Tag: Misbah Ul Haq

  • کوچ اور سلیکٹر میں سے کسی ایک عہدے کو منتخب کرنا پڑا، تو استخارہ کروں گا: مصباح الحق

    کوچ اور سلیکٹر میں سے کسی ایک عہدے کو منتخب کرنا پڑا، تو استخارہ کروں گا: مصباح الحق

    لاہور: پاکستان کے کامیاب ترین کپتان مصباح الحق نے کہا ہے کہ کوچنگ اور سلیکشن کمیٹی سے کسی ایک کومنتخب کرنا پڑا، تو استخارہ کروں گا.

    تفصیلات کے مطابق قومی کرکٹ ٹیم کے کیمپ کمانڈنٹ کی ذمے داری نبھانے والے مصباح الحق نے قذافی اسٹیڈیم میں میڈیا سے بات چیت کرتے ہوئے کہا کہ وہ ایک شخص کو ہیڈ کوچ اور سلیکٹر کی ذمہ داریاں دینے کے حامی ہیں.

    انھوں نے کہا کہ اگر ہیڈ کوچ ہی نے ٹیم منتخب کی ہوگی، تو وہ خراب کارکردگی کا جواب دہ ہوگا. البتہ میں نے ابھی پاکستانی ٹیم کی کوچنگ کے لئے اپلائی نہیں کیا، میرے کوچ بننے کی صرف افواہیں ہیں.

    پاکستان کو نمبر ون ٹیسٹ ٹیم بنانے والے مصباح نے کہا کہ کپتان کے بارے میں فیصلہ کرکٹ بورڈ نے کرنا ہے، تمام فارمیٹ کا ایک کپتان بھی ہوسکتا ہے اور الگ الگ کپتان بھی ہوسکتے ہیں.

    مزید پڑھیں: مصباح الحق کی کامیابی کے پیچھے موجود شخص کا انتقال، سابق کپتان غمزدہ

    پوری توجہ کیمپ ہے، کوشش ہوگی کیمپ سےکھلاڑی بہتراندازمیں خود کو تیار کرسکیں، سینٹرل کنٹریکٹ میں شامل کھلاڑیوں پر خصوصی توجہ دی ہے۔

    انھوں نے کہا کہ لیول 2 کوچنگ کورس کررکھا ہے، ڈومسیٹک میں کوچنگ بھی کی، وہ تجربہ یہاں‌ کام آیا.

  • پاک بھارت میچ کوئی جنگ نہیں، کھیل سے لطف اندوز ہوں: مصباح الحق کا مشورہ

    پاک بھارت میچ کوئی جنگ نہیں، کھیل سے لطف اندوز ہوں: مصباح الحق کا مشورہ

    لاہور: سابق کپتان مصباح الحق نے کہا ہے کہ پاکستان اور بھارت کا میچ کرکٹ کی دنیا کا سب سے بڑا مقابلہ ہے.

    ان خیالات کا اظہار انھوں نے اپنے خصوصی پیغام میں کیا. مصباح الحق نے پاکستان اور بھارت کے مداحوں‌ کو مخاطب کرتے ہوئے کہا کہ کھیل سے محظوظ ہوں.

    پاکستان کی ٹیسٹ کی تاریخ کے کامیاب ترین کپتان نے کہا کہ یہ ایک بڑا مقابلہ ہے، البتہ جذباتی ہونے کے بجائے خود پر قابو رکھیں اور کھیل کے ہر لمحے سے لطف اندوز ہوں. اپنی ٹیم کو سپورٹ کریں.

    مصباح الحق نے کہا کہ انھیں امید ہے کہ کل اچھا مقابلہ ہوگا، میچ اہم ہے، مگر اصل چیز اس سے لطف اندوز ہونا ہے.

    مزید پڑھیں: عالمی کپ 2019: پاکستانی ٹیم کا روایتی حریف بھارت سے ٹاکرا کل ہوگا

    سابق کپتان نے کہا کہ یہ کوئی نہیں جنگ نہیں، اسپورٹ مین اسپرٹ کے ساتھ میچ دیکھیں، اچھے کھیل کو سپورٹ کریں، جو بھی نتیجہ آئے، اسے قبول کریں.

    انھوں نے کہا کہ میں دونوں ٹیموں کے مداحوں کے لیے نیک تمناؤں کا اظہار کرتا ہوں. امید ہے، زبردست مقابلہ ہوگا.

    خیال رہے کہ کل ورلڈ کپ 2019 میں پاک بھارت ٹاکرا ہوگا. میچ بارش سے متاثر ہونے کا خدشہ ہے.

  • کون ہوگا انڈر 19 ٹیم کا کوچ، یونس خان یا مصباح الحق؟

    کون ہوگا انڈر 19 ٹیم کا کوچ، یونس خان یا مصباح الحق؟

    لاہور: پاکستان کی انڈر 19 ٹیم کی کوچنگ کے لیے ایک اور نام سامنے آگیا. توقع کی جارہی ہے کہ سابق کپتان مصباح الحق یہ اہم ذمے داری اٹھا سکتے ہیں.

    تفصیلات کے مطابق لیجنڈ بیٹسمین یونس خان کی جانب سے ذمے داری اٹھانے سے معذرت کے بعد پاکستان کرکٹ بورڈ مصباح‌ الحق کو یہ عہدہ سونپے کا خواہش مند ہے.

    پی سی بی ذرائع کے مطابق ایک اعلیٰ عہدے دار نے اس ضمن میں مصباح الحق سے رابطہ کیا۔ ابتدائی طور پر مصباح الحق کو انڈر 19 ٹیم کی ذمہ داری دی جاسکتی ہے.

    خیال رہے کہ مصباح الحق کا شمار پاکستانی تاریخ کے کامیاب ترین کپتانوں‌ میں‌ہوتا ہے، ان کی قیادت میں‌ پاکستان نے ریکارڈ تعداد میں ٹیسٹ میچز جیتے.

    مزید پڑھیں: اب سرفراز احمد کی کپتانی پر کوئی بحث نہیں ہونی چاہیے: مصباح الحق

    یاد رہے کہ پہلے اس ضمن میں یونس خان سے رابطہ کیا گیا، مگر وہ اپنی شرائط پر کام کرنا چاہتے تھے.

    دوسری جانب مصباح الحق کی جانب سے ابھی مثبت جواب نہیں‌ دیا گیا، وہ کرکٹ کمیٹی میں اہمیت نہ دیے جانے کی وجہ سے ناراض ہیں.

    واضح رہے کہ چند روز قبل وسیم اکرم بھی اس کمیٹی کی اہمیت اور فعالیت پر سوال اٹھا چکے ہیں.

  • مصباح الحق کا لاہور میں 125 بستروں کا چائلڈ ہارٹ اسپتال بنانے کا اعلان

    مصباح الحق کا لاہور میں 125 بستروں کا چائلڈ ہارٹ اسپتال بنانے کا اعلان

    فیصل آباد: پاکستان کے سابق ٹیسٹ کپتان مصباح الحق نے لاہور میں 2 ارب کی لاگت سے 125 بستروں کاچائلڈ ہارٹ اسپتال بنانے کا اعلان کر دیا.

    تفصیلات کے مطابق پاکستان کو نمبر ون ٹیسٹ ٹیم بنانے والے مصباح الحق نے آج چائلڈ ہارٹ انسٹی ٹیوٹ کی تعمیر کے لئے تاجروں سے ملاقات کی.

    اس موقع پر مصباح الحق نے کہا کہ پاکستان میں دل کے امراض میں مبتلا بچوں کے لئے کوئی کام نہیں ہوا، اس جانب توجہ دینے کی ضرورت ہے.

    سابق کپتان نے کہا کہ ہمارے ہاں‌ چلڈرن اسپتال ہیں، لیکن بچوں کے ماہرامراض قلب موجود نہیں، فیصل آباد پہلی ٹارگیٹ ہے، اس کے بعد پورے ملک میں انسٹی ٹیوٹ بنانے کی کوشش کروں گا.


    مزید پڑھیں: اب سرفراز احمد کی کپتانی پر کوئی بحث نہیں ہونی چاہیے: مصباح الحق


    انھوں‌ نے کہا کہ پاکستان میں پیدا ہونے والے  50 ہزار بچوں کو سالانہ امراض قلب کا سامنا کرنا پڑتا ہے، اس کے لیے لاہور میں 2 ارب سے125 بستروں کا چائلڈ ہارٹ اسپتال بنایا جائے گا.

    واضح رہے کہ پاکستان کے سابق کپتان اب فلاحی خدمت کے میدان میں قدم رکھ چکے ہیں. خیال رہے کہ پاکستان کو ورلڈ چیمپیئن بنانے والے عمران خان نے بھی فلاحی سرگرمیوں میں‌ حصہ لیا تھا اور شوکت خانم کی بنیاد رکھی تھی.

  • اب سرفراز احمد کی کپتانی پر کوئی بحث نہیں ہونی چاہیے: مصباح الحق

    اب سرفراز احمد کی کپتانی پر کوئی بحث نہیں ہونی چاہیے: مصباح الحق

    کراچی: سابق ٹیسٹ کپتان مصباح الحق کا کہنا ہے کہ اب سرفراز احمد کی کپتانی پر کوئی بحث نہیں ہونی چاہیے.

    ان خیالات کا اظہار انھوں نے میڈیا سے گفتگو کرتے ہوئے کیا. سابق کپتان نے کہا کہ ورلڈکپ کے لئے سرفراز احمد ہی کو کپتان برقراررہنا چاہیے.

    مصباح الحق نے کہا کہ اب اس معاملے پر مزید بحث کی گنجائش نہیں، ایشیا کپ میں شکست سےٹیم اور کپتان کوبہت کچھ سیکھنے کا موقع ملا،  گذشتہ ایونٹ میں شکست کے بعد ٹیم میں فائٹنگ اسپرٹ آئی.

    محسن خان اور مکی آرتھر میں غلط فہمی سے متعلق مصباح کا کہنا تھا کہ ان غلط فہمیوں‌ کو اب دور ہو جانا چاہیے.


    مزید پڑھیں: پلیئرز محنت کر رہے ہیں، نیوزی لینڈ کے خلاف ون ڈے سیریز بھی اپنے نام کریں گے: محمد حفیظ


    یاد رہے کہ گذشتہ دنوں پی سی بی کی کرکٹ کمیٹی کے سربراہ محسن حسن خان نے کہا  تھا کہ سرفراز احمد کو ٹیسٹ میچز کی کپتانی کے بوجھ سے آزاد کر دینا چاہیے، اس کے باعث ان کی کارکردگی شدید متاثر ہورہی ہے.

    واضح رہے کہ نیوزی لینڈ کو ٹی 20 سیریز میں شکست دے کر پاکستان نے لگاتار گیارہویں سیریز اپنے نام کر لی ہے، اس سے قبل پاکستان نے آسٹریلیا کو وائٹ واش کیا تھا. پاکستان لگاتار نو ٹی 20 میچز جیت چکا ہے.

  • سابق کپتان مصباح الحق کا بچوں کے امراض قلب کے لیے پہلا اسپتال بنانے کا اعلان

    سابق کپتان مصباح الحق کا بچوں کے امراض قلب کے لیے پہلا اسپتال بنانے کا اعلان

    لاہور : پاکستان کرکٹ ٹیم کے سابق کپتان مصباح الحق نے زندگی کی دوسری اننگز کا آغاز کردیا، بچوں کے دل کے امراض کے لیے پاکستان میں بنائے جانے والے پہلے اسپتال کے لیے چندہ جمع کرنے کا اعلان کردیا۔

    تفصیلات کے مطابق چلڈرن ہارٹ اینڈ ریسرچ انسٹیٹیوٹ کے زیر اہتمام لاہور میں بچوں کے دل کے امراض کے لیے ہسپتال کے لیے فنڈ ریزر نگ کا اہتمام کیا گیا جس میں سابق اور موجودہ کرکٹرز نے خصوصی طور پر شرکت کی۔

    مصباح الحق نے دل کے مریض بچوں کے لیے اسپتال کے قیام کو ضروری قرار دیتے ہوئے اپنی خدمات پراجیکٹ لیے وقف کرنے کا اعلان کیا۔

    واضح رہے کہ کہ چلڈرن ہارٹ اینڈ ریسرچ انسٹیٹیوٹ لاہور میں ایک ارب چونسٹھ کروڑ روپے لاگت سے ہسپتال قائم کرنے کے لیے فنڈز اکھٹے کررہا ہے، اس تنظیم کے تحت پہلے ہی دل میں سوراخ لے کر پیدا ہونے والے ہزاروں بچوں کا مفت علاج کیا جاچکا ہے۔

  • مصباح الحق نے کلثوم نواز کے انتقال کے باعث چلڈرن اسپتال کا افتتاح ملتوی کر دیا

    مصباح الحق نے کلثوم نواز کے انتقال کے باعث چلڈرن اسپتال کا افتتاح ملتوی کر دیا

    اسلام آباد: قومی کرکٹ ٹیم کے سابق کپتان مصباح الحق نے لندن میں بیگم کلثوم نواز کے انتقال کے باعث بچوں کے اسپتال کا افتتاح ملتوی کر دیا، اسپتال کے منصوبے کا افتتاح لاہور میں 14 ستمبر کو کیا جانا تھا۔

    تفصیلات کے مطابق قومی ٹیم کے نہایت کام یاب کپتان مصباح نے سماجی رابطے کی ویب سائٹ ٹویٹر پر کہا کہ محترمہ کلثوم نواز کے انتقال کی خبر سے ان کے دل کو بہت تکلیف پہنچی۔

    مصباح الحق نے بیگم کلثوم نواز کے انتقال کو بڑا نقصان قرار دیتے ہوئے کہا کہ ان کے انتقال پُر ملال پر میں اور بچوں کے اسپتال کی ٹیم مرحومہ کے لواحقین کے غم میں برابر کے شریک ہیں۔

    انھوں نے ٹویٹر پر لکھا ’ہم محترمہ کلثوم نواز کے انتقال پُر ملال کے باعث اپنے 14 ستمبر والی تقریب کو ملتوی کرتے ہیں، تقریب کی نئی تاریخ کا جلد اعلان کر دیا جائے گا۔‘

    خیال رہے کہ سابق وزیرِ اعظم نواز شریف کی اہلیہ بیگم کلثوم نواز 68 سال کی عمر میں لندن میں انتقال کر گئی ہیں، انھیں ایک مدت سے گلے کا کینسر لاحق تھا۔


    یہ بھی پڑھیں:  مصباح الحق نے امراضِ قلب میں مبتلا بچوں کے لیے اسپتال کا اعلان کر دیا


    واضح رہے کہ مصباح الحق نے 6 ستمبر کو سماجی رابطے کی ویب سائٹ ٹویٹر پر اعلان کیا تھا کہ وہ بچوں کے لیے ایک اسپتال قائم کرنا چاہتے ہیں۔ انھوں نے کہا یہ منصوبہ ان بچوں کے لیے ہے جو پیدائشی طور پر دل کے امراض میں مبتلا ہوتے ہیں جنھیں طبی اصطلاح میں congenital heart disease کہا جاتا ہے۔

  • مصباح الحق نے امراضِ قلب میں مبتلا بچوں کے لیے اسپتال کا اعلان کر دیا

    مصباح الحق نے امراضِ قلب میں مبتلا بچوں کے لیے اسپتال کا اعلان کر دیا

    لاہور: قومی کرکٹ ٹیم کے سابق کپتان مصباح الحق نے بھی انسانی فلاح و بہبود کے سلسلے میں اپنا حصہ ڈالتے ہوئے بچوں کے لیے ایک اسپتال کے منصوبے کا اعلان کر دیا۔

    تفصیلات کے مطابق قومی ٹیم کے نہایت کام یاب کپتان مصباح نے سماجی رابطے کی ویب سائٹ ٹویٹر پر اعلان کرتے ہوئے کہا کہ وہ بچوں کے لیے ایک اسپتال قائم کرنا چاہتے ہیں۔

    مصباح الحق نے اپنے ٹویٹ میں کہا کہ اسپتال کا یہ منصوبہ ان بچوں کے لیے ہے جو پیدائشی طور پر دل کے امراض میں مبتلا ہوتے ہیں جنھیں طبی اصطلاح میں congenital heart disease کہا جاتا ہے۔

    اسلام آباد یونائیٹڈ کے کپتان نے کہا کہ اسپتال کا یہ منصوبہ لاہور میں 14 ستمبر کو شروع کیا جائے گا، انھوں نے پاکستان تحریکِ انصاف کی خاتون رہنما اور وزیرِ صحت ڈاکٹر یاسمین راشد کو بھی دعوت دی کہ وہ افتتاحی تقریب میں شریک ہوں۔


    فرسٹ کلاس کرکٹرز کو دی گئی سہولیات انتہائی ناقص ہیں، مصباح الحق کا اظہار برہمی


    خیال رہے کہ بچوں کی بیماری CHD صحت کا ایک ایسا مسئلہ ہے جس میں پیدائشی طور پر دل کی ساخت میں نقص رہ جاتا ہے، دل کی دیواریں، شریانیں اور رگیں متاثر ہوسکتی ہیں جس کی وجہ سے خون کی روانی درست طور پر جاری نہیں رہتی۔

    واضح رہے کہ قومی کرکٹ ٹیم کے سابق کپتان مصباح الحق نے فرسٹ کلاس کرکٹرز کو بہتر سہولیات کی فراہمی کے سلسلے میں بھی اپنے ٹویٹر اکاؤنٹ سے آواز اٹھائی، ان کا کہنا تھا کہ کھلاڑیوں کو ناقص سہولیات دی جا رہی ہیں۔

  • فرسٹ کلاس کرکٹرز کو دی گئی سہولیات انتہائی ناقص ہیں، مصباح الحق کا اظہار برہمی

    فرسٹ کلاس کرکٹرز کو دی گئی سہولیات انتہائی ناقص ہیں، مصباح الحق کا اظہار برہمی

    لاہور : قومی کرکٹ ٹیم کے سابق کپتان مصباح الحق نے کہا ہے کہ فرسٹ کلاس کرکٹرز بہتر سہولیات کے مستحق ہیں، کھلاڑیوں کو ناقص سہولیات دی جا رہی ہیں۔

    یہ بات انہوں نے سماجی رابطے کی ویب سائٹ ٹوئٹر پراپنے ایک پیغام میں کہی، مصباح الحق نے ٹوئٹر پر ایک ویڈیو بھی شیئر کی ہے ویڈیو میں لاہور سٹی کرکٹ ایسوسی ایشن کے گراؤنڈ کا ڈریسنگ روم  دکھایا گیا گیا ہے جس کی حالت انتہائی خستہ ہے۔

    ان کا کہنا ہے کہ یہ کوئی اسٹور روم نہیں بلکہ لاہور سٹی کرکٹ ایسوسی ایشن کے گراؤنڈ کا ڈریسنگ روم ہے۔ صورتحال پر برہمی کا اظہار کرتے ہوئے مصباح الحق نے بتایا کہ ویڈیو میں دکھائی دینے والا گراؤنڈ لاہور وائٹس اور سوئی نادرن گیس پائپ لائن لمیٹیڈ کے درمیان فرسٹ کلاس میچ کی میزبانی کررہا ہے اور دونوں ٹیموں کے درمیان کھیلے جانے والے میچوں میں چھ ٹیسٹ کرکٹرز بھی حصہ لے رہے ہیں۔

    مصباح الحق نے کھلاڑیوں کو فراہم کردہ ڈریسنگ روم پر تنقید کرتے ہوئے کہا کہ ڈریسنگ روم کے ساتھ واش روم گندے ہیں اور دیواروں سے رنگ بھی جھڑ رہا ہے جب کہ اس کا فرش بھی ٹوٹ پھوٹ کا شکار ہے، ذرا تصور کریں کہ اس گرمی میں ایک کمرے میں تقریباً 20 لوگ ہوں جہاں صرف ایک ہی پنکھا ہو۔

    مصباح الحق کا مزید کہنا تھا کہ فرسٹ کلاس کرکٹ کے معیار کی بہتری کیلئے پاکستان کرکٹ بورڈ کو مذکورہ صورتحال کا سنجیدگی سے نوٹس لینا چاہیے اور یہی نہیں پچ اور آؤٹ فیلڈ بھی ہماری کرکٹ کے لیے حوصلہ افزا نہیں ہے۔

  • نوجوان کھلاڑی بہترین کھیل پیش کررہے ہیں، مصباح الحق

    نوجوان کھلاڑی بہترین کھیل پیش کررہے ہیں، مصباح الحق

    لاہور: قومی کرکٹ ٹیم کے سابق کپتان مصباح الحق نے کہا ہے کہ نوجوان کھلاڑی بہترین کھیل پیش کررہے ہیں، ایک آدھ شکست سے پریشان نہیں ہونا چاہئے۔

    میڈیا سے گفتگو کرتے ہوئے سابق کپتان قومی کرکٹ ٹیم نے کہا کہ قومی کرکٹ ٹیم کی ون ڈے کی کارکردگی بہترین ہے، ٹیم میں تبدیلیوں سے پرفارمنس میں فرق پڑتا ہے۔

    مصباح الحق نے بلے باز امام الحق کو پہلے ہی ون ڈے میچ میں سنچری اسکور کرنے پر مبارکباد دیتے ہوئے کہا کہ امام الحق میں کافی ٹیلنٹ ہے۔

    سابق کپتان نے کہا کہ سری لنکن ٹیم کا پاکستان آنا خوش آئند ہے، انٹرنیشنل کرکٹ کی بحالی میں سری لنکن ٹیم کی آمد بہترین قدم ہے۔

    مصباح الحق نے کہا کہ قومی ون ڈے ٹیم کی کارکردگی دن بہ دن بہترین کی طرف جارہی ہے، نوجوان پلیئرز اچھی کارکردگی پیش کررہے ہیں۔

    انہوں نے کہا کہ محمد حفیظ کی باؤلنگ قومی ٹیم کے لیے اضافی سہولت ہے، تاہم ان کے باؤلنگ ایکشن پر کچھ کہنا قبل از وقت ہوگا۔

    یہ پڑھیں: محمد حفیظ مشکل میں، باؤلنگ ایکشن تیسری بار مشکوک

    واضح رہے کہ سری لنکن ٹیم 29 اکتوبر کو لاہور میں تیسرا اور آخری ٹی ٹوئنٹی میچ کھیلے گی۔

    یاد رہے کہ پاکستان اور سری لنکا کی ٹیمیں ان دنوں دبئی میں ون ڈے سیریز کھیلنے میں مصروف ہیں، پاکستان نے سری لنکا کو ون ڈے سیریز میں شکست دے دی ہے جبکہ ابھی دو ون ڈے میچز باقی ہے۔

    مزید پڑھیں: تیسرا ون ڈے: پاکستان نے سری لنکا کوشکست دے کرسیریز جیت لی


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔