کراچی: لیجنڈ کرکٹر جاوید میاں داد اور شاہد آفریدی کی ملاقات دونوں کھلاڑیوں میں جاری کشیدگی ختم کرنے کے لیے ایک دوسرے کو مٹھائی کھلائی اور گلے شکوے دور کرتے ہوئے آپس میں صلح کرلی۔
تفصیلات کے مطابق لیجنڈ کرکٹر اور شاہد آفریدی کے درمیان جاری لفظوں کی جنگ کا اختتام ہوگیا، اس ضمن میں دونوں کھلاڑیوں کی ایک ویڈیو سامنے آٗئی ہے جس میں دونوں نے ایک دوسرے کو مٹھائی کھلا اور گلے شکوے دور کرتے ہوئے صلح کرلی۔بڑے کھلاڑیوں کے درمیان جاری کشیدگی کو دور کرنے میں تیسرے فریق نے مدد کی اور دونوں افراد کی ملاقات کروائی۔
پڑھیں: آفریدی کا جاوید میانداد کو آج شام تک لیگل نوٹس بھیجے جانے کا امکان
میاں داد کی جانب سے معافی مانگنے کے الفاظ سنتے ہی آفریدی نے کہا کہ ’’جاوید بھائی میرے بڑے ہیں اور میں کبھی یہ نہیں سوچ سکتا کہ وہ مجھ سے معافی مانگیں، میاں داد کے الزام سے میرے اور مداحوں کی دل آزاری ہوئی تاہم اگر جاوید بھائی کو لگتا ہے تو میں بھی معافی کا طلب گار ہوں‘‘۔ بعد ازاں دونوں نے ایک دوسرے کو بسکٹ اور مٹھائی کھلائی۔
Shahid Afridi and Javed Miandad settle down… by arynews
اسٹاف رپورٹر شاہد ہاشمی نے ملاقات پر تبصرہ کرتے ہوئے کہا کہ ’’بھارتی میڈیا نےاس تنازعے کو غلط رنگ دیا کہ جاوید میاں داد کی طرف سے کسی تیسرے فریق نے آفریدی کو دھمکی آمیز فون کیے تاہم اس ملاقات اور تنازعے کے خاتمے سے بھارتی میڈیا میں جاری قیاس آرائیاں بھی دم توڑ گئیں ہیں جبکہ معاملے کو اس نہج تک نہیں پہنچنا تھا‘‘۔
کرکٹر تنویر احمد نے تبصرہ کرتے ہوئے کہا کہ یہ بہت اچھا ہو، یہ ہمارے ملکی وقار کے لیے بھی بہتر ہے ، اگریہ بات عدالت تک چلی جاتی تو ملکی وقار کو نقصان پہنچتا، جس کسی نے بھی یہ کوشش کی ہے بہت اچھا قد م اٹھایا ہے۔
