مقبول اداکارہ میمونہ قدوس نے انکشاف کیا ہے کہ ہدایت کار نے انہیں پہلے ہی ڈرامے میں پھنسانے کی کوشش کی۔
میمونہ قدوس ایک مشہور پاکستانی ٹیلی ویژن اداکارہ ہیں جو بنیادی طور پر پاکستان کے ہٹ ڈراموں میں معاون کرداروں کے لیے جانی جاتی ہیں، اداکارہ ہمیشہ نئے اداکاروں کے ساتھ ہونے والی ناانصافیوں پر بات کرتی بھی نظر آتی ہیں۔
حال ہی میں میمونہ قدوس نے ایک پوڈکاسٹ میں شرکت کی، جہاں انہوں نے سیٹ پر پیش آ نے والے اپنے خوفناک تجربے کے بارے میں بات کی، اداکارہ کا کا کہنا تھا کہ میں اپنے پہلے گھٹیا پروجیکٹ کے بارے میں بات نہیں کرنا چاہتی، نہ اسے یاد کرنا چاہتی ہوں کیوں کہ پہلے ڈرامے کا تجربہ اچھا نہیں تھا۔
اداکارہ نے اپنے پہلے پروجیکٹ سے متعلق گفتگو کرتے ہوئے بتایا کہ میرے ساتھ پہلے ہی ڈرامے کی شوٹنگ پر غلط ہوا، مجھے ایسا لگ رہا تھا کہ ہدایت کار سمیت پوری ٹیم مجھے پھنسانے کے چکر میں ہے۔
اداکارہ نے کہا کہ ہدایت کار سمیت سب لوگوں کی یہی کوشش تھی کہ بچی کو پھنسایا جائے اور ایسا لگ رہا تھا کہ پوری ٹیم ہدایت کار کا اس کام میں ساتھ دے رہی تھی، میں اس چیز کو یاد بھی نہیں کرنا چاہتی۔
میمونہ قدوس نے بتایا کہ ان کا پہلا ڈراما ’پلے ٹی وی‘ کے لیے بنایا گیا لیکن انہوں نے ڈرامے کا نام بتایا، نہ ہی ہدایت کار سے متعلق کوئی بات بتائی، البتہ کہا کہ انہیں پھنسانے کی کوشش کی گئی۔
انہوں نے بتایا کہ عام طور پر لڑکیوں کو اس وقت جنسی ہراسانی کا سامنا کرنا پڑتا ہے جب انہیں کاسٹ کرنے کے لیے ہدایت کار یا کوئی پروڈیوسر براہ راست خود رابطہ کرتا ہے۔
ان کے مطابق اگر کسی اداکارہ سے ٹی وی چینل، ٹیلنٹ ایجنسی یا پروڈکشن ہاؤس خود رابطہ کرے تو ان کے ساتھ ہراسانی کے واقعات ہونے کے امکانات کم ہوتے ہیں لیکن اگر ہدایت کار خود رابطہ کرے تو معاملات خراب ہوسکتے ہیں۔
https://urdu.arynews.tv/who-does-memoona-qudoos-not-want-to-work-with/
