ARYNews.tv | Urdu – Har Lamha Bakhabar

Tag: mian mehmood ur rasheed

  • نیا پاکستان ہاؤسنگ منصوبہ ، گھروں کی تعمیر سے متعلق اہم خبر آگئی

    نیا پاکستان ہاؤسنگ منصوبہ ، گھروں کی تعمیر سے متعلق اہم خبر آگئی

    اسلام آباد : وزیرہاؤسنگ میاں محمود الرشید نے صدر عارف علوی سے ملاقات میں کہا کہ نیا پاکستان ہاؤسنگ پراجیکٹ کے تحت چند ماہ میں بڑے پیمانے پر گھروں کی تعمیر کا آغاز ہو جائے گا، جس پر صدر نے منصوبے میں نجی شعبے کو سہولتیں فراہم کرنے کی ہدایت کردی۔

    تفصیلات کے مطابق صدرعارف علوی سے وزیرہاؤسنگ میاں محمود الرشید کی ملاقات ہوئی، جس میں بلدیاتی انتخابات اورمجموعی سیاسی صورتحال پرتفصیلی تبادلہ خیال کیا گیا۔

    ملاقات کے دوران محمود الرشید نے پنجاب میں نیا پاکستان ہاؤسنگ پراجیکٹ میں پیش رفت سے آگاہ کرتے ہوئے کہا پنجاب میں چند ماہ میں بڑے پیمانے پر گھروں کی تعمیر کا آغاز ہو جائے گا۔

    میاں محمود الرشید کا کہنا تھا کہ گھروں کی تعمیر کے لیے نجی سیکٹرکاتعاون بھی حاصل کیا جارہا ہے، ہاؤسنگ سےمتعلق پالیسیاں اسٹیک ہولڈرزکی مشاورت سےمرتب کی جارہی ہیں۔

    صدر مملکت کی نیا پاکستان ہاؤسنگ پراجیکٹ میں نجی شعبے کوسہولتیں فراہم کرنے کی ہدایت کردی۔

    یاد رہے رواں سال فروری میں نیاپاکستان ہاؤسنگ پراجیکٹ کے تحت گھروں کی تعمیر کیلئے بلاسود قرض کی فراہمی کے لئے معاہدہ طے پایا تھا ، جس کے تحت 5 لاکھ روپے قرض3 مرلہ پلاٹوں کے مالکان کوفراہم کیاجائے گا۔

    خیال رہے نیا پاکستان ہاؤسنگ پروگرام کا افتتاح وزیراعظم پاکستان عمران خان نے 15 جولائی 2019 کو کیا تھا،جس کے تحت غریب شہریوں کو اپنا گھر آسان قسطوں پر فراہم کیا جائے گا۔

    یاد رہےوزیر اعظم کا کہنا تھا کہ نیا پاکستان ہاؤسنگ منصوبہ موجودہ حکومت کا سب سے اہم پراجیکٹ ہے، منصوبے سے رہائشی سہولت، معاشی سرگرمیوں میں تیز ی آئے گی، ہاؤسنگ، تعمیراتی شعبے میں سرمایہ کاروں کو سہولتیں فراہم کریں گے اور سہولیات کی فراہمی سے تعمیرات کے شعبے کو فروغ ملے گا۔

  • اپوزیشن جماعتیں مسئلہ کشمیر پر اپنی سیاست چمکا رہی ہیں، میاں محمود الرشید

    اپوزیشن جماعتیں مسئلہ کشمیر پر اپنی سیاست چمکا رہی ہیں، میاں محمود الرشید

    لاہور : صوبائی وزیر میاں محمود الرشید نے کہا ہے کہ اپوزیشن مسئلہ کشمیر پر سیاست چمکا رہی ہے، عمران خان کشمیر کے معاملے پر جرات سے کہہ رہے ہیں کہ ہم کشمیر کے معاملے پر آخری حد تک جائیں گے۔

    ان خیالات کا اظہار انہوں نے میڈیا سے گفتگو کرتے ہوئے کیا، انہوں نے کہا کہ پچھلے دس سال سے اپوزیشن حکمران تھی تو اس نے کیا کیا ہے؟ پاکستان کو تنہائی میں دھکیل دیا گیا ہے، ن لیگ نے تو پانچ سال وزیر خارجہ ہی نہیں لگایا تھا۔

    صوبائی وزیر میاں محمود الرشید نے کہا کہ وزیر اعظم عمران خان مقبوضہ کشمیر کے معاملے پر جرات سے کہہ رہے ہیں کہ ہم کشمیر کے معاملے پر آخری حد تک جائیں گے۔

    ان کا کہنا تھا کہ ہمیں تو حکومت میں آئے ہوئے جمعہ جمعہ آٹھ دن ہوئے ہیں، اس کے باوجود ہم ہر محاذ پر بہادری سے لڑ رہے ہیں، لیکن بد قسمتی سے اپوزیشن جماعتیں مسئلہ کشمیر پر اپنی سیاست چمکا رہی ہیں۔

    ان کا مزید کہنا تھا کہ پاکستان کو اس وقت جو مسائل درپیش ہیں کیا وہ ہماری دس ماہ کی حکومت کی وجہ سے ہیں ؟ یہ ان کی وجہ سے ہیں جن کی حکومت میں پاکستان ایشین ٹائیگر بن رہا تھا لیکن ہم گھبرانے والے نہیں اور موجودہ دباﺅسے جلد باہر نکلیں گے۔

  • بے زمین کاشتکاروں کو مالکانہ حقوق دینے پروزیراعلیٰ پنجاب مبارکباد کے مستحق ہیں، محمود الرشید

    بے زمین کاشتکاروں کو مالکانہ حقوق دینے پروزیراعلیٰ پنجاب مبارکباد کے مستحق ہیں، محمود الرشید

    لاہور: صوبائی وزیر برائے ہاؤسنگ میاں محمود الرشید کا کہنا ہے کہ بے زمین کاشتکاروں کو مالکانہ حقوق دینے پر لاکھوں کاشتکار وزیراعظم اور وزیراعلیٰ پنجاب کو خلوص دل سے دعائیں دے رہے ہیں۔

    تفصیلات کے مطابق صوبائی وزیر برائے ہاؤسنگ میاں محمود الرشید نے بنجر زمین آباد کرنے والے کاشت کاروں کو مالکانہ حقوق دینے کے فیصلے پر وزیراعلی پنجاب کو خراج تحسین پیش کیا ہے-

    میاں محمود الرشید نے بنجر زمین آباد کرنے والے کاشت کاروں کو مالکانہ حقوق دینے کے فیصلے پر وزیراعلیٰ پنجاب کو خراج تحسین پیش کیا-

    انہوں نے کہا کہ ایسا تاریخی فیصلہ کرنے پر وزیراعلیٰ عثمان بزدار اور پنجاب کابینہ مبارک باد کے مستحق ہیں- وزیراعلی عثمان بزدار کے اس فیصلے سے لاکھوں کاشت کار خاندانوں میں خوشی کی لہر دوڑ گئی ہے-

    صوبائی وزیر برائے ہاؤسنگ نے کہا کہ لاکھوں کاشتکار وزیراعظم عمران خان اور وزیراعلی عثمان بزدار کو خلوص دل سے دعائیں دے رہے ہیں- بنجر زمینیں آباد کرنے والے کاشت کار خاندان کئی سال سے اپنے حقوق سے محروم تھے-

    انہوں نے کہا کہ سخت محنت کرکے بنجر زمین آباد کرنے کے باوجود کاشت کاروں کو ان کا حق نہیں مل رہا تھا، وزیراعلی عثمان بزدار کے اس فیصلے سے صوبے کی زرعی پیداوار میں بھی خاطر خواہ اضافہ ہوگا-

  • وزیر اعظم عمران خان پچاس لاکھ گھروں کا وعدہ ہر صورت میں پورا کریں گے، میاں محمود الرشید

    وزیر اعظم عمران خان پچاس لاکھ گھروں کا وعدہ ہر صورت میں پورا کریں گے، میاں محمود الرشید

    چنیوٹ : وزیر ہاؤسنگ پنجاب میاں محمود الرشید نے کہا ہے کہ نیاپاکستان ہاؤسنگ اسکیم میں 50 فیصدگھر پنجاب میں بنائیں گے، ماضی میں روٹی، کپڑا، مکان اور آشیانہ کے نعرے لگانے والوں نے عوام کو لالی پاپ ہی دیئے، وزیر اعظم عمران خان پچاس لاکھ گھروں کا وعدہ ہر صورت میں پورا کریں گے۔

    تفصیلات کے مطابق چنیوٹ میں میڈیا سے گفتگو کرتے ہوئے وزیر ہاؤسنگ پنجاب میاں محمود الرشید نے کہا کہ نیا پاکستان ہاؤسنگ سکیم کے آئندہ مرحلے میں چنیوٹ شامل ہے، اڑھائی ہزار یونٹس بنائیں گے، ماضی میں روٹی کپڑا مکان اور آشیانہ کے نعرے لگانے والوں نے عوام کو لالی پاپ ہی دیئے، وزیر اعظم عمران خان پچاس لاکھ گھروں کا وعدہ ہر صورت میں پورا کریں گے۔

    نیا پاکستان ہاؤسنگ سکیم کے تحت پچاس فیصد گھر پنجاب میں بنائے جائیں گے

    وزیر ہاؤسنگ پنجاب کا کہنا تھا کہ نیا پاکستان ہاؤسنگ سکیم کے تحت پچاس فیصد گھر پنجاب میں بنائے جائیں گے، بڑے شہروں میں ڈویلپمنٹ اتھارٹیز کو ایک لاکھ گھروں کا ٹارگٹ دے دیا ہے، رورل ہاؤسنگ سکیم کے تحت دیہاتوں میں موجود سرکاری اراضی پر پچاس پچاس گھر تعمیر کریں گے، فی گھر کی قیمت پانچ لاکھ روپے ہو گی۔

    میاں محمود الرشید نے کہا کہ پرائیویٹ انویسٹرز کو ساتھ لے کر چلیں گے، دسمبر 2019 تک پانچ لاکھ یونٹ مکمل کریں گے۔

    دسمبر 2019 تک پانچ لاکھ یونٹ مکمل کریں گے

    صوبائی وزیر کا مزید کہنا تھا کہ انتہائی غریب لوگوں کیلئے وزیراعظم نے پانچ ارب کے قرضے حسنہ کا اعلان کیا ہے جو یکم مارچ سے شروع ہو جائے گا، ماضی میں چنیوٹ فیصل آباد روڈ کو خونی روڈ کہا جاتا رہا، بہت جلد اسے ون وے کریں گے۔

    یاد رہے چند روز قبل صوبائی وزیر برائے ہاؤسنگ میاں محمود الرشید کا کہنا تھا کہ نیا پاکستان اسکیم کے تحت آج عملی اقدامات کرنے جا رہے ہیں، سابقہ حکومتوں کے دعووں کے باوجود گھر نہ بن سکے، آشیانہ اسکیم کے نعرے لگائے اسی پر شہباز شریف پابند سلاسل ہیں۔

    مزید پڑھیں : ہاؤسنگ اسکیم میں بیواؤں کے لیے ڈونرز بلاک بنایا گیا ہے: میاں محمود الرشید

    ان کا کہنا تھا کہ ہاؤسنگ اسکیم میں بیواؤں کے لیے ڈونرز بلاک بھی بنایا گیا ہے، مخیر حضرات حصہ ڈالیں، رورل ہاؤسنگ سے بے گھر افراد کے لیے پائلٹ پروجیکٹ یکم جون سے شروع ہوگا۔

  • ہاؤسنگ اسکیم میں بیواؤں کے لیے ڈونرز بلاک بنایا گیا ہے: میاں محمود الرشید

    ہاؤسنگ اسکیم میں بیواؤں کے لیے ڈونرز بلاک بنایا گیا ہے: میاں محمود الرشید

    لاہور: صوبائی وزیر برائے ہاؤسنگ میاں محمود الرشید کا کہنا ہے کہ ہاؤسنگ اسکیم میں بیواؤں کے لیے ڈونرز بلاک بھی بنایا گیا ہے، مخیر حضرات حصہ ڈالیں۔ رورل ہاؤسنگ سے بے گھر افراد کے لیے پائلٹ پروجیکٹ یکم جون سے شروع ہوگا۔

    تفصیلات کے مطابق صوبائی وزیر برائے ہاؤسنگ میاں محمود الرشید کا کہنا تھا کہ اپنا گھر سے متعلق ایک مہم شروع کر رہے ہیں، بیرون ملک پاکستانیوں کے لیے 5 فیصد بچت رکھی ہے، لودھراں کے ڈونر بلاک میں بہت لوگوں نے رابطہ کیا۔

    محمود الرشید نے کہا کہ ایک لاکھ یونٹ تعمیر کا ٹاسک ڈیویلپمنٹ اسکیم کو دیا ہے، پرائیویٹ اسکیمز کو پابند بنایا 2 سال میں تعمیرات مکمل کریں، 3 نئے شہر پنجاب میں بسائے گئے ہیں۔

    انہوں نے کہا کہ نیا پاکستان اسکیم کے تحت آج عملی اقدامات کرنے جا رہے ہیں، سابقہ حکومتوں کے دعووں کے باوجود گھر نہ بن سکے۔ آشیانہ اسکیم کے نعرے لگائے اسی پر شہباز شریف پابند سلاسل ہیں۔

    محمود الرشید کا کہنا تھا کہ رینالہ خورد، چشتیاں، لودھراں اور بہاولنگر میں 6 ہزار یونٹ بنیں گے، 3 مرلہ ساڑھے 17 لاکھ گراؤنڈ فلور کی قیمت ابتدائی طے کی ہے، ابتدائی طور پر ساڑھے 16 لاکھ قیمت ہوگی، 5 مرلہ گراؤنڈ فلور کی قیمت 23 لاکھ اور پہلی منزل کی قیمت 21 لاکھ ہوگی۔

    انہوں نے کہا کہ ڈیڑھ سال میں پوزیشن فراہم کی جائے گی، نئے یونٹس میں ڈسپنسریاں اور اسکولز بھی بنیں گے۔ بیرون ملک پاکستانیوں کے لیے 5 فیصد رعایت دی جائے گی۔

    محمود الرشید کا کہنا تھا کہ بیواؤں کے لیے ڈونرز بلاک بھی بنایا گیا، مخیر حضرات حصہ ڈالیں۔ 9 ڈیویلپمنٹ اتھارٹیز کو 1 لاکھ گھروں کی تعمیر کا حکم دیا ہے۔ رورل ہاؤسنگ سے بے گھر افراد کے لیے پائلٹ پروجیکٹ یکم جون سے شروع ہوگا۔

    انہوں نے کہا کہ آسان اقساط پر گھر فراہم کیے جائیں گے، تمام پروجیکٹس کے لیے ٹاسک فورس قائم کردی گئی ہے۔ ماضی میں اداروں کو کام نہیں کرنے دیا گیا۔ نیا پاکستان ہاؤسنگ اسکیم واحد حکومت کے بس کی بات نہیں۔

  • آئندہ 20 سال کے لئے پنجاب کی کنجی پی ٹی آئی کے پاس ہوگی، میاں محمود الرشید

    آئندہ 20 سال کے لئے پنجاب کی کنجی پی ٹی آئی کے پاس ہوگی، میاں محمود الرشید

    لاہور : وزیر ہاؤسنگ پنجاب میاں محمود الرشید نے کہا ہے کہ پی پی 168 کے ضمنی الیکشن میں 25 سال سے حکمرانی کرنے والوں کو بدترین شکست ہوئی، اب آئندہ بیس سال کے لئے پنجاب کی کنجی پی ٹی آئی کے پاس ہو گی۔

    تفصیلات کے مطابق پنجاب اسمبلی کے باہر میڈیا سے گفتگو کرتے ہوئے وزیر ہاوسنگ میاں محمود الرشید کا کہنا تھا کہ نون لیگ کو خواجہ سعد رفیق کی سیٹ اور تخت لاہور پر بڑا ناز تھا، عوام نے پچیس سال سے حکمرانی کرنے والوں کو بدترین شکست سے دوچار کیا ہے، پی پی 168 کا ضمنی انتخاب ریفرنڈم تھا۔

    [bs-quote quote=”لاہور کے عوام نے ماضی کے کرپٹ حکمرانوں سے نجات حاصل کر لی” style=”style-6″ align=”left”][/bs-quote]

    وزیر ہاؤسنگ پنجاب کا کہنا تھا کہ لاہور کے عوام نے ماضی کے کرپٹ حکمرانوں سے نجات حاصل کر لی، یہ نقطہ آغاز ہے، پنجاب سے شریف برادران اور خواجہ برادران فارغ ہو گئے،  اب آئندہ بیس سال کے لئے پنجاب کی کنجی پی ٹی آئی کے پاس ہو گی۔

    میاں محمودالرشید نے کہا کہ ن لیگ ہر چیز کو دھاندلی اور کرپشن کو انتقامی کارروائی کہتی ہے، اسے شکست پر کرپشن سے توبہ تائب کرنا چاہیئے ،  پی اے سی چئیرمین شپ پر فیصلہ آئندہ چند روز میں کریں گے۔

    یاد رہے چند روز قبل صوبائی وزیر برائے ہاؤسنگ محمود الرشید کا کہنا تھا کہ آصف زرداری دن میں خواب دیکھتے ہیں جبکہ نواز شریف اپنی اننگ کھیل چکے، نواز شریف پر مقدمات بہت ہیں لگتا ہے ان سے نہیں نکل سکیں گے۔

    محمود الرشید نے کہا تھا کہ کم آمدنی والے افراد کو سب سے پہلے چھت فراہم کی جائے گی۔ نیا پاکستان ہاؤسنگ اسکیم کے تحت لودھراں میں 3 اور 5 مرلہ کے 800 پلاٹ دیے جائیں گے۔

  • پنجاب میں تجاوزات کے خلاف بڑا آپریشن شروع، اینٹی اینکروچمنٹ سیل قائم

    پنجاب میں تجاوزات کے خلاف بڑا آپریشن شروع، اینٹی اینکروچمنٹ سیل قائم

    لاہور: پنجاب میں تجاوزات کے خلاف بڑا آپریشن شروع کر کے پنجاب حکومت نے اینٹی اینکروچمنٹ سیل قائم کر دیا، وزیرِ ہاؤسنگ کہتے ہیں کہ انسدادِ تجاوزات آپریشن وزیرِ اعظم کی ہدایت پر شروع کیا۔

    تفصیلات کے مطابق پنجاب میں وزیرِ اعظم عمران خان کی ہدایت پر بڑے پیمانے پر انسدادِ تجاوزات آپریشن کا آغاز ہو گیا ہے، اس سلسلے میں اینٹی اینکروچمنٹ سیل بھی قائم کر دیا گیا ہے جو مستقل کام کرے گا۔

    [bs-quote quote=”آپریشن پانچ مراحل میں پورا کیا جائے گا، ناجائز حویلیوں کو تیسرے مرحلے میں ختم کیا جائے گا: محمود الرشید” style=”style-7″ align=”left” color=”#dd3333″][/bs-quote]

    وزیر ہاؤسنگ محمود الرشید نے کہا ہے کہ انسدادِ تجاوزات آپریشن پانچ مرحلوں میں پایہ تکمیل تک پہنچایا جائے گا، ہر مرحلے پر تجاوزات کے خلاف بھرپور آپریشن ہوگا۔

    محمود الرشید نے کہا کہ یہ آپریشن 2 ہفتے قبل ہونا تھا لیکن محرم کے باعث تاخیر کی گئی، مشترکہ طور پر بلدیہ اور تمام 9 اتھارٹیز کی حدود میں آپریشن کا فیصلہ ہوا ہے، شہری آبادیوں کو ان قبضوں کی وجہ سے مشکلات کا سامنا ہے، اس وقت 2 ٹیمیں کام کر رہی ہیں جو 5 کیٹیگریز میں آپریشن کریں گی۔

    ایک ٹیم کی سربراہی ڈی سی لاہور جب کہ دوسری ٹیم کی سربراہی ڈی جی ایل ڈی اے کر رہے ہیں، ان کو تجاوزات کے خلاف آپریشن کے مکمل اختیارات دیے گئے ہیں۔

    یہ بھی پڑھیں:  پنجاب میں قبضہ مافیا اور تجاوزات کے خلاف بڑے آپریشن کی منظوری

    محمود الرشید کے مطابق پہلی کیٹیگری میں سرکاری اداروں کی زمین سے قبضہ چھڑایا جائے گا، دوسری کیٹیگری میں بازاروں سے تجاوزات ختم کی جائیں گی، تیسری کیٹیگری میں بڑی ناجائز حویلیوں کو ختم کیا جائے گا۔

    پنجاب کے وزیرِ ہاؤسنگ نے کہا کہ چوتھی کیٹیگری میں جھگیوں کے خلاف آپریشن ہوگا، پانچویں کیٹیگری میں قانون شکن عناصر سے سرکاری زمین واگزار کرائی جائے گی، جب کہ سیل اور واگزار کرائی گئی جگہوں کو مانیٹرنگ کیا جاتا رہے گا۔

    یاد رہے دو دن قبل وزیرِ اعلیٰ پنجاب سردار عثمان بزدار کی زیرِ صدارت منعقدہ اجلاس میں قبضہ مافیا اور تجاوزات کے خلاف گرینڈ آپریشن کی منظوری دی گئی تھی۔

  • مسلم لیگ ن نے پی ٹی آئی کا چیلنج قبول کرلیا

    مسلم لیگ ن نے پی ٹی آئی کا چیلنج قبول کرلیا

    اسلام آباد: مسلم لیگ ن نے مینارِ پاکستان پر اتوار کے روز ہونے والے جلسےسے بڑا جلسہ کرنے کا تحریک انصاف کا چیلنج قبول کرلیا۔

    اے آروائی نیوزکے پروگرام الیونتھ آورمیں میاں محمود الرشید نے نون لیگ کو لاہور جلسے سے بڑا جلسہ کرنے کا چیلنج دیا جس کے جواب میں پنجاب کےسابق وزیرِقانون راناء ثنااللہ نے چیلنج قبول کرتے ہوئے پشاور میں جوابی عوامی قوت کے مظاہرے کااعلان کردیا۔

    میاں محمود الرشید نے کہا جلسہ کریں وہاں بھی ’گونوازگو‘ کے نعرے لگیں گے۔ جس کے جواب میں رانا ثنااللہ کا کہنا تھا کہ میانوالی میں بھی عمران خان کے خلاف نعرے لگ سکتے ہیں۔


    11th Hour 29 Sep 2014 by arynews

  • استعفوں کے معاملے پرانفرادی طور پرپیش نہیں ہونگے، محمودالرشید

    استعفوں کے معاملے پرانفرادی طور پرپیش نہیں ہونگے، محمودالرشید

    لاہور: تحریک انصاف پنجاب کی پارلیمانی پارٹی نے فیصلہ کیا ہے کہ استعفوں کے معاملے پر کوئی رکن انفرادی طور پر اسپیکر پنجاب اسمبلی کے پاس نہیں جائے گا۔ اپوزیشن لیڈر میاں محمودالرشید نے اسپیکر پنجاب اسمبلی کو فیصلے سے تحریری طور پر آگاہ کر دیا ہے۔

    تحریک انصاف پنجاب کی پارلیمانی پارٹی کا اجلاس اپوزیشن لیڈر میاں محمودالرشید کی زیرصدارت ہوا، جس میں فیصلہ کیا گیا کہ استعفوں کے معاملے پر اراکین انفرادی طور پر یا چھوٹے گروپ کی شکل میں اسپیکر کے پاس نہیں جائیں گے۔

    اپوزیشن لیڈر نے اسپیکر پنجاب اسمبلی کو فیصلے سے تحریری طور پر بھی آگاہ کر دیا ہے۔ پارلیمانی پارٹی نے عمران خان کی قیادت پر بھرپور اعتماد کا اظہار کیا اور اسلام آباد دھرنے اور احتجاجی جلسوں میں عوام کی شرکت پر مسرت کا اظہار کیا۔

    اجلاس کے بعد پریس کانفرنس سے خطاب کرتے ہوئے اپوزیشن لیڈر میاں محمودالرشید کا کہنا تھا کہ اگر حکومت چاہتی ہے کہ دو دو چار چار اراکین کے استعفے منظورکرکے سہولت کے ساتھ ضمنی الیکشن کروا لے گی تو یہ اس کی خام خیالی ہے۔

    حکمرانوں کو ہر صورت میں اقتدار سے رخصت ہونا ہو گا۔ انہوں نے کہا کہ حکمران گو نواز گو تحریک کی وجہ سے ہوش و ہواس کھو بیٹھے ہیں، کراچی لاہور کے بعد میانوالی، ملتان، کوئٹہ اور پشاور میں جلسے ہونگے، پورا ملک گو نواز گو کے نعروں سے گونج رہا ہے

  • سیلاب متاثرین کوریلیف نہیں مل رہا، میاں محمودالرشید

    سیلاب متاثرین کوریلیف نہیں مل رہا، میاں محمودالرشید

    لاہور: قائدِحزبِ اختلاف پنجاب میاں محمود الرشید نے کہا ہے کہ سیلاب سے متاثرہ علاقوں کے دوروں کے نام پروزیرِاعلیٰ پنجاب ہیلی کاپٹر کے پیٹرول کی مدمیں روزانہ 50لاکھ روپے سے زائد رقم اڑا رہے ہیں۔

    وزراءاور سیکرٹریوں کے دوروں کے اخراجات اس کے علاوہ ہیں۔ پنجاب میں آنے والے سیلاب پر حقائق نامہ دوئم جاری کرتے ہوئے میاں محمود الرشید نے کہا ہے کہ وزیراعلیٰ پنجاب کے ان دوروں کے نتیجے میں عوام کو کوئی ریلیف نہیں مل رہا بلکہ عوام کے اشتعال اورغم و غصہ میں اضافہ ہورہا ہے۔

    انہوں نے کہاکہ وزیرِاعلیٰ اوروزراءدورے بند کرکے رقم بھوکے، پیاسے اور کھلے آسمان کے نیچے بیٹھے ہوئے ہزاروں خاندانوں کی خوراک اور صاف پانی کی فراہمی پر خرچ کریں۔

    ان کا کہنا تھا کہ وزیرِاعلیٰ تنہا ہیلی کاپٹر میں جاتے ہیں ، نہ وہ اپنے ساتھ کوئی خوراک لے کر جا سکتے ہیں اورنہ ہی سیلاب میں ڈوبے ہوئے کسی شخص کو بچاسکتے ہیں ، وہ محض فوٹو سیشن اور معطل کرنے کا شوق پورا کرنے کیلئے جاتے ہیں۔

    میا ں محمود الرشید نے کہا کہ عوام نے چیف منسٹرسیلاب فنڈ مسترد کردیا، کوئی پیسہ جمع کروانے کیلئے تیارنہیں، اب سرکاری ملازمین کو ایک دن کی تنخواہ چیف منسٹر فنڈ میں جمع کروانے کیلئے کہا جارہا ہے۔