ریاض : سعودی وزیر انصاف ڈاکٹر ولید الصمعانی نےعدالتوں کے باہر تنازعات طے کرنے کے لیے ’تراضی‘پلیٹ فارم جاری کیا ہے، ماورائے عدالت تنازعات طے کرنے کے لیے مصالحت مرکز بھی قائم کیا گیا ہے۔
سعودی ذرائع ابلاغ کے مطابق جائزہ جات سے پتہ چلا ہے کہ 70 فیصد تنازعات کو صلح صفائی کے ذریعے عدالت کے باہر ہی
طے کیا جاسکتا ہے بشرطیکہ مقدمے کے فریقوں کو عدالتی سہولتیں میسر ہوں اور صلاح صفائی کا واضح طریقہ کار بھی متعین ہو۔
وزارت انصاف نے سماجی رابطے کی ویب سائٹ ٹوئٹر پر جاری اپنے بیان میں کہا ہے کہ تراضی پلیٹ فارم کے ذریعے تنازعات صلح کی صورت میں ختم کیے جاسکتے ہیں۔
وزارت انصاف نے تراضی پلیٹ فارم کے توسط سے مصالحت کے لیے 9 اقدامات متعین کیے ہیں، اس کے لیے پہلے تراضی پلیٹ فارم پر جاکر صلح آپشن کا انتخاب کریں اور صلح فارم پر کیا جائے۔ درخواست کے تصدیق ہونے کا پیغام اور پھر صلح کی تاریخ کا ایس ایم ایس وصول کیا جائے۔
آن لائن صلح اجتماع میں متعلقہ فریق مصالحت اور مخالفت والے نکات متعین کریں، صلح دستاویز کی منظوری ابشر کے ذریعے دی جائے، صلح دستاویز منظوری دینے والے یونٹ کی توثیق کے بعد جاری ہوگی۔
