Tag: militants

  • داعش کے خلاف لڑنے والے برطانوی فوجی کو ترکی میں سزا

    داعش کے خلاف لڑنے والے برطانوی فوجی کو ترکی میں سزا

    انقرہ : برطانوی فوجی کو داعش کے خلاف برسرپیکار کردش فورسز میں شمولیت کے الزام پر ترکی کی عدالت نے 7 برس قید کی سزا سنا دی۔

    تفصیلات کے مطابق ترکی کی عدالت نے شام کی دہشت گرد تنظیم داعش کے خلاف لڑنے والی کرد فورسز کا رکن بننے کے الزام پر 25 سالہ برطانوی فوجی رابنسن کو قید کی سزا دی۔

    برطانوی فوجی کی والدہ نے مقامی میڈیا کو بتایا کہ میرے بیٹے رابنسن کو سنہ 2017 میں کردش فورسز کے مسلح گروپ وائے پی جی میں شمولیت اختیار کرنے پر گرفتار کیا گیا تھا۔

    خیال رہے کہ کردش فورسز کے وائے پی جی گروپ کو ترکی میں کالعدم و دہشت گرد تنظیم قرار دیا گیا ہے۔

    برطانوی خبر رساں ادارے کا کہنا ہے کہ ترکی کی عدالت نے جوئے رابنسن کو 7 برس قید کی سزا سنائی تاہم وہ ضمانت پر ہیں اور روبنسن نے عدالتی فیصلے کے خلاف اپیل دائر کرنے کا فیصلہ کیا ہے۔

    برطانوی فوجی کی والدہ کا کہنا ہے کہ روبنسن کی گرفتاری کی تصدیق برطانیہ کے دفتر خارجہ کی تھی، ’یہ انتہائی افسوسناک صورت حال ہے جو میری سمجھ سے بالاتر ہے‘۔

    غیر ملکی خبر رساں ادارے کا کہنا تھا کہ برطانوی فوجی نیٹو فورسز کے ہمراہ کچھ وقت افغانستان جنگ میں بھی گزار چکا ہے، رابنسن کو حراست میں لیے جانے کے بعد 4 ماہ تک جیل میں قید رکھا گیا تھا، جنہوں نے نومبر میں ضمانت پر رہائی پائی تھی۔

    برطانوی خبر رساں ادارے مطابق ضمانت پر رہائی پانے والی برطانوی فوجی کو ترکی چھوڑنے کی اجازت نہیں ہے۔

  • غربت کے سبب افریقی نوجوان شدت پسند بن رہے ہیں

    غربت کے سبب افریقی نوجوان شدت پسند بن رہے ہیں

    رسلز : اقوام متحدہ کا کہنا ہے کہ افریقی ممالک میں غربت اور بے روزگاری کی وجہ سے نوجوان شدت پسندی کی جانب مائل ہو رہے ہیں۔

    اقوام متحدہ کی جانب سے صومالیہ، نائجیریا، کینیا، سوڈان، نائجر اور کیمرون میں سرگرم عسکری گروپوں کے تقریبا 5 سو اراکین کے انٹرویو کے بعد کہا گیا ہے کہ گزشتہ کئی برسوں سے افریقہ میں عسکری کارروائیاں کرنے والے گروپوں میں اضافہ غربت اور بے روزگاری کی باعث ہوا ہے۔

    یاد رہے کہ براعظم افریقہ دنیا کا دوسرا بڑا اعظم ہونے کے علاوہ دنیا کا دوسرا سب سے زیادہ آبادی والا براعظم بھی ہے۔

    نائیجیریامیں بوکوحرام کا مسجد پرحملہ‘100 افراد ہلاک

    افریقا کے نمایاں شدت پسند گروہوں میں القائدہ افریقا‘ بوکو حرام‘ الشباب‘ انصار الشریعہ اور البرکات جیسے گروہ شامل ہیں ‘ ان میں سے بوکو حرام اپنی سفاکانہ کارروائیوں کے ساتھ سرفہرست ہے ‘ جس نے ایک طویل عرصے تک نائجیریا میں دہشت اور بربریت کا باز ار گرم رکھا تاہم اب وہاں کی حکومتی فورسز کی کارروائیوں کے نتیجے میں یہ تنظیم دفاعی جنگ لڑنے تک محدود ہوگئی ہے‘ دوسری جانب عراق اور شام میں برسرِ پیکار داعش نے بھی افریقا میں اپنے پنجے گاڑنا شروع کردیے ہیں ۔

    غربت کی شرح زیادہ ہونے کے سبب افریقہ کے 5 سے 14 سال کی درمیانی عمر کے 40 فیصد بچے مزدوری کرتے ہیں اور ان کا شمار چائلڈ لیبر میں ہوتا ہے‘ ان کی اوسط آمدن بھی انتہائی کم ہوتی ہے ۔یہی بچے دہشت گرد تنظیموں کا آسان شکار ہوتے ہیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • سکھر:50  جرائم پیشہ افراد ہتھیار ڈال کرقومی دھارے میں شامل

    سکھر:50 جرائم پیشہ افراد ہتھیار ڈال کرقومی دھارے میں شامل

    سکھر : اندرون سندھ میں دہشت کی نشانی بنے  50دہشتگردوں اور جرائم پیشہ افراد نے ہتھیار ڈال کر قومی دھارے میں شامل ہوگئے۔

    تفصیلات کے مطابق کچے کے علاقوں میں دہشت پھیلانے والے پچاس ڈاکوؤں نے جرائم کی دنیا کو خیر آباد کہہ دیا اور ہتھیار ڈال کر قومی دھارے میں شامل ہو گئے، ہتھیار ڈالنے والوں نے بھاری تعداد میں اسلحہ شہباز رینجرز کے حوالے کردیا ۔

    ہتھیار ڈالنے والوں کا تعلق کشمور، گھوٹکی، جیکب آباد اور شکار پور سے ہے۔

    سیکٹر کمانڈنٹ شہباز رینجرز کرنل امتیاز حسین نے تمام ہتھیار ڈالنے والے تمام افراد کو اجرک پہنائی۔


    مزید پڑھیں :  مختلف کالعدم تنظیموں کے 400فراریوں نے ہتھیارڈال دیئے


    رینجرز کے ترجمان کے مطابق انہوں نے قومی دھارے میں دوبارہ شامل ہونے اور دہشتگردی کی کارروائیاں چھوڑ دینے کا عہد کیا، یہ دہشتگرد اغواء برائے تاوان، قتل اور دیگر گھناؤنے جرائم میں ملوث تھے۔

  • سیکیورٹی فورسز پر حملوں میں ملوث تین دہشت گرد تختۂ دار کے حوالے

    سیکیورٹی فورسز پر حملوں میں ملوث تین دہشت گرد تختۂ دار کے حوالے

    اسلام آباد:سیکیورٹی فورسز پر حملے میں ملوث تین دہشت گردوں کو فوجی عدالتوں کی سزا کے تحت پھانسی دے دی گئی، دہشت گردوں کو ہائی سیکیورٹی جیل ساہیوال میں پھانسی دی گئی.

    پاک افواج کے شعبہ تعلقات عامہ آئی ایس پی آر کے مطابق فوجی عدالتوں سےسزا پانے والے مزید 3 دہشت گردوں کو پھانسی دے دی گئی ہے، ان تین دہشت گردوں کو ہائی سیکیورٹی جیل ساہیوال میں پھانسی دی گئی ہے.

    پھانسی پانے والوں میں سید زمان‘ شوالے اورمحمد ذیشان شامل ہیں، تینوں دہشت گرد سیکیورٹی اداروں کے اہلکاروں پرحملوں میں ملوث تھے۔

    آئی ایس پی آرنے مزید تفصیلات فراہم کرتے ہوئے بتایا کہ سیدزمان اورذیشان کاتعلق کالعدم حرکت الجہاد اسلامی سے تھا، شوالے کا تعلق کالعدم تحریک طالبان سےتھا، تینوں دہشت گردوں نےاپنےجرائم کااعتراف کیا تھا۔

    فوجی عدالتوں کا قیام

    واضح رہے کہ آئی ایس پی آر کے اعداد و شمار کے مطابق فوجی عدالتوں نے حکومت کی جانب سے مقرر کردہ دو سالہ مدت کے دوران 274 مقدمات کی سماعت مکمل کرنے کے بعد فیصلے سنائے ہیں، جن میں سے 161 مقدمات میں مجرموں کو سزائے موت سنائی گئی اور 113 مقدمات میں مجرموں کو قید کی سزا ہوئی۔

    یاد رہے کہ 16 دسمبر 2014 کو سانحہ پشاور کے بعد سیاسی جماعتوں نے اتفاق رائے کے تحت آئین میں ترمیم کرکے فوجی عدالتوں کے قیام کی راہ ہموار کی تھی تاکہ ملک سے مکمل طور پر جلد از جلد دہشت گردی کا خاتمہ کیا جائے.