Tag: mirpur azad kashmir

  • خاتون زیادتی کے بعد قتل، ملزمان نے دھوکے سے بلایا

    خاتون زیادتی کے بعد قتل، ملزمان نے دھوکے سے بلایا

    میرپور آزاد کشمیر : تھانہ اسلام گڑھ کی حدود میں خاتون کو زیادتی کے بعد قتل کردیا گیا، پولیس نے دو ملزمان کو گرفتار کرلیا۔

    اس حوالے سے ایس ایس پی میرپور آزاد کشمیر خرم اقبال نے بتایا کہ تھانہ اسلام گڑھ کی حدو درڑاہ بڑجن سے ایک خاتون کی لاش ملی ہے۔

    ایس ایس پی کے مطابق ابتدائی تحقیقات کے دوران 2 ملزمان کو گرفتار کرلیا گیا ہے، دونوں ملزمان نے خاتون سے زیادتی کے بعد قتل کرنے کا اعتراف کرلیا۔

    خاتون کی لاش کو تحویل میں لے کر پوسٹ مارٹم کے لیے اسپتال منتقل کردیا گیا، مقتولہ کا تعلق فیصل آباد سے ہے۔

    ایس ایس پی خرم اقبال کا کہنا ہے کہ ملزمان نے فون کرکے مقتولہ کو فیصل آباد سے اسلام گڑھ کے قریب بلایا تھا۔

    انہوں نے بتایا کہ پولیس نے اطلاع ملنے کے 5 گھنٹے کے دوران دونوں ملزمان کو پلاہل سے گرفتار کرلیا، ملزمان کیخلاف مقدمہ درج کرکے مزید تحقیقات کا آغاز کردیا ہے۔

  • نوجوانوں کو غیر قانونی طور پر یورپ بھیجنے والے 10 ایجنٹ گرفتار

    نوجوانوں کو غیر قانونی طور پر یورپ بھیجنے والے 10 ایجنٹ گرفتار

    میرپور: یونان کشتی حادثے کے بعد حکومت جاگ گئی، نوجوانوں کو غیر قانونی طور پر یورپ بھیجنے والے 10 ایجنٹ گرفتار کر لیے گئے۔

    تفصیلات کے مطابق میرپور آزادکشمیر میں انسانی اسمگلنگ میں ملوث نیٹ ورک کے خلاف آپریشن کا آغاز کر دیا گیا، یونان کے افسوس ناک کشتی حادثے نے انتظامیہ کو جاگنے پر مجبور کر دیا ہے۔

    ڈی آئی جی ڈاکٹر خالد چوہان نے بتایا کہ نوجوانوں کو غیر قانونی طور پر یورپ بھیجنے والے دس ایجنٹ گرفتار کر لیے گئے ہیں، جن کے خلاف تھانہ کھوئی رٹہ میں مقدمہ درج کر لیا گیا۔

    انھوں نے بتایا کہ حادثے کی شکار کشتی میں کھوئی رٹہ کے 24 سے 26 لوگ شامل تھے۔

    گزشتہ روز ایف آئی اے ایمیگریشن نے پاکستانیوں کو غیر قانونی طور پر روانہ کرنے میں ملوث انسانی اسمگلر ایجنٹ ساجد محمود کو بھی گرفتار کیا تھا، ساجد آذربائیجان فرار ہونے کی کوشش کر رہا تھا۔

  • میرپور آزاد کشمیر : 3 بچوں میں  کورونا وائرس کی تصدیق

    میرپور آزاد کشمیر : 3 بچوں میں کورونا وائرس کی تصدیق

    میرپور : آزاد کشمیر میں لاک ڈاؤن کے بعد تعلیمی ادارے کھلتے ہی 3 بچوں میں کورونا وائرس کی تصدیق ہوگئی، کوروناوائرس کے شکار بچوں کی عمریں 10 سے 13 سال کے درمیان ہیں۔

    تفصیلات کے مطابق میرپور آزاد کشمیر میں 2 ہفتے لاک ڈاؤن کے بعد تعلیمی ادارے اور پبلک ٹرانسپورٹ کھل گئے، تعلیمی اداروں میں کوروناایس اوپیزپرعمل کیاجارہا ہے جبکہ شادی ہال، سیاسی ومذہبی اجتماع پر مزید 15دن کیلئے پابندی برقرار رہے گی۔

    دوسری جانب میرپورآزاد کشمیر میں3بچوں میں کوروناوائرس کی تصدیق ہوگئی ہے ،ڈی ایچ او کیو اسپتال کا کہنا ہے کہ کوروناوائرس کے شکار بچوں کی عمریں 10 سے 13سال کے درمیان ہیں۔

    ڈی ایچ او کیو اسپتال نے میرپور میں 27 اور بھمبر میں 18 افراد میں کوروناوائرس کی تصدیق کرتے ہوئے کہا ہے کہ کوروناسے100سے زائد افرادجاں بحق ہوچکےہیں جبکہ 200سے زائد افرادکو گھروں میں قرنطینہ کیاگیاہے۔

    یاد رہے یکم مارچ کو کرونا وائرس کے کیسز میں اضافے کے پیش نظر ڈپٹی کمشنر نے ضلع بھر میں لاک ڈاؤن نافذ کیا تھا،

    ڈپٹی کمشنر بدر منیر کا کہنا تھا کہ لاک ڈاؤن کے دوران میرپور آزاد کشمیر کے تمام تعلیمی ادارے اور پبلک ٹرانسپورٹ بند رہےگی، شادی ہالز بھی ایک ماہ کے لیے بند رکھنے کا حکم جاری کیا گیا ہے۔

    نوٹیفکیشن کے مطابق میرپور آزاد کشمیر میں تمام پبلک پارکس اور کھیلوں کی سرگرمیوں پر بھی پابندی عائد کی گئی ہے۔

    واضح رہے کہ کرونا کے ٹیسٹ مثبت نکلنے کی شرح میں غیر معمولی اضافہ دیکھنے میں آیا، جس پر کمشنر نے دو ہفتے قبل انتظامیہ کو ایس او پیز پر سختی سے عمل کرانے کی ہدایت جاری کی تھی، کمشنر نے ہدایت کی تھی کہ بیرون ملک سے آئے افراد کا گھروں میں قرنطینہ یقینی بنایا جائے، کاروباری مراکز رات 10 بجے بند کرنے کا نوٹیفکیشن بھی جاری کیا گیا تھا۔

  • وزیراعظم عمران خان کاآج میرپور آزادکشمیرمیں تاریخی جلسہ، تیاریاں مکمل

    وزیراعظم عمران خان کاآج میرپور آزادکشمیرمیں تاریخی جلسہ، تیاریاں مکمل

    میرپور : وزیراعظم عمران خان آج میرپور آزادکشمیر میں تاریخی جلسے سے خطاب کریں گے ، جلسے کی تیاریاں مکمل کر لی گئیں ہیں ، عمران خان جنوبی ایشیاکےسب سےبڑےآرفن ہاؤس کورٹ کاافتتاح بھی کریں گے۔

    تفصیلات کے مطابق زیراعظم عمران خان آج میرپورکرکٹ اسٹیڈیم میں کشمیریکجہتی ریلی سے خطاب کریں گے ، کرکٹ اسٹیڈیم میں جلسے کی تیاریاں مکمل کرلیں گئیں ہیں ، وزیراعظم آزادکشمیرراجہ فاروق حیدر عمران خان کا استقبال کریں گے۔

    وزیراعظم عمران خان جنوبی ایشیاکےسب سےبڑےآرفن ہاؤس کورٹ کا افتتاح بھی کریں گے اور کورٹ ایجوکیشنل کمپلیکس جڑی کس میں یتیم بچوں سے ملاقات کریں گے اور ان کے ساتھ کھانا بھی کھائیں گے۔

    گذشتہ روز وزیراعظم عمران خان نے آزادکشمیر قانون ساز اسمبلی سے خطاب کرتے ہوئے کہا تھا کہ قومی ہم آہنگی اور اتفاق رائے کی بات سے متفق ہوں ، بری سے بری جمہوریت بھی آمریت سے بہتر ہے ، پلیز مجھے کرپٹ لوگوں کےساتھ مفاہمت کا نہ کہاجائے ، میں جمہوری انسان ہوں اور جمہوریت پریقین رکھتاہوں۔

    عمران خان کا کہنا تھا کہ  میری کسی سے ذاتی لڑائی نہیں ہے ، قوموں کی ترقی کیلئے شفافیت میرٹ اورقانون کی بالادستی ضروری ہے ، کوئی شک نہیں مشکل وقت سے نکلیں گے اور عظیم قوم بنیں گے۔

    مزید پڑھیں : مودی کے اقدام کے بعد میرا ایمان ہے کشمیر آزاد ہوگا: آزاد کشمیر اسمبلی سے خطاب

    وزیراعظم نے کہا تھا کہ  مودی نے 6ماہ پہلے جو قدم اٹھایا ،میراایمان ہےکشمیر اب آزادہوگا ، 5اگست کو مودی وہ غلطی کربیٹھا ہے جس سے اب پیچھے نہیں ہٹ سکتا، مودی نے اپنی ساری انتخابی مہم پاکستان کے خلاف کی اور اپنی ہندوتوا سوچ اور آرایس ایس کے فلسفے کو اوپر لیکر گیا۔

    ان کاکہنا تھا کہ  پوری کوشش کی ہر فورم پر کشمیر کی صورتحال سے آگاہ کیا، ہر فورم پر آرایس ایس کا فلسفہ بھی دنیا کے سامنے رکھا، تین بار ڈونلڈ ٹرمپ کو سمجھایا کہ کشمیر ایشو کیا ہے ، ایک بار کہنے سے فرق نہیں پڑےگا کیونکہ ان کے بھارت کیساتھ کمرشل مفاد ہیں۔

    عمران خان نے کہا تھا کہ  بھارت میں شہریت متنازع قانون کی وجہ سے تمام اقلیتوں کو خطرہ ہوگیا ہے، آرایس ایس کے غنڈے ہٹلر  کے لوگوں جیسی حرکتیں کررہےہیں ، آج دنیا دیکھ رہی ہے تمام انٹرنیشنل اخباروں میں بھارت کاچہرہ بےنقاب ہوا، دنیا سمجھ گئی ہے ،بھارت کے اندر بھی تحریک شروع ہوچکی ہے۔

    وزیراعظم کا کہنا تھا کہ  تاریخ دیکھ لیں،ہندوتوا جیسی سوچ کی وجہ سے ہمیشہ قتل عام ہواہے، دنیا کشمیر پر ہمارے نکتہ نظر کو  سمجھ رہی ہے ، نفرت انگیز پالیسیوں کےنتیجےمیں ہمیشہ خون خرابہ اور تباہی ہوتی ہے۔

  • میرپور آزاد کشمیر، ضمنی انتخاب: پی ٹی آئی کے بیرسٹرسلطان محمود کی کامیابی

    میرپور آزاد کشمیر، ضمنی انتخاب: پی ٹی آئی کے بیرسٹرسلطان محمود کی کامیابی

    مظفر آباد : آزاد کشمیر اسمبلی کے حلقہ ایل اے تھری میں ہونے والے ضمنی الیکشن میں تحریک انصاف کے امیدوار بیرسٹرسلطان محمود کامیاب قرار پائے، ان کے مد مقابل ن لیگ کے صہیب سعید دوسرے نمبر پر رہے۔

    تفصیلات کے مطابق میرپور آزاد کشمیر کے حلقہ ایل اے تھری میں ضمنی الیکشن کے حتمی نتیجے کا اعلان کردیا گیا، ریٹرنگ افسر نے بتایا کہ پی ٹی آئی کے بیرسٹرسلطان محمود سترہ ہزار چھ سو تہتر ووٹ لے کر کامیاب ہو گئے، ان کے مد مقابل ن لیگ کے صہیب سعید نے چودہ ہزار آٹھ سو تیرہ ووٹ حاصل کیے۔

    ریٹرنگ افسر کے مطابق پی ٹی آئی کے بیرسٹرسلطان محمود17673ووٹ لے کرکامیاب جبکہ ن لیگ کےصہیب سعید نے14813ووٹ حاصل کیے۔

    کامیابی کی خوشی میں پی ٹی آئی کارکنوں نے چوک شہیداں میں جشن منایا اور ڈھول کی تھاپ پر بھنگڑے ڈالے، بیرسٹرسلطان محمود پر پھولوں کی پتیاں نچھاورک یاس موقع پرمٹھائیاں تقسیم کی گئیں۔

    واضح رہے کہ حلقہ ایل اے تھری میں رجسٹرڈ ووٹوں کی تعداد 59494 تھی جس میں مرد ووٹوں کی تعداد 32400 اور خواتین ووٹوں کی تعداد27004تھی۔

    ووٹنگ کاعمل صبح 8 بجے شروع ہوااور شام 5 بجے تک جاری رہا۔ حلقہ بھرمیں کہیں بھی کوئی ناخوشگوار واقعہ پیش نہیں آیا اور پولنگ بلاتعطل اور بغیر کسی وقفے کے جاری رہی۔

  • گھریلو جھگڑے کے بعد خاتون کا بچیوں سمیت اقدام خود کشی، دو جاں بحق

    گھریلو جھگڑے کے بعد خاتون کا بچیوں سمیت اقدام خود کشی، دو جاں بحق

    میرپور آزاد کشمیر : شوہر سے جھگڑے کے بعد خاتون نے پانچ بچیوں سمیت زہریلی گولیاں کھالیں، دو بچیاں دوران علاج دم توڑ گئیں باقی کی حالت تشویشناک ہے۔

    تفصیلات کے مطابق میرپور آزاد کشمیر کے علاقے چوکی سماھنی میں شوہر اور بیوی کے درمیان کسی بات پر جھگڑا ہوگیا، اس دوران بات اتنی بڑھی کہ خاتون ناہید اختر نے دلبرداشتہ ہوکر5بچیوں سمیت زہریلی گولیاں کھالیں۔

    جس کے بعد ان کی حالت غیر ہوگئی، متاثرین کو فوری طور پر میرپوراسپتال منتقل کیاگیا، جہاں دو بچیاں دوران علاج دم توڑ گئیں۔

    جاں بحق ہونے والی بچیوں میں8سال کی حمیدہ،6سال کی تھیلیسیمیا کی مریضہ تحریم شامل ہے، جبکہ دیگر زخمیوں میں دس سال کی ماہ نور،پانچ سال کی عائشہ اوردو ماہ کی حریم کی حالت تشویشناک بتائی جارہی ہے۔

  • میر پور آزاد کشمیر میں گھر کی چھت گرنے سے 3 بچے جاں بحق

    میر پور آزاد کشمیر میں گھر کی چھت گرنے سے 3 بچے جاں بحق

    میر پور آزاد کشمیر: آزاد کشمیر کے علاقے میر پور میں گھر کی چھت گرنے سے 3 بچے جاں بحق جبکہ مزید 2 بچے اور ان کے ماں باپ زخمی ہوگئے۔

    تفصیلات کے مطابق افسوسناک واقعہ میرپور کے علاقے مجاہد ٹاؤن بن خرماں میں پیش آیا جہاں ایک مکان کی چھت گر پڑی۔ حادثے میں 3 بچے جاں بحق ہوگئے۔

    ریسکیو ذرائع کے مطابق مرنے والے بچوں کی عمر 3 سے 13 سال تک تھی۔ واقعے میں بچوں کے ماں باپ اور 2 مزید بچے زخمی بھی ہوئے جنہیں اسپتال منتقل کردیا گیا۔

    ذرائع کے مطابق حادثے کے بعد اہل علاقہ نے جاں بحق بچوں کو اپنی مدد آپ کے تحت نکالا اور زخمیوں کو اسپتال پہنچایا۔

    خیال رہے کہ چند روز قبل صوبہ بلوچستان میں شدید بارشوں کے بعد چھت گرنے کے بھی بے شمار واقعات پیش آئے۔ شدید بارش اور برفباری سے اوتھل میں مکان کی چھت گرگئی جس سے 2 بچیاں جاں بحق جبکہ ایک خاتون اور 7 بچے زخمی ہوگئے۔

    اس سے قبل بلوچستان میں ضلع پشین کے علاقے یعقوب کالونی میں مکان کی چھت گرنے سے 4 بچے جان کی بازی ہار گئے تھے۔ پولیس حکام کے مطابق حادثے میں جاں بحق ہونے والے بچوں کا تعلق ایک ہی خاندان سے تھا۔

  • میرپورآزادکشمیر:سیر کیلئے جانیوالے 3بھائی ڈیم میں ڈوب کرجاں بحق

    میرپورآزادکشمیر:سیر کیلئے جانیوالے 3بھائی ڈیم میں ڈوب کرجاں بحق

    میرپور آزاد کشمیر: منگلا ڈیم کی سیر کے لیے جانیوالے تین بھائی منگلا جھیل میں ڈوب گئے۔

    میرپور آزاد کشمیر کے فاضل چوک کےعلاقے سے ایک ہی خاندان کے چند افراد منگلا جھیل تفریح کے لئے گئے تھے، ان میں سے چودہ سالہ اربازعمر پاؤں پھسلنے سے منگلا جھیل میں جاگرا۔

    جسے بچانے کے لیے دوسرے دو بھائیوں انیس سالہ جہاہزیب عمر اور سترہ سالہ احتشام عمر نے بھی جھیل میں چھلانگ لگا دی لیکن وہ دونوں بھی چھوٹے بھائی کو بچانے کی کوشش میں خود بھی منگلا جھیل میں ڈوب گئے۔

    جاں بحق ہونیوالے تینوں بھائیوں کی لاشوں کو پولیس اور ریسکیو اہلکاروں نے نکال کر ڈسٹرکٹ ہیڈکوارٹر ہسپتال میرپور پہنچا دیا گیا ہے، جہاں سے بعد میں لواحقین کے سپرد کر دیا گیا۔

  • میرپور آزاد کشمیر: سزائے موت کے دو قیدیوں کو پھانسی پر لٹکادیا

    میرپور آزاد کشمیر: سزائے موت کے دو قیدیوں کو پھانسی پر لٹکادیا

    میرپور آزاد کشمیر: سنٹرل جیل میرپور آزاد کشمیر میں قید سزائے موت کے دو قیدیوں کو پھانسی پر لٹکا دیا، کوٹ لکھپت جیل سے جلاد بھی میرپور بلوایا تھا جبکہ گزشتہ شب ورثاء سے آخری ملاقات کروادی گئی تھی۔

    پاکستان کے بعد آزاد کشمیر میں سزائے موت پر عملدرآمد شروع ہوگیا ہے، میرپور آزاد کشمیر کی سینٹرل جیل میں قید دو سزائے موت کے قیدیوں محمد ریاض ولد مظفر ساکن پوٹھی راجگان اور محمد فیاض ولد شفیع ساکن دندی سرائے عالمگیر کو آج پھانسی دیدی گئی۔

    سینٹرل جیل انتظامیہ نے انتظامات مکمل کرنے کے بعد دونوں قیدیوں کے ورثاء سے ان کی آخری ملاقات بھی کروادی تھی۔

    سزائے موت کے مجرمان نے سن دو ہزار پانچ میں سابق صدر سپریم کورٹ بار فضل ربانی کے گھر ڈکیتی کے دوران مزاحمت پر فائرنگ کرکے ان کے بیٹے کو قتل کر دیا تھا، ملزمان نے صدر آزاد کشمیر سردار یعقوب کے پاس بھی رحم کی اپیل کی، جس کو مسترد کر دیا گیا تھا۔

    دونوں قیدیوں کو پھانسی دینے کے لیے کورٹ لکھپت جیل لاہور سے جلاد صابر مسیح سینٹرل جیل میرپور بلوایا تھا۔

    واضح رہے کہ سانحہ پشاور کے بعد وزیرِاعظم نے پھانسی پر عائد پابندی ختم کردی تھی، جس کے بعد اب تک 22 دہشتگردوں کو پھانسی دی جا چکی ہے۔

  • میرپورآزادکشمیر:مسافر بس کوحادثہ، جاں بحق افراد کی تعداد16ہوگئی

    میرپورآزادکشمیر:مسافر بس کوحادثہ، جاں بحق افراد کی تعداد16ہوگئی

    میر پورآزاد کشمیر: مسافر بس حا دثہ کا شکار ہوگئی ، جاں بحق افراد کی تعدادسولہ تک پہنچ گئیں۔

    میر پور سے سماہنی جانے والی مسافر بس حادثے کا شکار ہوگئی، بس میں ساٹھ کے قریب مسافر سوار تھے، حادثے کے بعد امدادی ٹیمیں جائے وقوعہ پر پہنچ گئیں، دشوار گزار راستوں کے باعث رضاکاروں کومشکلات کا سامنا کرنا پڑا، امدادی کارروائیاں جاری ہیں۔

    ہلاک ہونیوالوں اور زخمیوں کو میر پور آزادکشمیر اور بھمبر کے اسپتالوں میں منتقل کیا جاچکا ہے، پولیس نے جائے وقوعہ پر پہنچ کر حادثے کی تحقیقات شروع کردی ہیں۔

    ادھر وزیر اعلی پنجاب شہباز شریف نے قیمتی انسانی جانو ں کے ضیاع پر گہرے دکھ کا اظہار کیا ہے، امیر جماعت اسلامی سراج الحق نے بھی متاثرہ خاندانوں سے دلی ہمدردی اور تعزیت کا اظہار کیا۔