میانوالی :وفاقی وزیرِاطلاعات پرویزرشید نے کہا ہے کہ عمران خان بتائیں کہ چودہ ماہ میں انہوں نے کیا کارکردگی دکھائی ہے۔وفاقی وزیرِپرویزرشید نے میانوالی کا دورہ کیا اس موقع پر میڈیا سے گفتگو کرتے ہوئے انہوں نے عمران خان کو سخت تنقید کا نشانہ بناتے ہوئے کہا کہ عمران خان قوم کوسچ بتادیں انہوں نے استعفیٰ دیا ہے یا نہیں۔
اپنی مرضی کا جلسہ کر لینا اورجومرضی کہہ دینا مداریوں کا کام ہے،انہوں نے کپتان سے سوال کیا کہ وہ بتادیں چودہ ماہ میں انہوں نے خیبرپختونخواہ میں کیا کاکردگی دکھائی ہے۔
پرویزرشیدنے بھارتی اشتعال انگیزی کے متعلق کہا کہ وطنِ عزیزکی عزت پرآنچ نہیں آنےدیں گے بھارتی جارحیت کا بین الاقوامی محاذ پربھی مقابلہ کرینگے۔
