ARYNews.tv | Urdu – Har Lamha Bakhabar

Tag: meet

  • آرمی چیف سے چینی سفیر کی اہم ملاقات

    آرمی چیف سے چینی سفیر کی اہم ملاقات

    راولپنڈی : آرمی چیف جنرل قمر جاوید باجوہ نے چینی سفیر یاؤ جنگ سے ملاقات کی ، ملاقات میں چینی سفیر نے خطے میں امن و استحکام پر پاک فوج کی کاوشوں کی تعریف کی۔

    پاک فوج شعبہ تعلقات عامہ آئی ایس پی آر کے مطابق چینی سفیر یاؤ جنگ نے جی ایچ کیو راولپنڈی کا دورہ کیا اور آرمی چیف جنرل قمر جاوید باجوہ سے ملاقات کی۔

    آئی ایس پی آر کے ترجمان کے مطابق ملاقات میں باہمی دلچسپی کے امور اور خطے کی سیکیورٹی صورتحال پر تبادلہ خیال کیا گیا، چینی سفیر نے خطے میں امن و استحکام پر پاک فوج کی کاوشوں کی تعریف کی۔

    مزید پڑھیں : آرمی چیف کی چینی وزیر خارجہ سے ملاقات

    یاد رہے کہ گذشتہ سال 17 مارچ کو آرمی چیف جنرل قمر جاوید باجوہ کی چینی دارالحکومت بیجنگ میں چینی وزیر خارجہ سے ملاقات ہوئی تھی ، جس میں پولیٹیکل صورتحال اور خطے کے امن و سلامتی سے متعلق امور پر گفتگو کی گئی۔

    چینی وزیر خارجہ وانگ ای نے پاکستان کی بھارت اور افغانستان سمیت ہمسائیوں کے ساتھ بہتر تعلقات کی کوششوں کی تعریف کرتے ہوئے کہا کہ پاکستان سی پیک منصوبے میں بڑھ چڑھ کر کام کر رہا ہے۔

    اس سے قبل آرمی چیف نے چین کی عسکری قیادت سے ملاقات کی تھی۔ ملاقات میں انہوں نے کہا تھا کہ پاک چین دوستی منفرد ہے اور اس کا کوئی ثانی نہیں۔ خطے میں امن و امان قائم کرنے کے لیے پاک فوج اپنا کردار ادا کرتی رہے گی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔

  • آرمی چیف سے ایرانی وزیرخارجہ جوادظریف کی ملاقات

    آرمی چیف سے ایرانی وزیرخارجہ جوادظریف کی ملاقات

    راولپنڈی : آرمی چیف جنرل قمر جاوید باجوہ نے ایرانی وزیرخارجہ جواد ظریف سے ملاقات کی ، ملاقات میں ایرانی وزیر خارجہ نے حالیہ باہمی سیکیورٹی رابطوں کو سراہا۔

    پاک فوج شعبہ تعلقات عامہ آئی ایس پی آر کے مطابق ایران کے وزیرخارجہ جواد ظریف نے جی ایچ کیو کا دورہ کیا اور آرمی چیف قمر جاوید باجوہ سے ملاقات کی۔

    آئی ایس پی آر کے مطابق ملاقات میں پاک ایران تعلقات پر تبادلہ خیال کیا گیا اور باہمی دلچسپی اورعلاقائی سیکیورٹی کے امورپر بھی غور کیا گیا۔

    ترجمان کا کہنا ہے کہ ایرانی وزیر خارجہ نے بارڈرسیکیورٹی بہتر بنانے کے اقدامات کو سراہا جبکہ حالیہ باہمی سیکیورٹی رابطوں کو بھی سراہا۔

    اس موقع پر آرمی چیف کا کہنا تھا کہ علاقائی امن کاانحصارمغربی ایشیا سے وسیع تر تعاون میں ہے، قومی سلامتی، جرائم کے خطرے کو روکنے کیلئے آپسی تعاون کی ضرورت ہے۔

    خیال رہے ایرانی وزیرخارجہ جواد ظریف 3 روزہ سرکاری دورے پر پاکستان میں ہیں۔

    مزید پڑھیں : دونوں ملکوں کی مشترکہ کوشش سے عوامی،اقتصادی رابطوں کوفروغ ملا، جواد ظریف

    گذشتہ روز ایرانی وزیرخارجہ جواد ظریف نے  وزیراعظم پاکستان شاہد خاقان عباسی سے ملاقات کی، اعلیٰ سطح ملاقات میں خطے میں امن وسلامتی اور دو طرقہ تعلقات کی مضبوطی پرتباد خیال کیا گیا۔

    وزیراعظم پاکستان شاہد خاقان عباسی نے اس موقع پر علاقائی اقتصادی اشتراک کے لئے رابطوں کو بڑھانے کی ضرورت پرزور دیا اور کہا کہ ایران سے تجارت، سرمایہ کاری، اقتصادی تعاون بڑھانا چاہتے ہیں۔

    ایرانی وزیرخارجہ جواد ظریف نے بھی اعلیٰ سطح رابطوں کے فروغ کا خیرمقدم کرتے ہوئے کہا کہ دونوں ملکوں کی مشترکہ کوشش سے عوامی،اقتصادی رابطوں کوفروغ ملا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • نئے چیئرمین سینٹ صادق سنجرانی آج عمران خان سے ملاقات کریں گے

    نئے چیئرمین سینٹ صادق سنجرانی آج عمران خان سے ملاقات کریں گے

    اسلام آباد: نئے چیئرمین سینٹ صادق سنجرانی کی پاکستان تحریک انصاف کے سربراہ عمران خان سے آج ملاقات ہوگی۔

    تفصیلات کے مطابق چیئرمین سینٹ صادق سنجرانی نے پی ٹی آئی چیئرمین عمران خان سے رابطہ کیا ، جس میں صادق سنجرانی اور عمران خان میں آج دوپہر ملاقات پر اتفاق ہوا۔

    چیئرمین سینیٹ آج دوپہر بنی گالہ تشریف لائیں گے، وزیراعلیٰ بلوچستان عبدالقدوس بزنجو بھی ان کے ہمراہ ہوں گے۔

    گذشتہ روز منتخب چیئرمین سینیٹ صادق سنجرانی نے عمران خان کو فون کرکے اپنی حمایت پر شکریہ ادار کرتے ہوئے کہا تھا کہ عمران خان وفاق کی علامت کے طور پر ابھرے ہیں، توقعات پر پورا اترنے کی کوشش کروں گا۔

    مزید پڑھیں :  عمران خان وفاق کی علامت کے طور پر ابھرے ہیں، صادق سنجرانی

    عمران خان نے صادق سنجرانی کو چیئرمین سینیٹ منتخب ہونے پر مبارکباد دی اور کہا کہ آئین کی فتح اور خاندانی سیاست کو شکست ہوئی۔

    یاد رہے کہ پاکستان صادق سنجرانی،راجہ طفرالحق کو ہرا کر سینٹ کےچیئرمین منتخب ہوئے، سنجرانی کو57ووٹ ملے جبکہ ن لیگی راجہ ظفرالحق 46 ووٹ حاصل کرسکے۔

    واضح رہے کہ پاکستان تحریک انصاف کے سربراہ عمران خان نے وزیر اعلیٰ بلوچستان عبد القدوس بزنجو سے اہم ملاقات کی تھی اور پی ٹی آئی کی 13 سینیٹ نشستیں بلوچستان کو دینے کو اعلان کر کیا تھا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے  کے لیے سوشل میڈیا پر شیئر کریں۔

  • نقیب اللہ کا قتل،پختون جرگہ کا 10رکنی وفد آج وزیراعظم سے ملاقات کرے گا

    نقیب اللہ کا قتل،پختون جرگہ کا 10رکنی وفد آج وزیراعظم سے ملاقات کرے گا

    اسلام آباد : اسلام آباد پریس کلب کے باہر نقیب اللہ محسود کے قتل کے خلاف احتجاجی دھرنا چھٹے روز بھی جاری ہے ، آل پختون جرگے کا دس رکنی وفد آج وزیر اعظم سے ملاقات کرے گا، عمائدین کا کہنا ہے مذاکرات کامیاب نہیں ہوئے تو چاروں صوبوں میں دھرنا دینگے۔

    تفصیلات کے مطابق نقیب اللہ محسود کے قاتل اب تک آزاد ہیں ، اہل خانہ اور عمائدین سراپا احتجاج ہیں ، نقیب اللہ محسود کے قتل کے خلاف اسلام آباد میں احتجاجی دھرنا چھٹے روز بھی جاری ہے۔

    پختون جرگہ کا دس رکنی وفد آج وزیراعظم شاہد خاقان عباسی سے ملاقات کرے گا۔

    ذرائع کے مطابق وزیراعظم شاہد خاقان عباسی خود معاملات آگے بڑھائیں گے، پختون جرگہ نے پانچ بنیادی مطالبات پیش کئے ہیں، جن میں نقیب اللہ محسود کی ماورائے عدالت قتل میں ملوث راؤ انوار کو ساتھیوں سمیت پھانسی کی سزاء کا مطالبہ سر فہرست ہے۔

    گزشتہ روز جرگے کے ساتھ ملاقات کے بعد امیر مقام اور طارق فضل چوہدری نے وزیراعظم کو آگاہ کیا۔

    قبائلی عمائدین کا کہنا ہے کہ چھ فروری تک مطالبات تسلیم نہ کیے گئے تو پارلیمنٹ کے سامنےاحتجاج کیا جائے گا اور مطالبہ کیا کہمعاملے کی تحقیقات کیلئےجوڈیشل کمیشن بنایا جائے اور کیس روزانہ کی بنیاد پر چلایا جائے۔

    تحریک انصاف کےچیئرمین عمران خان اورجماعت اسلامی کے امیرسراج الحق بھی اظہار یکجہتی کیلئے دھرنےمیں پہنچے اور شرکاء سے خطاب کیا اور دھرنےوالوں کو بھرپور ساتھ دینے کی یقین دہانی کرائی۔

    مزید پڑھیں : نقیب اللہ قتل کیس، راؤانوار کی گرفتاری کے لیے مزید 10 دن کی مہلت

    دوسری جانب سپریم کورٹ کی جانب سے راؤ انوار کی گرفتاری کےلیے دس دن کی نئی مہلت کوبھی چار دن گزرگئے لیکن سابق پولیس افسر کا دور دور تک پتہ نہیں۔

    واضح رہے 13 جنوری کو ایس ایس پی ملیر راؤ انوار کی سربراہی میں خطرناک ملزمان کی گرفتاری کے لیے شاہ لطیف ٹاؤن میں چھاپے کے لیے جانے والی پولیس پارٹی پر دہشت گردوں نے فائرنگ کردی تھی جس پر پولیس نے جوابی فائرنگ کرتے ہوئے 4 دہشت گردوں کو موت کے گھاٹ اتار دیا تھا، ہلاک ہونے والوں میں نوجوان نقیب اللہ بھی شامل تھا۔

    نقیب اللہ کی ہلاکت اور انصاف کے لیے لگایا جانے والا محسود قبیلے کا جرگہ پولیس کے خلاف شکایتی مرکز بن گیا تھا جہاں دیگر لاپتہ افراد  کے اہل خانہ بھی شکایات لے کر پہنچے تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

     

  • ن لیگ کے کارکنان تیار ہو جائیں، ملک بھر میں جلسے جلوس کریں گے، نواز شریف

    ن لیگ کے کارکنان تیار ہو جائیں، ملک بھر میں جلسے جلوس کریں گے، نواز شریف

    لاہور : سابق وزیراعظم کا کہنا ہے کہ ن لیگ کے کارکنان تیار ہو جائیں، ملک بھر میں جلسے جلوس کریں گے، آئندہ انتخابات میں ووٹ کے تقدس اور عدل کی بحالی کے لیے میدان میں نکلیں گے۔

    تفصیلات کے مطابق جاتی امرا رائیونڈ میں مسلم لیگ ن کے صدر نواز شریف سے آزاد کشمیر کے صدر سردار مسعود خان نے ملاقات کی، جس میں دو طرفہ امور، کشمیر کی کشیدہ صورتحال اور سیاسی حالات سمیت دیگر اہم ایشوز پر تبادلہ خیال کیا گیا۔

    سابق وزیر اعظم نواز شریف کی رہائش گاہ جاتی امرا میں محفل میلاد کا بھی انعقاد کیا گیا، جس میں کارکنان کی بڑی تعداد نے شرکت کی جبکہ نواز شریف نے نماز جمعہ بھی جاتی امرا میں ادا کی، جس کے بعد اپنے والد کی قبر پر حاضری دی اور فاتحہ خوانی بھی کی۔

    نوازشریف نے جاتی امرا میں لیگی کارکنوں سے بھی ملے اور غیر رسمی گفتگو کرتے ہوئے کہا کہ عوام سازشی عناصر کو 2018 کے انتخابات میں جواب دیں گے، لیگی کارکن متحرک ہو جائیں، عوامی رابطہ مہم میں تیزی لائیں گے۔

    مزید پڑھیں: سمجھ نہیں آرہا میرے خلاف کیس کیا ہے،نوازشریف

    انہوں نے کارکنوں کو تیار رہنے کی ہدایت کرتے ہوئے کہا کہ ملک بھر میں جلسے جلوس کریں گے، مسلم لیگ ن آئندہ انتخابات میں ووٹ کے تقدس اور عدل کی بحالی کے لیے میدان میں نکلے گی، کھوکھلے نعرے لگانے والے ہمارے ترقیاتی کاموں کا مقابلہ کر کے دکھائیں۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • وزیرا عظم شاہد خاقان عباسی کی نوازشریف سے ملاقات

    وزیرا عظم شاہد خاقان عباسی کی نوازشریف سے ملاقات

    لاہور : وزیرا عظم شاہد خاقان عباسی نے نواز شریف سے ملاقات کی ، ملاقات میں سانحہ ماڈل ٹاؤن پر اپوزیشن جماعتوں کے احتجاج پر تبادلہ خیال کیا گیا۔

    تفصیلات کے مطابق وزیر اعظم شاہد خاقان عباسی لاہور پہنچے، جہان وزیراعلیٰ پنجاب نے انکا استقبال کیا، جس کے بعد وزیر اعظم نے جاتی امرا میں نااہل نوازشریف سے ملاقات کی، دونوں رہنماؤں نے سانحہ ماڈل ٹاؤن پر اپوزیشن جماعتوں کے احتجاج پر تبادلہ خیال کیا۔

    ملاقات میں ملک کی سیاسی صورتحال اور دیگر امور پر بھی گفتگو کی گئی جبکہ آئندہ انتخابات کی حکمت عملی اور ن لیگ کے جلسوں پر بھی تبادلی خیال کیا گیا۔

    یاد رہے کہ پاکستان عوامی تحریک کے سربراہ طاہر القادری نے 17 جنوری کو احتجاج کا اعلان کرتے ہوئے کہا تھا کہ یہ آخری راؤنڈ ہوگا، جو حکومت کی بساط لپیٹ دے گا اب انصاف کے لیے کسی بھی حد تک جاسکتے ہیں۔

    مزید پڑھیں : 17 جنوری کو احتجاج کا آخری راؤنڈ ہوگا، طاہر القادری

    پاکستان تحریک انصاف کے سربراہ اور پیپلز پارٹی کے شریک چیئرمین آصف زرداری نے طاہر القادری کی حمایت کی ہے۔

    عمران خان نے پوری طاقت کے ساتھ 18 جنوری کو طاہر القادری کے ساتھ سڑکوں پر نکلنے کا اعلان کیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • آرمی چیف سے جاپانی وزیرخارجہ کی اہم ملاقات، امن واستحکام کیلئے پاکستان کی کاوشوں کی تعریف

    آرمی چیف سے جاپانی وزیرخارجہ کی اہم ملاقات، امن واستحکام کیلئے پاکستان کی کاوشوں کی تعریف

    راولپنڈی : آرمی چیف جنرل قمرجاوید باجوہ سےجی ایچ کیو میں جاپانی وزیرخارجہ نے اہم ملاقات کی، جاپانی وزیرخارجہ نے کہا کہ علاقائی امن واستحکام کیلئے پاکستان کی کاوشیں لائق تحسین ہیں۔

    پاک فوج کے شعبہ تعلقات عامہ آئی ایس پی آر کے مطابق جاپانی وزیرخارجہ تاروکونو نے جی ایچ کیو راولپنڈی کا دورہ کیا اور آرمی چیف جنرل قمرجاوید باجوہ سے اہم ملاقات کی۔

    آئی ایس پی آر کے مطابق جاپانی وزیرخارجہ نے گفتگو میں کہا علاقائی امن واستحکام کیلئے پاکستان کی کاوشیں لائق تحسین ہیں، جاپان انسداددہشت گردی سمیت سیکیورٹی تعاون کاخواہاں ہے۔

    ترجمان پاک فوج نے بتایا ملاقات میں جاپانی وزیرخارجہ سے متاثرین کی بحالی اوربارڈرکراسنگ کیلئے آلات کی فراہمی پر تبادلہ خیال ہوا۔

    آرمی چیف کا جاپان کے تعاون پراظہار تشکر کیا اور کہا کہ دہشت گردی سےجنگ میں پاکستان کی قربانیوں کے اعتراف پر شکریہ ادا کرتے ہیں۔

    جاپانی وزیرخارجہ نے یادگارشہداء پرحاضری دی اور پھول بھی چڑھائے۔

    اس سے قبل جاپانی وزیرخارجہ نے وزیرخارجہ خواجہ آصف سے بھی ملاقات کی، دفترخارجہ میں ہونے والی ملاقات میں باہم تعلقات، تجارت، خطےکی صورتحال اور عالمی امور پر بات چیت کی گئی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • آصف زرداری اور طاہرالقادری کی دوسری ملاقات 29 دسمبر کو ہوگی

    آصف زرداری اور طاہرالقادری کی دوسری ملاقات 29 دسمبر کو ہوگی

    لاہور : سابق صدرآصف زرداری اور طاہرالقادری کی دوہفتے کےدوران دوسری ملاقات انتیس دسمبر کو ہوگی۔

    تفصیلات کے مطابق ن لیگ کےخلاف گھیرا تنگ ہونا شروع ہوگیا ، سابق صدرآصف زرداری نے طاہرالقادری کا ایک بار پھر رابطہ کیا ، آصف زرداری، طاہرالقادری سے(29)انتیس دسمبر کو لاہورمیں وفد کے ہمراہ اہم ملاقات کریں گے۔

    وفدمیں خورشید شاہ، قمرزمان کائرہ،رحمان ملک شامل ہونگے۔

    ذرائع کے مطابق ملاقات میں تیس دسمبر کو ہونے والی اے پی سی پرمشاورت ہوگی اور سانحہ ماڈل ٹاؤن کے شہدا کےلواحقین کے حصول انصاف کیلئے حکمت عملی پرغور ہوگا۔

    پیپلزپارٹی کے ترجمان کا کہنا ہے کہ شہبازشریف کو قانون کی گرفت میں لائے بغیر انصاف ممکن نہیں۔

    گزشتہ روز عمران خان نے بھی طاہرالقادری سے ملاقات کرکے مکمل حمایت کا یقین دلایا تھا۔

    ملاقات کے بعد مشترکہ پریس کانفرنس سے خطاب کرتے ہوئے عمران خان کا کہنا تھا کہ جب ماڈل ٹاﺅن کا سانحہ سب نے ٹی وی پر براہ راست دیکھا، انتہائی دلخراش مناظر تھے جس طرح 14 بے گناہ لوگوں کو خون میں نہلایا گیا۔

    مزید پڑھیں : طاہرالقادری جو بھی فیصلہ کریں گے پی ٹی آئی طاہرالقادری کا بھرپور ساتھ دے گی، عمران خان

    عمران خان نے کہا کہ یقین دہانی کراتے ہیں کہ ہم سانحہ ماڈل ٹاؤن کے متاثرین کے ساتھ ہیں، طاہرالقادری جو بھی فیصلہ کریں گے پی ٹی آئی طاہرالقادری کا بھرپور ساتھ دے گی، یہ سیاسی اتحاد نہیں بن رہا بلکہ ایک انسانی معاملہ ہے، اس لیے پی اے ٹی کا ساتھ دے رہے ہیں تاکہ آئندہ کوئی پولیس کو ذاتی مقاصد کیلئے استعمال نہ کرے۔

    یاد رہے کہ آصف زرداری دو ہفتے پہلے بھی طاہر القادری سے ابتدائی مشاورت کرچکے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • عمران خان کی طاہرالقادری سے آج اہم ملاقات

    عمران خان کی طاہرالقادری سے آج اہم ملاقات

    لاہور : پاکستان عوامی تحریک کے سربراہ ڈاکٹرطاہرالقادری اورعمران خان کے درمیان ملاقات آج ہوگی، جس میں تیس دسمبر کو ہونے والی اے پی سی میں کپتان کی شرکت پر مشاورت کی جائے گی۔

    تفصیلات کے مطابق سانحہ ماڈل ٹاؤن کے خلاف احتجاج کے فیصلہ کن موڑ پر ڈاکٹرطاہرالقادری اورعمران خان کے درمیان آج اہم ملاقات کل ہوگی، ملاقات ساڑھےتین بجےعوامی تحریک کےسیکریٹریٹ میں ہوگی، جس میں تیس دسمبر کو ہونے والی اے پی سی میں کپتان کی شرکت پر مشاورت کی جائے گی۔

    ڈاکٹرطاہرالقادری کپتان کو 30 دسمبر کو ہونے والی اے پی سی میں شرکت پرراضی کرنےکی سرتوڑ کوشش کریں گے اور اے پی سی کے اہم نکات پراعتمادمیں لیں گے جبکہ پیپلزپارٹی کانفرنس میں شرکت کاعندیہ پہلے ہی دے چکی ہے۔

    اے پی سی میں پی پی،پی ٹی آئی سمیت 35جماعتوں کی قیادت شریک ہوگی، طاہرالقادری تمام جماعتوں کواعتمادمیں لیکرآئندہ کےلائحہ عمل کا اعلان کرینگے۔

    پارٹی ذرائع کے مطابق طاہرالقادری ازخود کوئی فیصلہ نہیں کرناچاہتے، جوبھی فیصلہ ہوگا تمام جماعتوں کامتفقہ فیصلہ ہوگا، سانحہ ماڈل ٹاؤن کے شہدا کو انصاف کیلئے احتجاج ہر صورت ہوگا۔

    ذرائع کا کہنا ہے کہ سانحہ ماڈل ٹاؤن کے متاثرین کو انصاف دلانے کے لیے احتجاجی تحریک کا مرکز لاہور کو بنائے جانے کا امکان ہے ، احتجاج کی صورت اورطریقہ کار اے پی سی میں طے کیا جائے گا، اےپی سی میں آصف زرداری اوربلاول بھٹوشریک ہوں گے جبکہ عمران خان سمیت دیگر جماعتوں کے مرکزی رہنما بھی شریک ہونگے۔

    مزید پڑھیں : طاہر القادری نے 28 دسمبر کو کُل جماعتی کانفرنس طلب کرلی

    دوسری جانب ڈاکٹرطاہرالقادری کے کنٹینرکی صفائی کرالی گئی جبکہ کنٹینر پر رنگ و روغن کا کام بھی جاری ہے۔

    یاد رہے کہ سربراہ پاکستان عوامی تحریک ڈاکٹر طاہر القادری نے پریس کانفرنس میں کہا تھا کہ 28 دسمبر کو کُل جماعتی کانفرنس کا انعقاد کر رہے ہیں جہاں اپنا لائحہ عمل پیش کرکے دیگر سیاسی جماعتوں سے رائے لیں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • عمران خان اورمصطفیٰ کمال کےدرمیان جلد ملاقات کاامکان

    عمران خان اورمصطفیٰ کمال کےدرمیان جلد ملاقات کاامکان

    کراچی: پاکستان تحریک انصاف کے سربراہ عمران خان اور پاک سرزمین مصطفیٰ کمال کے درمیان جلد ملاقات کا امکان ہے۔

    تفصیلات کے مطابق عوامی مسلم لیگ کے سربراہ شیخ رشید اور پاکستان عوامی تحریک کے سربراہ طاہر القادری کے بعد پاکستان تحریک انصاف کے سربراہ نے بھی مصطفی کمال سے رابطے کرلیا۔

    پی ٹی آئی چیئرمین عمران خان نے مصطفی کمال سے ٹیلیفونک رابطہ کیا ، دونوں رہنماوں نے ملک کی موجودہ صورتحال پر تفصیلی تبادلہ خیال کیا۔

    ذرائع کا کہنا ہے کہ دونوں رہنماؤں کی کراچی میں جلد ملاقات کا امکان ہے، جس کا ٹاسک تحریک انصاف کے رہنما فیصل واڈا کو ٹاسک دیا جا چکا ہے۔

    ذرائع کے مطابق دونوں رہنماوں کی ملاقات عمران خان کے اگلے دورہ کراچی میں متوقع ہے۔

    خیال رہے کہ پی ٹی آئی چیئرمین 4 روزہ دورے پر کراچی میں موجود ہیں۔

    مزید پڑھیں : جمہوریت نہیں کرپٹ مافیا کی کرپشن خطرے میں ہے‘ عمران خان

    اس سے قبل کراچی میں چیئرمین پاکستان تحریک انصاف عمران خان نے کراچی بار کی تقریب سےخطاب کرتے ہوئے کہا تھا کہ جدوجہد کے دوران پریشانی ہوتی ہے لیکن ہارنہیں ماننی چاہیے۔

    عمران خان کا کہنا تھا کہ خوشی ہے رول اینڈ لا کے لیے ہماری پارٹی وکلا کےساتھ ہے، انہوں نے کہا کہ طاقتوراورکمزورکے لیےالگ الگ قانون نہیں ہونا چاہیے۔

    پی ٹی آئی سربراہ نے کہا کہ پاکستان ایک بہترین ملک بن سکتا ہے،ایک وقت میں بن بھی رہا تھا، وہ وقت دورنہیں انشااللہ پاکستان ایک بہترین ملک بنے گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔