میلبورن: آسٹریلیا کے شہر نیو ساؤتھ ویلز سے تعلق رکھنے والے دنیائے کرکٹ کے نامور فاسٹ بالر بریٹ لی آج اپنی اڑتیسویں سالگرہ منارہے ہیں۔
آسٹریلیا کی قومی کرکٹ ٹیم میں شمولیت کے ہونے بعد بریٹ لی کو عالمی کرِکٹ کے تیز ترین تیز گیند بازوں میں سے ایک مانا جاتا ہے۔ تیز رفتار ترین گیند کرانے کا ریکارڈ توڑنے کے لیے بریٹ لی اورپاکستانی فاسٹ بالرشعیب اختر میں عرصہ تک مسابقت رہی تاہم بریٹ لی اس اعزاز کو نہ پا سکے۔
اپنے پہلے دو سالوں میں اُنہوں نےاوسط 20 سے کم سے وکٹیں لیں، لیکِن اس کے بعد اب یہ اوسط 30 سے کچھ زیادہ ہے۔
بریٹ لی میدان میں ایک پھرتیلے فیلڈر کے علاوہ ایک کارآمد بلے باز کی حیثیت سے بھی جانے جاتے ہیں۔ ٹیسٹ کرکٹ میں آپ کا اوسط 20 سے زیادہ ہے۔
انہوں نے پہلا ٹیسٹ 26 دسمبر 1999ء کو بھارت کے خلاف کھیلا جبکہ ایک روزہ بین الاقوامی مقابلوں میں پہلی بار 9 جنوری 2000ء کو پاکستان کے خلاف جلوہ گر ہوئے۔
آسٹریلیا کی قومی کرکٹ میں وہ نیو ساؤتھ ویلز کی ریاستی ٹیم کی جانب سے کھیلتے ہیں جبکہ انڈین پریمیئر لیگ میں وہ کنگز الیون پنجاب کا حصہ ہیں۔
آپ بین الاقوامی کرکٹ انجمن (آئی سی سی) کے منعقدہ آئی سی سی ایوارڈز میں 2005ء اور 2006ء میں بہترین ایک روزہ کرکٹ ٹیم اور 2006ء میں بہترین ٹیسٹ ٹیم کا اعزاز جیتنے والے آسٹریلوی دستے کے بھی رکن تھے۔
