Tag: media talk

اسلام آباد: وزیر ریلوے شیخ رشید کا کہنا ہے کہ کشمیر ایشو پر تمام سیاسی جماعتیں اکٹھی ہونے جارہی ہیں، چین پاکستان کے ساتھ کھڑا ہے۔

تفصیلات کے مطابق وفاقی وزیر ریلوے شیخ رشید کا کہنا ہے کہ 40 فیصد سے کم آمدن دینے والی ٹرینیں بند کریں گے، ایم ایل ون منصوبے کے معاہدے پر اکتوبر میں دستخط ہوں گے۔ ایم ایل 2 منصوبے پر بھی فزیبلٹی رپورٹ تیار ہے۔

شیخ رشید کا کہنا تھا کہ اسرائیل کے ساتھ تعلقات نہیں بنا رہے، بھارت کے ساتھ کوئی مذاکرات نہیں ہو رہے۔ کشمیر ایشو پر تمام سیاسی جماعتیں اکٹھی ہونے جارہی ہیں۔

انہوں نے کہا کہ رات کو بات ہوئی وزیر اعظم نے کہا عثمان بزدار نہیں جا رہے، مرکز اور صوبے میں تھوڑی بہت تبدیلی ہوسکتی ہے۔ موسم کے ساتھ ساتھ سیاست بدل رہی ہے۔ وزیر اعظم عمران خان نے کہا عثمان بزدار کے ساتھ کھڑا ہوں۔ میرے سامنے کراچی میں گورنر راج جیسی کوئی بات نہیں ہوئی۔

شیخ رشید کا کہنا تھا کہ مقبوضہ کشمیر میں مسلسل کرفیو ہے، بات آگے بڑھ چکی ہے۔ افغانستان کے گزشتہ 4 سے 5 دن سے حالات بہت خراب ہیں۔ چین پاکستان کے ساتھ کھڑا ہے۔

انہوں نے مزید کہا کہ سیاسی جماعتیں اور عوام کشمیر کے معاملے پر اکٹھے ہیں، نیب اپنی علیحدہ کارروائیاں جاری رکھے گا۔ سپریم کورٹ ملک میں جمہوریت کی ضمانت ہے اور جمہوریت کے ساتھ کھڑی ہے۔ کراچی اور سندھ میں گورنر راج نہیں دیکھ رہا۔

وفاقی وزیر کا کہنا تھا کہ درمیانی راستے کے لوگ بیچ میں موجود ہیں، آصف زرداری کے لوگوں نے پیسے دیے ہیں۔ آصف زرداری ایسے ہیں کہ وہ بانٹ کر کھاتے ہیں، نواز شریف اکیلے کھاتے ہیں۔

شیخ رشید نے کہا کہ اے سی کی سہولت کی بات بہت چھوٹی ہے، پی ٹی آئی کے بعض لوگ خفا ہو جاتے ہیں لیکن اے سی ضرور ملنا چاہیئے۔ جو مکیش کے گانے سنتے ہیں انہیں مکیش کی ٹیپ ملنی چاہیئے۔

اسلام آباد: وفاقی وزیر ریلوے شیخ رشید کا کہنا ہے کہ مقبوضہ کشمیر جل رہا ہے، بھارت کے سپر پاور بننے میں پاکستان رکاوٹ ہے۔ کشمیر کے مسئلے پر جو خاموش ہوگا وہ یزیدی قوتوں کے ساتھ ہوگا۔

تفصیلات کے مطابق وفاقی وزیر ریلوے شیخ رشید کا کہنا ہے کہ نریندر مودی کی عقل جواب دے گئی ہے، مودی سمجھتا ہے کہ پاکستان معاشی مسائل میں گھرا ہوا ہے۔ پاکستان کی معیشت کمزور ہوسکتی ہے مگر دفاع نہیں۔

شیخ رشید کا کہنا تھا کہ ہمارے جوان جان ہتھیلی پر رکھ کر مودی کے حملے کا انتظار کر رہے ہیں، کشمیر کے مسئلے پر جو خاموش ہوگا وہ یزیدی قوتوں کے ساتھ ہوگا، اپوزیشن سے بھی کہتا ہوں کشمیر کے مسئلے پر ایک ہوجائے۔

انہوں نے اپوزیشن کے لیے کہا کہ یہ سیاست کرتے رہیں گے، پیسے وصول کریں گے تو نیب آپ کو ڈیل کرے گا۔ وزیر اعظم عمران خان 27 تاریخ کو دنیا کو واضح پیغام دیں گے۔ مودی نے آسام کے لاکھوں شہریوں کو دوسرے درجے کا شہری بنا دیا ہے۔

شیخ رشید کا کہنا تھا کہ مودی نے اسلام اور مسلمانوں کے خلاف اعلان جنگ کیا ہے، مودی کا ہندوستان کے سپر پاور بننے کا خواب نیست و نابود ہوجائے گا۔ اعلان کرتا ہوں 22 تاریخ کو سماہنی کے بارڈر پر جا رہا ہوں۔ کوٹلی، تتہ پانی اور لیپہ سمیت تمام بارڈر کے علاقوں پر جاؤں گا۔ وزیر اعظم کی 27 تاریخ کی تقریر کے بعد مقبوضہ کشمیر کا رخ کروں گا۔

انہوں نے کہا کہ ابھی میں آزاد کشمیر کا دورہ مکمل کروں گا، مقبوضہ کشمیر جل رہا ہے۔ میڈیا کے کردار کو سلام پیش کرتا ہوں۔ بھارت کے سپر پاور بننے میں پاکستان رکاوٹ ہے۔ تقریریں اور پریس کانفرنس بہت کرلی، جنگ خود لڑوں گا۔

شیخ رشید کا کہنا تھا کہ بھارت نے تاریخ میں 2 غلطیاں کی ہیں، ایک ایٹمی دھماکہ اور دوسرا لاقانونیت۔ ہم اور پاکستان کی فوج تیار ہیں۔ شاہ محمود قریشی اور عمران خان تاریخی جدوجہد کر رہے ہیں۔ جس دن ملک پر حملہ ہوا فوج کے شانہ بشانہ کھڑا ہو کر مقابلہ کروں گا۔

اسلام آباد: وفاقی وزیر ریلوے شیخ رشید کا کہنا ہے کہ کشمیر پر کشمیریوں کا جتنا حق ہے اتنا ہی پاکستانیوں کا بھی ہے۔ مودی نے جو غلطی کی اس سے بھارت کا اقتصادی نظام تباہ ہوجائے گا۔

تفصیلات کے مطابق وفاقی وزیر ریلوے شیخ رشید کا کہنا ہے کہ کشمیر کی جدوجہد آزادی میں لال حویلی کا ایک کردار ہے، یوم آزادی کو رات 12 بجے میں خطاب کروں گا۔ عید کے بعد وادی نیلم کا دورہ کروں گا۔

شیخ رشید کا کہنا تھا کہ سندھ ایکسپریس کو روہڑی کے بجائے ملتان تک لے جار ہے ہیں، سندھ ایکسپریس کا افتتاح عید کے بعد ملتان میں کروں گا۔ 15 دن میں بائیو میٹرک نظام شروع ہوجائے گا۔ کشمیر پر جتنا کشمیریوں کا حق ہے اتنا پاکستانیوں کا بھی ہے۔

انہوں نے کہا کہ غلط فیصلے کی وجہ سے لال چوک قبرستان بن جائے گا۔ مودی نے جو غلطی کی بھارت کا اقتصادی نظام تباہ ہوجائے گا۔ کشمیر کی آزادی میں نوجوان اپنا حصہ ڈالیں۔ یہ تحریک ایسے اٹھے گی جیسے مقدس تحریک اٹھی تھی۔ جس نے بھی کشمیر پر قبضہ کیا سلامتی کونسل کی قراردادوں کو مسخ کیا۔

شیخ رشید کا کہنا تھا کہ بھارت کو اس کی قیمت دینا ہوگی۔ مسلمان جہاد اکبر پر یقین رکھتے ہیں، ہم جنگ کی باتیں نہیں کرتے جب مسلط ہوگی تو جواب دیں گے۔ تھر اور سمجھوتہ ایکسپرس کو بند کرنے کا فیصلہ سوچ سمجھ کر کیا۔ میں جب تک ریلوے کا وزیر ہوں دونوں ٹرینیں نہیں چلیں گی۔ پاکستان اور بھارت میں مذاکرات کے دروازے بند ہو چکے ہیں۔ وقت آچکا ہے ہم نے ثابت کرنا ہے کشمیر ہمارے خون کا حصہ ہیں، ایساموقع آگیا کہ بھارت ٹریپ ہوگیا ہے۔

انہوں نے کہا کہ چوہدری شوگر مل کیس ایسا ہے جو سب کو شوگر لگا دے گا، پاکستان کے مؤقف کو او آئی سی کی حمایت حاصل ہے۔ عمران خان 25 اگست کو کارکردگی قوم کے سامنے رکھیں گے۔ طالبان اور امریکا کے مسائل حل ہوتے دیکھ رہا ہوں۔ ہم دنیا میں تنہا نہیں رہ سکتے، کشمیری قابل قوم ہیں۔

وفاقی وزیر نے مزید کہا کہ ایک بھی مقدمہ عمران خان کے دور کا نہیں، پیپلز پارٹی اور ن لیگ میں مقابلہ ہے فائدہ کسے ہوگا دیکھتے ہیں۔ ڈاکو اور چور چاہتے ہیں پیسے تھرڈ پارٹی سے آئیں لیکن ہمارا ذکر نہ آئے۔