پیپلز پارٹی پارلیمنٹیرینز کی سیکریٹری اطلاعات شازیہ مری نے کہا ہے کہ تحریک عدم اعتماد کا آپشن نہیں چھوڑا، حکومت کےخلاف ہرجمہوری حربہ استعمال کریں گے
لاہور میں میڈیا سے گفتگو کرتے ہوئے شازیہ مری کا کہنا تھا کہ جب سے موجودہ حکومت آئی ہے ملک کو اندرونی اور بیرونی طورپرنقصان ہوا، پاکستان بیرونی طور پر تنہائی کا شکار ہے
, انہوں نے کہا کہ منی بجٹ ہم پر مسلط کیا گیا ہے، جو چیزیں سستی تھیں اب ان پر بھی ٹیکس لگایا جارہا ہےمہنگائی عروج پر ہے لوگوں سے چھت چھین لی گئی ہے۔
شازیہ مری کا مزید کہنا تھا کہ کسانوں کے مسائل بڑھ رہے ہیں، کھاد کے بحران سے ملک میں گندم کی قلت کا خدشہ ہے، پیپلز پارٹی عوام کو تنہا نہیں چھوڑے گی پارلیمنٹ اور سڑکوں پر احتجاج کریں گے، ڈویژن سطح پر ٹریکٹر ٹرالیاں نکالی جائیں گی۔
پی پی سیکریٹری اطلاعات نے وزیر دفاع کی گفتگو کی مذمت کرتے ہوئے کہا عمران خان کا ٹولہ روز لوگوں کو گالیاں دے رہا ہےپی ٹی آئی رہنماؤں جیسی گندی ذہنیت کسی پارٹی میں نہیں دیکھی۔ انہوں نے کہا کہ پی ٹی آئی رہنماؤں جیسی گندی ذہنیت کسی کی نہیں دیکھی، یہ جتنی بدزبانی کرلیں عمران برانڈ نہیں بک سکے گا، عمران خان کو پتہ ہے کہ انتخابات میں ان کے ساتھ کیا ہونے والا ہے اسی لیے یہ الیکٹرانک ووٹنگ مشین کے پیچھے چھپ رہے ہیں۔
شازیہ مری نے یہ بھی کہا کہ ستائیس فروری کے لانگ مارچ سے متعلق بلاول بھٹو نے ہدایات دی ہیں پی پی پی کے سندھ اور بلوچستان صوبائی کونسل کے اجلاس جاری ہیں جو کل بھی ہوں گے۔
