Tag: met office

کراچی : محکمہ موسمیات نے کراچی میں آج گرج چمک کے ساتھ تیز بارش کی پیشگوئی کردی تاہم اربن فلڈنگ کا خدشہ نہیں۔

تفصیلات کے مطابق محکمہ موسمیات کی جانب سے کہا گیا ہے کہ کراچی میں آج بھی گرج چمک کیساتھ تیز بارش کاامکان ہے ، بارش کا سلسلہ دوپہر سے شروع ہو جائے گا۔

محکمہ موسمیات نے بارش سے قبل گرد آلود تیز ہوائیں چلنے کا امکان ظاہر کرتے ہوئے کہا ہے کہ کراچی کےجنوب ، مشرقی جنوب کےعلاقوں میں زیادہ بارشیں متوقع ہے۔

محکمہ موسمیات کے مطابق کراچی میں بارش کل بھی ہونے کے امکان ہیں تاہم پہلے اسپیل کی بارشوں سے اربن فلڈنگ کا خدشہ نہیں۔

دوسری جانب لاہور میں گھن گرج کے ساتھ بارش سے حبس اور گرمی کا زور ٹوٹ گیا ہے ، گلبرگ، ماڈل ٹاؤن، کینال روڈ، گڑھی شاہو اورڈیوس روڈ پر بارش سے موسم خوشگوار ہوگیا۔

محکمہ موسمیات کا کہنا ہے کہ لاہور اور گردو نواح میں بارش کاسلسلہ وقفے وقفے سے جاری رہے گا، کمشنر لاہور نے واسا حکام کو الرٹ رہنے کی ہدایت کردی ہے۔

محکمہ موسمیات نے آئندہ چوبیس گھنٹوں میں حیدر آباد ، سکھر، لاڑکانہ، شہید بینظیرآباد ، سانگھڑ،جیکب آباد ، عمر کوٹ، ٹھٹہ، دادو میں بارش کی پیش گوئی کی ہے۔

کوئٹہ، زیارت، خضدار، بارکھان ، کو ہلو، سبی، آواران، لسبیلہ، ہرنائی ، پنجگور اور نصیر آباد میں لاہور، نارووال، گجرات ، گوجرانوالہ، سرگودھا، خوشاب،فیصل آباد،جھنگ،ٹوبہ ٹیک سنگھ،راولپنڈی،اسلام آباد،پشاور ،ایبٹ آباد،ہری پور، مالاکنڈ،سوات،کشمیراورگلگت بلتستان میں بھی بارش متوقع ہے۔