پاکستان شوبز انڈسٹری کی خوبرو اداکارہ حریم سہیل کی اپنے دلہے کے ہمراہ مہندی کی ویڈیو سوشل میڈیا پر وائرل ہوگئی۔
اداکارہ حریم سہیل ان دنوں اپنی شادی کی تقریبات میں مصروف ہیں، گزشتہ روز ان کی مہندی کی تقریب کا انعقاد کیا گیا، اداکارہ نے اپنے دلہے کے ہمراہ اس تقریب کی ویڈیوز اور تصاویر شیئر کردیں۔
پاکستانی شوبز انڈسٹری کی سینیئر اداکارہ بینا چوہدری کی بیٹی اداکارہ حریم سہیل نے گزشتہ روز اپنی مایوں کی تصاویر اور ویڈیوز پوسٹ کی تھیں، اب انہوں نے مہندی کی تقریبات کی ویڈیوز اور تصاویر شیئر کردیں۔
View this post on Instagram
مایوں کی تقریب میں اداکارہ نے پیلے رنگ کے روایتی جوڑے میں ویڈیوز پوسٹ کیں، جس میں سادگی کا عنصر بھی غالب تھا۔
تاہم اب حریم سہیل نے مہندی کی تقریب میں سبز رنگ کی لانگ فراک زیب تن کی جب کہ ان کے ہونے والے شوہر بھی اسی رنگ کے لباس میں ملبوس نظر آئے۔
ویڈیو کے آغاز میں اداکارہ کو اپنے دلہا کا ہاتھ تھامے انتہائی پر مسرت انداز میں وینیو میں داخل ہوتے دیکھا جاسکتا ہے، حریم کی مہندی کی تقریب بھی روایتی انداز میں منایا گیا۔
View this post on Instagram
ویڈیو میں دلہا اور دلہن حریم کو اپنے دوست و احباب کے ساتھ خوشگوار موڈ میں ڈانس کرتے بھی دیکھا جا سکتا ہے، ویڈیو سامنے آنے کے بعد سے مداحوں کی جانب سے دلہے کے حوالے سے قیاس آرائیاں کی جا رہی ہیں کہ وہ کون ہیں؟
اس کے علاوہ حریم سہیل نے بھی ابھی تک اس راز سے پردہ نہیں اٹھایا کہ ان کے ہونے ولے شوہر کون ہیں اور ان کا تعلق کس پروفیشن سے ہے، صارفین کا اندازہ ہے کہ شاید دولہا اداکارہ کے کزن ہیں۔
واضح رہے کہ حریم سہیل نے اے آر وائی ڈیجیٹل کے ڈرامہ سیریل ’بددعا‘ میں اداکاری کے جوہر دکھائے جبکہ وہ سینئر اداکارہ بینا چوہدری کی صاحبزادی ہیں۔
