Tag: Mian Zahid Hussain

اسلام آباد : پاکستان بزنس مین اینڈ انٹلیکچولز فورم کے صدر اور سابق صوبائی وزیر میاں زاہد حسین نے کہا ہے کہ حکومت آئرن اینڈ اسٹیل کی صنعت کے مسائل فوری حل کرے، سی پیک اور دیگر تعمیراتی سرگرمیوں کے باعث اس کی اہمیت میں مزید اضافہ ہوگیا ہے۔

 میاں زاہد حسین نے کہا کہ سی پیک اور بڑھتی ہوئی نجی تعمیراتی سرگرمیوں کی وجہ سے آئرن اورا سٹیل انڈسٹری کی اہمیت اورضرورت میں اضافہ ہو گیا ہے اور اگراس کے مسائل حل کئے جائیں تو ملکی معیشت کا یہ اہم شعبہ تیزی سے ترقی کرسکتا ہے۔

اپنے ایک بیان میں انہوں نے کہا کہ ملک میں سرکاری اور نجی تعمیراتی سرگرمیاں بھی زور پکڑ رہی ہیں مگر یہ صنعت اپنے جائز حقوق سے محروم ہونے کی وجہ سے اپنا کردار ادا کرنے سے قاصر ہے۔

میاں زاہد حسین نے کہا کہ ملک میں اسٹیل ملٹررز سمیت اس صنعت کے تقریباً دو سو کارخانے کام کر رہے ہیں مگر واضح پالیسی نہ ہونے، ٹیکس کے مسائل اور دیگر ممالک سے غیر ضروری درآمدات نے اس کی ترقی روک رکھی ہے جبکہ سرمایہ کار بھی اس شعبے میں سرمایہ کاری کیلئے تیار نہیں۔

مزید پڑھیں: پاکستانی معیشت آئی ایم ایف کے بغیر بھی چل سکتی ہے، وزیراعظم

میاں زاہد حسین نے کہا کہ حکومت کو چاہیے کہ سی پیک منصوبوں کیلئے جہاں تک ممکن ہو مقامی سریا استعمال کرے اور چینی سرمایہ کاروں کو بھی مقامی سریا استعمال کرنے کاکہا جائے تاکہ مقامی صنعت ترقی کر سکے جس سے روزگار اور محاصل کی صورتحال بھی بہتر ہوگی۔