ماسکو: سائبیریا میں روس، چین، بھارت کی مشترکہ فوجی مشقیں جاری ہیں۔
تفصیلات کے مطابق سائبیریا میں روس، چین، بھارت اور دیگر ممالک کی مشترکہ فوجی مشقیں عروج پر ہیں، جن میں جدید جنگی طیارے، ہیلی کاپٹر، طیارہ بردار بحری جہاز اور ٹینک شریک ہیں۔
مشترکہ مشقوں میں چین کے 2 ہزار فوجیوں سمیت 50 ہزار اہل کار مشقوں کا حصہ ہیں۔
روسی وزارت دفاع کا کہنا ہے کہ مشقوں میں روسی فضائیہ کے دستے، طویل فاصلے تک مار کرنے والے بمبار اور فوجی کارگو طیارے بھی حصہ لے رہے ہیں۔
حکام کا کہنا ہے کہ یہ مشقیں جاپانی سمندر کے ساحلی علاقوں میں بھی کی جائیں گی، مشقوں میں آذربائیجان، الجزائر، آرمینیا، بیلاروس اور بھارت شریک ہیں۔
یکم ستمبر کو شروع ہونے والی یہ فوجی مشقیں 7 ستمبر تک جاری رہیں گی۔
