ایبٹ آباد کی عدالت نے میر شکیل الرحمٰن کی جائیداد قرقی کا حکم دیدیا، تفصیلات کے مطابق کئی مقدما ت مین ملوّث جیو اورجنگ گروپ کے مالک میر شکیل الرحمٰن کو ایبٹ آباد کی عدالت نے مسلسل غیر حاضری پر ان کی جائیدادا قرقی کا حکم دیدیا ہے۔
عدالت نے کراچی اور لاہور پولیس کو میر شلکیل کی جائیداد قرقی کے احکامات جاری کر دیئے ہیں۔ واضح رہے کہ اس ے قبل عدالت کی جانب سے میر شکیل الرحمٰن کو 26 سال قید کی سزا سنائی جا چکی ہے۔
اب دیکھنا یہ ہے کہ حکومت ان احکامات پر عمل کرتی ہے یا نہیں؟
گلگت : جیو کے مالک میر شکیل کو چھبیس سال قید، تیرہ لاکھ روپے جرمانہ، جائیداد اور پاسپورٹ ضبط کرنےکا حکم،تفصیلات کے مطابق گلگت کی عدالت نےتوہین آمیز پروگرام نشر کرنے پر جیو چینل کے مالک میر شکیل الرحمٰن کو چھبیس سال قید، تیرہ لاکھ روپے جرمانہ،اس کے علاوہ جائیداد اور پاسپورٹ ضبط کرنےکا بھی حکم دے دیا۔
توہین آمیز پروگرام پر جیو کے خلاف کیس کی سماعت گلگت کی انسداد دہشت گردی کی خصوصی عدالت میں ہوئی۔ سماعت کے دوران انسداد دہشت گردی کی خصوصی عدالت کے جج راجہ شہباز نےجیو کے خلاف فیصلہ سنادیا۔
عدالت نے ملزم کی گرفتاری کےلیے آئی جی اسلام آباد ، آئی جی پنجاب اور آئی جی سندھ کے نام احکامات جاری کردیئے۔ جیو کے مارننگ شو میں اہلبیت کی شان میں گستاخی کے خلاف درخواست گزار نےعدالت سے رجوع کیا تھا۔
ننکانہ صاحب: پاکستان تحریک اصاف کے سربراہ عمران خان نے کہا ہے کہ اگر ہمیں انصاف نہ ملا تو تیس نومبر کے بعد حکمرانوں کو حکومت چلانا مشکل ہوجائے گا۔
ننکانہ صاحب میں ایک بہت بڑے جلسہ عام سے خطاب کرتے ہوئے کیا ،عمران خان کا کہناتھا کہ اے آر وائی کے اینکر مبشر لقمان کا پروگرام سب سے زیادہ دیکھا جاتا ہے ،مبشر لقمان طاقتورلوگوں کی کرپشن کو بے نقاب کرتا ہے۔
انہوں نے کہا کہ میر شکیل الرحمٰن میڈیا کا مالک بنے فرعون نہیں،میر شکیل بھی چاہتا ہے کہ مبشر لقمان کو سزا ہو،انہوں نے عوام سے اپیل کی کہ عوام جنگ اخبا راور جیو چینل کا بائیکاٹ کریں ۔
ان کا کہنا تھا کہ حکومت کو جو مشکلات درپیش ہیں وہ دھرنوں کی وجہ سے نہیں بلکہ اس کی اپنی پالیسیوں کی وجہ سے ہیں، دھرنوں نے حکومت کی راہ میں کوئی رکاوٹ نہیں ڈالی۔
تحریک انصاف کے سربراہ نے کہا کہ پی پی اور نواز لیگ نے مل کر انتخابات میں میچ فکسنگ کی، ،ہمیں معلوم ہے کہ نواز لیگ نے کس طرح اپنی کرپشن پرپردہ ڈالا۔
عمران خان نے میاں نواز شریف کی صاحبزادی مریم نواز کی قرضہ اسکیم کی چیئرپرسن تقرری پرشدید تنقید کرتے ہوئے کہا کہ مریم نواز کو بغیر اہلیت کے سو ارب کے پروجیکٹ کے اہم عہدے پر براجمان کیا گیا ، انہوں نے کہا کہ پاکستان میں وسائل کی کمی نہیں۔
کوئٹہ : عدالت نے مسلسل غیر حاضری پر جیو کے مالک میر شکیل کو اشتہاری قرار دے دیا۔تفصیلات کے مطابق کوئٹہ میں جوڈیشل مجسٹریٹ کی عدالت میں توہین آمیز پروگرام کیس کی سماعت ہوئی۔
درخواست گزارنسیم ترین نے جیو پر توہین آمیزپروگرام نشر کرنے پرمیرشکیل کے خلاف مقدمہ درج کرایا تھا۔ عدالت نے جیو کے مالک میر شکیل اور دیگر ملزمان کو پیش ہونے کا حکم دیا تھا۔
مسلسل غیر حاضری پر عدالت نے جیو کے مالک میر شکیل کو اشہاری قرار دے دیا۔ جوڈیشل مجسڑیٹ نے ایف آئی آر میں نامزد دیگر ملزمان شائستہ لودھی اسد خٹک اور وینا ملک کو بھی مقدمے میں اشہاری قراردیا ہے۔
کراچی: وزیراعظم نوازشریف، میرشکیل ودیگرکیخلاف غداری کے مقدمے کیلئے درخواست دائرکردی گئی، تفصیلات کے مطابق کراچی کے ایک سماجی کارکن کی جانب سے وزیرِاعظم میاں نوازشریف، جیو اورجنگ گروپ کے سربراہ میرشکیل الرحمٰن، وجاہت علی ودیگر کے خلاف سپریم کورٹ کراچی رجسٹری میں درخواست دائرکی ہے۔
درخواست میں مؤقف اختیار کیا گیا ہے کہ جیو/جنگ گروپ پاک فوج اورآئی ایس آئی کو بدنام کررہاہے اوروزیراعظم میاں نواز شریف کی حکومت اس گروپ کی مسلسل حمایت کر رہی ہے۔
انہوں نے کہا کہ جنگ جیو کی خبروں میں یہ تاثر دیا جا رہا ہے کہ اسلام آباد میں جاری دھرنے آئی ایس آئی اور پاک فوج کا اسکرپٹ ہیں، درخواست میں کہا گیا ہے کہ سرحدوں کے محافظوں کیخلاف پروپیگنڈا کسی غیر ملکی ایجنڈے کا حصہ تو نہیں؟؟
کراچی :عدالتی احکامات کے باوجود چھ فیصد سے زائدغیرملکی مواد دکھانے پرجیوگروپ کے خلاف توہین عدالت کی درخواست سندھ ہائیکورٹ میں دائرکردی گئی۔ مٹھی کی عدالت نے بھی میرشکیل کے خلاف مقدمہ درج کرنے کا حکم دے دیا۔ جیوگروپ نے عدالتی احکامات ہوا میں اڑا دیئے اور عدالتی حکم اورحلف کے باوجود غیرملکی موادنشرکرنے میں کمی نہیں کی ۔
سندھ ہائیکورٹ میں جنگ اور جیوگروپ کے خلاف توہین عدالت کی پٹیشن دائر کردی گئی۔ درخواست گزار محفوظ یار خان نے موقف اختیارکیا ہے کہ جیوپیمرا قوانین کی خلاف ورزی کرتے ہوئےغیرملکی مواد چھ فیصد سے زیادہ نشرکرررہا ہے۔ درخواست میں سابق چیئرمین پیمرا پرویز راٹھور،میر شکیل الرحمان، میر ابراہیم الرحمان کو فریق بنایا گیاہے۔ پیمراقوانین کے مطابق مجموعی طور پر چینلز کو چھ فیصد غیرملکی اور چار فیصد انگلش مواد دکھانےکی اجازت ہے۔ دوسری جانب گستاخانہ نشریات دکھانےپرمٹھی کی عدالت نےبھی میر شکیل اور دیگرکیخلاف مقدمہ درج کرنے کا حکم دیاہے
لاہور:عدالت نے جیو اور جنگ کے مالک میر شکیل الرحمان ، میر ابراہیم اور حامد میر کو گرفتار کر ک پیش کرنے کا حکم دیا ہے۔
لاہور میں ایڈیشنل سیشن جج ندیم انصاری نے آفتاب ورک ایڈووکیٹ کی جانب سے دائر فوجداری استغاثے کی سماعت کی ۔ درخواست گزار کی جانب سے عدالت کوبتایا گیا کہ دو مئی کو حامد میر نے پاک فوج کے خلاف توہین آمیز کالم لکھا جو جنگ گروپ کے تمام اخبارات میں شائع ہوا ۔جس سے پاک فوج کی بدنامی اور کروڑوں پاکستانیوں کی دل آزاری ہوئی ، درخواست گزارکا کہنا تھا حامد میر نے توہین آمیز کالم میر شکیل اور میر ابراہیم کی ایما پر لکھا۔ لہذا عدالت ان کے خلاف سخت کارروائی کا حکم دے ۔عدالت نےوارنٹ گرفتاری جاری کرتے ہوئے پولیس کو حکم دیا ہے کہ میر شکیل ، میر ابراہیم اور حامد میر کو چھ اگست کو گرفتار کر کے پیش کیا جائے ۔
