ARYNews.tv | Urdu – Har Lamha Bakhabar

Tag: media talk

  • رائیونڈکسی کی جاگیر نہیں،پورےپاکستان سے لوگوں کو رائیونڈ لے کرجائیں گے، عمران خان

    رائیونڈکسی کی جاگیر نہیں،پورےپاکستان سے لوگوں کو رائیونڈ لے کرجائیں گے، عمران خان

    اسلام آباد : پاکستان تحریک انصاف کے چیئرمین عمران خان کا کہنا ہے کہ رائیونڈ کسی کی جاگیر نہیں، پورے پاکستان سے لوگوں کو رائیونڈ لے کرجائیں گے۔

    تفصیلات کے مطابق بنی گالہ میں میڈیا سے گفتگو کرتے ہوئے عمران خان نے کہا کہ اسپیکر نے صرف انکے خلاف ریفرنس بھیج کر جانبداری کا مظاہرہ کیا، رائیون ڈکسی کی جاگیر نہیں پورے پاکستان سے لوگوں کورائیونڈ لے کرجائیں گے۔

    مزید پڑھیں : عمران خان کا 24ستمبر کو رائے ونڈ کی طرف مارچ کا اعلان

    رہے کہ کراچی میں جلسہ عام سے خطاب کرتے ہوئے پاکستان تحریک انصاف کے سربراہ عمران خان نے 24 ستمبر کو رائے ونڈ مارچ کا اعلان کرتے ہوئے پورے پاکستان سے لوگوں کو اس میں شرکت کی دعوت دی تھی۔

    انہوں نے کہاکہ کراچی کی پولیس کو غیر سیاسی کیے بغیر کراچی میں امن ممکن نہیں، کراچی کے عوام میرے ساتھ مل کر نواز شریف کے خلاف قدم اٹھائیں، میں 24ستمبر کو رائے ونڈ کے مارچ کا اعلان کرتا ہوں۔

    مزید پڑھیں : عمران خان رائیونڈ آئے تو بنی گالہ بھی محفوظ نہیں رہے گا، عابد شیرعلی

    مسلم لیگ ن کے رہنما اور وزیر مملکت پانی و بجلی عابد شیرعلی نے دھمکی دی ہے کہ اگر عمران خان رائے ونڈ کی جانب آئیں گے تو نہ بنی گالہ رہے گا نہ زمان پارک کا گھر رہے گا۔

  • پاکستان میں بچوں کو اعلیٰ تعلیم کی ضرورت ہے، عامر خان

    پاکستان میں بچوں کو اعلیٰ تعلیم کی ضرورت ہے، عامر خان

    لاہور: پاکستانی نژاد برطانوی باکسر عامر خان کا کہنا ہے کہ پاکستان میں بچوں کو اعلی تعلیم کی ضرورت ہے ، امیر کا بچہ تعلیم حاصل کرسکتا ہے۔ غریب کا بچہ غربت کی وجہ سے پیچھے رہ جاتا ہے ۔

    تفصیلات کے مطابق لاہور میں ایک نجی اسکول کے دورے کی موقع پر میڈیا سے گفتگو کرتے ہوئے باکسر عامر خان کا کہنا تھا کہ لاہور آکر بہت خوشی ہوئی ، پاکستان میں دیہاتی علاقوں میں تعلیم حاصل کرنے والے طلباو طالبات کو مشکلات کا سامنا ہے ، پاکستان میں تعلیمی اصلاحات کی ضرورت ہے۔

     مزید پڑھیں :  پاکستان کے نوجوان باکسر بننا چاہتے ہیں،عامرخان

    انکا کہنا تھا کہ باکسر عامر خان نے اس امر کی تصدیق کی کہ زمین کے تنازعہ کی وجہ سے باکسنگ اکیڈیمی بنانے کا کام آگے نہیں بڑھ سکا۔ تاہم وزیر اعلی پنجاب نے انہیں زمین فراہم کرنے کی یقین دہانی کرائی ہے کہ جلد از جلد باکسنگ اکیڈمی کےلیے جگہ فراہم کرینگے۔

    ان کا کہنا تھا کہ محمد وسیم پاکستان میں باکسنگ کے لئے امید کی کرن ہے ، وہ چاہیں تو محمد وسیم ان سے مدد لے سکتے ہیں۔

     مزید پڑھیں  :  باکسرعامرخان کی اہلیہ تھر کے رنگوں میں رنگ گئیں

    اُن کا کہنا تھا کہ جمعہ کے دن وہ داتا دربار حاضری دینگے۔

    یاد رہے چند روز قبل پاکستانی نژاد برطانوی باکسر عامر خان نےغربت اور بھوک سے متاثرہ علاقے تھر پارکر کا دورہ کرکے پانی اور توانائی کے منصوبے کا افتتاح کیا اور اسپتال بنانے کا اعلان بھی کیا۔

  • وسیم اختر کراچی والوں کے میئر ہیں، ، خواجہ اظہار الحسن

    وسیم اختر کراچی والوں کے میئر ہیں، ، خواجہ اظہار الحسن

    کراچی : متحدہ قومی مو ومنٹ کے رہنما اور سندھ اسمبلی کے قائد حزب اختلاف خواجہ اظہار الحسن نے کہا ہے کہ کراچی کے منتخب بلدیاتی نمائندے شہر کے عوام کی بلاتخصیص خدمت کریں گے، وسیم اختر کراچی والوں کے میئر ہیں، یقین ہے کہ کامیابی کا جشن ماضی کی طرح منائیں گے۔

    متحدہ قومی مو ومنٹ کے رہنما اور سندھ اسمبلی کے قائد حزب اختلاف خواجہ اظہار الحسن نے کراچی میں میڈیا سے بات کرتے ہوئے کہا کہ شہر کے لوگوں کے تکالیف ختم ہونے کا وقت آگیا ہے، اب متحدہ کے میئر اور ڈپٹی میئر عوام کی خدمت کیلئے ہروقت موجود ہونگے۔

    انہوں وزیراعلیٰ سے اپیل کی کہ وہ منتخب بلدیاتی نمائندوں کے ہاتھ مضبوط کریں، شہر میں کام ہوگا، شہر کی خدمت ہوگی تو وزیر اعلی کا نام ہوگا،چیئرمین اور وائس چیئرمین شہر کی خدمت کیلئے تیار ہیں۔

    خواجہ اظہار الحسن کا وسیم اختر سے متعلق کہنا تھا کہ وسیم اختر کے دفاع کیلئے وکلا کی اچھی ٹیم موجود ہیں، جیل سے کراچی کے معاملات چلانا دشوار ہوگا، ان پر تمام تر الزامات بے بنیاد ہے، شفاف تحقیقات ہونی چاہیے اور وسیم اختر کو کراچی کی خدمت کا موقع دیں۔

    انکا مزید کہنا تھا کہ کراچی شہر کو میئر کی ضرورت ہے، جس نے میئر اور ڈپٹی میئر کو ووٹ دیا یا نہ دیا، ایم کیو ایم کا میئر کراچی کے ہر رہنے والے کا میئر ہے۔

    کراچی آپریشن سے متعلق انکا کہنا تھا کہ کراچی آپرشن سے شہر کو امن کی طرف لے جایا جارہا ہے، کراچی آپریشن کا فائدہ کسی مخصوص جماعت کو نہیں ہوگا۔

    خواجہ اظہار الحسن نے کہا کہ منتخب بلدیا تی نمائندوں کے اختیارات کیلئے سندھ اسمبلی سمیت تمام قانونی اورآئینی فورم پر آواز بلند کی جائے گی، تحریک انصاف اور جماعت اسلامی کراچی میئر کے انتخاب میں ہمارا ساتھ دے۔

    ڈاکٹرعامر لیاقت کے پارٹی چھوڑنے سے متعلق خواجہ اظہار الحسن کا کہنا تھا کہ عامر لیاقت ہمارے بھائی ہے، گلے شکوے دور کریں گے ، ہم چائیں گے عامر لیاقت آکر بات کریں ۔

  • فہد ملک کے قاتلوں کو پکڑنا نواز شریف کی ذمہ داری ہے، عمران خان

    فہد ملک کے قاتلوں کو پکڑنا نواز شریف کی ذمہ داری ہے، عمران خان

    اسلام آباد: تحریک انصاف کے چیئرمین عمران خان نے کہا ہے کہ ملک کے دارالحکومت اسلام آباد میں سب کے سامنے دھڑلے سے فہد ملک کو قتل کیا گیا،اس کے قاتلوں کو پکڑنا وزیراعظم کی ذمہ داری ہے قاتل نہ پکڑے گئے تو جرائم ہوتے رہیں گے۔

    اسلام آباد میں میڈیا سے گفت گو کرتے ہوئے چیئرمین تحریک انصاف عمران خان کا کہنا تھا کہ دارالحکومت میں قتل ہوا کسی کو شک نہیں کہ قاتل کون تھا سب نے دیکھا، جرائم ختم کرنے ہیں تو حکومتی رٹ قائم کرنا ہوگی۔

    انہوں نے کہا کہ جرائم کو ختم کرنے کے لیے وزیراعظم نواز شریف کو اقدامات کرنے ہوں گے ، جب تک مجرموں کو پکڑے جانے کا خوف نہیں ہوگا اس وقت تک جرائم ختم نہیں ہوں گے۔

    انہوں نے کہا کہ فہد ملک کے قاتلوں کو پکڑنا وزیراعظم کی ذمہ داری ہے ، اس نے تھانے کے باہر قتل کیا، اسے پتا تھا کہ اسے کوئی گرفتار نہیں کرسکتا اسی لیے قاتل نے سب کے سامنے دھڑلے سے قتل کیا آخر اسے کس کی پشت پناہی حاصل ہے جو قاتل کو پکڑے جانے کا خوف ہی نہیں۔

  • نامز میئر کراچی کی گرفتاری سمجھ سے بالاتر ہے، ڈاکٹر عاصم

    نامز میئر کراچی کی گرفتاری سمجھ سے بالاتر ہے، ڈاکٹر عاصم

    کراچی : نیب عدالت میں ڈاکٹر عاصم کرپشن کیس کی سماعت سے قبل ڈاکٹر عاصم کی میڈیا سے غیر رسمی گفتگو، وزیر اعلیٰ سندھ کی تبدیلی کو خوش آئند اور نامز میئر کراچی کی گرفتاری کو حیران کُن قرار دے دیا۔

    تفصیلات کے مطابق ڈاکٹر عاصم کے خلاف نیب کی عدالت میں کرپشن کیس کی سماعت ہوئی، دورانِ سماعت ڈاکٹر عاصم کے وکیل نے فرد جرم عائد کرنے کی مخالفت کرتے ہوئے کہا کہ ’’اس کیس سے متعلق دستاویزات اب تک مکمل نہیں لہذا قانون کے مطابق فرد جرم عائد نہیں کی جاسکتی‘‘۔

     اس موقع پر ڈاکٹر عاصم نے میڈیا سے غیر رسمی گفتگو کرتے ہوئے نامزد میئر کراچی وسیم اختر کی گرفتار ی پر حیرت کا اظہار کرتے ہوئے کہا کہ ’’نامزد میئر کراچی وسیم اختر کی گرفتاری سمجھ سے بالاتر ہے، اگر میرے مقدمے میں وسیم اختر کو گرفتار کرنا ہی تھا تو پہلے کرلیتے‘‘۔

    مزید پڑھیں : نامزد میئر وسیم اختر جوڈیشل ریمانڈ پر جیل روانہ

    وزیر اعلیٰ سندھ کی تبدیلی کے حوالے سے گفتگو کرتے ہوئے انہوں نے مزید کہا کہ ’’وزیر اعلیٰ کے منصب پر مراد علی شاہ کی تقرری خوش آئند ہے، اس تبدیلی کے بعد صوبے میں خوشگوار تبدیلی متوقع ہے‘‘۔

      پڑھیں : وزیر اعلیٰ سندھ مراد علی شاہ نے اپنے عہدے کا حلف اُٹھا لیا

     واضح رہے چھ مئی کو احتساب عدالت میں پراسیکیوٹر کی جانب سے ڈاکٹر عاصم حسین پر دورِ وازارت میں اختیارات کو استعمال کرتے ہوئے گیس اور پیٹرولیم کے ٹھیکے جاری کرنے کے حوالے چونسٹھ ارب روپے کی کرپشن کا الزام عائد کیا گیا تھا۔

    یہ بھی پڑھیں : ڈاکٹرعاصم حسین پر462 ارب کی کرپشن کے الزام میں فردِ جرم عائد

    فردِجرم میں مزید کہاگیا تھا کہ ڈاکٹرعاصم نے اپنے دورِ وزارت میں مصنوعی گیس کی قلت پیدا کی جس کے باعث کھاد دوسرے ملک سے درآمد کر کے مہنگے داموں فروخت کی گئی، جس سے ملکی خزانے کو چار سو باسٹھ ارب روپے کا خسارہ ہوا۔

  • وفاقی صوبوں‌ سے زیادتی بند کرے، کے پی کے اور سندھ کے وزرائے اعلیٰ‌ متحد

    وفاقی صوبوں‌ سے زیادتی بند کرے، کے پی کے اور سندھ کے وزرائے اعلیٰ‌ متحد

    کراچی: سندھ اور خیبر پختون خوا کی حکومتیں‌ وفاق کے خلاف متحد ہوگئیں، وزرائے اعلیٰ سندھ اور خیبر پختون خوا نے مشترکہ طور پر کہا ہے کہ وفاق صوبوں سے زیادتی بند کرے، بجلی کے معاملے پر وفاق کو ہمارا حق دینا ہوگا۔

    یہ بات دونوں وزرائے اعلیٰ نے کراچی میں میڈیا سے گفت گو کرتے ہوئے کہی اور وفاق پر اظہار ناراضی کیا۔ قبل ازیں وزیراعلیٰ خیبر پختون خوا نے وزیر اعلیٰ‌ سندھ سے ملاقات کی اور دو طرفہ امور پر تبادلہ خیال کیا

    وزیراعلیٰ سندھ سید قائم علی شاہ نے کہا کہ وفاق صوبوں سے زیادتی کرہا ہے، بجلی کے معاملے پر ہمارا حصہ کم دیا جارہا ہے، آئین و قانون کے تحت احتجاج کرنا سب کا حق ہے، ہم احتجاج ریکارڈ کرائیں گے۔

    انہوں نے کہا کہ عوام احتجاج کرتے ہیں تو کوئی بھی اسلام آباد نہیں جاتا، عوام صوبوں سے ہی اپنے حقوق کی ادائیگی کا مطالبہ کرتے ہیں کہ انہیں بنیادی سہولتیں دی جائیں،وفاق ہماری نہیں سنتا، بات کرنے پر غصہ کرتا ہے۔

    وزیراعلیٰ خیبر پختون خوا نے کہا کہ بجلی کے معاملے پر سندھ اور کے پی کے کا موقف ایک ہے، سندھ کی ایک ہزار میگا واٹ اور خیبر پختون خوا کی 600 میگا واٹ بجلی وفاق چوری کرتا ہے،  ترقیاتی کاموں اور وسائل کی تقسیم میں ہمیں حصہ نہیں دیا جارہا،وفاق کے خلاف احتجاج کا فیصلہ کرلیا تاہم لائحہ عمل کا اعلان پارٹی کی قیادت کرے گی جس کا فیصلہ عمران خان کی واپسی پر ہوگا۔

    سانحہ ماڈل ٹائون پر پرویز خٹک نے کہا کہ اتنا ظلم کوئی انسان نہیں کرسکتا، یہ کسی حیوان کا کام ہے۔انہوں نے عبدالستار ایدھی کی خدمات کو خراج عقیدت پیش کرتے ہوئے کہا کہ اسلام آباد ایئرپورٹ ایدھی کے نام سے منسوب کرنے کی سفارش کریں گے۔

  • پاکستان میں ایدھی سروس آج بھی چلتی رہیگی، فیصل ایدھی

    پاکستان میں ایدھی سروس آج بھی چلتی رہیگی، فیصل ایدھی

    کراچی : عبد الستار ایدھی کے صاحبزادے فیصل ایدھی کا کہنا ہے کہ پاکستان سمیت دنیا بھر میں ایدھی سروس آج بھی چلتی رہے گی اور ان کے والد کی تدفین کے موقع پر سڑکیں بند نہ کی جائیں اور نہ ہی پروٹوکول دیا جا ئے ۔

    تفصیلات کے مطابق عبدالستارایدھی کے صاحبزادے فیصل ایدھی کا میڈیا سے گفتگو کرتے ہوئے کہنا تھا کہ حکومت سے اپیل ہے کہ والد صاحب کے جسد خا کی کو پروٹوکول نہ دیا جائے نہ ہی میت لے جانے والے راستے بند کیے جائیں۔

    فیصل ایدھی کا کہنا تھا کہ پاکستان سمیت دنیا بھر میں ایدھی کی سروس آج بھی چلتی رہے گی۔

    فیصل ایدھی نے ایدھی ایمبولینسز کے اہلکاروں کو نماز جنازہ میں شرکت سے روک دیا ہے اور عملے پر واضح کیا ہے کہ تمام عملہ اپنے کام میں لگا رہے۔

    انھوں نے کہا کہ ایمبولینس سروس ایک منٹ کے لئے بھی نہیں رکے گی، جو جہاں ہے وہیں رہے، نماز جنازہ یا تدفین میں آنے کی زحمت نہ کرے، فیصل ایدھی نے واضح کیا ہے کہ فلاحی سرگرمیاں بلا تعطل جاری رہیں گی۔

    فیصل ایدھی نے بتایا کہ سفری دستاویزات کا مسئلہ ہونے کے باعث قطب ایدھی والد کے جنازہ میں شرکت نہیں کر سکیں گے۔

  • ای او بی آئی اسکینڈل کیس: اپوزیشن لیڈر خورشید شاہ کو نوٹس جاری

    ای او بی آئی اسکینڈل کیس: اپوزیشن لیڈر خورشید شاہ کو نوٹس جاری

    اسلام آباد: سپریم کورٹ نے ای او بی آئی اسکینڈل سے متعلق کیس میں اپوزیشن لیڈر خورشید شاہ کو نوٹس جاری کر دیا۔ عدالت عظمیٰ نے خورشید شاہ سے آئندہ سماعت پر تفصیلی جواب مانگا ہے۔

    سابق چیئر مین ای او بی آئی کے خلاف تو ہین عدالت کیس میں قومی اسمبلی میں اپوزیشن لیڈر خورشید شاہ سپریم کورٹ کے ریڈار پر آ گئے،سپریم کورٹ کی جانب سے خورشید شاہ کو نوٹس بطور سابق وزیرمحنت و افرادی قوت کے طورپردیاگیا ہے۔

    عدالت عظمیٰ کے نوٹس میں خورشید شاہ کو آئندہ سماعت پر تفصیلی جواب دینے کی ہدایت کی گئی ہے،ای او بی آئی کیس میں آج سپریم کورٹ نے سابق سیکریٹری محنت و افرادی قوت کے وارنٹ گرفتاری جا ری کر دیے اور عارف عظیم کا نام ای سی ایل میں شامل کر نے کا حکم دے دیا۔

  • شوکت خانم اسپتال میں کرپشن ثابت ہوئی تو سیاست چھوڑ دوں گا، عمران خان

    شوکت خانم اسپتال میں کرپشن ثابت ہوئی تو سیاست چھوڑ دوں گا، عمران خان

    لاہور:پاکستان تحریک انصاف کے چیئرمین عمران خان نے کہا ہے کہ حکومت کی کوشش ہے کہ ٹی او آرز کے معاملے کو طول دیا جائے، ٹی او آرز طے نہ ہوئے تو دس فیصد پاکستانی سڑکوں پر لے آؤں گا،شوکت خانم اسپتال میں کرپشن ثابت ہوئی تو سیاست چھوڑ دوں گا۔

    لاہور آمد کے بعد شوکت خانم میموریل اسپتال کے باہر میڈیا سے گفت گو کرتے ہوئے عمران خان کا کہنا تھا کہ نواز شریف کو ٹی او آرز سے کیا ڈر ہے آخر انہیں کیس چیز کا خوف ہے،د راصل نواز شریف کو اپنے اثاثے چھپانے کی عادت ہے اور انہوں نے اربوں روپے کے اثاثے اپنے بچوں کے نام پر رکھے ہوئے ہیں ، بتایا جائے کہ ساڑھے چھ سو کروڑ روپے کا گھر لندن میں کیسے خریدلیا گیا۔

    انہوں نے کہا کہ حکومت خوف زدہ ہے کہ اگر تحقیقات ہوئیں تو سب کچھ سامنے آجائے گا، میں کہتا ہوں کہ صرف نواز شریف کا نہیں ، ان کے ساتھ ساتھ میرا بھی احتساب کیا جائے۔

    عمران خان کا کہنا تھا کہ آئس لینڈ کے پرائم منسٹر اور نواز شریف کا ایک ہی کیس ہے، آئس لینڈ کے پرائم منسٹر اس لیے مستعفی ہوئے کہ وہاں دس فیصد عوام سڑک پر نکل آئے، میں بھی واضح کردوں کہ اگر ٹی او آرز طے نہ ہوئے تو دس فیصد پاکستانی سڑکوں پر لے آؤں گاعام شوق سے سڑکوں پر آئیں گے کیوں کہ وہ پہلے ہی مہنگائی اور ٹیکسوں سے تنگ ہیں۔

    انہوں نے مزید کہا کہ ن لیگ کی کوشش ہے کہ ٹی او آرز کے معاملے کو طول دیا جائے اور یہ بھی کوشش ہے کہ پی ٹی آئی اس معاملے میں تنہا رہ جائے۔

    بعدازاں شوکت خانم اسپتال میں افطار ڈنر کی تقریب سے خطاب کرتے ہوئے عمران خان کا کہنا تھا کہ اگر شوکت خانم اسپتال میں کرپشن ثابت ہوئی تو سیاست چھوڑ دوں گا، انٹرنیشنل آڈیٹرز سے شوکت خانم اسپتال کے اکائونٹس چیک کرائے جائیں، حکومت نے اپنی کرپشن چھپانے کے لیے شوکت خانم اسپتال کو تنقید کا نشانہ بنایا۔

  • حکومت اپوزیشن کوسڑکوں پرنہ دھکیلے، خورشید شاہ

    حکومت اپوزیشن کوسڑکوں پرنہ دھکیلے، خورشید شاہ

    اسلام آباد: قومی اسمبلی میں بجٹ پر بحث کے پہلے ہی روز حکومت کو کورم کے مسائل کا سامنا رہا، جبکہ اپوزیشن نے تقاریر براہ راست نشر نہ کیے جانے پر بھی احتجاج کیا۔

    قومی اسمبلی کا اجلاس اسپیکر ایاز صادق کی زیر صدارت منعقد ہوا جس میں بجٹ پر بحث کرتے ہوئے اپوزیشن لیڈر خورشید شاہ کا کہنا تھا کہ بجٹ کی کوئی سمت نظر نہیں آرہی بجٹ کسان دوست ہے یا مزدور دوست یا پھر کیا صوبے اس بجٹ سے خوش ہیں۔

    انہوں نے کہا کہ حکومت پہلے ایک دو اور تین سال میں بجلی پوری کرنے کے وعدے کرتی رہی اور اب کہتی ہے کہ 2018ء میں بجلی پوری ہو جائے گی مگر بجلی کا پورا ہونا 2018ء میں بھی ممکن نہیں دکھائی دیتا کیونکہ حکومت کا کوئی بھی منصوبہ بروقت مکمل نہیں ہو گا۔

    خورشید شاہ کا کہنا تھا کہ حکومت اپوزیشن کوسڑکوں پرنہ دھکیلے، پاناما ہو یا قرض معاف کروانے والے سب کا احتساب ہونا چاہیے ہم کرپشن کرنے والے کو بھی دہشت گرد سمجھتے ہیں۔

    خورشید شاہ نے اپوزیشن کی تقاریر سر کاری ٹی وی پر نشر نہ کئے جانے پربھی احتجاج کیا اور کہا کہ اس معاملے پر اسپیکر قومی اسمبلی کو بھی گمراہ کیا گیا ۔

    خطاب کے دوران خورشید شاہ نے جب یہ تجویز دی کہ 4 سے 5 لاکھ روپے سالانہ ٹیکس دینے والے امیدوار کے کاغذات نامزدگی جمع کئے جائیں، اب تو ویسے ہی ماہانہ تنخواہ 3 سے 4 لاکھ روپے ہونے جا رہی ہے،جس پر اسحاق ڈار نے جواب میں ہاتھ ہلا کر انکارکیا۔

    بجٹ بحث میں حصہ لیتے ہوئے ایم کیو ایم کے پارلیمانی لیڈر فاروق ستار نے مطالبہ کیا کہ پیٹرولیم مصنوعات پر عائد پیٹرولیم لیوی کا غنڈہ ٹیکس ختم کیا جائے جبکہ بجلی اور گیس پر سیلز ٹیکسز بھی ختم کیے جائیں، دریں اثنا قومی اسمبلی کا اجلاس کل صبح گیارہ بجے دوبارہ ہوگا۔