Tag: Mirwaiz Umar Farooq

سری نگر: حریت رہنما میر واعظ عمر فاروق نے کہا ہے کہ بھارت نے یاسین ملک کو غیر قانونی حراست میں رکھا ہوا ہے، ان کی روز بہ روز بگڑتی صحت پر انھیں تشویش ہے۔

تفصیلات کے مطابق میر واعظ عمر فاروق نے ٹویٹ کرتے ہوئے کہا دلی میں قید یاسین ملک کی بگڑتی صحت پر تشویش ہے، یاسین ملک کو دلی کے تہاڑ جیل میں محبوس رکھا گیا ہے۔

حریت پسند کشمیری رہنما نے ایک بار پھر مطالبہ کیا کہ بھارت یاسین ملک کو فوراً مناسب طبی سہولتیں فراہم کرے۔

ان کا کہنا تھا کہ بھارت نے حریت رہنماؤں اور نوجوانوں کو انتقاماً حراست میں رکھا ہوا ہے، بھارت یاسین ملک کو غیر قانونی حراست سے رہا کرے۔

یہ بھی پڑھیں:  مقبوضہ کشمیرمیں بھارتی فوج کی فائرنگ، کشمیری نوجوان شہید

واضح رہے کہ مقبوضہ وادی میں بھارتی فورسز کی جانب سے مظالم کا سلسلہ جاری ہے، آج بارہ مولہ میں قابض فورسز نے فائرنگ کر کے ایک کشمیری نہتے نوجوان کو زندگی سے محروم جب کہ ایک زخمی کو گرفتار کر لیا۔

کشمیری میڈیا کے مطابق بھارتی فورسز نے علاقے میں دہشت گردی کے بعد غیر اعلانیہ کرفیو بھی نافذ کیا، اور حسب معمول انٹرنیٹ اور موبائل فون سروس بھی بند کی گئی۔

انڈین فوجیوں نے علاقے میں گھر گھر تلاشی بھی لی، اور اس بہانے خواتین اور بچوں کو گھروں سے نکال دیا۔

یاد رہے کہ مقبوضہ کشمیر میں بھارتی فوجیوں نے ریاستی دہشت گردی کی جاری کارروائیوں کے دوران گزشتہ ماہ جون میں 28 کشمیریوں کو شہید کیا تھا۔

سری نگر: کشمیری حریت رہنما میرواعظ عمرفاروق کا کہنا ہے کہ پاکستان اوربھارت تناؤ کے خاتمے کے اقدامات کریں۔

تفصیلات کے مطابق کشمیری رہنما میر واعظ عمر فاروق نے سماجی رابطے کی ویب سائٹ ٹویٹر پر اپنے پیغام میں کہا کہ ایل اوسی پرجانی ومالی نقصان، نقل مکانی باعث تشویش ہے۔

میرواعظ عمر فاروق نے کہا کہ پاکستان اوربھارت تناؤکے خاتمے کے اقدامات کریں، دونوں ملک مسئلہ کشمیرپر فیصلہ کن بات چیت کا آغاز کریں۔

لاین آف کنٹرول پر دنوں اطراف سے شدید گولہ بھاری کے نتیجے میں جانی و مالی نقصان کیساتھ ساتھ بڑی تعداد میں آبادی کی نقل مکانی بےحد تشویش کا باعث۔ ہندوپاک قیادت کو چاہٕےکہ وہ مساٸل کے حل اور تناٶ کے خاتمےکےلٕے جلد اقدامات اٹھاٸیں۔اور مسلہ کشمےپر فیصلہ کن بات چیت کا آغاز کریں

— Mirwaiz Umar Farooq (@MirwaizKashmir) March 3, 2019

یاد رہے کہ گزشتہ روز پاکستان کی جانب سے امن کے پیغام کے بعد بھی بھارت نے جنگی جنون کا مظاہرہ کرتے ہوئے ایل اوسی پرفائرنگ وگولہ باری کی تھی جس کے نتیجے میں پاک فوج کے 2 جوان سمیت دو پاکستانی شہری شہید ہوگئے تھے۔

بھارتی فوج کی بلااشتعال فائرنگ، پاک فوج کے 2 جوان شہید

آئی ایس پی آر کے مطابق شہید ہونے والے دونوں جوان شہری آبادی پرفائرنگ کے جواب میں بھارتی چوکیوں کو نشانہ بنا رہے تھے۔

سری نگر: کشمیری حریت رہنما میرواعظ عمرفاروق کا کہنا ہے کہ بھارتی جیلوں میں کشمیری قیدی غیرمحفوظ ہیں۔

تفصیلات کے مطابق سماجی رابطے کی ویب سائٹ ٹویٹر پرکشمیری رہنما میرواعظ عمرفاروق نے اپنے پیغام میں کہا کہ جے پورکی جیل میں پاکستانی قیدی کا قتل قابل مذمت ہے۔

کشمیری حریت رہنما نے کہا کہ بھارتی جیلوں میں کشمیری قیدی غیرمحفوظ ہیں، خاندان پریشان ہیں کشمیری قیدیوں کوکشمیرمنتقل کیا جائے۔

After the condemnable killing of Pakistani prisoner by his inmates in #JaipurJail,Kashmiri inmates in jails across India are unsafe,their families are worried and demand their immediate shifting to Kashmir jails. Authorities should pay heed & do the needful to ensure their safety

— Mirwaiz Umar Farooq (@MirwaizKashmir) February 21, 2019

میرواعظ عمرفاروق نے کہا کہ حکام ان کی بات سنیں اورقیدیوں کی حفاظت یقینی بنائیں۔

مقبوضہ کشمیرمیں کرفیو نافذ : انتہا پسندوں نے مسلمانوں کی املاک جلا ڈالیں

یاد رہے کہ گزشتہ ہفتے کشمیری رہنما میرواعظ عمر فاروق نے سوشل میڈیا پر جاری ایک پیغام میں کہا تھا کہ کرفیو کے باوجود جموں اور بھارت کے مختلف شہروں میں مقیم کشمیری، طلباء، تاجر پیشہ افراد پرفرقہ پرست عناصر کی جانب سے جان لیوا حملے اوران کے مال وجائیداد کو نقصان پہنچانے کے واقعات انتہائی افسوس ناک اور قابل مذمت ہیں۔

واضح رہے کہ 14 فروری کو مقبوضہ کشمیر کے علاقے پلواما میں ہونے والے دھماکے میں 44 بھارتی فوجی مارے گئے تھے۔ واقعے کے بعد قابض فورسز نے متعدد کشمیریوں کو گرفتار کرلیا تھا۔

سری نگر: کشمیری حریت رہنما میرواعظ عمرفاروق کا کہنا ہے کہ آج ایک اورشہری کو بھارتی فوج نے گھرمیں شہید کردیا۔

تفصیلات کے مطابق سماجی رابطے کی ویب سائٹ ٹویٹرپراپنے پیغام میں میرواعظ عمرفاروق نے کہا کہ بھارتی فوج نے کشمیری سمیر احمد بٹ کو شہید کردیا۔

انہوں نے کہا کہ شہید کشمیری کے گھرکو آگ لگانا سرکاری دہشت گردی ہے، اقدام انتقامی سیاست کا بدترین مظاہرہ ہے۔

سرکاری فورسز کی جانب سے ایک کشمیری شہیدعسکریت پسند سمیر احمد بٹ کے رہائشی مکان کو نذر آتش کرنا سرکاری دہشت گردی اور انتقام گیرانہ سیاست کاری کا بدترین مظاہرہ ہے ۔بعد از مرگ انتقام گیری کا یہ عمل بھارتی جمہوریت کے کھوکھلے پن کو ظاہر کرتا

— Mirwaiz Umar Farooq (@MirwaizKashmir) September 29, 2018

کشمیری حریت رہنما نے اپنے پیغام میں مزید کہا کہ بعد از موت انتقام بھارتی جمہوریت کے کھوکھلے پن کو ظاہر کرتا ہے۔

مقبوضہ کشمیرمیں بھارتی فوج کی فائرنگ‘ 20 نوجوان شہید

یاد رہے کہ رواں سال 2 اپریل کو مقبوضہ کشمیر میں قابض بھارتی فورسز نے سرچ آپریشن کے نام پر فائرنگ کرکے 20 کشمیری نوجوانوں کو شہید جبکہ 300 سے زائد افراد کو زخمی کردیا تھا۔

واضح رہے کہ مقبوضہ کشمیر میں جولائی 2016 میں حریت رہنما مظفروانی کی شہادت کے بعد سے وادی میں بھارتی فورسز کی جانب سے کارروائیوں میں تیزی آئی ہے اور اس دوران درجنوں کشمیری نوجوان بھارتی فورسز کی فائرنگ سے شہید ہوچکے ہیں۔