اسلام آباد: نیشنل کاوئنٹر ٹیرازم اتھارٹی اسلام آباد نےآرمی پبلک اسکول پشاور پر دہشت گردی کے حملے کی منصوبے بندی کی صوبائی حکومت کو پیشگی اطلاع دے دی تھی اس کے باوجود قانون نافذ کرنے والے ادارئے اسکول کو سیکیورٹی فرائم کرنے میں کیوں ناکام رہے واقع نے کئی سوالات کو جنم دے دیا ہے۔
پشاور میں آرمی پبلک سکول حملےکےتھرٹ الرٹ لیٹر کی کاپی اے آر وائی نے حاصل کرلی وفاقی حکومت کے ماتحت دہشت گردی سے نمٹنے کے لیے قائم نیشنل کاوئنٹر ٹیرازم اتھارٹی نے خیبر پختونخواہ حکومت کو 28 اگست کو حملے سے متعلق پیشگی اطلاع دی تھی جس میں قانون نافذ کرنے والے اداروں کوآگاہ کیا گیا تھا کہ دہشت گردی آرمی پبلک حملے کی منصوبہ بندی کر رہے ہیں اور کسی بھی وقت اسکول کو دہشت گردی کا نشانہ بنا سکتے ہیں، اس لیے تھرٹ الرٹ 802 کی پیشگی اطلاع صوبائی حکومت اور دیگر قانون نافذ کرنے والے اداروں کو ارسال کی گئی تھی۔
واضح رہے کہ نیشنل کاوئنٹر ٹیرازم اتھارٹی نے تھرٹ الرٹ لیٹر 28 اگست 2014 کو جاری کیا تھا جس کے بعد آرمی پبلک اسکول پر حملے سے کئی سوالات جنم لیتے ہیں کہ پیشگی حملے کی اطلاع کے باوجود صوبائی حکومت اور قانون نافذ کرنے والے ادارے اسکول کو سیکیورٹی کیوں فرائم نہیں کر سکے۔
