Tag: meray pass tum ho

کراچی: اے آر وائی ڈیجیٹل کا مقبول ڈرامہ سیریل ’میرے پاس تم ہو‘ کی اداکارہ حرا مانی نے انکشاف کیا ہے کہ ڈرامے میں ایک نہیں دو قتل ہوں گے۔

تفصیلات کے مطابق اے آر وائی ڈیجیٹل کے مقبول ترین ڈرامے میرے پاس تم ہو کی اداکارہ حرا مانی نے ایک انٹرویو میں کہانی سے متعلق سنسنی خیز انکشافات کیے ہیں۔

ڈرامے دو بول سے شہرت کی بلندیوں پر پہنچنے والی اداکارہ حرا مانی نے کہا کہ وہ ڈرامے میں ہانیا نامی ٹیچر کا کردار ادا کررہی ہیں، جو دانش (ہمایوں سعید) کے بیٹے رومی کی ٹیچر ہے، حرا نے ڈرامے میں کردار ادا کرنے کی وجہ بتاتے ہوئے کہا کہ میں نے صرف ایک انسان کی وجہ سے یہ ڈرامہ سائن کیا اور وہ شخص ڈرامے کے ہدایت کار ندیم بیگ ہیں۔

حرا مانی کا کہنا تھا کہ جب مجھے اس ڈرامے کی پیشکش ہوئی تھی تو میں نے ہمایوں سعید سے کہا تھا کہ آپ اس میں ہیرو ہیں اور عائزہ ہیروئن کیا مجھے دو بول کے بعد یہ ڈرامہ کرنا چاہئے، جس پر ہمایوں نے کہا حرا اگر یہ ڈرامہ ہٹ ہوگیا اور جس وقت ڈرامے میں تمہاری انٹری ہے تو تمہاری مقبولیت مزید بڑھ جائے گی۔

اداکارہ کا کہنا ہے ڈرامے میں میرا کردار مختصر ہے لیکن کبھی کبھی چھوٹی چیزوں سے آپ بہت کچھ حاصل کرلیتے ہیں، ہدایت کار ندیم بیگ کا شمار پاکستان کے بڑے ہدایت کاروں میں ہوتا ہے یہی وجہ ہے کہ اس ڈرامے میں کام کرنے کی ہامی بھری تھی۔

حرا مانی سے جب یہ پوچھا گیا کہ عدنان صدیقی نے ایک انٹرویو میں کہا تھا کہ آگے جاکر ڈرامے میں ایک قتل ہوگا کیا واقعی ایسا ہی ہے؟ جس پر حرا نے جواب دیا کہ ایک نہیں دو قتل ہوں گے تاہم حرا نے یہ بتانے سے گریز کیا یہ قتل کس کردار کے ہوں گے۔

واضح رہے کہ چند روز قبل جب گزشتہ قسط میں حرا مانی کی انٹری ہوئی تھی تو مداحوں کی جانب سے ان کی انٹری کو بے حد پسند کیا گیا تھا، چند صارفین نے ان کی انٹری پر تنقید بھی کی تھی۔

کراچی: اے آر وائی ڈیجیٹل کے مقبول ڈرامے ’میرے پاس تم ہو‘ شہرت کی بلندیوں کو چھو رہا ہے، اب اس ڈرامے میں نیا موڑ آیا ہے اور دانش اور مہوش کے بیٹے رومی کی ٹیچر بن کر اداکارہ حرا مانی کی انٹری ہوئی ہے۔

تفصیلات کے مطابق اے آر وائی ڈیجیٹل سے ہفتے کی رات 8 بجے نشر ہونے والا ڈرامہ سیریل میرے پاس تم ہو نے لوگوں کو اپنا گرویدہ بنا لیا ہے، ڈرامے میں رومی کی ٹیچر حرا مانی کی انٹری پر سوشل میڈیا پر مداحوں نے دلچسپ تبصر کیے ہیں۔

حرا مانی، دانش (ہمایوں سعید) کے دفتر میں کام کرنے والے متین صاحب کی بیٹی کے طور پر ڈرامے میں آئی ہیں اور گزشتہ قسط میں متین صاحب دل کا دورہ پڑنے کے سبب انتقال کرجاتے ہیں۔

مہوش (عائزہ خان) کی دانش کو جب چھوڑ کر شہوار (عدنان صدیقی) کے ساتھ گئیں تو متین صاحب ہی تھے جو دانش کو سپورٹ کررہے تھے اور اب ان کا انتقال ہوچکا ہے سوال یہ پیدا ہوتا ہے کہ حرا مانی اب رومی کو پڑھا لکھا کر کسی قابل بنانے میں رومی کا ساتھ دیں گی۔

حرا مانی کی ڈرامے میں انٹری پر ایک مداح حمزہ بھٹا نے لکھا کہ ’حرا مانی اور ساڑھی کے ساتھ۔‘

ایک صارف نے حرا مانی کا ہیش ٹیگ استعمال کرتے ہوئے ڈرامے کی تصویر شیئر کی اور لکھا کہ ’حرا مانی بہت ہی خوبصورت لگ رہی ہیں۔‘

حرا مانی کی جہاں مداحوں نے تعریف کی وہیں کچھ مداحوں نے انہیں تنقید کا نشانہ بھی بنایا۔

میرے پاس تم ہو کی آنے والی اقساط میں کیا حرا مانی دانش کی مدد کریں گی یا ان سے شادی کرلیں گی، ان سب باتوں کو جاننے کے لیے دیکھنا نہ بھولیے ڈرامے کی 14ویں قسط اس ہفتے رات 8 بجے صرف اے آر وائی ڈیجیٹل پر۔