Tag: minhaj qazi

  • نائن زیروپر دہشت گردوں کو پناہ دینے کے کیس کی سماعت، مفرور ملزمان کے وارنٹ جاری

    نائن زیروپر دہشت گردوں کو پناہ دینے کے کیس کی سماعت، مفرور ملزمان کے وارنٹ جاری

    کراچی : انسداد دہشت گردی کی عدالت میں ایم کیو ایم کے مرکز 90 پر دہشت گردوں کو پناہ دینے کی سماعت ، عدالت نے مفرور ملزمان کے ناقابل ضمانت گرفتاری کے وارنٹ جاری کردیے۔

    تفصیلات کے مطابق ایم کیو ایم کے مرکز 90 پر دہشت گردوں کو پناہ دینے کے الزام میں رہنماء عامر خان اور ملزم منہاج قاضی کو عدالت میں پیش کیا گیا، دوران سماعت تفتیشی افسر نے عدالت نے مفرور ملزمان کے خلاف کارروائی کرنے کے لیے وقت طلب کیا۔

    عدالت نے ملزمان کے ناقابل ضمانت گرفتاری کے وارنٹ جاری کرتے ہوئے اگلی سماعت پر تینوں ملزمان نعیم اللہ، شہزاد ملا اور عمران نیاز کو عدالت میں پیش کرنے کا حکم دیا۔

    واضح رہے ایم کیو ایم کے رہنماء عامر خان کو دو سال قبل رینجر ز نے چھاپے کے دوران 90 سے گرفتار کیا تھا، عامر خان پر الزام ہے کہ انہوں نے 90 کے اطراف میں سنگین جرائم میں ملوث افراد کو پناہ دی رکھی تھی اور انہیں تحفظ فراہم کرتے تھے۔

    دوسری جانب نائن زیرو کے سیکورٹی انچارج منہاج قاضی نے بھی مبینہ طور پر نشاندہی کی ہے کہ مرکز کے اطراف کی گلیوں کی میں دہشت گرد رہائش پذیر تھے، اس کے علاوہ انہوں نے مبینہ طور پر  سابق ایم ڈی کے ای ایس سی کو قتل کرنے کا اعتراف بھی کیا ہے۔

    مزید پڑھیں : شاہد حامد قتل کیس : منہاج قاضی عدالتی تحویل میں جیل روانہ

     یاد رہے شاہد حامد قتل کیس میں صولت مرزا نامی شخص کو تختہ دار پر لٹکایا جاچکا ہے، مقتول کی اہلیہ اور بیٹے نے صولت مرزا نامی مجرم کو کمرہ عدالت شناخت کیا تھا بعد ازاں کیس میں پیشرفت ہونے کے بعد مقتول کے اہل خانہ نے منہاج قاضی کو بھی شناخت کر کے عدالت میں مؤقف اختیار کیا ہے کہ ’’ملزم منہاج قاضی گاڑی کے پاس موجود تھا تاہم ہم اُس کی شکل نہیں دیکھ سکے مگر قد کاٹ کے حساب سے یہی شخص معلوم ہوتا ہے‘‘۔

    یہ بھی پڑھیں :  ملزمان کا بیان نشر ہونا غیر قانونی ہے، چوہدری نثار

     علاوہ ازیں ملزم منہاج قاضی کی تفیتش کے دوران ایک خفیہ ویڈیو منظر عام پر آئی تھی ، جس میں  ملزم نے حکیم سعید قتل کے حوالے سے اہم انکشافات کیے تھے، ویڈیو کے منظر عام پر آنے کے بعد ایم کیو ایم کی جانب سے شدید تحفظات کا اظہار کیا گیا جس پر وفاقی وزیر داخلہ نے نوٹس لیتے ہوئے اداروں کو خبردار کیا کہ دورانِ تفتیش اس طرح کی خفیہ ویڈیوز کی تشہیر سے کیس کمزور ہوتا ہے اور یہ عمل غیر اخلاقی و غیر قانونی ہے۔
  • آرمی چیف، وزیر اعظم منہاج قاضی کے بیان کا نوٹس لیں، فاروق ستار

    آرمی چیف، وزیر اعظم منہاج قاضی کے بیان کا نوٹس لیں، فاروق ستار

    کراچی : متحدہ قومی موومنٹ کے ڈپٹی کنوینر ڈاکٹر فاروق ستار نے آرمی چیف جنرل راحیل شریف اور وزیر اعظم میاں نواز شریف سے منہاج قاضی کے ویڈیو بیان کا نوٹس لینے کا مطالبہ کیا ہے۔

    انہوں نے کہا کہ ایم کیو ایم پر الزامات غیرقانونی اور غیرآئینی ہیں، ان خیالات کا اظہار انہوں نے نائن زیرو پر وکلاء کے ہمراہ پریس کانفرنس سے خطاب کرتے ہوئے کیا.

    ڈاکٹر فاروق ستار کا کہنا ہے کہ انیس سو اٹھانوے میں حکیم محمد سعید کے قتل کے بعد پھر ایم کیوایم کا میڈیا ٹر ائل کیا جا رہا ہے.

    انہوں نے کہا کہ اس کیس میں پکڑے گئے ایم کیو ایم کے کارکنان الزامات ثابت نہ ہونے پرباعزت بری ہو گئے تھے، فاروق ستار نے کہا کہ ایم کیو ایم کو تنہا کرنے کے لئے پرانے الزامات لگائے جارہے ہیں اور نائن زیرو کے سابق سیکیورٹی انچارج منہاج قاضی نے رینجرز کی تحویل میں الزامات لگائے جسے یکسر مسترد کرتے ہیں۔

    ان کا کہنا تھا کہ اس ویڈیو کے پس پردہ عوامل اور مقاصد کا جائزہ لے رہے ہیں، ڈاکٹر فاروق ستار نے کہا کہ جنرل راحیل شریف اور وزیر اعظم سے مطالبہ کرتے ہیں کہ منہاج قاضی کے ساتھ خالد شمیم کے ویڈیو بیانات کا نوٹس لیا جائے ۔

    زور زبردستی اور تشدد کرکے زیرحرست ملزمان سے ایسے بیانات لینا کوئی مشکل کام نہیں۔ ان کا کہنا تھا کہ جو کچھ بھی ہو رہا ہے اس کا اچھا تاثر نہیں آئے گا، اس پر اداروں کو سوچنا چاہیئے۔

    ڈاکٹر فاروق ستار نے سپریم کورٹ سے بھی اپیل کی کہ وہ متحدہ قومی موومنٹ پر لگائے گئے الزامات پر ازخود نوٹس لے۔

     

  • شاہد حامد قتل کیس : منہاج قاضی عدالتی تحویل میں جیل روانہ

    شاہد حامد قتل کیس : منہاج قاضی عدالتی تحویل میں جیل روانہ

    کراچی : سابق ایم ڈی کے ای ایس سی شاہد حامد کے قتل میں ملوث ملزم منہاج قاضی کو عدالتی تحویل میں جیل بھیجنے کا حکم دے دیا گیا۔

    تفصیلات کے مطابق شاہد حامد قتل کیس کے شریک ملزم منہاج قاضی کو انسداد دہشت گردی کی عدالت میں پیش کیا گیا، تفتیشی افسر نے عدالت کو بتایا کہ ملزم منہاج قاضی سے تفتیش مکمل کرلی گئی ہے۔

    عدالت نے ملزم منہاج قاضی کا چالان چودہ روز میں جمع کرانے کا حکم دیتے ہوئے ملزم کو عدالتی تحویل میں جیل بھیجنے کا حکم دے دیا۔

    گزشتہ روز ملزم منہاج قاضی کو انتہائی سخت سیکورٹی میں سٹی کورٹ میں پیش کیا گیا تھا جہاں جوڈیشل مجسٹریٹ کے روبرو شاہد حامد کی بیوہ شہناز حامداور ان کے بیٹے عمر شاہد حامد نے ملزم منہاج قاضی کو شناخت کیا تھا۔

    عمرشاہد اور اُن کی والدہ نے عینی شاہدین کے طور پر بتایا تھا کہ ملزم منہاج اُن چار ملزمان میں سے ایک ہے، جس نے شاہد حامد پر فائرنگ کی تھی۔

    یاد رہے کہ مذکورہ کیس کے مرکزی مجرم صولت مرزا کو مچھ جیل میں پھانسی دی جا چکی ہے۔

    صولت مرزا کے ساتھی منہاج قاضی کو بیوہ شاہد حامد نے شناخت کر لیا