بڑے افسوس کی بات ہےہم ملک کوکس طرح لےکرجارہے ہیں۔

اکتوبر 29, 2018
آصف زرداری پہلے بھی ملے، ضرورت ہوئی تو پھر ملیں گے: حمزہ شہباز

لاہور: مسلم لیگ ن کے رہنما حمزہ شہباز کا کہنا ہے کہ لوگوں پر مہنگائی کے تیر چلائے جارہے ہیں۔ ایم کیو ایم سمیت تمام جماعتیں کہتی ہیں دھاندلی ہوئی۔ آصف زرداری پہلے بھی ملتے رہے ہیں، ضرورت ہوئی تو پھر ملیں گے۔

تفصیلات کے مطابق پنجاب اسمبلی میں اپوزیشن لیڈر حمزہ شہباز کا کہنا تھا کہ اسپیکر نے ووٹ چوری کیے، خواتین سے ہاؤس میں نازیبا گفتگو کی۔ 6 اراکین کی تضحیک کی گئی، جھوٹے الزامات لگائے گئے۔ ’پرویز الٰہی سے جواب لیا جائے جھوٹ کیوں بولا‘۔

انہوں نے کہا کہ اسمبلی میں خود کچرا پھینک کر جھوٹ بولا گیا۔ بجٹ تماشے کے سوا کچھ نہیں ہے۔

حمزہ شہباز نے کہا کہ ہم نے جنوبی پنجاب کا بجٹ بڑھا کر ساڑھے 3 سو فیصد کیا۔ انہوں نے پورے پنجاب کا بجٹ 234 ارب روپے ر کھا ہے۔ جعلی تصاویر میڈیا پر چلوائی گئیں آج پرویز الٰہی کا اصل چہرہ دکھاؤں گا۔

انہوں نے کہا کہ وزیر اعلیٰ سیکریٹریٹ کا بجٹ 60 کروڑ رکھا گیا ہے۔ خیبر پختونخواہ میں امتحان کے نتائج پر ہائیکورٹ نے نوٹس لیا۔ قصور کے قاتل کو پھانسی دی گئی کیونکہ پنجاب فرانزک لیبارٹری موجود ہے۔

ان کا کہنا تھا کہ حالات اتنے خراب تھے تو 55 دن یہ کیوں کہا کہ ہم قرضہ نہیں لیں گے۔ غریب آدمی کو جرمانہ بھیجا گیا اس کو دل کا دورہ پڑگیا۔ پیپلز پارٹی نے سیاسی اتار چڑھاؤ کا سامنا کیا ہے۔ ملک کی خاطر آج یا کل ہم پیپلز پارٹی سے ملیں گے۔

انہوں نے کہا کہ اے این پی، ایم کیو ایم، پیپلز پارٹی ہم سب کو مل کر بیٹھنا چاہیئے، فیاض الحسن چوہان کے منہ سے جو پھول جھڑتے ہیں پہلے اخلاقیات کی تربیت لیں۔ یہ کرکٹ کا میدان نہیں، 22 کروڑ لوگوں کا ملک ہے۔

حمزہ شہباز نے کہا کہ لوگوں پر مہنگائی کے تیر چلائے جارہے ہیں، اپوزیشن کو ملک کی خاطر اپنا کردار ادا کرنا ہوگا۔ ایم کیو ایم سمیت تمام جماعتیں کہتی ہیں دھاندلی ہوئی۔ آصف زرداری پہلے بھی ملتے رہے ہیں، ضرورت ہوئی تو پھر ملیں گے۔

انہوں نے کہا کہ نواز شریف اور مشرف کے خلاف سازش کرنے والا آپ کے خلاف بھی سازش کر رہا ہے۔ نیب ایسی عینک لگائے کہ اسے پرویز الٰہی کے ڈاکے نظر آئیں۔

اکتوبر 23, 2018
حمزہ شہباز ابا جی کا غم پنجاب اسمبلی میں نہ منائیں، فیاض الحسن چوہان

لاہور : وزیراطلاعات پنجاب فیاض الحسن چوہان کا کہنا ہے کہ دنیا بھر کے اخبارات نے نواز شریف اور شہباز شریف کو کرپٹ کہا ہے، حمزہ شہباز اسمبلی ہال میں آئیں، ابا جی کا غم پنجاب اسمبلی میں نہ منائیں۔

تفصیلات کے مطابق پنجاب اسمبلی کے باہر میڈیا سے گفتگو کرتے ہوئے وزیر اطلاعات فیاض الحسن چوہان نے کہا کہ حمزہ شہباز ایک مرتبہ پھر پاکستانی قوم کو دھوکہ دے گئے، 16 اکتوبر کو پنجاب اسمبلی میں ن لیگ نے غنڈہ گردی کی، سب نے دیکھا کس طرح سیکرٹری اسمبلی کو زخمی کیا گیا۔

وزیر اطلاعات کا کہنا تھا کہ اپوزیشن نے اسپیکر پرویز الہی کے مائیک کو کنٹرول کرنے کی بھی کوشش کی، پنجاب اسمبلی میں 6ممبران پرپابندی لگائی گئی، ن لیگ دورمیں پنجاب اسمبلی ارکان پرپابندی لگ چکی ہے۔

وزیر اطلاعات کا کہنا ہے کہ اسپیکرپنجاب اسمبلی ہمارامان ہیں، ہمارے ووٹوں سےمنتخب ہوئےعزت دینی پڑے گی، حیرت ہے حمزہ شہباز کہہ رہے ہیں کہ پہلے ایسا نہیں ہوا، آپ کریں تو رام لیلا دوسرا کرے تو کریکٹر ڈھیلا۔

فیاض الحسن چوہان نے کہا کہ بجٹ پر بحث کا آغاز اپوزیشن لیڈر کی تقریر سے ہونا چاہیئے تھا لیکن آج بھی اپوزیشن نےپنجاب اسمبلی میں قانون کی دھجیاں اڑائیں اور حمزہ شہباز نے عوام کی نمائندگی کو جوتی کی نوک پر رکھا ہے۔

مزید پڑھیں : ملکی خزانہ لوٹنے والوں کا احتساب کریں گے، فیاض الحسن چوہان

ان کا کہنا تھا کہ دنیا بھر کے اخبارات نے نواز شریف اور شہباز شریف کو کرپٹ کہا ہے، حمزہ شہباز اسمبلی ہال میں آئیں، ابا جی کا غم پنجاب اسمبلی میں نہ منائیں۔

وزیر اطلاعات نے کہا کہ حکومت نے وہ بجٹ پیش کیا ہے جس میں الفاظ کی ہیرا پھیری نہیں ہے، کسی کشمیری سےمتعلق پلس یامائنس استعمال نہیں کیا، گھر کے حالات ٹھیک نہیں، صوبے کے حالات ٹھیک کرنے میں چھ مہینے لگ سکتے ہیں۔

ان کا مزید کہنا تھا کہ حبیب جالب کی بیوہ کا وظیفہ شہباز شریف کی حکومت نے تین یا چار سال پہلے بند کیا تھا، اگر حبیب جالب کی بیٹی درخواست دیں گی تو ان کا وظیفہ بحال کر دیا جائے گا۔

فیاض الحسن چوہان نے کہا سب سے بڑاکرپٹ نوازشریف ہے، حمزہ شہباز کےمنہ پریہ الزامات اچھےنہیں لگتے۔

اکتوبر 19, 2018
بدقسمتی سے جس سیل میں رکھا گیا وہاں لائٹ،کھڑکی نہیں ،شہباز شریف

اسلام آباد : اپوزیشن لیڈر شہباز شریف نے کہا بدقسمتی سے جس سیل میں رکھا گیا وہاں لائٹ،کھڑکی نہیں، عقوبت خانے سے باہر نکلے بغیر دن،رات کا بھی پتہ نہیں چلتا۔

تفصیلات کے مطابق اپوزیشن لیڈر شہباز شریف کی صحافیوں سے غیر رسمی گفتگو کرتے ہوئے کہا بدقسمتی سے جس سیل میں رکھا گیا وہاں لائٹ،کھڑکی نہیں ، نیب میں تمام لوگوں کو ایسے ہی رکھا جاتا ہے۔

شہبازشریف کا کہنا تھا کہ بھائیوں میں تقسیم کے حوالے سے باتیں 20سال سے ہو رہی ہیں، غلام اسحاق اورپروزمشرف سمیت کئی لوگوں نےباتیں کیں، اشفاق کیانی نےاپنےبھائی کاکنٹریکٹ منسوخ کرنے پربات نہیں کی۔

اپوزیشن لیڈر نے کہا کہ میرے خیال میں ضمنی الیکشن میں دباؤ میں لانے کیلئے گرفتاری کی گئی ،24 گھنٹے لاک اپ میں رکھا جاتا ہے۔

ان کا کہنا تھا کہ عقوبت خانے کی کوئی کھڑکی ہےنہ ہوا آسکتی ہے، عقوبت خانے سے باہر نکلےبغیردن،رات کابھی پتہ نہیں چلتا ، آشیانہ اسکیم سےمتعلق سوال کاجواب میں پارلیمنٹ میں دے چکا ہوں۔

یاد رہے اس سے قبل قومی اسمبلی اجلاس میں شہبازشریف نے اظہار خیال کرتے ہوئے کہا تھا کہ میں پاکستان تحریک انصاف اور نیب کے اتحاد پر بات کرنا چاہتا ہوں، ن لیگ کے لیڈرز کے خلاف 13 مئی کو دہشت گردی کے پرچے کاٹے گئے۔ ہمارے خلاف دہشت گردی کی دفعات کے تحت پرچے درج ہوئے۔

مزید پڑھیں : قومی اسمبلی اجلاس: شہباز شریف کے اداروں پر بھرپور الزامات

ان کا کہنا تھا کہ نیب میں حاضریاں اور گرفتاریاں ن لیگی اراکین کی ہوئیں۔ چیئرمین نیب نے میری گرفتاری کے آرڈرز 6 سے 13 جولائی کے درمیان دیا تھا۔ ’شیخ رشید نے ایسے ہی تو نہیں کہا تھا کہ شہباز شریف جیل کی ہوا کھائے گا۔

انہوں نے کہا تھا کہ ضمنی الیکشن کے دوران میری گرفتاری کے مؤخر فیصلے پر عملدر آمد کیا گیا۔ ایسا کبھی نہیں ہوا کہ دو ماہ میں اتنی بڑی تبدیلی آجائے، ’عام الیکشن جعلی تھے یا ضمنی انتخابات کے نتائج جعلی ہیں‘۔

شہباز شریف نے مزید کہا تھا کہ فیصلہ ایوان نے کرنا ہے وہی جنگل کا قانون ہوگا۔ ہٹلر کا انجام یاد رکھنا چاہیئے، نیب کے عقوبت خانے میں ہوا کا گزر نہیں، سورج نظر نہیں آتا۔ سیاست دان سختیاں برداشت کرتا ہے اور کرتا رہے گا۔ جنہوں نے تعلیم کا معرکہ عبور کیا انہی کو ہتھکڑیاں لگائی گئیں۔

اکتوبر 17, 2018