ARYNews.tv | Urdu – Har Lamha Bakhabar

Tag: meeting

  • پی ٹی آئی جلسے کیلئے دس لاکھ افراد کا ہدف مقرر

    پی ٹی آئی جلسے کیلئے دس لاکھ افراد کا ہدف مقرر

    اسلام آباد: پاکستان تحریک انصاف نے تیس نومبر کیلئے جلسے کیلئے دس لاکھ سے زائد افراد کوجلسہ گاہ میں لانے کا ہدف مقرر کردیا گیا۔

    اسلام آباد میں تحریک انصاف کے چئیرمین عمران خان کی زیر صدارت اہم اجلاس ہوا۔اجلاس میں پنجاب کے چھتیس اضلاع کے ضلعی صدور کو مدعو کیا گیا ہے ۔

    جس کا اہم مقصد تیس نومبر کے جلسے کو کامیاب بنانے کیلئے حتمی حکمت عملی طے کرنا تھا۔ اجلاس میں ضلعی قیادت کو پنجاب بھر سے دس لاکھ سے زائد افراد جلسہ گاہ میں لانے کا ٹارگٹ دیا گیا۔

    اجلاس میں تیس نومبر کو حکومتی اقدامات سے نمٹنے کے لیے اہم امور پرتبادلہ خیال کیا گیا۔اجلاس میں شاہ محمود قریشی ،جہانگیرترین فوزیہ قصوری دیگررہنما سمیت ضلعی عہدیدران کی وکارکنان کی بڑی تعداد نے شرکت کی۔

  • وزیرِاعلیٰ سندھ سید قائم علی شاہ کی گورنرسندھ سے ملاقات

    وزیرِاعلیٰ سندھ سید قائم علی شاہ کی گورنرسندھ سے ملاقات

    کراچی: وزیرِاعلیٰ سندھ سید قائم علی شاہ نے گورنر ہاؤس میں گورنرسندھ ڈاکٹر عشرت العباد خان سے ملاقات کی، اس موقع پر صوبائی بلدیات وزیر شرجیل انعام میمن بھی موجود تھے۔

    گورنر سندھ ڈاکٹر عشرت العباد خان اور وزیراعلیٰ سندھ سیدقائم علی شاہ کے درمیان گورنر ہاؤس میں ہونے والی ملاقات میں اس بات پر اتفاق کیا گیا ہے کہ کراچی میں ہونے والے ٹارگٹڈ آپریشن سے امن وامان کی صورتحال میں خاصی بہتری آئی ہے۔

    انہوں نے کہا کہ بلاتفریق آپریشن جاری رہے گا،اور مجرموں کے ساتھ کسی قسم کی کوئی رعایت نہیں برتی جائے گی، اور تمام سیاسی اکائیوں میں بھی امن وامان کی صورتحال پر اتفاق موجود ہے ۔

    وزیراعلیٰ سندھ اور صوبائی وزیر بلدیات شرجیل انعام میمن نے کراچی میں جاری ترقیاتی منصوبوں کے حوالے سے گورنر سندھ کو آگاہ کیا ۔

    گورنر نے کہا کہ کراچی ملکی معیشت کا حب ہے ، جاری منصوبوں کو جلد از جلد مکمل کرکے عوام کو سہولتیں پہنچائی جائیں۔

  • پاکستان میں ٹیکنوکریٹ حکومت بنائی جائے،الطاف حسین

    پاکستان میں ٹیکنوکریٹ حکومت بنائی جائے،الطاف حسین

    لندن:ایم کیو ایم کے قائد الطاف حسین نےکہا ہے کہ ان کی خواہش ہےکہ ملک میں دو سال کیلئے ٹیکنوکریٹ حکومت بنائی جائے،جوملک میں تطہیرکا عمل شروع کرے۔

    گورنر پنجاب محمد سرورسے لندن میں ملاقات کےبعد پریس کانفرنس سے خطاب میں الطاف حسین کاکہنا تھا کہ پاکستان کوچوروں،لٹیروں اور موروثی سیاست کرنےوالوں کی ضرورت نہیں ہے۔ پاکستان میں جاری دھرنوں کے حوالےسےالطاف حسین کا کہنا تھا کہ سیاسی صورتحال کا باعزت طریقےسے راستہ نکالاجائے بحران کوحل کرنے کےلئےاہم کیو ایم ہمہ وقت حاضر ہے،اس موقع پر ایم کیو ایم کے قائد نے کہا کہ پاکستان میں دوسال کےلیے ٹیکنوکریٹ حکومت بنائی جائے جو بلا تفریق لوگوں کا احتساب کرے۔

    گورنرپنجاب چوہدری سرورکا میڈیا سے گفتگو میں کہنا تھا کہ ہم سب چاہتےہیں ملک میں جمہوریت ڈی ریل نہ ہو دھرنے والےملک کےمفادکےلیے لچک پیداکریں،گورنر پنجاب کا کہنا تھا کہ افواج پاکستان دہشت گردوں کےخلاف کارروائی میں مصروف ہیں ایسے وقت میں تمام سیاسی رہنما اختلافات بھلاکرآئی ڈی پیزاورسیلاب زدگان کی مددکریں۔.

    گورنرپنجا ب نے آئی ڈی پیز اور سیلاب ذدگان کی مدد کرنے پر بیرون ملک رہنے والے پاکستانیوں کا شکریہ ادا کیا۔

  • اعتزازاحسن کےالزامات کاجواب دینےکیلئےچوہدری نثاربےچین

    اعتزازاحسن کےالزامات کاجواب دینےکیلئےچوہدری نثاربےچین

    اسلام آباد:حکومت کےدھرنےوالوں سےمذاکرات توکامیاب نہ ہوئےالبتہ چوہدری نثار کومنانےکیلئےوزیراعظم کوہی چوہدری نثارسےمذاکرات کرناپڑگئے۔

    ایک طرف دھرنےوالوں سےمذاکرات تودوسری طرف حکمراں جماعت کی اپنے ہی وزیرداخلہ کومنانےکی کوششیں،اعتزازاحسن کےالزامات کاجواب دینے کیلئے چوہدری نثار بے چین ہیں۔

    وزیراعظم کی پہلی ملاقات رہی بےسود آج پھرملاقات کیلئےبلالیاہے،لیکن چوہدری نثار کہتے ہیں الزامات کاجواب دینا ان کاحق ہے پارٹی سے کوئی اختلاف نہیں آج پریس کانفرنس کروں گا لیکن استعفیٰ نہیں دوں گا کیوں کہ اس سے مخالف قوتوں کی حوصلہ افزائی ہوگی،اس نئی گتھی کوسلجھانےکیلئے وزیراعلیٰ پنجاب بھی اسلام آباد پہنچ گئے ہیں۔

    ذرائع کاکہناہے وزیراعظم نےچوہدری نثار کوکچھ روز تک خاموش رہنے کامشورہ دیاہےلیکن چوہدری نثارکا کہناہےآج کےالزام کاجواب دس دن بعد نہیں دیاجاسکتا۔

    وزیراعظم کی معذرت کےبعد اعتزاز کےخطاب پر حکومتی اراکین بھی   برہم ہیں،ان کامؤقف ہےکہ معذرت کے بعد اعتزازکی الزام تراشی کاجوازنہ تھا۔

  • سابق صدرآصف علی زرداری کی چوہدری برادران سے ملاقات

    سابق صدرآصف علی زرداری کی چوہدری برادران سے ملاقات

    اسلام آباد:سابق صدرآصف علی زرداری اورمسلم لیگ ق کے قائدین چوہدری شجاعت اور پرویز الہی کے درمیان اسلام آباد میں ملاقات ہوئی۔

    آج ملک جس سیاسی بحران سےگزر رہا ہے، اس پر ہرمحب وطن مضطرب، دل گرفتہ نظر آرہا ہے، اسی گتھی کو سلجھا نے کیلئےسابق صدر اور پا کستان پپیلزپارٹی کے قائد آصف علی زرداری سےمسلم لیگ ق کےقائدین چوہدری شجاعت اور پرویزالہی نےاسلام آباد میں انکی رہائش گاہ میں ملاقات کی۔

    ملا قات کے بعد چوہدری پرویزالہی نےمیڈیا سے بات کرتے ہوئے کہا کہ کہا جاتا ہے آصف علی زرداری گتھیاں سلجھانے، دوراندیشی اور سیاسی معاملات کوحل کرنے میں اپنا ثانی نہیں رکھتےاب جبکہ وہ متحرک ہیں تو امید کی جاتی ہے کہ معاملہ خوش اسلو بی اور با عزت طریقے سےحل ہونےکی قوی امید ہے۔

  • وزیراعظم نوازشریف کی زیرصدارت اعلیٰ سطح کااجلاس جاری

    وزیراعظم نوازشریف کی زیرصدارت اعلیٰ سطح کااجلاس جاری

    اسلام آباد: سیاسی کشیدہ صورتحال پر وزیراعظم میاں محمد نواز شریف کی زیرصدارت اعلیٰ سطح کا مشاورتی اجلاس جاری ہے۔ وزیر اعظم کی زیر صدارت  اعلیٰ سطح کے اجلاس میں وفاقی وزیرداخلہ چوہدری نثار،وزیرخزانہ اسحاق ڈارسمیت دیگر وزرا شریک ہیں ۔

    اجلاس میں گزشتہ روز ہونے پولیس ایکشن پر بریفنگ دی گئی ہے جبکہ آئندہ کا لائحہ عمل بھی طے کیا جائے گا۔ دوسری جانب پنجاب کی صوبائی انتظامیہ نے صوبہ بھرمیں دفعہ ایک سو چوالیس نافذ کرتے ہوئے پانچ یا اس سے زیادہ افراد کےایک مقام پرجمع ہونے پرپابندی عائد کردی گئی ہے

  • نوازشریف کی موجودگی میں شفاف تحقیقات نہیں ہوسکتیں،عمران خان

    نوازشریف کی موجودگی میں شفاف تحقیقات نہیں ہوسکتیں،عمران خان

    اسلام آباد:عمران خان نےکہا ہےکہ آرمی چیف نےانتخابات میں دھاندلی کی شفاف تحقیقات کی یقین دہانی کرائی ہے،جبکہ انھوں نےآرمی چیف کو بتایا ہےکہ نوازشریف کی موجودگی میں شفاف تحقیقات نہیں ہوسکتیں۔

    آرمی چیف جنرل راحیل شریف سےملاقات کےبعد آزادی مارچ کےشرکاء سے خطاب میں عمران خان نےکہا کہ ملاقات میں آرمی چیف نےکہا کہ انتخابی دھاندلیوں کی تحقیقات کیلئےآزاد عدالتی کمیشن بنایا جائیگا جبکہ فوج نیوٹرل امپائرکاکردارادا کرے گی۔

    عمران خان کا کہنا تھا کہ انہوں نے آرمی چیف کو اپنے خدشات سے آگاہ کرتے ہوئے کہاکہ نوازشریف کےہوتےہوئےشفاف تحقیقات نہیں ہوسکتیں۔ بہت ہو گا کہ تحقیقات تک نوازشریف وزیراعظم نہ رہیں۔

    کارکنان سے خطاب کرتے ہوئے اس موقع پرعمران خان نےمطالبات منظورنہ ہونے کی صورت میں آج شام نیا لائحہ عمل دینےکا اعلان کیا۔

  • سابق صدر آصف علی زرداری کا ڈاکٹر طاہرالقادری سے ٹیلی فونک رابطہ

    سابق صدر آصف علی زرداری کا ڈاکٹر طاہرالقادری سے ٹیلی فونک رابطہ

    اسلام آباد : سابق صدر آصف علی زرداری نے ڈاکٹر طاہرالقادری کو ٹیلی فون کیا ہے، انقلاب مارچ پر دونوں رہنماوں نے تبادلہ خیال کیا اور جمہوریت کے استحکام پر زوردیا ہے۔

    پیپلزپارٹی کے شریک چیرمین اور سابق صدر آصف علی زرداری نے دو مرتبہ طاہرالقادری سے فون پر بات کی، مجوزہ انقلاب پر تبادلہ خیال کیا،انہوں نے سانحہ ماڈل ٹاون میں پاکستان عوامی تحریک کے جاں بحق ہونے والے کارکنوں کی تعزیت کی، اور دعائے مغفرت بھی کی،سابق صدر نے ڈاکٹر طاہرالقادری کو معاملات مفاہمت اور مذاکرات سے حل کرنے پر زوردیتے ہوئے کہا کہ ایسے اقدام سے گریز کریں جس سے جمہوریت کا نقصان ہو۔

    انہوں نے کہا کہ ملک میں جمہوری استحکام کارکنوں کی محنتوں اور قائدین کے خون سے پیدا ہوا ہے، اسے عدم استحکام سے دوچار نہ کیا جائے،تاہم ڈاکٹر طاہرالقادری نے سابق صدر پر واضح کیا کہ ان کی جدوجہد جدوجہد آئین اور جمہوریت کے لیے ہے،لیکن موجودہ نظام کو جمہوری نہیں کہا جاسکتا، ان کا کہنا تھاکہ یہ دھاندلی کی پیداوار حکومت ہے، اور وہ چاہتے ہیں کہ عوام کو شریک اقتدار کرنے کے لئے ضروری ہے کہ انقلاب لایا جائے۔

  • ڈاکٹرطاہرالقادری اورچودھری شجاعت حسین کے درمیان ملاقات

    ڈاکٹرطاہرالقادری اورچودھری شجاعت حسین کے درمیان ملاقات

    لاہور: پاکستان عوامی تحریک کے سربراہ ڈاکٹرطاہرالقادری اور مسلم لیگ ق کے سربراہ چودھری شجاعت حسین کے درمیان ملاقات ہوئی۔ دونوں رہنماؤں نے اے پی سی کی قرارداد پر عملدرآمد پر زور دیا۔ پاکستان عوامی تحریک کے سربراہ ڈاکٹر طاہرالقادری اور مسلم لیگ ق کے سربراہ چودھری شجاعت حسین کے درمیان ملاقات ہوئی ۔

    ملاقات میں طاہرالقادری نے چودھری شجاعت کو حکومت کی طرف سے ہونے والے رابطوں پر بریفنگ دی۔ چودھری شجاعت نے سابق صدر آصف علی زرداری سے ہونے والی گفتگو پرڈاکٹر طاہرالقادری کو اعتماد میں لیا ۔

    دونوں رہنماؤں نے اس بات پر اتفاق کیا کہ جب تک سانحہ ماڈل ٹاؤن پر ہونے والی اے پی سی کی قرارداد پر عمل درآمد نہیں ہوجاتا ، حکومت سے کوئی بات چیت نہیں ہوسکتی ۔ ملاقات کے بعد دونوں رہنما مجلس وحدت المسلمین کے صوبائی سیکرٹریٹ پہنچے جہاں ان کا استقبال علامہ امین شہیدی نے کیا۔

  • چوھدری شجاعت حسین اور چوھدری پرویز الیہ کی ڈاکٹرطاہرالقادری سے ملاقات

    چوھدری شجاعت حسین اور چوھدری پرویز الیہ کی ڈاکٹرطاہرالقادری سے ملاقات

    لاہور:چوھدری شجاعت حسین اور چوھدری پرویز الیہ نےلاہور میں ڈاکٹرطاہرالقادری کی رہائشگاہ جا کر ان سے ملاقات کی جس میں ملکی اورسیاسی صورتحال پرتبادلہ خیال کیا گیا۔

    ماڈل ٹاون لاہورمیں مسلم لیگ ق کےسربراہ چوہدری شجاعت حسین اورچوھدری پرویز الہی نے ڈاکٹرطاہرالقادری کی رہاٗشگاہ پر ان سے ملاقات کی جس میں طاہرالقادری کے 10 نکاتی ایجنڈے اورمجلس وحدت المسلمین کی جانب سے دئےگئ4 نکات پرغوراور تبادلہ خیال کیا گیا۔

    اس سےقبل سنی اتحادکونسل کےچئیرمین صاحبزادہ حامدرضا اورمجلس وحد مسلمین کے مرکزی رہنماعلامی ناصرعباس نےبھی ڈاکٹرطاہرالقادی سےملاقات کی۔

    ایک سوال کے جواب میں صاحبزادہ حامد رضا کا کہنا تھا کہ تمام جماعتوں سے معاملات چل رہے ہیں عمران خان سے بھی بات چیت چل رہی ہے اور جلد ہی کوئی اچھی خبر سنایں گے۔