معروف اداکاروں کے ہم شکل ہونا تو عام بات ہے، لیکن اگر ان سے مشابہت رکھنے والے افراد کی موجودگی کئی صدیاں پہلے پائی گئی ہو، اور وہ کسی قدیم کتاب، مجسمے یا کسی یادگار میں مل جائے تو یقیناً یہ ایک حیرت انگیز بات ہے۔
ایسا ہی ایک حیرت انگیز دعویٰ کرنے والی ویڈیو یوٹیوب پر دیکھی جارہی ہے جس میں ویڈیو بنانے والے نے شخص نے دعویٰ کیا ہے کہ موجودہ دور کے کئی معروف فنکار صدیوں قبل بھی موجود تھے۔
اس صارف کے مطابق شکاگو کے فیلڈ میوزیم میں نصب ایک قدیم مصری مجسمے کی شکل آنجہانی گلوکار مائیکل جیکسن سے مماثل ہے۔
گویا کئی صدیوں پہلے قدیم مصر میں اس شکل کا کوئی شخص موجودہ مائیکل جیکسن ہی کی طرح اس قدر مقبول تھا کہ اس کا مجسمہ تراش دیا گیا۔
مزید پڑھیں: ڈونلڈ ٹرمپ کا 700 سال قدیم مجسمہ
ویڈیو میں معروف ہالی ووڈ اداکار نکولس کیج کا ہم شکل بھی دکھایا گیا جو کم از کم 2 صدیاں قبل اس دنیا میں موجود تھا۔
نکولس کیج سے حیرت انگیز مشابہت رکھنے والے اس شخص کی تصویر سنہ 2011 میں سامنے آئی۔ یہ تصویر سنہ 1870 کی ہے۔
جس شخص کے پاس یہ نایاب تصویر موجود تھی اس کا کہنا تھا کہ تصویر میں موجود شخص نکولس کیج ہی ہے، اور نکولس دراصل کوئی مافوق الفطرت مخلوق ہے جو 2 صدیوں سے تاحال زندہ ہے۔
اب اس شخص کا دعویٰ صحیح ہے یا غلط، تاہم ان صدیوں پرانے افراد کی موجودہ دور کے افراد سے مماثلت یقیناً باعث حیرت ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
