کراچی : شہر قائد میں دودھ کی قیمت میں اچانک 46 روپےاضافہ کردیا گیا جس کے بعد ایک لیٹردودھ 140روپےمیں فروخت ہونے لگا، دودھ کی قیمتوں میں غیرقانونی اضافے کی خبر پر کمشنر کراچی نے سختی سے نوٹس لیتے ہوئے کارروائی کی ہدایت کردی۔
تفصیلات کے مطابق شہر قائد میں دودھ فروشوں کی من مانیاں جاری ہیں، کراچی میں دودھ کی قیمتوں میں ازخود اضافہ کرتے ہوئے140روپے فی لیٹر میں فروخت جاری ہے۔
کمشنر کراچی افتخار شہلوانی نے دودھ کی فی لیٹر قیمت میں اضافے پر سخت کارروائی کی ہدایت دے دی، اس حوالے سے ذرائع کا کہنا ہے کہ مہنگے داموں دودھ فروخت کرنے والوں کے خلاف سزا اور جرمانے کا فیصلہ کیا گیا ہے۔
کمشنر کراچی نے کہا ہے کہ شہری سرکاری نرخ94روپے فی لیٹر کے حساب سے دودھ خریدیں، مہنگا دودھ فروخت کرنے والوں کیخلاف کارروائی کیلئے ٹیمیں مختلف علاقوں میں روانہ کردی گئی ہیں۔
کمشنر کراچی نے کہا کہ 46روپے فی کلو اضافہ کرنے پر کارروائی کی ہدایت دے دی ہے ، دودھ کی 94 فی لیٹر قیمت ہے اسی پر ہی فروخت کی جائے۔
