ARYNews.tv | Urdu – Har Lamha Bakhabar

Tag: meet

  • لاہور: وزیراعلیٰ پنجاب شہبازشریف سے کورکمانڈر لاہور کی ملاقات

    لاہور: وزیراعلیٰ پنجاب شہبازشریف سے کورکمانڈر لاہور کی ملاقات

    لاہور : وزیراعلیٰ پنجاب شہبازشریف نے کور کمانڈر لاہور لیفٹیننٹ جنرل عامر ریاض سے ملاقات کی ، وزیر اعلی پنجاب کا کہنا تھا کہ دہشت گردی کے خلاف سیاسی وعسکری قیادت ایک صفحے پر ہے۔

    تفصیلات کے مطابق لاہور میں وزیراعلیٰ پنجاب شہبازشریف اور کورکمانڈرلاہور لیفٹیننٹ جنرل عامر ریاض کے درمیان ملاقات ہوئی، شہباز شریف نے لیفٹیننٹ جنرل عامر ریاض کوذمہ داریاں سنبھالنے پر مبارکباد دی اور نیک خواہشات کا اظہار کیا۔

    ملاقات میں وزیر اعلی پنجاب کا کہنا تھا کہ دہشت گردی کے خلاف سیاسی وعسکری قیادت ایک صفحے پر ہے، دہشت گردی کے خلاف جنگ پاکستان کی بقا کی جنگ ہے، دہشت گردی کےخلاف جنگ میں ہرطبقےنےقربانیاں دی ہیں ، دہشت گردی کےخلاف جنگ میں کامیابی سیاسی وعسکری قیادت کےمتفقہ فیصلوں کےباعث ملیں۔

    شہبازشریف نے کہا کہ قیمتی جانوں کا نذرانہ پیش کرنےوالے بہادر سپوت قوم کے ہیرو ہیں، شہداکی لازوال قربانیوں کا ثمر امن کی صورت میں ملاہے، قوم شہدا کی عظیم قربانیوں کو سلام پیش کرتی ہے، پاکستان کے محب وطن اور دلیر عوام کا عزم انتہائی مضبوط ہے۔

    انھوں نے مزید کہا کہ قاتل پاکستانیوں کے غیرمتزلزل عزم کے سامنے نہیں ٹھہرسکتا، دہشت گردوں کےعزائم کسی صورت کامیاب نہیں ہونے دینگے، دہشت گردوں کےعزائم کسی صورت کامیاب نہیں ہونے دیں گے، قوم کو اپنی بہادر مسلح افواج پر فخرہے۔

    مزید پڑھیں : لیفٹیننٹ جنرل عامر ریاض کو کور کمانڈر لاہور تعینات

    ملاقات میں کور کمانڈر لاہور لیفٹیننٹ جنرل عامر ریاض نے وزیر اعلی کو امن و امان قائم کرنے کی یقین دہانی کرائی۔

    یاد رہے کہ  لاہور کے نئے کور کمانڈر لیفٹیننٹ جنرل عامر ریاض کمانڈر سدرن کمان تعینات تھے جبکہ اس سے قبل  ڈی جی ملٹری آپریشنز کے اہم عہدے پر تعینات رہے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کراچی میں پی ایس ایل کے میچز کے انعقاد کیلئے نجم سیٹھی کل وزیر اعلیٰ سندھ سے ملاقات کریں گے

    کراچی میں پی ایس ایل کے میچز کے انعقاد کیلئے نجم سیٹھی کل وزیر اعلیٰ سندھ سے ملاقات کریں گے

    کراچی: شہر قائد میں عالمی کرکٹ کی بحالی کے لیے کوششیں تیز کردی گئی، چیئرمین پی سی بی نجم سیٹھی پی ایس ایل کے میچز کے انعقاد کیلئے کل وزیر اعلٰی سندھ مراد علی شاہ سے ملاقات کریں گے، وزیر اعلیٰ سندھ کا کہنا ہے کہ صدر اے آر وائی سلمان اقبال کی کرکٹ کیلئے کوشش قابل تحسین ہیں۔

    تفصیلات کے مطابق پاکستان سپر لیگ کے تیسرے ایڈیشن کے کچھ میچز کراچی میں کا امکان بڑھ گیا ہے، کراچی میں عالمی کرکٹ کی بحالی کے لیے سندھ حکومت نے کوششیں تیز کردیں ہیں، وزیراعلیٰ سندھ نے چیئرمین پی سی بی نجم سیٹھی سے رابطہ کیا۔

    ترجمان کا کہنا ہے کہ چیئرمین پی سی بی کل وزیراعلیٰ ہاؤس میں مرادعلی شاہ سے ملاقات کریں گے، ملاقات میں کراچی میں عالمی کرکٹ کی بحالی سےمتعلق بات چیت ہوگی، وزیراعلیٰ سندھ نے ہمیشہ عالمی کرکٹ میچز کراچی میں کرانے کی بات کی ہے۔

    وزیراعلی ٰ سندھ کا کہنا ہے کہ کراچی کا امن مثالی ہے ، کراچی میں عالمی کرکٹ کی بحالی کے لیے جو مدد چاہیے دیں گے ، کل پی سی بی چیئرمین کومزید تفصیلات سے آگاہ کروں گا، صدر اے آروائی سلمان اقبال کی کرکٹ کیلئے کوشش قابل تحسین ہے۔

    چیئرمین پی سی بی نجم سیٹھی کا کہنا ہے کہ وہ شہر قائد میں ایونٹ کے انتظامات کی تیاریاں کے لئے وزیر اعلٰی سندھ مراد علی شاہ سے ملاقات کررہے ہیں۔

    مزید پڑھیں : سری لنکن ٹیم نے پاکستان آنے پرآمادگی ظاہرکردی‘ نجم سیٹھی

    خیال رہے کہ پی ایس ایل کا تیسرا ایڈیشن فروری میں متحدہ عرب امارات اور پاکستان میں مشترکہ طور پر کھیلا جائے گا۔

    یاد رہے چند روز قبل یئرمین پی سی بی نے کرکٹ کے دیوانوں کے لیے خوشخبری سناتے ہوئے کہا تھا کہ سری لنکا اور ویسٹ انڈیز کی ٹیم  پاکستان کا دورہ کرے گی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • وزیراعظم شاہدخاقان کی نیول چیف ایڈمرل ظفر محمود عباسی سے ملاقات

    وزیراعظم شاہدخاقان کی نیول چیف ایڈمرل ظفر محمود عباسی سے ملاقات

    اسلام آباد : وزیراعظم شاہدخاقان سے نیول چیف ایڈمرل ظفرمحمودعباسی نے ملاقات کی، وزیراعظم کا کہنا ہے امید ہے آپ کی قیادت میں پاک بحریہ ترقی کی نئی منازل طے کرے گی۔

    تفصیلات کے مطابق وزیراعظم شاہدخاقان کی نیول چیف ایڈمرل ظفرمحمودعباسی سے ملاقات ہوئی، وزیراعظم نے ایڈمرل ظفرمحمودعباسی کو عہدہ سنبھالنے پر مبارکباد دی، ملاقات میں پیشہ وارانہ امورپرتبادلہ خیال کیا گیا۔

    وزیراعظم شاہد خاقان عباسی نے کہا کہ امید ہے آپ کی قیادت میں پاک بحریہ ترقی کی نئی منازل طے کرے گی۔

    مزید پڑھیں : ایڈمرل ظفرمحمودعباسی نے پاک بحریہ کی کمان سنبھال لی

    یاد رہے کہ چند روز قبل سربراہ پاک بحریہ ایڈمرل ظفرمحمودعباسی نے پاک بحریہ کی کمان سنبھال لی تھی، پاک بحریہ کے سربراہ کے عہدے سے سبکدوش ہونے والے ایڈمرل محمد ایڈمرل ذکا اللہ کو نئے سربراہ ایڈمرل ظفر محمود عباسی کو کمان سونپی۔

    پاک بحریہ کے سربراہ ایڈمرل ظفرمحمودعباسی نے1981 میں نیول آپریشن برانچ میں کمیشن حاصل کیا،انہیں کمانڈ اینڈ اسٹاف کے مختلف عہدوں کا وسیع تجربہ ہے۔

    ایڈمرل ظفر محمود عباسی کثیرالملکی ٹاسک فورس 150 کی کمانڈ بھی کرچکے ہیں اورانہیں خدمات کے اعتراف میں ہلال امتیاز ملٹری سے نوازا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • حکومت ختم نبوت کے عقیدے پرغیرمتزلزل ایمان رکھتی ہے، شہباز شریف

    حکومت ختم نبوت کے عقیدے پرغیرمتزلزل ایمان رکھتی ہے، شہباز شریف

    لاہور: وزیراعلیٰ پنجاب شہبازشریف کا کہنا ہے کہ حکومت ختم نبوت کے عقیدے پرغیرمتزلزل ایمان رکھتی ہے۔

    تفصیلات کے مطابق وزیراعلیٰ پنجاب شہبازشریف سے وفاقی وزیر قانون زاہد حامد کی ملاقات ہوئی ،ملاقات میں ختم نبوت کے حلف نامے کے حوالے سے تبادلہ خیال کیا گیا۔

    وزیراعلیٰ پنجاب نے قانون کو اصل حالت میں بحال کرنے پر وفاقی وزیرکا شکریہ ادا کیا۔

    اس موقع پر وزیراعلیٰ شہباز شریف کا کہنا تھا کہ حکومت ختم نبوت کے عقیدے پرغیرمتزلزل ایمان رکھتی ہے ،حلف نامے کے قانون کواصل شکل میں بحال کرنے کیلئے فوری ایکشن لیا جو ایک اچھی کاوش ہے ۔

    یاد رہے کہ دو روز قبل قومی اسمبلی میں الیکشن بل2017میں ترمیم اتفاق رائے سے منظور کر لی گئی، ترمیم کے ذریعے کاغذات نامزدگی میں ختم نبوت کا حلف نامہ بحال کردیا گیا تھا۔

    مزید پڑھیں : ختم نبوت ﷺ کا حلف نامہ بحال

    اس سے قبل حکومت نے جلد بازی میں منظور کیے گئے انتخابی اصلاحات ایکٹ 2017 میں سنگین غلطی کو کلیریکل غلطی قرار دیا تھا اور حلف نامے کو پہلے والی شکل میں واپس لانے کے لیے ترمیمی بل لانے کا فیصلہ کیا تھا۔

    واضح رہے کہ نااہل نواز شریف کو مسلم لیگ ن کی صدارت کا اہل بنانے کے لیے انتخابی اصلاحات ایکٹ 2017 سینیٹ کے بعد قومی اسمبلی میں بھی منظور کرلیا گیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پاکستان میں استحکام دیکھنا چاہتےہیں، امریکی وزیرخارجہ

    پاکستان میں استحکام دیکھنا چاہتےہیں، امریکی وزیرخارجہ

    واشنگٹن : امریکی وزیر خارجہ ریکس ٹیلرسن نے کہا ہے کہ پاکستان کے ساتھ معاملات افغانستان تک محدود نہیں، پاکستان میں استحکام دیکھنا چاہتےہیں،اس کے کئی مسائل ہمارے مسائل ہیں۔

    ان خیالات کا اظہار انہوں نے واشنگٹن میں پاکستانی ہم منصب خواجہ آصف سے ملاقات کے بعد ان کے ہمراہ میڈیا بریفنگ میں کیا۔

    ان کا کہنا تھا کہ خطے کے معاملات کی وجہ سے پاکستان سے تعلقات غیرمعمولی طور پر اہم ہیں، پاکستان دہشت گردی سمیت کئی مسائل سے دو چار ہے، وہ مسائل ہمارے بھی ہیں، ہم پاکستان میں مستحکم حکومت دیکھنا چاہتے ہیں۔

    امریکی وزیرخارجہ کا مزید کہنا تھا کہ پاکستانی وزیرخارجہ خواجہ آصف سے افغانستان کے سیکیورٹی معاملات، خطے کی سیکورٹی صورتحال اور دوطرفہ تعلقات سمیت اہم امور پر بھی بات چیت ہوئی ہے۔

    ریکس ٹیلرسن نے کہا کہ پاکستان اور امریکا کے تعلقات دیرینہ اور پیچیدہ ہیں، پاکستان کےاندرمتعدد معاملات میں امریکا کو بھی دلچسپی ہے۔

    ان کا مزید کہنا تھا کہ شمالی کوریا کے معاملے پر مسلمان ممالک کا تعاون درکار ہے، عراق اورشام میں داعش کی عملداری ختم ہونے جارہی ہے جبکہ نیٹو اراکین سیکیورٹی صورتحال بہتر بنانے میں مدد کررہے ہیں۔

    خواجہ آصف کے استقبال کیلئے کوئی امریکی عہدیدار نہ آیا

    قبل ازیں وزیر خارجہ خواجہ محمد آصف 3 روزہ دورے پر واشنگٹن پہنچنے تو استقبال کے لیے کوئی امریکی نمائندہ نہ آیا، ایئر پورٹ پر امریکہ میں پاکستان کے سفیر اعزاز چودھری نے خواجہ آصف کا استقبال کیا۔

    بعد ازاں خواجہ آصف کی امریکی وزیرخارجہ سے ملاقات ہوئی، ملاقات میں نئی امریکی انتظامیہ کو بھارت کے افغانستان میں کالعدم دہشتگرد گروہوں سے تعلقات کے حوالے سے بھی اعتماد میں لیا گیا۔

    مزید پڑھیں : افغان مسئلے کے سیاسی حل کی ضرورت ہے: خواجہ آصف

    ذرائع کے مطابق وزیر خارجہ خواجہ آصف امریکی سلامتی کے مشیر سے بھی ملاقات کریں گے جبکہ وہ امریکی پالیسی ساز ادارے یو ایس آئی پی میں بھی خطاب کریں گے۔

    یاد رہے کہ برطانوی نشریاتی ادارے بی بی سی کو دیئے گئے ایک انٹرویو میں وزیر خارجہ خواجہ آصف نے کہا تھا کہ طالبان افغانستان کے 40 فیصد سے زائد علاقے میں موجود ہیں، انہیں پاکستان میں محفوظ ٹھکانوں کی ضرورت نہیں، پاکستان کو ایک دہائی سے زیادہ عرصے تک قربانی کا بکرا بنایا جا رہا ہے۔

    خواجہ آصف نے کہا تھا کہ یہ ایسی جنگ لڑ رہے ہیں جس کا مستقبل قریب میں ختم ہونے کا امکان نہیں، افغان مسئلے کا سیاسی حل نکالنا چاہیئے، فوجی حل ناکام ہوچکا ہے، افغانستان میں امریکی اوراتحادی افواج جو کامیابی حاصل کرنا چاہتے تھے نہیں ہوئی۔

    مزید پڑھیں : بھارت افغانستان کےراستے پاکستان میں مداخلت کررہاہے‘ خواجہ آصف

    یاد رہے کہ گذشتہ ماہ کے آخر میں وزیر خارجہ خواجہ آصف نے نیویارک میں ایشیا سوسائٹی سے خطاب کرتے ہوئے کہا تھا کہ بھارت افغانستان کے راستے پاکستان میں مداخلت کررہا ہے جبکہ بھارت میں 66 دہشت گرد تنظیمیں ہیں، افغانستان میں امن وسیکیورٹی کی ذمے داری نہیں لے سکتے، امریکہ جنگ کے ذریعے افغانستان میں کامیابی حاصل نہیں کرسکتا۔

    خواجہ آصف نے کہنا تھا کہ موثربارڈر مینجمنٹ انتہائی ضروری ہے، کئی افغان رہنما مفادات کے لیے کشیدگی جاری رکھنا چاہتے ہیں۔

     آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • مصطفیٰ کمال نے بانی ایم کیو ایم کو ’شیطان‘ سے تشبیہہ دے دی

    مصطفیٰ کمال نے بانی ایم کیو ایم کو ’شیطان‘ سے تشبیہہ دے دی

    کراچی : پاک سرزمین پارٹی کے سربراہ کا کہنا ہے کہ بوہری برادری کے روحانی پیشوا سے ملاقات اوردعائیں لینے آیا تھا، بانی ایم کیوایم ایسا شیطان ہے جو زندہ رہ کر لوگوں کا خون پیئے گا، 2018میں ایم کیوایم پاکستان کوسیاسی طورپردفن کردینگے۔

    تفصیلات کے مطابق پاک سرزمین پارٹی کے چیئرمین مصطفی کمال بوہری برادری کے روحانی پیشوا سے ملاقات کیلئے انکے رہائش گاہ پہنچے اور مفضل سیف الدین سے ملاقات کی، انیس قائمخانی اور وسیم آفتاب بھی مصطفی کمال کے ساتھ موجود تھے۔

    ملاقات کے بعد مصطفیٰ کمال نے میڈیا سے گفتگو کرتے ہوئے کہا کہ بوہری برادری کے روحانی پیشوا سے ملاقات اوردعائیں لینے آیا تھا، بانی ایم کیوایم پراب کسی مقدمےکی ضرورت باقی نہیں رہی، بانی ایم کیوایم ایسا شیطان ہے جو زندہ رہ کر لوگوں کا خون پیئے گا، ایم کیوایم پاکستان بنا کر بانی ایم کیوایم کو زندگی دی گئی۔

    مصطفیٰ کمال کا کہنا تھا کہ بانی ایم کیوایم مہاجروں کےلئےبدنماداغ بن گئےہیں، 2018 میں ایم کیوایم پاکستان کوسیاسی طور پر دفن کردینگے، سب سے زیادہ جمہوریت کو نقصان کل کے دن سے پہنچے گا، جمہوریت کاپھل لوگوں کونہیں ملا۔

    مزید پڑھیں : مقتول کارکنوں کا بدلہ قائد ایم کیوایم سے لے کر رہوں گا، مصطفیٰ کمال

    سربراہ پی ایس پی نے مزید کہا کہ سسٹم اتنا خراب ہوچکا ہے اسے نئے سرے سےدرست کرنے کی ضرورت ہے، ان کے پاس جو مینڈیٹ ہے، وہ بانی ایم کیوایم کامینڈیٹ ہے، کے ایم سی کے7ہزاربزرگوں کو4سال سے پنشن نہیں ملی۔

    یاد رہے کہ اس سے قبل پاک سرزمین پارٹی کے چیئرمین مصطفیٰ کمال نے اپنے بیان میں کہا تھا کہ اپنے مقتول کارکنوں کا بدلہ قائد ایم کیوایم سے لے کر رہوں گا، مہاجروں نے 30 سالوں میں ہزاروں بچےقربان کرائے، اب کراچی میں خون بہانے والے نہیں بچیں گے۔

     

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ایئرچیف کا ہرمشکل گھڑی میں کویت کے شانہ بشانہ کھڑے ہونے کے عزم کا اعادہ

    ایئرچیف کا ہرمشکل گھڑی میں کویت کے شانہ بشانہ کھڑے ہونے کے عزم کا اعادہ

    اسلام آباد : پاک فضائیہ کے سربراہ نے کویتی ہم منصب سے ملاقات کی ، ملاقات میں ایئرچیف سہیل امان نے ہرمشکل گھڑی میں کویت کے شانہ بشانہ کھڑے ہونے کے عزم کا اعادہ کیا۔

    ترجمان پاک فضائیہ کے مطابق کویت فضائیہ کے کمانڈر عبداللہ یعقوب کی قیادت میں وفد نے ایئرہیڈ کوارٹرز کا دورہ کیا ، سربراہ سہیل امان نے مہمان کا استقبال کیا، پاک فضائیہ کے چاق وچوبند دستے نے سلامی پیش کی اور کویت فضائیہ کے وفد کو پاک فضائیہ کےپیشہ ورانہ کردار سے آگاہ کیا گیا۔

    پاک فضائیہ کے سربراہ ائیر چیف مارشل سہیل امان نے اپنے کویتی ہم منصب کمانڈرعبداللہ یعقوب سے ایئرہیڈکوارٹرز میں ملاقات کی، کویتی فضائیہ کے سربراہ نے پاک فضائیہ کی پیشہ ورانہ مہارت کو سراہا اور تجربات سے سیکھنے کی خواہش کا اظہار کیا۔

    اس موقع پاک فضائیہ کے سربراہ کا کہنا تھا کہ پاکستان اورکویت کے درمیان دوستانہ تعلقات ہیں۔ ایئرچیف نے ہر مشکل گھڑی میں کویت کے شانہ بشانہ کھڑے ہونے کےعزم کااعادہ کیا اور کویت کو فوجی تربیت میں مدداورتعاون کی پیشکش کی۔

    مزید پڑھیں : دونوں برادر اسلامی ممالک کی فضائی افواج میں وسیع تعاون موجود ہے، سربراہ کویت فضائیہ

    یاد رہے کہ گذشتہ روز پی اے ایف اکیڈمی رسالپور میں 119 ویں کمبیٹ سپورٹ کورس کی پاسنگ آوٴٹ پریڈ کی تقریب میں کویت فضائیہ کے سربراہ میجر جنرل عبداللہ یعقوب جاسم ال فودری نے بطور مہمان خصوصی شرکت کی تھی۔

    سربراہ کویت فضائیہ نے پاسنگ آوٹ پریڈ سے خطاب میں کہا تھا کہ ائیر مارشل سہیل امان کی قیادت میں پاک فضائیہ نے بہت نمایاں کارنامے انجام دیے ہیں۔ پاکستان اور کویت کے عوام مشترک مذہبی اور ثقافتی اقدار کی بدولت مضبوط رشتے سے جْڑے ہیں اور دونوں برادر اسلامی ممالک کی فضائی افواج میں وسیع تعاون موجود ہے۔

    میجر جنرل عبداللہ یعقوب جاسم ال فودری کا کہنا تھا کہ پاکستان اور کویتی فضائیہ پیشہ ورانہ امور میں دو طرفہ تعاون کو مزید فروغ دے رہی ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • چیئرمین بحریہ ٹاؤن ملک ریاض کی جاتی امرا میں نواز شریف سے ملاقات

    چیئرمین بحریہ ٹاؤن ملک ریاض کی جاتی امرا میں نواز شریف سے ملاقات

    لاہور : چیئرمین بحریہ ٹاؤن ملک ریاض نے نواز شریف سے ملاقات کی اور بیگم کلثوم نواز کی خیریت دریافت کی۔

    تفصیلات کے مطابق چیئرمین بحریہ ٹاؤن ملک ریاض کی جاتی امرا میں نواز شریف سے ملاقات ہوئی ، ملاقات میں نواز شریف سےبیگم کلثوم نواز کی خیریت دریافت کی اور جلد صحت یابی کیلئے دعا اور نیک خواہشات کا اظہار کیا۔

    خیال رہے کہ بیگم کلثوم کی طبیعت ناسازی کے باعث نواز شریف کی روانگی کا امکان ہے۔

    یاد رہے کہ سابق وزیر اعظم نوازشریف کی اہلیہ بیگم کلثوم نواز کی طبیعت ناساز ہونے پر دوبارہ اسپتال منتقل کیا گیا، طبیعت میں بہتری پر ایمرجنسی سے کمرے میں منتقل کردیا گیا ہے۔

    مزید پڑھیں : سابق وزیراعظم نوازشریف کی آج لندن روانگی کا امکان

    حسین نواز نے اے آر وائی نیوز سے گفتگو میں بتایا کہ والدہ کا علاج چل رہا ہے، صورتحال ایسی ہے کہ نواز شریف لندن آئیں گے، والد صاحب کے لندن آنے کا مجھےعلم نہیں، والدہ کی صحت کیلئےدعاؤں کی درخواست ہے۔

    گذشتہ روز مریم نواز نے ٹوئٹ میں بتایا تھا کہ امی کی طبیعت پھر خراب ہوگئی، مریم نواز نے دعاؤں کی درخواست کرتے ہوئے کہا کہ ڈاکٹرز کوشش کر رہے ہیں کہ کلثوم نواز کی طبیعت بہتر ہوجائے۔

    واضح رہے کہ گلے کے کینسر میں مبتلا بیگم کلثوم نواز لندن میں زیر علاج ہے ، کینسر کی تشخیص کے بعد بیگم کلثوم نواز کے دو آپریشنز ہوچکے ہیں، جس میں حلق اور سینے کا آپریشن کیا گیا تھا ، بعد ازاں ماہر تیسرا آپریشن بھی کیا گیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سابق وزیراعظم نوازشریف سے چوہدری نثارکی ملاقات

    سابق وزیراعظم نوازشریف سے چوہدری نثارکی ملاقات

    اسلام آباد : سابق نااہل وزیراعظم نوازشریف سے سابق وزیرداخلہ چوہدری نثار نے ملاقات کی۔

    تفصیلات کے مطابق پنجاب ہاؤس سیاسی سرگرمیوں کا مرکز بن گیا، نوازشریف نے پنجاب ہاؤس میں بیٹھک لگا لی ، سابق وزیرداخلہ چوہدری نثار نااہل وزیراعظم نوازشریف سے ملاقات کیلئے پنجاب ہاؤس پہنچ گئے، ملاقات میں سابق وزیرداخلہ نے بیگم کلثوم نواز کی خیریت دریافت کی۔

    یاد رہے کہ سابق وزیراعظم نواز شریف آج صبح آٹھ بجے لندن سے اسلام آباد ایئرپورٹ پر پہنچے ہیں، سابق وزیر اعظم اپنی اہلیہ بیگم کلثوم نواز کی تیمارداری کے لئے لندن میں تھے‘ لندن سے پاکستان روانہ ہوتے ہوئے نوازشریف کا کہنا تھا کہ عوام کےپیسےمیں بدعنوانی یاخیانت نہیں کی،نیب میں کس قسم کا ریفرنس دائر کیاگیا ہے۔

    مزید پڑھیں : سابق وزیراعظم نواز شریف وطن واپس پہنچ گئے

    اس سے قبل وزیراعلیٰ شہبازشریف کی چوہدری نثار سے ملاقات ہوئی تھی،جس میں وزیراعلی پنجاب قریبی ساتھی چوہدری نثارکے تحفظات دور کرنے میں ناکام ہوگئے تھے، چوہدری نثار نے مریم نواز کو پارٹی میں اہم عہدہ اور ذمہ داری دینے کی مخالفت کی تھی جبکہ شہبازشریف نے چوہدری نثار کا مؤقف نوازشریف تک پہنچایا۔

    یاد رہے کہ گزشتہ کئی عرصے سے نواز شریف اور چوہدری نثار کے درمیان اختلافات کی خبریں گردش کرتی رہی ہے، سابق وفاقی وزیر داخلہ چوہدری نثار اپنے ایک بیان میں کہا تھا کہ نواز شریف سے زیادہ تر اختلافات پچھلےادوار میں پالیسی کی وجہ سےآئے، خاندانی پس منظر فوجی ہونے پر فخر ہے، سوشل نہیں ہوں اس لیے مخالفین مجھے مغرور کہتے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • بوہرہ کمیونٹی کے روحانی پیشوا کی گورنر ، وزیراعلیٰ سندھ، مئیر کراچی اور فاروق ستار سے ملاقات

    بوہرہ کمیونٹی کے روحانی پیشوا کی گورنر ، وزیراعلیٰ سندھ، مئیر کراچی اور فاروق ستار سے ملاقات

    کراچی: طاہری مسجد میں بوہری جماعت کے روحانی پیشوا مفضل سیف الدین سے گورنر سندھ محمد زبیر ،وزیر اعلیٰ سندھ سید مراد علی شاہ اور ایم کیو ایم پاکستان کے سربراہ ڈاکٹر فاروق ستار اور میئر کراچی نے علیحدہ علیحدہ ملاقاتیں کیں۔

    تفصیلات کے مطابق گورنر سندھ محمد زبیر نے داو دی بوہرہ کمیونٹی کے روحانی پیشوا سیدنا مفضل سیف الدین سے طاہری مسجد صدر میں ملاقات کی اور محرم الحرام کی مجلس میں بھی شرکت کی، وزیر اعلی سندھ سید مراد علی شاہ ، متحدہ قومی موومنٹ پاکستان کے سربراہ ڈاکٹر فاروق ستار اور میئر کراچی وسیم اختر بھی اس موقع پر موجود تھے۔

    ملاقات کے دوران صوبہ کی تعمیر و ترقی میں بوہری برادری کے کردار،امن و امان کی قیام میں کمیونٹی کی بھرپور مدد اور باہمی دلچسپی کے امور پر تبادلہ خیال کیا گیا۔

    گورنر سندھ نے ایک طویل عرصہ کے بعد بوہری کمیونٹی کے سربراہ کی محرم الحرام میں کراچی آمد کا خیر مقدم کرتے ہوئے امید ظاہر کرتے ہیں کہ وہ آئندہ بھی کراچی میں محرم الحرام کی مجالس منعقد کریں گے، بوہری کمیونٹی صوبہ کی نہایت پر امن برادری ہے۔

    انھوں نے مزید کہا کہ سیدنا صاحب کی کراچی آمد شہر میں امن و امان کی بہتر صورتحال کی عکاس ہے، کراچی ملک کا معاشی حب ہے اور اس کی تجارتی سرگرمیوں میں بوہری کمیونٹی کا اہم کردار ہے، ملک کی ترقی کراچی کی ترقی میں مضمر ہے جبکہ امن و امان کے قیام کے بعد صوبہ میں کاروبار اور سرمایہ کاری کے لئے انتہائی سازگار ماحول میسر ہے۔

    سیدنا مفضل سیف الدین نے کہا کہ ایک طویل عرصہ کے بعد کراچی میں محرم کی مجالس سے خطاب پر وہ خوش ہیں کیونکہ ان کے دادا اور والد بھی کراچی میں مجالس سے خطاب کرچکے ہیں، پورے ملک خصوصاً کراچی میں امن کی بحالی کے لئے حکومت اور قانون نافذ کرنے والے اداروں کے اقدامات قابل تحسین ہیں۔

    مزید پڑھیں :  عمران خان کی داؤدی بوہری جماعت کے روحانی پیشوا سے ملاقات

    روحانی پیشوا سیدنا مفضل سیف الدین کا مزید کہنا تھا کہ شہر میں ترقیاتی منصوبوں کا آغاز خوش آئند ہے ان کی تکمیل سے شہریوں کو بہترین سفری سہولیات فراہم ہوں گی۔

    انہوں نے محرم کے دوران سکیورٹی کی بہترین سہولیات کی فراہمی پر انتظامیہ کا شکریہ بھی ادا کیا۔

    وزیر اعلیٰ سندھ سید مراد علی شاہ کا کہنا تھا کہ شہر میں سکییورٹی تھریٹس ہیں، ہم نے سکیورٹی فل پروف بنانے کی پوری کوشش کی ہے۔

    ایم کیو ایم پاکستان کے سربراہ ڈاکٹر فاروق ستار نے کہا کہ بوہری جماعت کے روحانی پیشوا کی پاکستان آمد سےاتحاد بین المسلمین میں مزید بہتری آئے گی۔

    دریں اثناگورنر سندھ نے اس موقع پر میڈیا سے بات چیت کرتے ہوئے کہا کہ محرم الحرام کے دوران سیکیورٹی کے سخت ترین انتظامات کئے گئے ہیں تاکہ کسی بھی ناخوشگوار واقعہ سے بچا جاسکے، امن و امان کے لئے شہریوں کا بھرپور تعاون بھی ضروری ہے کیونکہ ان کی مدد سے ہی امن کا قیام یقینی بنایا جاسکتا ہے۔

    محمد زبیر کا کہنا تھا کہ تمام مسالک کے علماء کا اس بات پر اتفاق ہے کہ ہمیں ایک دوسرے کے عقائد کا احترام کرنا چاہئیے، حسینیت کا پیغام تمام عالم کے لئے ہے کیونکہ نواسہ رسول نے اپنی جان کا نذرانہ پیش کرکے اسلام کا پرچم سربلند کیا اور اسے رہتی دنیا تک کے لئے ایک عالمگیر مذہب بنایا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔