Tag: mishal malik

اسلام آباد : حریت رہنما یاسین ملک کی اہلیہ مشال ملک نے کہا ہے کہ مقبوضہ کشمیر میں ہر جگہ ایک خوف ناک خاموشی ہے ، مقبوضہ کشمیر میں بڑے پیمانے پر قتل عام کا منصوبہ بنایاجا رہا ہے ، دنیا بھارت کو کشمیر میں خون کی ہولی کھیلنے سے روکے۔

تفصیلات کے مطابق حریت رہنما یاسین ملک کی اہلیہ مشال ملک نے اپنے بیان میں کہا کشمیر میں ریڈ الرٹ پر حالات خراب ہیں، یاسین ملک کو21فروری کو ہماری شادی کی سالگرہ پر حراست میں لیا گیا، وہ تہاڑ جیل میں 4ماہ سے ڈیتھ سیل میں ہیں، یاسین ملک قید تنہائی میں ہیں ، ہائی ولٹیج بلب لگایا ہوا ہے۔

مشال ملک کا کہنا تھا کہ مقبوضہ کشمیرمیں اس وقت کوئی قانون نہیں ، کٹھ پتلی انتخابات کرائےجاتے ہیں، بھارت جنیوا کنونشن کی خلاف ورزی کر رہا ہے، مقبوضہ کشمیر میں بھارتی فوج اورفضائیہ کی نفری بڑھا دی گئی ہے اور بیوروکریسی کو کھلی چھٹی دے دی گئی ہے۔

حریت رہنما یاسین ملک کی اہلیہ نے کہا مقبوضہ کشمیر میں ہر جگہ ایک خوف ناک خاموشی ہے ، جب بھی کوئی دہشت گردی ہوتی تو پاکستان پرالزام ڈالتے ہیں، یاسین ملک کوگنداکھانا مل رہاہے،پانی تک نہیں دیا جاتا ، بھارت کی یاسین ملک کو مارنے کی کافی سالوں سے تیاری ہے۔

ان کا کہنا تھا کہ بھارتی حکومت آئین سےآرٹیکل 35 اے کا خاتمہ چاہتی ہے، پلوامہ کو بنیاد بنا کر بھارت نے جنگ مسلط کرنے کی کوشش کی، بھارتی عزائم کو بنیاد بنا کر پاکستان کو سلامتی کونسل میں جانا چاہیے۔

مشال ملک نے کہا بھارتی عزائم خطے میں جنگ کا ماحول پیدا کر رہے ہیں، بھارت مقبوضہ کشمیر میں فوج کی 28 ہزار تازہ دم نفری بھجوا رہا ہے، وادی میں انٹرنیٹ سروس بند،قائدین کونظر بند کردیا گیا ہے۔

ان کا مزید کہنا تھا مقبوضہ کشمیر میں بڑے پیمانے پر قتل عام کا منصوبہ بنایاجا رہا ہے، مقبوضہ وادی کو فوجی چھاؤنی میں تبدیل کردیا گیا ہے، مقبوضہ کشمیر سے سیاحوں اور زائرین کونکلنے کا حکم دیا گیا ہے

یاسین ملک کی اہلیہ نے کہا دنیا بھارت کو کشمیر میں خون کی ہولی کھیلنے سے روکے، کشمیری کسی صورت آزادی کے حق سے دستبردار نہیں ہوں گے۔

اسلام آباد : حریت رہنما یاسین ملک کی اہلیہ مشال ملک نے وزیراعظم عمران خان کو مبارکباد دیتے ہوئے کہا مسئلہ کشمیر کے حل پر امریکی صدر کی ثالثی کی پیشکش خوش آئند ہے، امید ہے امریکا ماضی کی طرح مسئلہ کشمیر حل کیلئے مزید اقدامات کرے گا۔

تفصیلات کے مطابق حریت رہنما یاسین ملک کی اہلیہ مشال ملک نے وزیراعظم عمران خان کوکامیاب دورہ امریکا پر مبارکباد دیتے ہوئے کہا مسئلہ کشمیر کےحل پرامریکی صدر کی ثالثی کی پیشکش خوش آئندہے، مسئلہ کشمیر کے حل کیلئے امریکی ثالثی کاکردار انتہائی اہم ہے۔

مشال ملک کا کہنا تھا خطے میں قیام امن کیلئے مسئلہ کشمیر کا حل ضروری ہے، امیدہےامریکاماضی کی طرح مسئلہ کشمیرحل کیلئے مزید اقدامات کرے گا، مسئلہ کشمیر بین الاقوامی سطح پر تسلیم شدہ مسئلہ ہے۔

یاد رہے گذشتہ روز وزیر اعظم پاکستان عمران خان نے وائٹ ہاؤس میں امریکی صدر ڈونلڈ ٹرمپ سے ملاقات کی تھی ، امریکی صدر نے مسئلہ کشمیر پر پاکستان بھارت کے مابین ثالثی کی پیش کش کی۔.

مزید پڑھیں : امریکی صدر نے کشمیر پر ثالثی کی پیشکش کر دی

صدر ٹرمپ نے کہا تھا کہ عمران خان اور میں دونوں نئے لیڈرز ہیں، مسئلہ کشمیر پر دونوں لیڈرز بڑا کردار ادا کر سکتے ہیں، کشمیر اور افغانستان کا مسئلہ حل ہوگا تو پورے خطے میں خوش حالی ہوگی۔

ملاقات کے بعد امریکی صدر نے مشترکہ پریس کانفرنس میں کہا تھا کہ ہم وزیر اعظم عمران خان کا امریکا میں خیرمقدم کرتے ہیں، مسئلہ کشمیر کے حل کے لیے میں کوئی کردار ادا کر سکتا ہوں تو بہت خوشی ہوگی، پاکستان اور بھارت کے درمیان کشیدہ تعلقات کا علم ہے، ملاقات میں پاک بھارت تعلقات میں بہتری کے لیے بھی بات ہوگی

اسلام آباد: حریت رہنما یاسین ملک کی اہلیہ مشال ملک کا کہنا ہے کہ جیت پاکستان کی ہو گی، جشن منائیں گے اور مٹھائی بھی بٹے گی۔

تفصیلات کے مطابق حریت رہنما یاسین ملک کی اہلیہ مشال ملک کا کہنا ہے کہ مقبوضہ کشمیر میں کشمیری پاکستان کی حمایت کریں گے۔

مشال ملک نے کہا کہ مانچسٹر میں دنیا کو دکھا دیں گے، کشمیری پاکستان کے ساتھ ہیں، جیت پاکستان کی ہوگی، جشن منائیں گے اور مٹھائی بھی بٹے گی۔

انہوں نے کہا کہ خوف زدہ بھارت نے ابھی سے وادی میں کریک ڈاؤن شروع کردیا، ہم ڈرنے والے نہیں، پاکستان سے ہمارا رشتہ اٹوٹ ہے۔

ورلڈ کپ 2019 : پاکستان اور بھارت کی ٹیموں کے درمیان بڑا ٹاکرا آج ہوگا

واضح رہے کہ کرکٹ کی دنیا کا سب سے بڑا مقابلہ آج ہوگا، اولڈ ٹریفورڈ مانچسٹر میں پاکستان اور بھارت کی ٹیموں نے پنجہ آزمائی کی تیاری مکمل کرلی۔

دنیا بھر کے کروڑوں لوگ براہ راست ٹی وی پر دنیائے کرکٹ کی دو بڑی ٹیموں کا میچ دیکھیں گے، میچ سے قبل شائقین کا جوش و خروش عروج پر پہنچ گیا ہے۔

لاہور : کشمیری رہنما مشعال ملک نے کہا ہے کہ زندگی میں کبھی بھی ہار نہیں ماننی چاہیے، اکیسویں صدی میں بھی جو کشمیر میں ہو رہا ہے دنیا اس ظلم کو محسوس کرے ،کشمیری جدوجہد مسلسل ہے ہرروز آزادی کا جذبہ بڑھتا جا رہا ہے۔

تفصیلات کے مطابق حریت رہنما یاسین ملک کی اہلیہ مشعال ملک نے نجی یونیورسٹی میں تقریب سے خطاب کرتے ہوئے کہا کشمیرمیں بزرگ جوانوں کی میتیں دفناتے ہیں، آزادی کایہ جذبہ نئی نسل میں منتقل ہو رہا ہے، کشمیر اتنا بڑا مسئلہ ہے کہ اس کی وجہ سے دو ملک ایٹمی طاقت بنے ہیں۔

مشعال ملک کا کہنا تھا کشمیرمیں بزرگ جوانوں کی میتیں دفناتےہیں، مودی جنونی اور انسانیت کا دشمن ہے گجرات کے اس قاتل سے کچھ بعید نہیں اس بات کے امکانات موجود ہیں کہ پاکستان اور بھارت کے درمیان ایٹمی جنگ ہو سکتی ہے۔

حریت رہنما یاسین ملک کی اہلیہ نے کہا ان کشمیر سیاسی جماعتوں سے کہیں بڑا مسئلہ ہے ہرپاکستانی کشمیر کے لیے کردار ادا کرے، کشمیر پر کوئی لانگ مارچ دھرنا یاعالمی سطح کا کنونشن نہیں ہوتا، سیاسی جماعتیں ایک دوسرے کے خلاف سوشل میڈیا مہم چلاتے ہیں لیکن اس مسئلے پر ایک نہیں ہوتے۔

مزید پڑھیں : بھارتی فوج نے یاسین ملک کو خفیہ طور پر تہاڑ جیل منتقل کردیا، مشعال ملک

ان کا کہنا تھا تحریکوں میں بریک نہیں لگتی یہ مسلسل جدوجہدہوتی ہے، مقبوضہ کشمیرکوئی ایسامسئلہ نہیں جوکبھی حل نہ ہوسکے، زندگی میں کبھی بھی ہار نہیں ماننی چاہیے، اکیسویں صدی میں بھی جوکشمیرمیں ہو رہاہےدنیااسےمحسوس کرے، کشمیرجدجہدمسلسل ہےہرروزآزادی کاجذبہ بڑھتاجارہا ہے۔

کشمیری رہنما نے مزید کہا میرے شوہر دنیا کی سخت ترین جیل تہاڑ جیل میں قید ہیں، میرا یہاں کھڑا ہونا بھی معجزہ ہے، جس مشکلات سے گذر رہی ہوں۔