Tag: media talk

اسلام آباد : پاکستان تحریک انصاف کے سربراہ عمران خان نے کہا کہ معاملہ گول گول گھوم رہا ہے، سلیم اللہ ،کلیم اللہ چل رہا ہے، شریف خاندان اب تک کوئی منی ٹریل پیش نہیں کرسکا،جب تک نوازشریف وزیراعظم ہیں معاملے کی تحقیقات نہیں ہوسکتی۔

تفصیلات کے مطابق پاناما کیس کی سماعت ملتوی ہونے کے بعد سپریم کورٹ کے باہر پی ٹی آئی چیئرمین عمران خان نے میڈیا سے گفتگو کرتے ہوئے کہا کہ تمام ادارے نوازشریف کو بچارہے ہیں، ایف بی آر کاغذات تیارکررہا ہے، جب تک نوازشریف وزیراعظم ہیں معاملے کی تحقیقات نہیں ہوسکتی۔

عمران خان کا کہنا تھا کہ وکیل سلمان اکرم راجہ نے کہا ہے ہمارے پاس کوئی دستاویز نہیں ہے، ن لیگ کے وزرا نے کہا جائیداد90کی دہائی میں خریدی گئی، قطری خط سے پتہ چلتا ہے کہانی کچھ اور ہی ہے، اب پتہ چل رہا ہے قطری نے سیٹلمنٹ کے نتیجے میں فلیٹس دیئے۔

پاکستان تحریک انصاف کے سربراہ نے کہا کہ نو ماہ سے کسی طرح کا ثبوت پیش نہیں کیا جارہا ہے، پاکستان میں جو دستاویزات تیار ہوسکتے ہیں وہ دیئے جارہے ہیں، باہر کی کمپنیوں میں تیار نہیں ہوسکتے تو وہ نہیں آرہے ہیں۔

انکا مزید کہنا تھا کہ میں نے جائیداد کب، کیسے خریدی، سب منی ٹریل موجود ہے، یہ لوگ 2006کے دستاویزات بھی جمع نہیں کراسکتے ہیں، دستاویزات سے ثابت ہورہا ہے مریم نوازبینیفشل اونر ہیں، مریم کے پاس تو فلیٹس خریدنے کے لئے پیسہ نہیں تھا، اس کامطلب ہے مریم نے نوازشریف کے پیسے سے فلیٹس خریدے۔

پی ٹی آئی چیئرمین نے کہا کہ معاملہ گول گول گھوم رہا ہے، سلیم اللہ ،کلیم اللہ چل رہا ہے، شریف خاندان اب تک کوئی منی ٹریل پیش نہیں کرسکا ہے، اصل منی ٹریل اسحاق ڈار کا اعترافی بیان ہے، پیسہ کس طرح منی لانڈرنگ کرکے بھیجا گیا،بی بی سی کی رپورٹ موجود ہے۔

عمران خان وکیل نے کہا یہ بادشاہ ہیں اور بادشاہوں کے بادشاہوں سے تعلقات ہوتے ہیں، حسین نواز کے لئے تین فلیٹس مے فیئرز میں خریدے گئے، جب چھوٹا بھائی گیا تو شریف خاندان کے فلیٹس کی تعداد4ہوگئی۔

انکا مزید کہنا تھا کہ عدالت نے پوچھا شریف خاندان نے تحفوں کے جواب میں کیا دیا تو وکیل نے بتایا کہ یہ لوگ بزنس پارٹنرز ہیں۔ حکومت پانامامیں پھنسی ہوئی ہے، سب کرپشن بچانے میں لگے ہیں، سپریم کورٹ نے کہا ہے پاکستان کے ادارے ناکام ہوچکے ہیں، اداروں کو جو کام کرنا چاہئے تھا وہ نہیں کررہے ہیں،

رانا ثناء اللہ کے حوالے سے عمران خان نے کہا کہ وزیرقانون پنجاب نے ہڑتال سے متعلق شرمناک بیان دیا ہے، راناثنا اللہ کا بیان احمقانہ ہے اس کی مذمت کرتا ہوں۔

اسلام آباد : پاکستان تحریک انصاف کے سربراہ کا کہنا ہے کہ وزیراعظم قانون کے پیچھے چھپ رہے ہیں، پہلے کوئی قطری نہیں تھا جیسے ہی کیس سپریم کورٹ میں آیا دو دو قطری آگئے۔

تفصیلات کے مطابق پی ٹی آئی کے چیئرمین عمران خان کا سپریم کورٹ کے باہر میڈیا سے گفتگو میں کہا کہ درخواست کے قابل سماعت ہونے کو تیسری بار چیلنج کیا گیا، نوازشریف نے اسمبلی میں کہا میں خود کو احتساب کیلئے پیش کرتا ہوں، تیسرے وکیل نے درخواست کو قابل سماعت ہونے کو چیلنج کیا، نوازشریف کہتے ہیں کاروبار والد کرتے تھے ہمیں کچھ نہیں پتہ، بچے کہتے ہیں کاروبار دادا کرتے تھے ہمارے پاس کچھ نہیں ہے۔

عمران خان نے کہا کہ جس کا بھی پاناما لیکس میں نام آیا کسی نے اس کو چیلنج نہیں کیا، پانامالیکس سے پہلے یہ کہتے تھے بیرون ملک ہماری کوئی جائیداد نہیں، اب یہ رنگے ہاتھوں پکڑے گئے تو جواب نہیں دے رہے ہیں۔

انکا مزید کہنا تھا کہ گلف اسٹیل کے 15ملین درہم کا نقصان کس نے پورا کیا کوئی ریکارڈ نہیں، 1980 میں ان کو 12ملین کا منافع ہوجاتا ہے، یہ بھی ان کونہیں پتہ، نوازشریف نے اسمبلی میں کہا میرے پاس تمام دستاویزات موجود ہیں، معاہدوں میں بینکوں کا ذکر ہے مگر کوئی منی ٹریل موجود نہیں ہے۔

عمران خان نے نواز شریف کو مخاطب کرتے ہوئے کہا کہ لندن کے فلیٹس آپ کے ہیں توثبوت بھی آپ نے ہی دینے ہیں، 13 سال کا مے فیئرکا کرایہ ہی 30کروڑ کے قریب بنتا ہے۔

قطری شہزادے کے حوالے سے پی ٹی آئی چیئرمین کا کہنا تھا کہ قطری کرپٹ ترین آدمی ہے، اس پرکرپشن کے الزامات ہیں، قطری نے 30کروڑکا فائدہ پہنچایا، آپ نے بدلے میں کیا دیا۔

انھوں نے مزید کہا کہ ملک کا وزیراعظم قانون کے پیچھے چھپنے کی کوشش کررہا ہے، کیا ملک کا وزیراعظم قانون کے اوپر ہوتا ہے، برطانوی وزیراعظم ڈیوڈ کیمرون نے پارلیمنٹ میں اپنی صفائی پیش کی، ہم اس لئے یہاں موجود ہیں کیونکہ پاکستان کے ادارے ناکام ہوچکے ہیں۔

عمران خان نے کہا کہ سات مہینے سے قطری کہیں نہیں تھا،عدالت پہنچے توقطری آگیا، پاناماکو نہیں مانتے تو آئی سی آئی جے اور بی بی سی کو عدالت لے جائیں، ابھی تک قطری کے سوا کچھ نظر نہیں آرہا ہے۔