ARYNews.tv | Urdu – Har Lamha Bakhabar

Tag: medical report

  • مصطفی قتل کیس : قبر کشائی کے بعد میڈیکل رپورٹ میں اہم انکشاف

    مصطفی قتل کیس : قبر کشائی کے بعد میڈیکل رپورٹ میں اہم انکشاف

    کراچی : مصطفی عامر قتل کیس میں مقتول کی قبر کشائی کے بعد میڈیکل رپورٹ سامنے آگئی ہے، جس میں اہم انکشافات ہوئے ہیں۔

    میڈیکل رپورٹ کے مطابق مصطفی عامر  نے مرنے سے پہلے کوئی نشہ آور شے استعمال نہیں کی تھی، مقتول کی رپورٹ انڈسٹریل اینالسٹیکل سینٹر کراچی یونیورسٹی نے تیار کی۔

    قبر کشائی کے بعد ٹیسٹ کیلئے لاش سے11نمونے لیے گئے تھے، ان نمونوں میں کسی بھی قسم کے نشہ آور یا سکون آور شے کے شواہد نہیں ملے۔

    رپورٹ میں بتایا گیا ہے کہ لاش کے تجزیے کیلئے گیس کرو میٹوگرافی، ماس اسپیکٹرو میٹرک تکنیک استعمال کی گئی ہے۔

    اس کے علاوہ مصطفی عامر کی قبر کشائی کے بعد تیار کی گئی میڈیکل رپورٹ پر پرنسپل انویسٹی گیٹر، معاون تفتیش کار، ٹیکنیکل منیجر سمیت 2 ریسرچ آفیسرز  نے دستخط کیے ہیں۔

    مزید پڑھیں : مصطفیٰ قتل کیس میں ایف آئی اے کا ملزم ارمغان سے متعلق نیا انکشاف

    واضح رہے کہ گزشتہ روز مصطفیٰ قتل کیس میں گرفتار مرکزی ملزم ارمغان سے متعلق ایک نیا انکشاف سامنے آیا تھا، ملزم کی مزید 2 کمپنیوں اور کال سینٹر کی تفصیلات مل گئیں۔

    ایف آئی اے نے ملزم ارمغان کی مزید 2 کمپنیوں کا سراغ لگا لیا، ملزم کی 2 کمپنیاں پاکستان جبکہ 2 امریکا میں بھی رجسٹرڈ ہیں۔

    اس کے علاوہ ارمغان کے گھر میں پاورڈ کیبل لگی ہوئی تھیں اور کال سینٹر کے 50 ورک اسٹیشنز تھے، اس کے ڈیجیٹل کرنسی اکاؤنٹس کی چھان بین بھی جاری ہے۔

  • ماہر امراض قلب کے نوازشریف کی میڈیکل رپورٹ سے متعلق اہم انکشافات

    ماہر امراض قلب کے نوازشریف کی میڈیکل رپورٹ سے متعلق اہم انکشافات

    لاہور : ماہر امراض قلب ڈاکٹر عمیر اصغر نے نوازشریف کے حوالے سے انکشاف کیا ہے کہ رپورٹ میں جس بیماری کا ذکر کیا گیاوہ انہیں نہیں ہے۔

    تفصیلات کے مطابق نواز شریف کی عدالت میں پیش میڈیکل رپورٹ کے حوالے سے اہم انکشافات سامنے آگئے۔

    ماہر امراض قلب ڈاکٹر عمیر اصغر نے اے آر وائی نیوز سے گفتگو میں انکشاف کیا ہے کہ نواز شریف کی میڈیکل رپورٹ میں جس بیماری کا ذکر کیاگیاوہ انہیں نہیں ہے۔

    ڈاکٹرعمیراصغر کا کہنا تھا کہ میڈیکل رپورٹ میں جس بیماری کا ذکر ہے وہ ٹوکوسوبوسنڈروم ہے، نواز شریف پلیٹ لیٹس کم ہونےکی وجہ سے بیرون ملک گئے لیکن رپورٹ میں پلیٹ لیٹس کی کمی کے حوالے سے ذکر ہی نہیں کیاگیا۔

    ماہر امراض قلب نے مزید کہا کہ ٹوکو سوبو سنڈروم کسی بھی صدمے کی شکل میں ہوسکتا ہے، ٹوکو سوبو سنڈروم خواتین میں زیادہ پایا جاتا ہے اور اس کا علاج پاکستان میں ممکن ہے۔

    گذشتہ روزسابق وزیراعظم نواز شریف کی تازہ میڈیکل رپورٹس سامنے آئیں تھیں ، جس میں ڈاکٹر نے نواز شریف کو مکمل ٹھیک نہ ہونے تک سفر نہ کرنے کی تجویز دیتے ہوئے کہا تھا بغیر علاج واپس جا کر قید کاٹنا اور بیوی کے انتقال کا صدمہ دل کا مرض بڑھاسکتی ہے۔

    رپورٹ میں کہا گیا تھا کہ کورونا کی موجودہ صورتحال کے پیش نظر انھیں ہر گز سفر نہیں کرنا چاہیے اور ایئرپورٹ،عوامی مقامات پر ہرگز نہ جائیں اور جب تک نواز شریف کی کارنری انجنیو مکمل نہ ہو، اسپتال سے دور نہ جائیں، کورونا اورمختلف امراض کی وجہ سے نواز شریف کی زندگی کو خطرات ہیں۔

  • چوہنگ میں ماں بیٹی سے زیادتی کی میڈیکل رپورٹ میں تصدیق

    چوہنگ میں ماں بیٹی سے زیادتی کی میڈیکل رپورٹ میں تصدیق

    لا ہور: چوہنگ میں ماں بیٹی سے زیادتی کی میڈیکل رپورٹ میں تصدیق ہوگئی جبکہ ملزمان کے ڈی این اے سیمپل فرانزک لیب بھجوا دیئے گئے ہیں۔

    تفصیلات کے مطابق لاہور کے علاقے چوہنگ میں رکشہ ڈرائیور اوراسکے ساتھی کے ہاتھوں زیادتی کا نشانہ بننے والی ماں اور بیٹی کی میڈیکل رپورٹ سامنے آگئی ، پولیس کا کہنا ہے کہ میڈیکل رپورٹ میں زیادتی کی تصدیق ہوگئی ہے جبکہ ملزمان کے ڈی این اے سیمپل فرانزک لیب بھجوادیئے ہیں۔

    دوسری جانب چوہنگ میں رکشہ ڈرائیور اوراسکے ساتھی کی ماں بیٹی سے زیادتی کیس میں پولیس نے ملزمان کو ریمانڈ کے لیے اےٹی سی میں پیش کیا ، عمر اور منصب نامی ملزمان کوچہرہ ڈھانپ کرعدالت میں پیش کیاگیا۔

    انسداد دہشت گردی کی عدالت نے دونوں ملزمان کو شناخت پریڈ پر7روز کےلئے جیل بھیج دیا۔

    یاد رہے گذشتہ روز لاہور میں رنگ روڈ زیادتی کیس کی طرز کا ایک اور واقعہ پیش آیا تھا ، جہاں رکشہ ڈرائیور نے مسافر خاتون کیساتھ اسکی بیٹی کے سامنے مبینہ زیادتی کی ، پولیس کا کہنا تھا کہ وہاڑی کی رہائشی خاتون ٹھوکر نیاز بیگ پر مسافر گاڑی سے اتری اور صدر کینٹ جانے کے لئے رکشہ بک کروایا تاہم رکشہ ڈرائیور خاتون اور اسکی بیٹی کو گھما پھرا کرایل ڈی اےایوینیولے گیا۔

    بعد ازاں تھانہ چوہنگ میں وہاڑی کی رہائشی خاتون کی مدعیت میں ملزمان کے خلاف مقدمہ درج کیا گیا اور وزیراعلیٰ پنجاب نے بھی تھانہ چوہنگ کی حدودمیں ماں بیٹی سےمبینہ زیادتی کانوٹس لیتے ہوئے سی سی پی او لاہور سے رپورٹ طلب کرلی اور ملزمان کی گرفتاری کاحکم دیا تھا۔

    پولیس نے چوہنگ میں ماں بیٹی سے زیادتی کے واقعے میں ملوث رکشہ ڈرائیور اور اس کے ساتھی کو گرفتار کرلیا ، دونوں ملزمان ریکاڈ یافتہ ہیں اور انکے خلاف متعدد مقدمات درج ہیں۔

  • کلفٹن اجتماعی زیادتی کیس : میڈیکل رپورٹ میں لڑکی سے زیادتی کی تصدیق نہیں ہوئی

    کلفٹن اجتماعی زیادتی کیس : میڈیکل رپورٹ میں لڑکی سے زیادتی کی تصدیق نہیں ہوئی

    کراچی : کلفٹن سے لڑکی سے مبینہ اغواوزیادتی کے واقعے میں میڈیکل رپورٹ میں لڑکی سے زیادتی کی تصدیق نہیں ہوئی ،پولیس کا کہنا ہے کہ متاثرہ لڑکی کے ڈی این اے نمونے حاصل کریں گے۔

    تفصیلات کے مطابق کلفٹن سے لڑکی سے مبینہ اغوا و زیادتی کیس میں متاثرہ لڑکی کی ابتدائی میڈیکل رپورٹ سامنے آگئی ، میڈیکل رپورٹ میں لڑکی سے زیادتی کی تصدیق نہیں ہوئی۔

    پولیس کا کہنا ہے کہ لڑکی کے جسم پرتشددیا زبردستی کے نشانات نہیں پائے گئے، لڑکی کے ڈی این اے نمونے حاصل کریں گے اور ملزمان کی گرفتاری کے بعدڈی این اے بھی لئےجائیں گے۔

    اس سے قبل اے آر وائی نیوز نے کلفٹن کےعلاقے سے لڑکی کےمبینہ اغوا و زیادتی کے واقعے کی سی سی ٹی وی فوٹیج حاصل کرلی
    تھی ، سی سی ٹی وی فوٹیج تفتیشی پولیس کیلئےانتہائی اہم ثابت ہوسکتی ہے۔

    فوٹیج میں سفیدگاڑی کوسی ویوکےقریب سڑک پررکتےدیکھاجاسکتاہے ، گاڑی رکن ےکے چند سیکنڈ بعد ہی لڑکی کوگاڑی سےاتری اور تیزی سے روانہ ہوگئی ، فوٹیج میں متاثرہ خاتون ہوش حواس کے ساتھ تیزی سے روانہ ہوتی نظرآرہی ہے جبکہ خاتون کےہاتھ میں ایک شاپنگ بیگ دیکھاجاسکتا ہے۔

    پولیس ذرائع کا کہنا ہے کہ بظاہرفوٹیج میں ایسانہیں لگتاکہ لڑکی کوزبردستی گاڑی سے اتارا گیا ہو۔

    دوسری جانب خاتون کے مبینہ اغواو زیادتی کیس میں ایس ایس پی ساؤتھ شیراز کیس کےفوکل پرسن نامزد کردیا گیا ہے ، پولیس حکام کا کہنا ہے کہ ڈی آئی جی ساوتھ آفس میں آج اہم اجلاس طلب کرلیا ہے ، ملزمان سےمتعلق مکمل شواہد حاصل کرلیےہیں، ملزمان کی تصاویر سمیت تمام اہم معلومات موجود ہیں۔

    گذشتہ رات خیابان نشاط اور دیگر مقامات پر چھاپے مارے ، تاہم ملزم فرار ہونے میں کامیاب ہوگیا تھا ، ملزم کی لوکیشن رات بھر کراچی کے مختلف علاقوں کی آتی رہی، واقعے میں ملوث ملزمان کا تعلق اندرون سندھ سے ہے، اور ان کی عمر پچیس سے چھبیس سال کےدرمیان ہے، ملزمان ایک سے دو روز میں گرفت میں ہوں گے۔

  • ہوسکتا ہے نواز شریف صحتیاب ہوں اس لیے میڈیکل رپورٹ نہیں دے رہے، فروغ نسیم

    ہوسکتا ہے نواز شریف صحتیاب ہوں اس لیے میڈیکل رپورٹ نہیں دے رہے، فروغ نسیم

    اسلام آباد : وفاقی وزیر قانون ڈاکٹر فروغ نسیم نے کہا ہے کہ نواز شریف کی میڈیکل رپورٹس جمع نہ کروا کرعدالتی حکم کی خلاف ورزی کی گئی، میرا نہیں خیال کہ اپوزیشن پاکستان کو ایف اے ٹی ایف کی بلیک لسٹ میں دیکھنا چاہتی ہے۔

    ان خیالات کا اظہار انہوں نے اے آر وائی نیوز کے پروگرام دی رپورٹرز میں خصوصی گفتگو کرتے ہوئے کیا، فروغ نسیم نے کہا کہ نواز شریف کی میڈیکل رپورٹس جمع نہ کروا کرعدالتی حکم کی خلاف ورزی کی گئی۔

    رپورٹس نہ جمع کرانے کی سزاوہی ہے جو یوسف رضا گیلانی کو ملی کیونکہ حکومتی احکامات کی نہیں عدالتی احکامات کی خلاف ورزی کی جارہی ہے جس پر شہبازشریف کو بھی پریشانی ہوسکتی ہے،

    قانون کے مطابق عدالتی احکامات پر نوازشریف کو باہرجانے دیا گیا، شہبازشریف نے ان کی ضمانت دی جو ملک میں موجود ہیں، ہوسکتا ہے نوازشریف صحتیاب ہوگئے ہیں اس لیے رپورٹ نہیں دے رہے، یہ بھی ہوسکتا ہے کہ نوازشریف کی گزشتہ رپورٹس میں جعل سازی ہو اس لیے نہیں دی گئی۔

    ایک سوال کے جواب میں ان کا کہنا تھا کہ اپوزیشن نے فیصلہ کرنا ہے کہ ایف اے ٹی ایف بل کی حمایت کرنی ہے یا نہیں۔ اپوزیشن رہنما پاکستان کو بچائیں یا اپنی سیاسی لیڈر شپ کو بچائیں یہ فیصلہ کریں، مجھے یقین ہے کہ اپوزیشن اپنے ضمیر کے مطابق فیصلہ کرے گی، پارلیمنٹ کے مشترکہ اجلاس میں امید ہے ایف اےٹی ایف بل منظور ہوگا۔

    وزیرقانون کا کہنا تھا کہ اپوزیشن کو ایف اےٹی ایف بل کی حمایت کرنی چاہیے، میرا نہیں خیال کہ اپوزیشن پاکستان کو بلیک لسٹ میں دیکھنا چاہتی ہے، خدانخواستہ پاکستان بلیک لسٹ ہوگیا تو بہت نقصان ہوگا، بل منظور کرنے کے علاوہ ہمارے پاس کوئی دوسرا آپشن نہیں ہے۔

    فروغ نسیم نے کہا کہ پاکستان بلیک لسٹ ہوگیا تو ہماری تمام محنت رائیگاں جائے گی، اپوزیشن میں اچھے لوگ بھی ہیں امید ہے بل کی حمایت کرینگے، اپوزیشن کے زیادہ تر ارکان پر بھروسہ ہے وہ بل کی حمایت کرینگے، زیادہ ترارکان سیاسی فیصلے کے بجائے ملکی سلامتی کا فیصلہ کرینگے۔

  • آصف زرداری کی طبیعت میں بہتری، مکمل صحتیابی تک اسپتال میں رکھنے کا فیصلہ

    آصف زرداری کی طبیعت میں بہتری، مکمل صحتیابی تک اسپتال میں رکھنے کا فیصلہ

    اسلام آباد: سابق صدر آصف زرداری کی طبیعت بہتر ہورہی ہے، بیشتر میڈیکل رپورٹس معمول کے مطابق ہیں، سابق صدر کو مکمل صحت یابی تک اسپتال میں رکھا جائے گا۔

    تفصیلات کے مطابق سابق صدر آصف زرداری کی طبیعت میں بہتری آرہی ہے، اوران کی میڈیکل رپورٹس معمول کے مطابق ہیں۔

    اس حوالے سے اسپتال ذرائع کا کہنا ہے کہ میڈیکل بورڈ نےآصف زرداری کا طبی معائنہ کرلیا، ان کو مکمل صحت یابی تک اسپتال میں رکھنے کا فیصلہ کیا گیا ہے۔

    میڈیکل رپورٹس کے مطابق سابق صدر کے الٹراساؤنڈ میں یورین ٹریکٹ انفکشن کی تشخیص ہوئی ہے، آصف زرداری کو انفیکشن کے شبے پراینٹی بائیوٹک ادویات شروع کرادی گئی ہیں۔

    اس کے علاوہ آصف زرداری کا بلڈپریشر اور شوگر لیول بھی کنٹرول ہوگیا ہے، اسپتال ذرائع کا مزید کہنا ہے کہ آصف زرداری کو شوگر نارمل رکھنے کیلئے انسولین دی جا رہی ہیں، ان کے پلیٹ لیٹس کی تعداد بھی رفتہ رفتہ معمول پر آرہی ہے۔

    واضح رہے کہ گزشتہ دنوں سابق صدر آصف زرداری کی طبیعت کافی ناساز تھی جس کی وجہ سے ان کا شوگر لیول بھی بڑھ گیا تھا، اس صورتحال پیش نظر ان کا علاج کرنے والے طبی بورڈ میں توسیع کر کے ڈاکٹرز کی تعداد6 کردی گئی تھی۔

  • فیصل آباد : ایک دن کی دلہن سے شوہر سمیت چار افراد کی مبینہ زیادتی، مقدمہ درج

    فیصل آباد : ایک دن کی دلہن سے شوہر سمیت چار افراد کی مبینہ زیادتی، مقدمہ درج

    فیصل آباد : ایک دن کی دلہن سے شوہر سمیت چار افراد کی مبینہ زیادتی کا مقدمہ تھانہ نشاط آباد میں درج کرلیا گیا، خاتون کی میڈیکل رپورٹ میں جسم پر تشدد کے واضح نشانات ہیں۔

    تفصیلات کے مطابق فیصل آباد کے علاقے نلکا کوہالہ میں آٹھ جون کی رات شادی کے دوسرے دن25سالہ دلہن نورین کو مبینہ طور پر اس کے شوہر شہباز اور جیٹھ عرفان سمیت چار افراد نے شراب پی کر اجتماعی زیادتی کا نشانہ بنایا تھا۔

    تھانہ نشاط آباد پولیس نے مقدمہ درج کر کے نورین کا الائیڈ اسپتال سے میڈیکل کرایا۔ متاثرہ خاتون کے ہاتھ ، بازو ، پیشانی اور جسم پر تشدد کے نشانات اورخراشیں ہیں، نورین صدمے سے سخت ذہنی دباؤ اور سکتے کی کیفیت میں ہے۔

    مبینہ اجتماعی زیادتی کا شکار نوبیاہتا دلہن کی میڈیکل رپورٹ اے آر وائی نیوز نے حاصل کرلی۔ پولیس کے مطابق میڈیکل رپورٹ میں فی الحال اجتماعی زیادتی کی تصدیق نہیں کی گئی ہے تاہم نورین کے جسم سے تین نمونے لے کر فرانزک لیب لاہور بھجوائے گئے ہیں۔

    ڈاکٹروں کا کہنا ہے کہ فرانزک لیب کی رپورٹ ملنے پر ہی اجتماعی زیادتی کے بارے میں کچھ کہا جاسکے گا۔ تھانہ نشاط آباد پولیس نے نورین کے بھائی امین کی مدعیت میں مقدمہ درج کر کے دولہا شہباز سمیت چار افراد کوحراست میں لے کر بیان ریکارڈ کرلیے ہیں۔

  • نوازشریف کوامراض قلب کےاسپتال میں منتقل کیا جائے: میڈیکل بورڈ

    نوازشریف کوامراض قلب کےاسپتال میں منتقل کیا جائے: میڈیکل بورڈ

    لاہور: میاں نواز شریف کا معائنہ کرنے والے خصوصی میڈیکل بورڈ کی سفارشات کے مطابق سابق وزیر اعظم  عارضہ قلب میں مبتلا ہیں، انھیں ہمہ وقت ماہرامراض قلب کی ضرورت ہے.

    تفصیلات کے مطابق سابق وزیر اعظم نواز شریف کے اسپیشل میڈیکل بورڈ کی سفارشات اے آروائی نیوز نے حاصل کر لیں، جس کے مطابق انھیں‌ ماہرین امراض‌قلب کی ضرورت ہے.

    میڈیکل بورڈ کی رپورٹ کے مطابق نوازشریف عارضہ قلب میں مبتلا ہیں، نوازشریف کےتھیلئم اسکین ٹیسٹ میں انجائنا کا مسئلہ سامنے آیا.

    رپورٹ میں‌ میڈیکل بورڈ نے تجویز دی ہے کہ نوازشریف کوامراض قلب کےاسپتال میں منتقل کیا جائے.

    نوازشریف کی کچھ ادویات تبدیل، کچھ کا اضافہ کیا گیا ہے ، سابق وزیر اعظم کا بلڈ پریشر اور شوگر لیول کنٹرول ہے.

    میڈیکل بورڈ نے تجویز دی ہے کہ نوازشریف کے بلڈ پریشر، شوگر کے باقاعدہ چارٹ بنائے جائیں، نواز شریف کوکم نمک،کم چکنائی،کم پروٹین والی غذااستعمال کرنی چاہیے.

    مزید پڑھیں: ایک اور بڑا کرپشن اسکینڈل: نواز شریف، شہباز شریف کے ملوث ہونے کا انکشاف

    یاد رہے کہ گذشتہ روز سابق وزیر اعظم کو سخت سیکیورٹی میں سروسز اسپتال سے کوٹ لکھپت جیل منتقل کیا گیا تھا، وہ چھ روز سروسز اسپتال رہے.

    اس دوران اسپیشل میڈیکل بورڈ نے ان کی مکمل معائنہ کیا. میڈیکل بورڈ نے انھیں جیل کے بجائے اسپتال میں رکھنے کی سفارش کی تھی.

  • نواز شریف کی میڈیکل رپورٹ کے بعد ہی فیصلہ ہوگا، علاج ملک میں ہو یا ملک سےباہر ، ذاتی معالج ڈاکٹر عدنان

    نواز شریف کی میڈیکل رپورٹ کے بعد ہی فیصلہ ہوگا، علاج ملک میں ہو یا ملک سےباہر ، ذاتی معالج ڈاکٹر عدنان

    لاہور: نواز شریف کے ذاتی معالج ڈاکٹر عدنان کا کہنا ہے نواز شریف کی میڈیکل رپورٹ جلد سے جلد فراہم کی جائے ، رپورٹ آنے کے بعد ہی فیصلہ ہو گا کہ ان کا علاج ملک میں ہو گا یا ملک سے باہر کرایا جائے گا۔

    تفصیلات کے مطابق نواز شریف کے ذاتی معالج ڈاکٹر عدنان کا کہنا ہے کہ نواز شریف کی میڈیکل رپورٹ ابھی تک نہیں ملی، وہ رپورٹ کا انتظار کر رہے ہیں، اب تک کسی نے ان سے کوئی رابطہ نہیں کیا۔

    ڈاکٹر عدنان نے مطالبہ کیا کہ نواز شریف کی میڈیکل رپورٹ جلد سے جلد فراہم کی جائے، رپورٹ میں تاخیر کی وجہ سے نواز شریف کی صحت پر خدشات تشویشناک ہوتے جا رہے ہیں، رپورٹ آنے کے بعد ہی فیصلہ ہو گا کہ نواز شریف کا علاج ملک میں ہو گا یا ملک سے باہر کرایا جائے گا۔

    اس سے قبل سابق وزیراعظم نواز شریف کی صحت کے معاملے پر محکمہ داخلہ کی جانب سے بنائے گئے میڈیکل بورڈ نے نواز شریف کو ہسپتال منتقل کرنے کی سفارش کر دی تھی، رپورٹ محکمہ داخلہ پنجاب کو موصول ہوگئی ہے۔

    ذرائع کے مطابق رپورٹ میں کہا گیا کہ نواز شریف کی ناسازی طبیعت کے سبب انہیں پی آئی سی شفٹ کرنا ان کی صحت کے مفاد میں اقدام ہو گا۔

    مزید پڑھیں : میڈیکل بورڈ نےکوٹ لکھپت جیل میں قیدنوازشریف کواسپتال منتقل کرنےکی سفارش کردی، ذرائع

    یاد رہے 30 جنوری کو چھ رکنی میڈیکل بورڈ نے دو گھنٹے تک کوٹ لکھپت جیل میں نواز شریف کا طبی معائنہ کیا تھا، میڈیکل بورڈ میں ڈاکٹر طلحہ بن زبیر ،پروفیسر ڈاکٹر شاہد حمید ،ڈاکٹر سجاد احمد اور دیگر ڈاکٹر کی ٹیم شامل تھی جبکہ میڈیکل چیک اپ کے موقع پر نواز شریف کے ذاتی معالج ڈاکٹر عدنان بھی موجود تھے۔

    میڈیکل بورڈ نے سابق وزیر اعظم نواز شریف کا بلڈ پریشر ، ای سی جی اور خون کے نمونے حاصل کیے جبکہ نواز شریف کے ذاتی معالج ڈاکٹر عدنان نے میڈیکل بورڈ کو نواز شریف دل کی بیماری سے متعلق ہسٹری پر بریفنگ دی تھی۔

    گزشتہ روز کوٹ لکھپت جیل میں قید نوازشریف نے پارٹی رہنماؤں سے گفتگو میں کہا تھا مشکل وقت ضرور ہے، یہ بھی گزرجائےگا، اب میں وہ نوازشریف نہیں، حالات کا مقابلہ کروں گا۔

    خیال رہے نوازشریف دل سمیت مختلف امراض میں مبتلا ہیں اور انھوں نے میڈیکل بنیاد پر ضمانت کے لئے درخواست اسلام آباد ہائی کورٹ میں درخواست دائر کر رکھی ہے ، جس پر سماعت میں عدالت نے سابق وزیراعظم نوازشریف کی تمام میڈیکل رپورٹس طلب کرلیں ہیں۔

  • دو بچوں کی ہلاکت : ریسٹورنٹ کے اجزاء میں زہرکی موجودگی کے شواہد نہیں ملے

    دو بچوں کی ہلاکت : ریسٹورنٹ کے اجزاء میں زہرکی موجودگی کے شواہد نہیں ملے

    کراچی : شہر قائد میں ریسٹورنٹ سے مبینہ طور پر مضر صحت کھانا کھانے کے باعث بچوں کی موت کے بعد میڈیکل رپورٹ موصول ہوگئی، رپورٹ میں زہر کی موجودگی کے شواہد نہیں ملے۔

    تفصیلات کے مطابق کراچی کے علاقے ڈیفنس میں مضر صحت کھانا کھانے سے دو بچوں دو بچوں ڈیڑھ سالہ احمد اور 5 سالہ محمد کی موت کے واقعہ کے بعد کینڈی فروز، ایری زونا گرل اور پارک سے لئے گئے اکتیس نمونوں کی رپورٹ اے آر وائی نیوز کو موصول ہوگئی۔

    رپورٹ میں زہر کی موجودگی کے شواہد نہیں ملے۔ اسی کلو زائد المیعاد گوشت مقامی ریسٹورنٹ سے برآمد کیا گیا تھا۔ کینڈی فروز اور ایریزونا گرل ریسٹورنٹ سے سترہ مختلف کھانوں کے نمونے لیے گئے تھے جو ٹیسٹنگ کیلئے لیبارٹری بھیجے گئے تھے۔

    واضح رہے کہ ایری زونا گرل ریسٹورنٹ میں کھانا کھانے کے بعد خاتون اور دو بچوں کی حالت غیر ہو گئی تھی، جس کے نتیجے میں دو بچے محمد اور احمد دم توڑ گئے تھے، بچوں کی والدہ کو بھی اسپتال منتقل کیا گیا جہاں وہ کافی روزتک زیر علاج رہیں۔

    مزید پڑھیں: ریسٹورنٹ کے مبینہ زہریلے کھانے سے دو بچوں کی ہلاکت، چیف جسٹس نے نوٹس لے لیا

    واقعے کے بعد سندھ فوڈ اتھارٹی کی جانب سے ریسٹورنٹ کے گودام پر مارے گئے چھاپے کے دوران بڑی مقدار میں زائد المیعاد گوشت اور دیگر سامان برآمد ہوا تھا،جسے سرجانی ٹاؤن ڈمپنگ پوائنٹ میں تلف کردیا گیا، سندھ فوڈ اتھارٹی نے80 کلو سے زائد گوشت کو زمین میں دبا کر کیمیکل ڈال دیا۔