شمالی وزیرستان میں آپریشن ضرب عضب کامیابی سے جاری ہے، تحصیل دتہ خیل کےملحقہ علاقوں میں آج تیسرے روز بھی گھرگھر تلاشی لی جارہی ہے۔ پاک فوج نےساڑھے سات سو سے زیادہ دہشت گرد ہلاک سو سے زیادہ ٹھکانے تباہ کردئے۔ میران شاہ کا بھی ستر فیصد علاقہ دہشت گردوں کے ناپاک وجود سے پاک کرالیاگیا۔
بڑا علاقہ پاک فوج کے علاقے کے کنٹرول میں آگیا آپریشن کے دوران میر علی میں بھی اسلحہ ساز فیکٹریاں تباہ اور زیرزمین چھپائے گئے بارود سے بھرے ڈرم قبضے میں لے لئے گئے،بویا کے علاقے سے بھی پانچ ہزارکلو بارود برآمد کرکے ناکارہ بنادیا گیا ہے،
دوسری جانب ضرب عضب کے ردعمل میں شمالی وزیرستان کی تحصیل میں دہشت گردی کی ایک اور کارروائی کی گئی، گزشتہ شب میر علی کے قریب بارودی سرنگ پھٹنے سے ایک سیکیورٹی اہلکار شدید زخمی ہوگیا، میر علی میں رات بھر مارٹرگولے بھی فائر کئے گئے۔
