میکسیکو سٹی : خوفناک زلزلے نے میکسیکو میں تباہی مچادی، جنوب مشرقی علاقے میں منگل کی رات زلزلے کے شدید جھٹکے محسوس کیے گئے۔
امریکا کے زلزلہ پیمائی کے مرکز کے مطابق ریکٹر اسکیل پر زلزلے کی شدت 7.0 تھی جس کے جھٹکے میکسیکو سٹی تک محسوس کیے گئے, جس کے باعث لوگ خوفزدہ ہوکر کھلے مقامات کی جانب چلے آئے۔
اب تک کی اطلاعات کے مطابق اس کی وجہ سے کم از کم ایک شخص ہلاک ہوا ہے۔ زلزلے کی شدت سے کئی عمارتوں کو نقصان پہنچا ہے اور متاثرہ علاقوں میں بجلی کے نظام کی معطلی کی بھی اطلاع ہے۔
Así../ pic.twitter.com/JxaNJhyTy3
— Javier Alarcón (@Javier_Alarcon_) September 8, 2021
زلزلے کا مرکز سیاحتی مقام اکاپلکو کے پاس تھا تاہم وہاں سے تقریباً سوا دو سو کلو میٹر دور میکسیکو سٹی میں بھی اس کے جھٹکے محسوس کیے گئے اور علاقے کی عمارتیں لرز گئیں۔
زلزلے کی وجہ سے سب سے پہلے جس شخص کی موت کی اطلاعات ملی اس کا تعلق گویوکا سے بتایا جاتا ہے۔ حکام نے مقامی میڈیا سے بات چیت کے دوران کہا کہ متاثرہ شخص پر ایک بجلی کا کھمبا گرا جس کی وجہ سے اس کی موت واقع ہوئی۔
#Mexico City’s skyline, showing the Earthquake Lights phenomenon from a 7.1 quake with an epicenter in Acapulco that was felt in many parts of the country. Curious sidenote: people were making memes wondering if this September would bring any earthquakes. It did.#Sismo #Temblor pic.twitter.com/2py9610bUF
— Antonio Video (@AntonioVideoTJ) September 8, 2021
امریکا میں سونامی کی وارننگ دینے والے ادارے نے ایک بیان میں کہا ہے کہ زلزلے کے بعد سونامی کی وارننگ جاری نہیں کی گئی اور ایسے کسی خطرے کی توقع بھی نہیں ہے۔
اکاپولکو کی میئر اڈیلہ رومن نے ایک بیان میں کہا کہ ابھی تک کوئی بہت سنگین صورت حال کی اطلاع نہیں ہے اور ان کے علاقے میں کسی ہلاکت کی بھی کوئی اطلاع نہیں ہے۔
@paobarquet que miedo, el cablebus en Iztapalapa pic.twitter.com/SRUwF6utWY
— Lili Díaz (@LiliDepp4ever) September 8, 2021
ان کا کہنا تھا، ” لوگ ذہنی تناؤ کا شکار اور اعصابی عارضے میں ضرور مبتلا ہیں۔ وہ کافی پریشان ہیں کیونکہ انہیں زبردست جھٹکے لگے ہیں۔
ان کا مزید کہنا تھا کہ بہت سے مقامات پر گیس لیک ہونے کے واقعات پیش آئے ہیں اور بعض جگہوں پر زمین کے تودے کھسکنے اور دیواریں گرنے کی بھی اطلاعات ہیں۔‘‘
میکسیکو کے صدر انڈریز مینویل لوپیز اوراڈر کا کہنا ہے کہ زلزلے نے پہاڑوں کے نیچے پتھروں اور دیواروں کو نقصان پہنچایا ہے، تاہم اس سے ریاست گوریرو میں شدید نقصان نہیں پہنچا ہے، جہاں اکاپولکو واقع ہے۔
Momentos de mucho miedo vivieron los ciudadanos de la CDMX y Acapulco aquí la muestra en el cablebus #temblorCDMX #Temblormexico #Temblor #cuidence #oracion #CDMX #Acapulco pic.twitter.com/KcMiBrXzpY
— Javo (@soyjavorios) September 8, 2021
ان کا کہنا تھا،’’ خوش قسمتی سے بہت زیادہ نقصان نہیں پہنچا ہے۔ ابھی تک ہمارے پاس کسی بھی شخص کی موت کی اطلاع نہیں ہے۔‘‘
زلزلے کے سبب میکسیکو سٹی میں تقریباً ایک منٹ تک زمین ہلتی رہی۔ اس کے خوف کے سبب بہت سے لوگوں اپنے گھروں سے باہر نکلے اور اپنی عمارتوں کو فوری طور پر خالی کرا لیا۔ تاہم ابتدائی طور پر دارالحکومت سے کسی نقصان کی کوئی اطلاع نہیں تھی۔
No tengo los derechos de autor de este video. Pero si se puso intenso. #Mexico #Guerrero #Sismo #temblor #Chilpancingo pic.twitter.com/yhanVD5oKi
— Osiris Hilario (@osirishilario) September 8, 2021
لیکن شہر کی میئر کلاڈیا شین بام نے ایک مقامی ٹی وی چینل سے بات چیت میں کہا کہ کچھ علاقوں میں بجلی کی ترسیل بند ہو گئی ہے۔ انہوں نے ایک سینیئر عہدیدار کی ایک ٹویٹ پوسٹ کو شیئر کیا، جس میں کہا گیا تھا کہ زلزلے کی وجہ سے شہر کے کچھ حصوں میں ’’ بجلی کی کمی‘‘ ہے۔
#NOW | The earthquake in Mexico, from a Lucha Libre stadium in the middle of the evening. #Mexico #earthquake #terremotomexico #Terremoto #Sismo #mexicosismo #luchalibre pic.twitter.com/kDsTGilRwk
— Global_News01 🌎 (@global_news01) September 8, 2021
اس سے قبل سال 1985 میں میکسیکو سٹی میں بھیانک زلزلہ آیا تھا جس سے زبردست جانی و مالی تباہی آئی تھی۔ اس زلزلے سے سینکڑوں لوگ ہلاک اور زخمی ہوئے تھے اور بڑے پیمانے پر عمارتیں تباہ ہوگئی تھیں۔
