Tag: Medical Store

کراچی: شہر قائد کے علاقے لیاری بہار کالونی میں ایک میڈیکل اسٹور مالک کو فائرنگ کر کے قتل کر دیا گیا، جب کہ ان کے 2 بیٹے زخمی ہو گئے۔

تفصیلات کے مطابق کراچی کے علاقے لیاری بہار کالونی میں فائرنگ سے باپ جاں بحق اور 2 بیٹے زخمی ہو گئے، پولیس حکام کا کہنا ہے کہ واقعہ ڈکیتی ہے یا ٹارگٹ کلنگ پولیس ہر زاویے سے تحقیقات کر رہی ہے۔

ایس ایس پی سٹی عارف عزیز نے بتایا کہ ملزم گلی میں پیدل داخل ہوا اور فائرنگ کر کے فرار ہو گیا، مقتول نور محمد میڈیکل اسٹور کا مالک تھا، جائے وقوعہ پر پولیس کی بھاری نفری موقع پر پہنچ گئی تھی۔

مقتول نور محمد کے کزن میر واعظ نے میڈیا کو بتایا کہ نور محمد اپنے میڈیکل اسٹور پر دونوں بیٹوں کے ساتھ بیٹھا ہوا تھا، واقعہ کے وقت علاقے کی لائٹ گئی ہوئی تھی، کہ فائرنگ کر دی گئی، فائرنگ سے نور محمد کے دونوں بیٹے شہزاد اور اسماعیل بھی زخمی ہوئے۔

کراچی ڈیفنس فیز 8 میں کار الٹ گئی، خاتون سمیت 2 افراد جاں بحق

کزن میر واعظ کے بیان کے مطابق مقتول کا آبائی تعلق کوئٹہ سے ہے، مقتول کی بیوی رشتہ دار کی شادی میں کوئٹہ گئی ہوئی تھی، اور مقتول کے 5 بچے ہیں، وہ کئی سالوں سے کراچی میں مقیم تھا۔

کراچی: شہر قائد کے علاقے ناظم آباد میں 2 ملزمان نے ایک منٹ میں میڈیکل اسٹور لوٹ لیا، اور بہ آسانی فرار ہو گئے۔

تفصیلات کے مطابق کراچی میں لوٹ مار کی وارداتیں تھمنے کا نام نہیں لے رہی ہیں، مختلف علاقوں میں روزانہ کئی وارداتیں ہو رہی ہیں، اور سی سی ٹی وی فوٹیجز بھی سامنے آ رہی ہیں تاہم اس مسئلے کا سد باب ہوتا نظر نہیں آتا۔

ناظم آباد میں ایک میڈیکل اسٹور میں ہونے والی واردات کی سی سی ٹی وی فوٹیج میں 2 لٹیروں کو اسٹور میں داخل ہوتے دیکھا جا سکتا ہے، ان میں سے ایک نے اسلحہ دکان دار کے سامنے کاؤنٹر پر اسے دھمکانے کے لیے رکھا۔

دوسرا لٹیرا کاؤنٹر کے اندر گیا اور تھیلی میں کیش بھر کر دوسرے ساتھی کو دے دیا، دوسرے نے کیش جیب میں رکھا اور پھر دونوں باہر نکل کر فرار ہو گئے۔ فوٹیج میں دیکھا جا سکتا ہے کہ ایک گاہک اس دوران اسٹور میں داخل ہوا تو لٹیرے نے اسے بھی کاؤنٹر کے اندر کی طرف بھیج دیا۔

پولیس حکام کا کہنا ہے کہ سی سی ٹی وی فوٹیج کی مدد سے ملزمان کی تلاش شروع کر دی ہے۔