Tag: Meher Bano Qureshi

  • پی ٹی آئی رہنما مہر بانو قریشی 9 کارکنان سمیت رہا، پیغام جاری

    پی ٹی آئی رہنما مہر بانو قریشی 9 کارکنان سمیت رہا، پیغام جاری

    ملتان : جنوبی پنجاب کے ضلع ملتان کے پل چٹھہ سے گرفتار ہونے والی پی ٹی آئی رہنما مہر بانو قریشی و دیگر کارکنان کی گرفتاری کے معاملے میں اہم پیشرفت سامنے آئی ہے۔

    مقامی عدالت نے مہربانو قریشی اور دیگر کارکنان کو رہا کردیا۔ ملتان پولیس نے9پی ٹی آئی کارکنان کو رات گئے عدالت میں پیش کیا، اسپیشل جوڈیشل مجسٹریٹ نے ملزمان کو مقدمہ سے ڈسچارج کردیا۔

    عدالت نے ملزمان کیخلاف مقدمہ کے ٹھوس ثبوت نہ ہونے کی وجہ سے بری کیا، مخدوم رشید پولیس نے اپنی مدعیت میں مہربانو قریشی سمیت متعدد کارکنوں کے خلاف مقدمہ درج کیا تھا۔

    پولیس کے مطابق مہربانو قریشی، زاہد بہار ہاشمی سمیت گرفتار 9 افراد کو علاقہ مجسٹریٹ نے بری کردیا جبکہ علاقہ مجسٹریٹ نے ناکافی شواہد پر تفتیشی افسر کی جوڈیشل ریمانڈ کی استدعا مسترد کردی۔

    رہائی کے بعد پی ٹی آئی رہنما مہربانو قریشی نے سوشل میڈیا پر ایک خصوصی آڈیو پیغام میں اپنی بریت کی خبر سنائی۔

    انہوں نے کہا کہ آج لوگوں نے مجھے مایوس نہیں کیا، بلکہ میرا دل خوش کردیا، میں بالکل خیریت سے ہوں، مجھے رہا کردیا گیا ہے اب واپس اپنے گھر جارہی ہوں۔

    اپنے آڈیو پیغام میں مہر بانو قریشی نے مزید کہا کہ مجھےامید ہے کہ باقی سب کارکنان بھی اپنے گھروں کو پہنچ گئے ہوں گے۔

    واضح رہے کہ پنجاب حکومت نے صوبے بھر میں دفعہ 144 نافذ کرتے ہوئے ہفتہ 8 فروری کو ہر قسم کے سیاسی احتجاج، جلسے، جلوس، ریلیوں، دھرنوں اور ایسی تمام سرگرمیوں پر پابندی عائد کردی تھی۔

    نوٹی فیکشن میں کہا گیا تھا کہ دفعہ 144 کے نفاذ کا فیصلہ امن و امان کے قیام، انسانی جانوں اور املاک کے تحفظ کیلئے کیا گیا ہے۔

  • انتخابی نتائج میں قانون کی خلاف ورزی کی گئی، الیکشن کمیشن نظرثانی کرے، مہر بانو قریشی

    انتخابی نتائج میں قانون کی خلاف ورزی کی گئی، الیکشن کمیشن نظرثانی کرے، مہر بانو قریشی

    اسلام آباد : ملتان کے حلقہ این اے 151 سے پی ٹی آئی حمایت یافتہ امیدوار مہر بانو قریشی کا کہنا ہے کہ انتخابی نتائج میں قانون کی خلاف ورزی کی گئی ہے،الیکشن کمیشن نظرثانی کرے۔

    تفصیلات کے مطابق ملتان کے حلقہ 151 اور 148 کے پی ٹی آئی حمایت یافتہ امیداروں نے الیکشن کمیشن کے باہر میڈیا سے گفتگو کی۔

    پی ٹی آئی حمایت یافتہ امیدوار مہربانوقریشی نے کہا کہ انتخابی نتائج میں قانون کی خلاف ورزی کی گئی ہے، فارم پینتالیس اورفارم سینتالیس میں بہت بڑاتضاد ہے۔

    مہربانوقریشی کا کہنا تھا کہ امید ہے الیکشن کمیشن نتائج پر نظر ثانی کرےگی، ہم ووٹرزکویقین دہانی کراتےہیں کہ آپ کےحق کیلئےلڑیں گے،

    دوسری جانب تیمور ملک نے کہا الیکشن کمیشن فارم پینتالیس کو ریکارڈ کاحصہ بنائے تاکہ اس میں ردوبدل نہ کیاجائے اور آج رات12بجے تک فیصلہ سنایا جائے۔

  • این اے 151 میں میری جیت کو راتوں رات شکست میں بدلا گیا، مہر بانو قریشی

    این اے 151 میں میری جیت کو راتوں رات شکست میں بدلا گیا، مہر بانو قریشی

    ملتان : این اے 151 ملتان سے پی ٹی آئی کی حمایت یافتہ آزاد امیدوار مہر بانوقریشی کا کہنا ہے کہ این اے 151 میں میری جیت کو راتوں رات شکست میں بدلا گیا، آئینی اور قانونی حق کی حفاظت کیلئے اب عدالت جاؤں گی۔

    تفصیلات کے مطابق این اے 151 ملتان سے مہر بانوقریشی دوبارہ گنتی کی درخواست لے کر آر او دفتر پہنچ گئیں، اس حلقے سے یوسف گیلانی کے صاحبزادے علی موسیٰ کو کامیاب قرار دیا گیا ہے۔

    اس موقع پر مہر بانو قریشی نے کہا کہ آر او صاحب ہیں نہ ہی کوئی درخواست موصول کرنے والا، این اے 151 میں میری لیڈ کو راتوں رات شکست میں بدلاگیا۔

    ان کا کہنا تھا کہ یہ میرا آئینی اور قانونی حق ہے جس کیلئے میں پٹیشن لیکر آئی ہوں ، آر او صاحب اپنی قانونی ذمہ داری پوری کرنے کیلئے موجود ہی نہیں ، آئینی اور قانونی حق کی حفاظت کیلئے اب عدالت جاؤں گی۔