ARYNews.tv | Urdu – Har Lamha Bakhabar

Tag: Minar e Pakistan incident

  • گریٹر اقبال پارک بد سلوکی واقعہ، عائشہ اکرم نے 12ملزمان کو شناخت کر لیا

    گریٹر اقبال پارک بد سلوکی واقعہ، عائشہ اکرم نے 12ملزمان کو شناخت کر لیا

    لاہور : گریٹر اقبال پارک واقعہ میں گرفتار 104ملزمان میں سے عائشہ اکرم نے 12ملزمان کو شناخت کر لیا ، باقی 56 ملزمان کی شناخت پریڈ کا عمل بعد میں مکمل کرایا جائے گا۔

    تفصیلات کے مطابق گریٹر اقبال پارک واقعے میں گرفتار افراد کی شناخت کا عمل جاری ہے ، عائشہ اکرم ملزمان کی شناخت کیلئے کیمپ جیل پہنچیں ، عائشہ اکرم کو لاری اڈا پولیس سیکیورٹی میں کیمپ جیل لائی۔

    گرفتار 104 ملزمان کی شناخت پریڈ کو مکمل کیا گیا ، جس میں سے عائشہ اکرم نے 12 ملزمان کو شناخت کرلیا ، انھوں نے مجسٹریٹ کی موجودگی میں ملزمان کی شناخت کی، ملزمان کی شناخت پریڈ کے موقع پر جیل حکام بھی موجود تھے۔

    ملزمان کی شناخت کے بعد پولیس عائشہ اکرم کو جیل کے عقبی دروازےسے لیکر روانہ ہوگئی ، جیل حکام کا کہنا تھا کہ باقی 56 ملزمان کی شناخت پریڈ کاعمل بعد میں مکمل کرایا جائے گا۔

    دوسری جانب کیمپ جیل میں مینار پاکستان واقعےپر گرفتارافراد کی شناخت پریڈ کے موقع پر ورثا نے کیمپ جیل کے باہر احتجاج کیا ، مظاہرین کا کہنا تھا کہ ہمارے بے گناہ بچوں کو پکڑا گیا ہے۔

  • گریٹراقبال پارک واقعہ: ڈی آئی جی اور ایس ایس پی آپریشنز کو معطل کرنے کا فیصلہ

    گریٹراقبال پارک واقعہ: ڈی آئی جی اور ایس ایس پی آپریشنز کو معطل کرنے کا فیصلہ

    لاہور : وزیراعلیٰ پنجاب عثمان بزدار گریٹراقبال پارک واقعے میں غفلت برتنے پر ڈی آئی جی آپریشنز اور ایس ایس پی آپریشنز کو معطل کرنےکافیصلہ کرلیا اور ایس پی سٹی اور ڈی ایس پی اورایس ایچ اولاری اڈہ کوبھی ہٹانے کا حکم دیا۔

    تفصیلات کے مطابق وزیراعلیٰ پنجاب عثمان بزدار کی سربراہی میں سیکیورٹی سےمتعلق اجلاس ہوا ، جس میں ملک اسدکھوکھرکے بھائی کے قتل اور گریٹراقبال پارک واقعےپربریفنگ دی گئی.

    ذرائع کا کہنا ہے کہ اجلاس میں واقعےمیں پولیس کی غفلت کا جائزہ لیا گیا ، جس کے بعد ڈی آئی جی آپریشنز اور ایس ایس پی آپریشنز کو معطل کرنے کا فیصلہ  کیا گیا ، افسران کی معطلی کے لئےوفاقی حکومت کوخط لکھاجائے گا۔

    وزیراعلیٰ پنجاب نے ایس پی سٹی اور ڈی ایس پی اورایس ایچ اولاری اڈہ کوبھی ہٹانے کا حکم دیتے ہوئے کہا ملزمان کوسخت سےسخت سزادی جائے۔

    دوسری جانب ترجمان پنجاب فیاض الحس چوہان نے کہا ہے کہ حکومت گریٹراقبال پارک واقعہ،20ملزمان کوگرفتارکیاجاچکاہے اور پنجاب پولیس نادراکی مدد سے  بقیہ ملزمان کوٹریس کر رہی ہے۔

    فیاض الحس چوہان کا کہنا تھا کہ ملوث ملزمان کےخلاف دفعہ354اےکےتحت کارروائی کی جا رہی ہے، تعزیرات پاکستان کی دفعہ 354اے میں سزا عمر قیدیاسزائے موت ہے، معاشرےکی اجتماعی بہتری کےلیےکیسزکوجلدانجام تک پہنچاناضروری ہے، وزیر اعلیٰ پنجاب کی ہدایت پرکیس کوترجیحی بنیادوں پردیکھاجارہاہے۔

  • مینارِ پاکستان واقعہ ، ‘ویڈیوز کے زریعے ملزمان کی شناخت نادرا سے کرائی جائے گی’

    مینارِ پاکستان واقعہ ، ‘ویڈیوز کے زریعے ملزمان کی شناخت نادرا سے کرائی جائے گی’

    لاہور : معاون خصوصی ڈاکٹر شہباز گل کا کہنا ہے کہ مینار پاکستان واقعے میں ملوث ملزمان کی ویڈیوز کے ذریعے نادرا سے شناخت کرائی جائے گی، قانون ہر صورت ملوث ملزمان کو سخت ترین سزائیں دے گا۔

    تفصیلات کے مطابق معاون خصوصی ڈاکٹر شہباز گل نے سماجی رابطے کی ویب سائٹ ٹوئٹر پر مینار پاکستان واقعے کے حوالے سے بتایا کہ اعلی پولیس افسران لاہور واقعے کی ویڈیوز کا جائزہ لے چکےہیں ، ویڈیوز سے ملزمان کی شناخت نادرا سے کرائی جائے گی، عاشور کی وجہ سے نادرا کے دفاتر بند ہیں ، نادرا سے رابطہ کر کے اس پر فوری کام شروع کیا جائے گا، قانون ہر صورت ملوث ملزمان کو سخت ترین سزائیں دے گا۔

    دوسری جانب سینیٹر فیصل جاوید نے سماجی رابطے کی ویب سائٹ ٹوئٹر پر اپنے بیان میں کہا مینارپاکستان پر پیش آنیوالےواقعےکےمجرموں کوسخت سزادی جائے گی ، وزیراعظم اسطرح کےوحشیانہ سلوک کوقطعا برداشت نہیں کریں گے۔

    گورنرپنجاب چوہدری سرور نے گریٹراقبال واقعہ کو شرمناک اور قابل مذمت قرار دیتے ہوئے کہا خاتون پرتشددمیں ملوث افرادانجام سے بچ نہیں سکیں گے، خواتین ملک وقوم کی عزت ہیں ان کا ہر صورت تحفظ کیا جائے گا ، خواتین کی مضبوطی سے پاکستان مضبوط ہوگا تاہم خواتین کیساتھ مظالم کو کسی صورت برداشت نہیں کیاجائے گا۔