میانوالی : چیئرمین پاکستان تحریک انصاف عمران خان آج صوبہ پنجاب کے شہرمیانوالی سے ملک گیرانتخابی مہم کا آغاز کریں گے۔
تفصیلات کے مطابق پاکستان تحریک انصاف کے سربراہ عمران خان آج شام میانوالی کے ہاکی اسٹیڈیم سے اپنی انتخابی مہم شروع کریں گے۔
چیئرمین پی ٹی آئی عمران خان سمیت پارٹی کے دیگر رہنما میانوالی میں جلسے سے خطاب کریں گے۔
خیال رہے کہ اس سے قبل پاکستان تحریک انصاف کی جانب سے جاری کی گئی پریس ریلیز میں عمران خان نے کہا تھا کہ 2002ء میں اگرمیانوالی کے عوام میرا ساتھ نہ دیتے تو شاید آج میں سیاست نہ کررہا ہوتا۔
عمران خان کا کہنا تھا کہ اس وقت علاقے کے لوگوں نے مجھے پہلی بار قومی اسمبلی کا رکن منتخب کیا اور میانوالی کے نوجوانوں کی اس محنت کی بدولت پی ٹی آئی آج ملک کی سب سے بڑی جماعت بن چکی ہے۔
پاکستان تحریک انصاف کے سربراہ کا کہنا تھا کہ تحریک انصاف کی حکومت پاکستان کو وہ ملک بنائی گی جس کے لیے علامہ اقبال نے خواب دیکھا اور قائد اعظم نے کوشش کی۔
اسلام آباد: پی ٹی آئی چیئرمین عمران خان نے کہا ہے کہ وہ میانوالی سے ملک گیر انتخابی مہم شروع کریں گے.
پی ٹی آئی چیئرمین نے اپنے ایک بیان میں کہا کہ میں اتوار کو میانوالی کے ہاکی اسٹیڈیم سےانتخابی مہم کا آغاز کروں گا.
عمران خان کا کہنا تھا کہ میانوالی سے انتخابی مہم شروع کرنے کے پیچھے ایک خاص مقصد ہے، 2002 میں میانوالی کے عوام نے پہلی بارمجھے ایم این اے منتخب کیا تھا.
پی ٹی آئی چیئرمین نے کہا کہ میانوالی کے نوجوانوں کی محنت سے پی ٹی آئی بڑی جماعت بن چکی ہے، میانوالی کے عوام میرا ساتھ نہ دیتے، تو شاید آج سیاست نہ کررہا ہوتا.
عمران خان نے کہا کہ انشااللہ پاکستان میں پی ٹی آئی کی حکومت قائم ہوگی، پی ٹی آئی نئے پاکستان کے خواب کو انشااللہ پورا کرے گی.
انھوں نے کہا کہ میانوالی کےعوام کو تاریخی اجتماع میں شرکت کی دعوت دیتا ہوں، ہم جلد نیا پاکستان بنائیں گے.
یاد رہے کہ آج سماجی رابطے کی ویب سائٹ ٹویٹر پر پاکستان تحریک انصاف کے چیئرمین عمران خان نے کہا تھا کہ ن لیگ کی ساری ترقی اشتہارات تک ہی محدود رہی، نگران حکومت قوم کو ملکی معیشت کی حقیقی صورتحال سے آگاہ کرے۔
میانوالی: وزیر اعظم شاہد خاقان عباسی نےعیسیٰ خیل اور اس سے ملحقہ علاقوں کو گیس فراہمی منصوبے کا افتتاح کردیا۔ ان کا کہنا تھا کہ میانوالی کے قریب سے گزرنے والا موٹر وے کاغذی منصوبہ نہیں۔ عوام نے 2013 میں جو فیصلہ کیا تھا اس کے ثمرات مل رہے ہیں۔
تفصیلات کے مطابق وزیر اعظم شاہد خاقان عباسی میانوالی پہنچے جہاں انہوں نے عیسیٰ خیل اور ملحقہ علاقوں کو گیس فراہمی منصوبے کا افتتاح کردیا۔ گیس فراہمی منصوبے کی مجموعی لاگت 2 ارب 30 کروڑ روپے سے زائد ہے۔
گیس فراہمی منصوبے سے ایک لاکھ 80 ہزار کی آبادی مستفید ہوگی جبکہ گیس کی فراہمی کے لیے 58 کلو میٹر طویل ٹرانسمیشن لائن بچھائی جائے گی۔
اس موقع پر وزیر اعظم نے عوامی اجتماع سے خطاب بھی کیا۔
اپنے خطاب میں ان کا کہنا تھا کہ جب مسلم لیگ ن کی حکومت آئی تو سوئی گیس کے منصوبے نہیں تھے، آج سوئی گیس کی فراہمی ہر جگہ کی جارہی ہے۔ ’عیسیٰ خیل کو گیس فراہمی پنجاب کا سب سے بڑا منصوبہ ہے‘۔
انہوں نے کہا کہ آج ملک میں ہر جگہ سڑکیں، بجلی، گیس کے منصوبے نظر آرہے ہیں۔ تمام منصوبے ن لیگ اور نواز شریف کی جانب سے آپ کے لیے تحفہ ہیں۔ آئندہ بھی ترقی کے سفر کو جاری رکھیں گے۔
وزیر اعظم کا کہنا تھا کہ شہباز شریف نے پنجاب کے لیے جو کچھ کیا اس کی مثال نہیں۔ یہ تمام ترقیاتی منصوبے آپ کے 2013 کے صحیح فیصلے کا نتیجہ ہیں۔ ’آج عیسیٰ خیل میں بھی موٹر وے زیر تعمیر ہے۔ عوام نے 2013 میں جو فیصلہ کیا تھا اس کے ثمرات مل رہے ہیں‘۔
انہوں نے کہا کہ ہم آئندہ بھی ملک میں ترقی کا سفر جاری رکھیں گے۔ ’خیبر پختونخواہ اور پنجاب کو دیکھ لیں اور بتائیں کہاں ترقی ہوئی۔ شہباز شریف نے پنجاب کو ترقی کے عروج پر پہنچا دیا‘۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
میانوالی : تحریک انصاف کے چیئرمین عمران خان نے کہا ہے کہ دونوں بھائیوں میں سے ایک مظلوم اور معصوم بن جاتاہے کہ مجھےکیوں نکالا، دوسرا بھائی ایسے ڈرامے کرتاہے کہ لوگ حیران رہ جاتے ہیں، اس نے پنجاب پولیس کو ڈاکیا بنادیا۔
ان خیالات کا اظہار انہوں نے میانوالی میں ایک بڑے جلسہ عام سے خطاب کرتے ہوئے کیا، عمران خان نے کہا کہ شہبازشریف کہتا تھا کہ آصف زرداری کا پیٹ پھاڑ کر پیسہ نکالوں گا اور لوڈشیڈنگ کا چھ مہینے میں خاتمہ کردوں گا۔ایک بھائی تو چلا گیا دوسرا جانے والا ہے۔
حکومت کی پوری ترقی اخبارات کےاشتہارات میں ہوتی ہے، شکر ہے ایک بھائی تو گیا اوراب دوسرا جانے والا ہے۔ انہوں نےکہا کہ میں نے21سال جدوجہد کی جس میں بڑی بڑی مایوسیوں کاسامنا کیا، اس دوران براوقت بھی آیا۔
قریبی لوگوں نے بھی مایوس کیا، لیکن میانوالی کے لوگوں نے مجھےکبھی مایوس نہیں کیا،چیئرمین پی ٹی آئی نے کہا کہ اس جدوجہد میں لوگوں نے میرا بہت مذاق اڑایا اور کہا کہ ضمانت ضبط ہوجائےگی، لوگوں نےکہا کہ کیسے سیاسی جماعت چلاؤ گے؟ تمہارے پاس تو لوگ ہی نہیں۔
عمران خان نے بتایا کہ میں نےجب مہم چلاناشروع کی تو کوئی سیاسی شخصیت میرےساتھ نہیں تھی، مہم کی ابتداء میں میرے ساتھ میانوالی کے نوجوان اور بچےتھے، جہاں بھی جاتا میانوالی کےبچے میرے ساتھ ہوتے تھے جو آج بڑے ہوگئے، پہلی مرتبہ بچوں نے بڑوں کو تیارکیا اوروہ میرےساتھ چل پڑے۔
پہلے بڑے کہتےتھے کہ یہ دیوانہ ہے جیت ہی نہیں سکتا لیکن آج تحریک انصاف پاکستان کی سب سےبڑی جماعت ہے، میانوالی کےالیکشن میں کامیاب نہ ہوتا تو شاید آج یہاں نہ کھڑاہوتا، انہوں نے بتایا کہ میانوالی میں سردیوں میں مہم چلانے میں بڑامزہ آتا تھا۔
اگر دوزخ میں گیا تو مجھے گرمی نہیں لگے گی
انہوں نے اپنی انتخابی مہم کا دلچسپ انداز میں تذکرہ کرتے ہوئے کہا کہ میانوالی میں گرمیوں میں کوئی اور انتخابی مہم نہیں چلاسکتا تھا، اگر خدانخواستہ اللہ تعالیٰ نے مجھے دوزخ میں بھی ڈالا تو مجھے گرمی نہیں لگے گی کیونکہ میں نے انتہائی سخت گرمی میں بھی کام کیا۔
جہاں طاقتور اور کمزورکی لڑائی ہوتی تھی وہاں ہمیشہ کمزور مارکھاتا تھا، کمزور تھانوں کے چکرکاٹ رہا ہوتاتھا اور مقدمات بھگت رہا ہوتا تھا۔
پنجاب پولیس کو بھی ٹھیک کرکےدکھاؤں گا
ان کا کہنا تھا کہ سوچا تھا اللہ نے موقع دیا توسب سے پہلے پولیس کو ٹھیک کرونگا، خیبرپختونخوا کےعوام سے پوچھیں کہ پولیس پہلے سےبہتر ہے یانہیں، انشااللہ جب موقع ملےگا پنجاب کی پولیس کو بھی ٹھیک کرکےدکھاؤں گا، شہبازشریف کی طرح پنجاب پولیس ٹھیک نہیں کریں گے، ہم نےخیبرپختونخوامیں ساری اتھارٹی آئی جی کودی۔
اس سے قبل عمران خان نے میانوالی میں جلسہ کیلئے عوام کے نام پیغام میں کہا کہ اپنے شہر میانوالی میں بڑا جلسہ کرنے آرہا ہوں، 3 سال پہلےمیانوالی میں تاریخی جلسہ کیاتھا، پاناما کےبعداب گزشتہ جلسے کا ریکارڈ توڑنا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
میاںوالی : نااہل وزیر اعظم نواز شریف کی تصویر پر لگا کیچڑ ہٹانے کے لیے فائر بریگیڈ کی ڈیوٹی لگا دی گئی، سرکاری گاڑی پر کھڑا شخص کسی خطرے کی پرواہ کیے بغیر ہورڈنگز دھوتا رہا۔
تفصیلات کے مطابق سپریم کورٹ کے پانچ رکنی بینچ کے متفقہ فیصلے کے بعد وزارت عظمیٰ کے عہدے سے نااہل ہونے والے وزیر اعظم نوازشریف کی تصاویر پر سیاہی پھیر دی گئی۔
میانوالی میں لگنے والے بڑے بڑے ہورڈنگز پر سابق وزیر اعظم کی تصاویر پر مخالفین کی جانب سے پھینکے گئے کیچڑ کو صاف کرنے کیلئے مقامی انتظامیہ نے فائر بریگیڈ کی ڈیوٹی لگا دی۔
کہیں آگ لگے یا کسی کی جان جائے، انتظامیہ کو اس کی کوئی پرواہ نہیں، اے آر وائی نیوز کی فوٹیج میں دیکھا جاسکتا ہے کہ فائربریگیڈ کی ڈیوٹی کر نے والا سرکاری اہلکار گاڑی پر کھڑا ہوکر ہورڈنگز کو دھورہا ہے۔
سرکاری اہلکار اپنی جان خطرے میں ڈال کر پائپ سے پانی ڈال رہا ہے جبکہ ہورڈنگز کے اوپر سے بجلی کے تار بھی گزر رہے ہیں، جس پر پانی پڑنے سے کرنٹ بھی پھیل سکتا ہے۔
واضح رہے کہ محکمہ فائربریگیڈ کے قوانین کے مطابق گاڑیوں میں ڈالا جانے والا پانی آتشزدگی کی کسی ہنگامی صورتحال کے علاوہ کسی اور مصرف میں استعمال نہیں ہوسکتا۔
کراچی: میانوالی کے قریب پاک فضائیہ کا ایف سیون تربیتی طیارہ گرکرتباہ ہوگیا،حادثے میں پائلٹ شہید ہوگئے۔
تفصیلات کے مطابق منگل کی شب میانوالی کے قریب پاک فضائیہ کا ایف سیون تربیتی طیارہ گرکرتباہ ہوگیا تھا جس کے نتیجے میں طیارے میں سوار پائلٹ ونگ کمانڈر ذیشان شہید ہوگئے تھے۔
ترجمان پاک فضائیہ کے مطابق میانوالی کے علاقے سبزہ زار کے قریب گرنے والے پاک فضائیہ کے طیارے کےشہید پائلٹ کا جسد خاکی مل گیا ہے۔ تربیتی طیارہ فنی خرابی کے باعث گر کر تباہ ہوگیا تھا۔
پاک فضائیہ کے ترجمان کا کہنا ہے کہ حادثے میں تباہ ہونے والا طیارہ تربیتی پرواز پرتھا،حادثے میں شہری آبادی کونقصان نہیں پہنچا۔
ترجمان پاک فضائیہ کے مطابق طیارے کے پائلٹ ونگ کمانڈر محمد ذیشان کا جسد خاکی پی اے ایف بیس ایم ایم عالم پہنچا دیا گیا ہے جبکہ حادثے کی تحقیقات کےلیے بورڈ تشکیل دےدیا گیا ہے۔
واضح رہے کہ رواں سال مئی میں پاک فضائیہ کا تر بیتی طیارہ منگل والا کے قریب گر کر تباہ ہوگیا تھا، تاہم پائلٹ حادثے میں محفوظ رہا تھا۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگر آپ کو یہ مضمون پسند آیا ہے تو اسے اپنی فیس بک وال پرشیئر کریں۔
میانوالی : پاک فضائیہ کا تر بیتی طیارہ منگل والا کے قریب گر کر تباہ ہوگیا ، تاہم پائلٹ حادثے میں محفوظ رہا۔
تفصیلات کے مطابق پاک فضائیہ کا تربیتی طیارہ ایف 7جو کہ معمول کی تربیی پرواز تھا، طیارے نے میانوالی ائییر بیس سے اڑان بھری، فنی خرابی کے باعث تھانہ چھدرو کے علاقہ منگل والا کے قریب کھیتوں میں گھر کر تباہ ہو گیا۔
پائلٹ چھلانگ لگا کر بحفاظت نکلنے میں کامیاب رہا، میانوالی سے امدادی ٹیمیوں نے موقع پر پہنچ کر علاقہ کو گھیرے میں لے لیا ہے۔
ترجمان پاک فضائیہ کے مطابق طیارہ گرنے کے مقام پرکوئی جانی ومالی نقصان پہنچنے کی اطلاع نہیں ملی ہے جب کہ پاک فضائیہ ہیڈ کوارٹر کی جانب سے انکوائری بورڈ کی تشکیل کا بھی حکم دے دیا گیا ہے جو اس واقعہ کی وجوہات کا تعین کرے گا۔
یاد رہے کہ رواں ماہ کے آغاز میں پاک فضائیہ کا میراج طیارہ جھنگ میں اٹھارہ ہزاری کے قریب گر کر تباہ ہوگیا تھا، اس حادثے میں پائلٹ محفوظ رہا جبکہ زمین پر بھی کسی قسم کا کوئی جانی اور مالی نقصان نہیں ہوا۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگر آپ کو یہ مضمون پسند آیا ہے تو اسے اپنی فیس بک وال پرشیئر کریں۔
اسلام آباد : چیئرمین پی ٹی آئی عمران خان کی رہائش گاہ پر میانوالی کے کھلاڑیوں نے احتجاجی مظاہرہ کیا، مظاہرین نے مقامی ایم این اے کیخلاف شدید نعرے بازی کی، ان کا کہنا تھا کہ مقامی ایم این اے کو جاری کیا گیا شوکاز نوٹس واپس لیا جائے۔
تفصیلات کے مطابق حالیہ بلدیاتی انتخابات میں نواز لیگ کی حمایت پر چیئر مین پی ٹی آئی کی جانب سے ضلع میانوالی کے ایم پی اے ڈاکٹر صلاح الدین کو اور دیگر کارکنان کو شو کازنوٹس جاری کیے گئے تھے جس پر کھلاڑی سراپا احتجاج بن گئے۔
ضلع میانوالی کے کارکنان نے بنی گالا پہنچ کر عمران خان کی رہائش گاہ کے باہر احتجاجی مظاہرہ کیا اور اپنے مطالبات کے حق میں زبردست نعرے بازی کی۔
نمائندہ اے آر وائی عبدالقادرکے مطابق مظاہرین کا کہنا تھا کہ میانوالی کے بلدیاتی انتخابات میں ناکامی کے ذمے دار تحریک انصاف کے ایم این اے ڈاکٹرامجد نیازی ہیں،ایم پی اے ڈاکٹر صلاح الدین کو غلط شوز کاز دیا گیا،عمران خان نظریاتی کارکنوں کو جاری کیے گئے غلط نوٹس واپس لیں۔
مظاہرین نے میانوالی میں تحریک انصاف کے ایم این اے ڈاکٹر امجد نیازی کے خلاف اور ایم پی اے ڈاکٹر صلاح الدین کے حق میں نعرے لگائے۔ انہوں نے چیئرمین پی ٹی آئی عمران خان سے ڈاکٹر امجد نیازی کو برطرف کرنے کا مطالبہ کیا۔
مظاہرین کا کہنا تھا کہ ایم پی اے ڈاکٹر صلاح الدین کو غلط شو کاز دیا گیا، انہوں نے کہا کہ نظریاتی کارکنوں کو نظرانداز کیا جارہا ہے۔
میانوا لی: موت کے خوف سے پھانسی کا ایک اور قیدی چل بسا، سینٹرل جیل میانوا لی میں پھانسی کا مجرم تختہ دار پر چڑھنے سے پہلے ہی لقمہ اجل بن گیا۔
میانوالی سینٹرل جیل میں سزائے موت کا مجرم دل کا دورہ پڑنے سے ہلاک ہوگیا۔ مذکورہ قیدی لیاقت کی تختہ دار پر چڑھنے سے پہلے ہی موت کے خوف نے جان لے لی۔
پچپن سالہ لیاقت بھکر کا رہائشی تھا۔ چند روز میں پھانسی کے مجرم کی سزا سے پہلے ہی موت کا یہ دوسرا واقعہ ہے۔ اس سے پہلے سکھر جیل میں دس سال سے قتل کے جرم میں قید نظام دین پھانسی ملنے سے پہلے ہی موت کے خوف سے چل بسا تھا۔
اسلام آباد : وزیر اطلاعات سینیٹر پرویز رشید کہتے ہیں کہ اگر ان کے بس میں ہو تو وہ پی ٹی آئی ارکان کے استعفے فوری قبول کر لیں۔
وفاقی وزیراطلاعات نے کہا کہ دھرنےکی ناکامی کاالزام دوسروں کونہ دیاجائےتواچھاہے، سب جانتےہیں یوٹرن کاماہرسیاستدان کون ہے۔
پرویزرشید کا کہنا تھا کہ میرےبس میں ہوتو پی ٹی آئی کےاستعفےفوری قبول کرلوں،عمران خان اب یہ کہیں گےکہ نوازشریف نےعوام کوخریدلیا،عمران خان جھوٹ بولتے وقت ڈرتے بھی نہیں۔
پرویز رشید کا کہنا تھا کہ پی ٹی آئی نے جن کو پارٹی ٹکٹ دیا آج ان کو بکاؤ مال سمجھ رہی ہے ۔ اپنے اراکینِ اسمبلی کے بارے میں یہ رائے ان کے شکی مزاج ہونے کا ثبوت ہے ۔
