اسلام آباد : پاکستان تحریک انصاف کے سربراہ کا کہنا ہے کہ پاناما کے بعد اب گزشتہ جلسے کا ریکارڈ توڑنا ہے، بتاؤں گا ملک کاخون چوسنے والے کرپٹ ٹولے کو شکست کیسے دینی ہے۔
تفصیلات کے مطابق پاکستان تحریک انصاف آج میانوالی میں جلسہ کرنے جارہی ہے ، جلسے سے قبل چیئرمین پی ٹی آئی عمران خان نے عوام کے نام ویڈیو پیغام میں کہا کہ اپنےشہرمیانوالی میں بڑاجلسہ کرنےآرہاہوں، 3سال پہلے میانوالی میں تاریخی جلسہ کیا تھا۔
عمران خان کا کہنا تھا کہ پاناما کے بعد اب گزشتہ جلسے کا ریکارڈ توڑنا ہے، جلسے میں شرکت کے لیے عوام ضرورآئیں، بتاؤں گا پاکستان کہا ں کھڑا ہے اور ہمیں اسے کہاں لے جانا ہے۔
سربراہ تحریک انصاف نے مزید کہا کہ پاکستان کودرپیش خطرات پر آپ سے بات ہوگی، بتاؤں گا ملک کا خون چوسنے والے کرپٹ ٹولے کو شکست کیسے دینی ہے۔
https://youtu.be/tvBHlwAQVlg
دوسری جانب عمران خان اسٹیڈیم میں جلسے کے تمام انتظامات مکمل کرلئے گئے ہیں ،جلسے کیلئے اسٹیج بھی تیار ہے، اسٹیج پر 200افراد کے بیٹھنے کی گنجائش ہے۔
مزید پڑھیں : پی ٹی آئی کا میانوالی میں جلسہ، عمران خان خطاب کریں گے
جلسہ گاہ میں 10 ہزارسےزائد کرسیاں لگا دی گئیں اور ہر سو پارٹی پرچموں کی بہار ہیں جبکہ جلسے کی سیکیورٹی کے بھی سخت انتظامات کئے گئے ہیں، داخلے کے لیے 5واک تھرو گیٹ بھی نصب کئے گئے ہیں۔
تحریک انصاف کے چیئرمین عمران خان آج سہ پہر3 بجے جلسے سے خطاب کریں گے جبکہ صوبائی اور مرکزی قیادت بھی جلسے میں شرکت کرے گی۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
