ریاض : سعودی وزارت صحت کے ترجمان نے کہا ہے کہ جو لوگ کورونا ویکسینوں کے خلاف افواہیں پھیلا رہے ہیں وہ پورے معاشرے کی صحت و سلامتی کو داؤ پر لگا رہے ہیں۔
ترجمان وزارت صحت نے اطمینان دلایا ہے کہ کورونا ویکسین وائرس سے تحفظ کے لیے ضروری، فعال اور مؤثر ہے۔ پھیلائی گئی افواہوں میں کوئی سچائی نہیں۔
سعودی ذرائع ابلاغ کے مطابق گزشتہ روز پریس بریفنگ میں ترجمان نے کہا کہ کورونا وائرس سے متاثر ہونا خطرناک ہے بعض لوگوں کا یہ دعویٰ کہ اس سے کچھ نہیں ہوتا بالکل غلط ہے۔ ویکسین کے بارے میں من گھڑت باتیں پھیلانے والوں سے ہوشیار رہا جائے۔
اس سوال پر کہ کیا وزارت صحت متعدد امراض میں مبتلا افراد اور مختلف عمر کے لوگوں کو ویکسین سے مستثنیٰ کیا ہے۔
ڈاکٹر العبد العالی نے کہا کہ ماہرین صحت ایسے لوگوں کو کورونا ویکسین کی دوسری خوراک سے استثنی دیے ہوئے ہیں جو پہلی خوراک لینے کے بعد اس سے انتہا درجے متاثر ہوئے ہوں۔ یہ وہ لوگ ہیں جنہیں ویکسین سے غیرمعمولی الرجی ہے۔
انہوں نے کہا کہ اسی طرح وہ لوگ بھی کورونا ویکسین سے مستثنیٰ ہیں جن کا رجسٹرڈ میڈیکل ریکارڈ اس بات کا ہے کہ انہیں کوویڈ ویکسین کے تشکیل میں شامل کسی ایک عنصر سے زبردست الرجی ہے۔
ترجمان نے بتایا کہ بعض عمر کے لوگوں کو ابھی تک کورونا ویکسین سے مستثنی رکھا گیا ہے۔ متعلقہ حکام مستثنی زمروں میں شامل افراد کے حوالے سے ایپلی کیشنز میں اپ ڈیٹ کررہے ہیں۔
