پاکستانی نژاد برطانوی باکسر عامر خان نے بیوی کی ناراضگی کو ناک آوٹ کر دیا ہے، فریال مخدوم کو مہنگی ترین گاڑی تحفے میں دے کر باکسر نے روٹھی بیوی کو منا لیا۔
باکسر عامر خان نے گاڑی کی ویڈیو اور تصاویر بھی سوشل میڈیا پر شئیر کیں، اور مداحوں کو بھی خوش خبری سنائی کہ ان کی بیوی نے ان کے ساتھ ناراضگی ختم کر دی ہے۔
سوشل میڈیا پوسٹ پر عامر خان نے کیپشن لکھا ’’فریال مخدوم کے لیے چھوٹا سا تحفہ! میں سرپرائز دینا چاہتا تھا، امید ہے آپ پسند کریں گی۔‘‘
واضح رہے کہ باکسر عامر خان نے اپنی بیوی فریال کو پُر تعیش مرسیڈیز بینز جی ویگن تحفے میں دی ہے، عامر خان نے گاڑی کی ویڈیو شیئر کرتے ہوئے لکھا کہ وہ جانتے ہیں کہ فریال جی ویگنز کو کتنا پسند کرتی ہیں تو میں انھیں حیران کرنا چاہتا تھا۔
عامر خان کی جانب سے یہ تحفہ ایسے وقت میں دیا گیا ہے جب میڈیا پر عامر اور فریال کی علیحدگی کی خبریں گردش کر رہی ہیں، چند دن قبل باکسر نے اپنی شادی بچانے کے لیے بیوی کے میک اپ بزنس میں ایک لاکھ پاؤنڈ کی سرمایہ کاری بھی کی تھی۔
دونوں کے تعلقات کے درمیان اس وقت دراڑ آ گئی تھی جب برائیڈل ماڈل سمیرا کے ساتھ عامر خان کا اسکینڈل سامنے آیا تھا، باکسر نے اعتراف کر لیا تھا کہ انھوں نے سمیرا کو میسجز بھیجے اور ان سے نازیبا تصاویر کا مطالبہ کیا۔
