اسلام آباد : حریت رہنما یاسین ملک کی اہلیہ مشال ملک نے کہا ہے کہ ایشیاپیسفک سمٹ میں بھارتی وفد نے مودی سرکار کا چہرہ بےنقاب کردیا ، مودی جان لے ! حق اور سچ کی آواز کو دبایا نہیں جاسکتا، ایسا ممکن نہیں کہ ظلم بھی ہو اور امن بھی رہے۔
تفصیلات کے مطابق حریت رہنما یاسین ملک کی اہلیہ مشال ملک نے اپنے بیان میں کہا ایشیاپیسفک سمٹ میں بھارتی وفدنےمودی سرکار کا چہرہ بے نقاب کردیا، بھارتی وفد کی ڈپٹی اسپیکر کی تقریرروکنےکی کوشش قابل مذمت ہے۔
مشال ملک کا کہنا تھا کہ مودی سرکار جان لے حق اورسچ کی آواز کو دبایا نہیں جاسکتا، ڈپٹی اسپیکر قاسم سوری نے کشمیریوں کی بھرپور نمائندگی کی، بھارت نے مقبوضہ کشمیر میں107 دن سے لاک ڈاؤن کر رکھا ہے۔
حریت رہنما یاسین ملک کی اہلیہ نے مزید کہا بھارت چاہتا ہے کہ ظلم و بربریت کی داستان کا ذکر بھی نہ ہو، ایساممکن نہیں کہ ظلم بھی ہو اورامن بھی رہے، بھارتی اقدامات خطے کو جنگ کی بھٹی میں جھونک رہے ہیں۔
مزید پڑھیں : بھارتی فوجی افسر نے مودی کی گندی ذہینت آشکار کردی
یاد رہے بھارتی وفد نے مقبوضہ کشمیرمیں مظالم کیخلاف آوازاٹھانے پر قاسم سوری کی تقریر کے دوران شورشراباشروع کردیاتھا، جس کے بعد ایشیائی پیسیفک سمٹ سے بھارتی پارلیمنٹیرین کو سیکیورٹی اسٹاف نے ہال سے باہر نکال دیا تھا۔
خیال رہے حریت رہنما یاسین ملک کی اہلیہ مشال ملک نے کہا تھا کہ بھارت مقبوضہ کشمیر میں کرفیو اٹھاتے ہی کشمیریوں کا خون پانی کی طرح بہائے گا، حکومت پاکستان کشمیریوں پر مشتمل نوجوانوں کا گروپ بنائے ، جو بھارتی بربریت کوعالمی سطح پر اجاگر کرے۔
