اسلام آباد : صدر مملکت آصف علی زرداری نے فوجی افسران کو اعلیٰ ترین ملٹری اعزاز ’ہلال امتیاز‘ سے نوازا۔
تفصیلات کے مطابق ایوان صدر میں اعلیٰ ترین ملٹری اعزازات دینے کی تقریب منعقد ہوئی۔ صدر مملکت آصف علی زرداری نے فوجی افسران کو اعزازات دیے، تقریب میں 41 ہلال امتیاز (ملٹری) کے اعزازات دیے گئے۔
کپتان عبدالولی شہید کے لیے ستارہ بسالت کا اعزاز ان کے والد نے وصول کیا، لیفٹیننٹ جنرل محسن قریشی، ایئرمارشل عبدالمعید خان کو ہلال امتیاز (عسکری) دیا گیا، ایئر مارشل طارق ضیا، ایئر مارشل غلام عباس گھمن کو ہلال امتیاز (ملٹری) سے نوازا گیا۔
جن دیگر افسران کو ہلال امتیاز سے نوازا گیا ان میں میجر جنرل شعیب احمد، میجر جنرل نصیر احمد, ریئرایڈمرل حبیب الرحمان، میجر جنرل شازیہ نثار میجرجنرل اعجازغنی،میجرجنرل ندیم احمدرانا شامل ہیں۔
اس کے علاوہ میجرجنرل وسیم احمد خان، میجر جنرل ارشد نسیم، ریئر ایڈمرل سید احمد سلمان، میجر جنرل ارشد محمود میجر جنرل محمد عاطف منشا، میجر جنرل جاوید دوست چانڈیو کو ہلال امتیاز(عسکری)دیاگیا۔
میجرجنرل محمد عرفان خان، میجرجنرل آصف حسین اور میجر جنرل شہریار پرویز بٹ،ایئر وائس مارشل ظفراسلام کو بھی ہلال امتیاز(عسکری) سے نوازا گیا۔
