ARYNews.tv | Urdu – Har Lamha Bakhabar

Tag: Mexico

  • امریکی فوج کو خوش آمدید نہیں کہیں گے، میکسیکو نے واضح کردیا

    امریکی فوج کو خوش آمدید نہیں کہیں گے، میکسیکو نے واضح کردیا

    میکسیکو کی صدر کلاؤڈیا شینباؤم کا کہنا ہے کہ اپنے ملک میں امریکی فوج کو خوش آمدید نہیں کہیں گے۔

    بین الاقوامی خبر رساں ادارے کی رپورٹ کے مطابق میکسیکو کی صدر کلاؤڈیا شینباؤم نے اپنے ملک میں امریکی فوجی دستوں کے استعمال کو مسترد کر دیا ہے۔ اُنہوں نے کہا کہ ہم تعاون کرتے ہیں لیکن ایسی مداخلت نہیں ہونی چاہیے، اسے بالکل مسترد کرتے ہیں۔

    میکسیکو کی صدر کا کہنا تھا کہ یہ کسی بھی معاہدے کا حصہ نہیں ہے، جب بھی اس معاملے کو اٹھایا گیا ہے، ہم نے ہمیشہ اسے مسترد کیا ہے۔

    میکسیکو کی وزارت خارجہ کے مطابق ہم اپنی سرزمین پر امریکی فوج کی کارروائی کو قبول نہیں کریں گے۔ ہمیں منشیات کے کارٹلز سے نمٹنے کے لیے اپنی سرزمین پر امریکی فوجی دستوں کی تعیناتی قبول نہیں ہے۔

    امریکی صدرڈونلڈ ٹرمپ نے پینٹاگون کو میکسیکو میں منشیات کے کارٹلز کے خلاف کارروائی کی ہدایت کی تھی۔

    اس سے قبل میکسیکو کی صدر کلاؤڈیا شینباؤم نے غزہ کے انسانی بحران پر ردعمل میں کہا تھا کہ ”غزہ میں جو کچھ ہو رہا ہے ہم اس کی مذمت کرتے ہیں۔“

    میکسیکو نیوز ڈیلی نے رپورٹ کیا کہ غزہ کی پٹی اقوام متحدہ کے مطابق ”تاریخی تناسب کا ایک ڈراؤنا خواب“ بن گئی ہے، صدر کلاڈیا شینبام نے کہا ہم صرف الفاظ نہیں عملی اقدامات سے امن چاہتے ہیں۔

    میکسیکو کے مافیاز نے روس یوکرین جنگ سے کیسے فائدہ اٹھایا؟

    میکسیکو نے غزہ میں قحط اور اموات پر اسرائیلی اقدامات کی کھل کر مذمت کی ہے، اور کہا ہے کہ غزہ میں امن قائم کرنے کے لیے ہر ممکن اقدام کریں گے،

    عالمی برادری سے اپیل کرتے ہوئے ملک نے کہا کہ اب خاموشی کا وقت نہیں، اقدام کریں۔ جیسا کہ برطانیہ، فرانس اور جرمنی نے مشترکہ مطالبہ کیا ہے کہ غزہ کا بحران اب ختم ہونا چاہیے۔

  • غزہ میں جو کچھ ہو رہا ہے ہم اس کی مذمت کرتے ہیں، صدر میکسیکو

    غزہ میں جو کچھ ہو رہا ہے ہم اس کی مذمت کرتے ہیں، صدر میکسیکو

    میکسیکو سٹی: شمالی امریکی ملک میکسیکو کی صدر کلاڈیا شینبام نے غزہ کے انسانی بحران پر ردعمل میں کہا ہے کہ ’’غزہ میں جو کچھ ہو رہا ہے ہم اس کی مذمت کرتے ہیں۔‘‘

    میکسیکو نیوز ڈیلی نے رپورٹ کیا کہ غزہ کی پٹی اقوام متحدہ کے مطابق ’’تاریخی تناسب کا ایک ڈراؤنا خواب‘‘ بن گئی ہے، جمعہ کو پریس کانفرنس میں صدر کلاڈیا شینبام نے کہا ہم صرف الفاظ نہیں عملی اقدامات سے امن چاہتے ہیں۔

    میکسیکو نے غزہ میں قحط اور اموات پر اسرائیلی اقدامات کی کھل کر مذمت کی ہے، اور کہا ہے کہ غزہ میں امن قائم کرنے کے لیے ہر ممکن اقدام کریں گے، عالمی برادری سے اپیل کرتے ہوئے ملک نے کہا کہ اب خاموشی کا وقت نہیں، اقدام کریں۔ جیسا کہ برطانیہ، فرانس اور جرمنی نے مشترکہ مطالبہ کیا ہے کہ غزہ کا بحران اب ختم ہونا چاہیے۔

    برطانوی وزیر اعظم کا فلسطینی ریاست کو تسلیم کرنے کا مشروط اعلان

    ادھر فن لینڈ اور ناروے میں مصری سفارتخانوں کے سامنے مظاہرے کیے گئے ہیں، ہیلسنکی میں فلسطینیوں سے یکجہتی کے لیے مصری سفارتخانے کے باہر احتجاج کیا گیا، مظاہرین نے رفح بارڈر بندش کے خلاف احتجاج کیا اور نیتن یاہو اور مصری صدر السیسی کی تصاویر پر سرخ رنگ ڈال دیا۔

    پولیس نے مصری سفارت خانے کا داخلی راستہ محفوظ کر لیا تھا، اوسلو میں مظاہرین نے مصری سفارت خانے کا آہنی دروازہ بند کیا، مظاہرین نے الزام لگایا کہ مصر غزہ کے قحط کا شریک جرم ہے، رفح کراسنگ فوری کھولی جائے، امداد کی راہ ہموار کی جائے۔

  • میکسیکو سے غیر قانونی طور پر امریکا میں داخل ہونے والوں کے حق میں وفاقی کورٹ کا بڑا فیصلہ

    میکسیکو سے غیر قانونی طور پر امریکا میں داخل ہونے والوں کے حق میں وفاقی کورٹ کا بڑا فیصلہ

    واشنگٹن: میکسیکو سے امریکا میں غیر قانونی طور پر داخل ہونے والوں کے حق میں وفاقی کورٹ کا بڑا فیصلہ آ گیا۔

    تفصیلات کے مطابق امریکی فیڈرل کورٹ نے امیگریشن پالیسی کے حوالے سے صدر ٹرمپ کی انتظامیہ کے خلاف ایک بڑا فیصلہ جاری کر دیا ہے، وفاقی کورٹ نے میکسیکو سرحد سے غیر قانونی طور پر امریکا داخل ہونے والے تارکین وطن کو پناہ کے لیے درخواستیں دینے کا اہل قرار دے دیا۔

    وفاقی کورٹ کے فیصلے کے مطابق غیر قانونی طور میکسیکو سے امریکا میں داخل ہونے والے افراد سیاسی پناہ کے اہل ہیں، صدر ڈونلڈ ٹرمپ نے غیر قانونی داخلے پر پناہ کی درخواست پر پابندی لگائی تھی، جس پر انسانی حقوق کی تنظیموں نے اس اقدام کو عدالت میں چیلنج کر دیا تھا۔

    کیس کی سماعت کرنے والے جج رینڈولف ماس نے اپنے ریمارکس میں کہا ہ صدر ٹرمپ نے اختیارات سے تجاوز کیا اور امیگریشن قوانین کو نظر انداز کیا، صدر کو آئین کے تحت پناہ کی درخواست روکنے کا اختیار نہیں ہے۔

    امریکا نے یوکرین کو ہتھیاروں کی فراہمی روکنے کا فیصلہ کرلیا، روس کا خیرمقدم

    جج کا فیصلہ تھا کہ تارکین وطن کیسے آئے، یہ اہم نہیں، پناہ دینا آئینی حق ہے، مقدمے میں جج اور محکمہ انصاف کے وکلا کے درمیان سخت جملوں کا تبادلہ بھی ہوا، جس پر جج نے محکمہ انصاف سے سوال کیا کہ اگر صدر گولی مارنے کا حکم دیں تو کیا آپ فالو کریں گے؟ محکمہ انصاف نے کہا کہ ایسا حکم آئینی بحران پیدا کر دے گا۔

    جج رینڈولف ماس نے واضح کیا کہ صدر امیگریشن قوانین از خود نہیں بدل سکتے۔ وائٹ ہاؤس کے اسٹیون ملر نے اس فیصلے پر شدید تنقید کی، اور کہا اگر خودمختاری نہ بچی تو مغرب بھی ختم ہو جائے گا۔ واضح رہے کہ ٹرمپ انتظامیہ 14 روز میں اس عدالتی فیصلے کو چیلنج کر سکتی ہے۔

  • میکسیکو بحری جہاز نیویارک کے بروکلین برج سے ٹکرانے کی دہل دہلا دینے والی ویڈیوز، 2 افراد ہلاک

    میکسیکو بحری جہاز نیویارک کے بروکلین برج سے ٹکرانے کی دہل دہلا دینے والی ویڈیوز، 2 افراد ہلاک

    نیویارک: میکسیکو کی بحریہ کا تربیتی جہاز نیویارک کے بروکلین برج سے ٹکرا گیا، حادثے میں 20 افراد زخمی جب کہ 2 افراد ہلاک ہو گئے ہیں۔

    ایسوسی ایٹڈ پریس کے مطابق میکسیکو بحریہ کا ایک بحری جہاز عالمی خیر سگالی کے دورے پر ہفتے کی رات نیویارک پہنچا تھا تاہم بروکلین برج سے ٹکرا گیا، جس سے اس کے 3 مستول ٹوٹ گئے، حادثے میں عملے کے دو ارکان ہلاک ہو گئے۔

    میکسیکو بحریہ کا کہنا ہے کہ جہاز کا اوپر کا حصہ بروکلین برج سے ٹکرایا ہے، حکام صورتِ حال کا جائزہ لے رہے ہیں، امریکی میڈیا کے مطابق حادثہ جہاز میں مکینکل خرابی کی وجہ سے پیش آیا۔

    نیو یارک سٹی کے میئر ایرک ایڈمز نے کہا کہ 142 سال پرانے پل کو بڑے نقصان سے بچا لیا گیا ہے، تاہم حادثے کے بعد جہاز میں موجود کم از کم 19 افراد زخمی ہو گئے ہیں، جنھیں طبی امداد دی گئی، بعد ازاں ایڈمز نے اتوار کی صبح سوشل میڈیا پر بتایا کہ چار افراد میں سے دو جنھیں زیادہ شدید چوٹیں آئیں، دم توڑ گئے۔

    کیلیفورنیا میں ڈاکٹر مہر کے فرٹیلیٹی کلینک پر ہولناک بم دھماکا، ایک شخص ہلاک

    میئر نے کہا کہ ریسکیو کا کام جاری ہے، اور تصادم کی وجہ کی تحقیقات کی جا رہی ہیں۔

  • عدالت میں ملزم پر مدعی خاندان کا زبردست حملہ، جج اور وکلا بھاگ گئے، ویڈیو وائرل

    عدالت میں ملزم پر مدعی خاندان کا زبردست حملہ، جج اور وکلا بھاگ گئے، ویڈیو وائرل

    البکرکے: امریکی ریاست نیو میکسیکو کی ایک عدالت میں اس وقت نہایت دل چسپ صورت حال پیدا ہو گئی جب قتل کے ایک ملزم پر متاثرہ خاندان والوں نے ہلہ بول دیا، اور جج اور وکلا عدالت سے بھاگ گئے۔

    رپورٹس کے مطابق نیو میکسیکو میں عدالت میں ایک کیس کی سماعت کے دوران کورٹ روم میدان جنگ بن گیا، قتل کے ملزم پر متاثرہ خاندان نے ہلہ بول دیا، اس واقعے کی ویڈیو وائرل ہو گئی ہے۔

    ملزم پر حملہ ہوتے ہی جج اور وکلا بھاگ گئے، اور حملہ آور افراد نے ملزم کو لاتوں، گھونسوں اور تھپڑوں سے تشدد کا نشانہ بنایا، تاہم پولیس نے صورت حال جلد کنٹرول کر لی۔

    الیگزینڈر اورٹیز پر گزشتہ سال اپنی سابق گرل فرینڈ الیانا فرفن کو قتل کرنے کا الزام ہے، وہ 31 جنوری کو البکرکے میں ڈسٹرکٹ جج کے سامنے کھڑا تھا، جب جھگڑا شروع ہو گیا۔

    بے ہوش مالک کی بے قابو گھومتی کشتی خوفناک حادثے سے کیسے بچی؟ ویڈیو وائرل

    سماعت کے دوران فرفن کے چچا کارلوس لوسیرو اور پیٹ یساسی نے اورٹیز پر حملہ کیا تھا، ویڈیو میں یہ بھی دکھایا گیا ہے کہ کمرہ عدالت کے ایک افسر پر بھی حملہ کیا گیا جب اس نے ملزم کو بچانے کی کوشش کی۔

    لوسیرو نے کہا کہ اس نے میری بھانجی کو ایک بزدل کی طرح جان سے مارا۔ اس جھگڑے میں حملہ آور دونوں افراد خود زخمی ہو گئے تھے، جن کو علاقے کے اسپتال میں علاج کے بعد چھوڑ دیا گیا۔

  • امریکا کی پڑوسیوں سے تجارتی جنگ کاخطرہ ٹل گیا

    امریکا کی پڑوسیوں سے تجارتی جنگ کاخطرہ ٹل گیا

    واشنگٹن: امریکا کی پڑوسیوں سے تجارتی جنگ کاخطرہ ٹل گیا، صدر ٹرمپ نے میکسیکو اور کینیڈا پراضافی ٹیرف 30 دن کیلئے روک دیا۔

    غیر ملکی ذرائع ابلاغ کے مطابق ٹرمپ کا کینیڈین وزیراعظم جسٹن ٹروڈو اور میکسین صدر کلاڈیا سے ٹیلی فونک رابطہ ہوا ہے، میکسیکو اور کینیڈا نے غیر قانونی تارکین وطن اور منشیات روکنے کیلئے اقدامات کی یقین دہانی کرادی ہے۔

    میکسیکو نے امریکی سرحد پر نیشنل گارڈز کے 10 ہزار اہلکار تعینات کرنے کا اعلان کردیا ہے، واضح رہے کہ ٹرمپ نے گزشتہ ہفتے اضافی ٹیرف لگا دیا تھا، جس پر پڑوسیوں نے جوابی ٹیرف عائد کر دیا تھا۔

    دوسری جانب امریکا کے نئے منتخب ہونے والے صدر ٹرمپ نے جنوبی افریقا کو دی جانے والی تمام فنڈنگ روکنے کی دھمکی دے دی۔

    رپورٹ کے مطابق ڈونلڈ ٹرمپ نے ثبوت فراہم کیے بغیر جنوبی افریقا پر الزام عائد کیا ہے کہ جنوبی افریقا کچھ طبقے کے لوگوں کے ساتھ غیر انسانی سلوک اور ان کی زمینوں پر قبضہ کررہا ہے۔

    ٹرمپ نے دھمکی دیتے ہوئے کہا کہ اس صورتِ حال کی مکمل تحقیقات ہونے تک جنوبی افریقا کو دی جانے والی تمام مستقبل کی فنڈنگ روک دوں گا۔ اس معاملے میں امریکا جنوبی افریقا کے ساتھ نہیں ہے، ہم بھرپور کارروائی کریں گے۔

    کیا ٹرمپ میکسیکو کی طرح کینیڈا پر ٹیرف کا نفاذ روک دیں گے؟

    واضح رہے کہ امریکی حکومت کے تازہ ترین اعداد و شمار کے مطابق امریکا 2023ء سے جنوبی افریقا کو تقریباً 440 ملین ڈالرز کی امداد دینے کا پابند ہے۔

  • ٹرمپ کی کینیڈا اور میکسیکو کو ٹیرف لگانے کی دھمکی

    ٹرمپ کی کینیڈا اور میکسیکو کو ٹیرف لگانے کی دھمکی

    امریکی صدر ڈونلڈ ٹرمپ نے کینیڈا اور میکسیکو کو دھمکی دیتے ہوئے کہا ہے کہ ممنوعہ اودویات کی ترسیل اور مہاجرین کی آمد نہ روکی تو پچیس فیصد ٹیرف لگا دوں گا۔

    غیر ملکی ذرائع ابلاغ کے مطابق امریکی صدر ڈونلڈ ٹرمپ نے کینیڈا اور میکسیکو کو ایک اور ٹیرف لگانے کی دھمکی دیدی، ٹرمپ کی جانب سے دونوں ممالک پر تیل کی درآمدات پر ٹیرف آج ہی لگائے جانے کا امکان ہے۔

    اس سے قبل واشنگٹن میں مسافر طیارے اور فوجی ہیلی کاپٹر کے ٹکرانے کے واقعے پر امریکا کے نئے صدر ٹرمپ کا بیان سامنے آیا تھا، جس میں انھوں نے کسی مسافر کے زندہ نہ بچنے کی تصدیق کی ہے، ٹرمپ نے کہا کہ میری انتظامیہ ایوی ایشن سیفٹی کیلئے قابل افراد کو نامزد کرے گی۔

    ٹرمپ نے کہا کہ موسم بالکل صاف تھا، لائٹس بھی جل رہی تھیں، امریکا اور امریکی شہریوں کے تحفظ پر کوئی سمجھوتہ نہیں کیا جائیگا۔

    امریکی صدر نے کہا کہ میں نے حفاظت کو اولین ترجیح دی، اوباما، بائیڈن اور ڈیموکریٹس نے پالیسی کو اولین ترجیح دی۔””وہ دراصل ہدایات کے ساتھ آئے تھے جبکہ ہم اہل لوگوں کو سامنے لانا چاہتے ہیں۔

    مسافر طیارہ حادثے سے متعلق ریسکیو حکام کا کہنا تھا کہ مسافرطیارے کے دریا میں گرنے سے پہلے دو ٹکڑے ہوگئے تھے، ہیلی کاپٹر کے بلیڈ نے حادثے میں طیارے کو دو ٹکڑوں میں تباہ کردیا تھا۔

    میٹا نے ہار مان لی، ڈونلڈ ٹرمپ کو 25 ملین ڈالر ادا کرنے پر رضا مند

    واضح رہے کہ یہ خبریں بھی سامنے آرہی ہیں کہ طیارے میں اسکیٹنگ ورلڈ چیمپئن روسی جوڑا بھی موجود تھا، فائر چیف کا اپنے بیان میں کہنا تھا کہ دریائے پوٹومیک سے 28 لاشیں نکالی جاچکی ہیں جبکہ مزید مسافروں کی تلاش کا عمل جاری ہے۔

  • میکسیکو میں طیارہ گر کر تباہ، متعدد ہلاک

    میکسیکو میں طیارہ گر کر تباہ، متعدد ہلاک

    میکسیکو میں طیارہ کریش ہونے کے نتیجے میں 7 افراد زندگی کی بازی ہار گئے۔

    بین الاقوامی خبر رساں ادارے کی رپورٹس کے مطابق میکسیکو کی مغربی ریاست جالسکو میں چھوٹا طیارہ حادثے شکار ہوگیا، جس کے نتیجے میں 7 افراد لقمہ اجل بن گئے۔

    جالسکو سول پروٹیکشن کے مطابق حادثہ جالسکو کے دور دراز جنگلاتی اور مشکل رسائی والے علاقے میں پیش آیا۔

    ریسکیو حکام کا اس حوالے سے کہنا ہے کہ جائے حادثہ سے 7 افراد کی لاشیں ملی ہیں جن کی شناخت فی الحال نہیں ہوسکی ہے۔

    حکام کا کہنا ہے کہ حادثے کے بعد طیارے میں لگی آگ پر قابو پا لیا ہے جبکہ حادثے کی تحقیقات کے لیے فرانزک ٹیمیں موقع پہنچ گئی ہیں۔

    اس سے قبل برازیل میں ایک چھوٹا طیارہ گر کر تباہ ہو گیا، حادثے کے نتیجے میں سوار تمام 10 افراد ہلاک ہو گئے، واقعے کے بعد تباہی کے منظر پر مبنی ایک ویڈیو سامنے آ گئی ہے۔

    غیر ملکی میڈیا رپورٹس کے مطابق اتوار کو برازیل کے سیاحتی جنوبی شہر گراماڈو کے وسطی علاقے میں ایک طیارہ گر کر تباہ ہو گیا، جس کے نتیجے میں طیارے میں سوار تمام دس افراد ہلاک ہو گئے۔

    طیارہ پہلے ایک عمارت کی چمنی سے ٹکرایا، اور اس کے بعد ایک مکان کی دوسری منزل سے ٹکرا گیا، اور پھر فرنیچر کی دکان پر جا گرا۔

    ریاستی سول پولیس نے ہلاکتوں کی تصدیق کی کہ طیارے میں کوئی بھی زندہ نہیں بچا ہے، طیارے نے سیاحتی شہر کینیلا کی میونسپلٹی سے اڑان بھری تھی، گراماڈو برازیل کا ایک مشہور سیاحتی شہر ہے، جہاں کرسمس کے موسم میں سیاحوں کی خاصی آمد ہوتی ہے۔

    ریو گرانڈے ڈو سل کے گورنر نے میڈیا کو بتایا کہ طیارے کا مالک اور پائلٹ لوئیز کلاڈیو گیلیزی دیگر 9 مسافروں کے ساتھ ہلاک ہو گیا، یہ تمام مسافر ان کے خاندان کے افراد تھے۔ حادثے کی وجہ سے زمین پر موجود 17 افراد زخمی ہوئے ہیں، جن میں سے 12 اب بھی اسپتال میں زیر علاج ہیں، جن میں 2 کی حالت تشویش ناک ہے۔

    طیارہ 1990 میں بنا تھا، اور یہ جڑواں انجن والا پائپر PA-42-1000 تھا، جس نے مقامی وقت کے مطابق صبح 9 بجے کے بعد قریبی کینیلا ہوائی اڈے سے اڑان بھری اور ناموافق موسمی حالات میں ساؤ پالو ریاست کے جنڈیائی کی طرف جا رہا تھا۔

    خطرناک ویڈیو: مسافر طیارہ رن وے پر ٹکرانے سے بال بال بچ گیا

    طیارے کی تباہی کے بعد اس کا ملبہ دور تک بکھر گیا تھا، شہر میں اس کرسمس کی تیاریاں عروج پر ہیں، کہ شہر میں ایسے مصروف وقت میں یہ حادثہ پیش آیا۔

  • میکسیکو : مسلح افراد کی اندھا دھند فائرنگ 6 ہلاک

    میکسیکو : مسلح افراد کی اندھا دھند فائرنگ 6 ہلاک

    سان جوان : میکسیکو کے ایک بار پر مسلح افراد نے اندھا دھند فائرنگ کردی جس کے نتیجے میں 6 افراد ہلاک اور پانچ زخمی ہوگئے۔

    مقامی میڈیا رپورٹس کے مطابق فائرنگ کا واقعہ گزشتہ صبح میکسیکو کے ساحلی صوبے تاباسکو کے ایک بار میں پیش آیا جو ان دنوں بڑھتے ہوئے تشدد کی لپیٹ میں ہے۔

    ریاستی اٹارنی جنرل کے دفتر کے ڈپٹی پراسیکیوٹر گلبرٹو میلکیڈیس مرانڈا نے نامہ نگاروں کو بتایا کہ پانچ افراد جائے وقوعہ پر مردہ حالت میں ملے جب کہ ایک زخمی اسپتال میں دوران علاج دم توڑ گیا۔

    ڈپٹی پراسیکیوٹر نے کہا کہ ابتدائی رپورٹس سے ظاہر ہوتا ہے کہ مسلح افراد کا گروپ ایک شخص کی تلاش میں نائٹ کلب میں داخل ہوا اور وہاں موجود لوگوں پر فائرنگ کردی۔

    ایک حکومتی عہدیدار نے ایکس (سابقہ ٹوئٹر) پر بتایا کہ یہ حملہ ولاہرموسا میں ہوا۔ انہوں نے یہ بھی کہا کہ وفاقی حکام مقامی انتظامیہ کے ساتھ مل کر اس جرم کی تفتیش اور اس سے نمٹنے کے لیے کام کر رہے ہیں۔

    رپورٹ کے مطابق تاحال کوئی گرفتاری عمل میں نہیں آئی ہے اور فائرنگ کے محرکات بھی واضح نہیں ہو سکے ہیں۔

    سوشل میڈیا پر گردش کرنے والی ویڈیوز میں لوگوں کو بار سے بھاگتے ہوئے اور کچھ کو زخمیوں کی مدد کرتے ہوئے دیکھا جاسکتا ہے۔

    واضح رہے کہ اسی ماہ کے آغاز میں مرکزی میکسیکو کے بار میں فائرنگ کا ایک اور واقعہ پیش آیا تھا، جس میں 10 افراد ہلاک اور 13 زخمی ہو گئے تھے۔ یہ حملہ تاریخی شہر کریٹارو کے مرکز میں ہوا جو حالیہ دنوں تک ہمسایہ ریاستوں میں بڑھتے ہوئے تشدد سے محفوظ سمجھا جاتا تھا۔

  • میکسیکو میں برطانوی سفیر نے ملازم پر رائفل تان لی، ویڈیو وائرل

    میکسیکو میں برطانوی سفیر نے ملازم پر رائفل تان لی، ویڈیو وائرل

    میکسیکو میں تعینات برطانوی سفیر نے سفارت خانے کے ملازم پر رائفل تان لی، اس واقعے کی ویڈیو وائرل ہونے کے بعد سفیر مشکل میں گرفتار ہو گئے۔

    سوشل میڈیا پر پوسٹ کی گئی ایک ویڈیو میں دکھایا گیا ہے کہ سرکاری دورے کے موقع پر برطانوی سفیر جون بینجمن نے گاڑی کے اندر ایک ملازم پر رائفل تان رکھی ہے کہ اور آنکھ لگا کر نشانہ درست کر رہے ہیں۔

    یہ ویڈیو وائرل ہونے کے بعد برطانوی سفیر مشکل میں پڑ گئے، برطانوی سفیر کو ان کے عہدے سے برطرف کر دیا گیا ہے، برطانوی حکام کا کہنا ہے کہ واقعے کا علم ہوا تو اس پر ایکشن لیا گیا۔

    میڈیا رپورٹس کے مطابق یہ واقعہ اپریل میں پیش آیا تھا، برطانوی وزارت خارجہ کے حکام نے اخبار فنانشل ٹائمز سے بات کرتے ہوئے کہا کہ واقعے کا علم ہے اور اس کے خلاف پہلے ہی ایکشن لیا جا چکا ہے۔

    فنانشل ٹائمز نے یہ ویڈیو پوسٹ کرتے ہوئے اس پر کیپشن لکھا تھا کہ میکسیکو میں منشیات فروشوں کے ہاتھوں روزانہ قتل ہو رہے ہیں، ایسے میں ان کی ہمت ہے کہ ایسا مذاق کیا۔