قاہرہ: چین کی درخواست اور دونوں ممالک کے درمیان معاہدہ طے ہونے کے بعد مصر نے چین کو 10 ہزار گدھے بھیجنے کی اجازت دے دی جبکہ آوارہ کتوں کو کوریا بھیجنے پر بھی معاہدہ حتمی مراحل میں داخل ہوگیا۔
تفصیلات کے مطابق مصری حکام نے چین کی درخواست اور معاہدے کی منظوری کے بعد 10 ہزار گدھے چین کو برآمد کرنے کی اجازت دے دی جس کے تحت مصر سے 10 ہزار گدھے چین بھیجے جائیں گے۔
ون وہیلر گدھا شہریوں کی توجہ کا مرکز بن گیا
مصری وزارت زراعت کے زیر انتظام جنرل اتھارٹی فار وٹرنری سروسز کے سربراہ ڈاکٹر ابراہیم محروس نے معاہدے پر روشنی ڈالتے ہوئے کہا کہ ’’ دونوں ممالک کے درمیان طے پائے جانے والے معاہدے کے تحت چین کو گدھے برآمد کیے جانے کی منظوری دی گئی ہے‘‘۔
اسی سے متعلق: چین کو گدھوں کی ضرورت ہے
انہوں نے کہا کہ گدھوں کی برآمد میں الازہر کے فتوے کی پاسداری کی جائے گی جس کے تحت گدھوں کو ذبح نہیں کیا جائے گا جب کہ چین کو گدھوں کا گوشت نہیں بلکہ صرف کھالوں کی ضرورت ہے۔
دوسری جانب کوریا کی ایک کمپنی نے مصر سے کتوں کو درآمد کرنے کی پیش کش کی ہے جس پر بات چیت جاری ہے، مصری حکومت کے مطابق کوریا کی جانب سے موصول ہونے والی درخواست زیر غور ہے تاہم ابھی اس کی منظوری ہونا باقی ہے۔
یہ بھی پڑھیں: کاسمیٹکس کریموں میں گدھے کی کھال کے استعمال ہونے کا انکشاف
مصری حکام کے مطابق کتوں کی برآمد کا مقصد آوارہ کتوں کے پھیلاؤ کو روکنا ہے کیونکہ جانوروں کے حقوق کی تنظیموں نے انہیں زہر دے کر ہلاک کرنے سے صاف انکار کردیا ہے۔
یہ بھی :مصرکا کتوں اورگدھوں کے شناختی کارڈ بنانے کا فیصلہ
خیال رہے کہ چین دنیا کا وہ واحد ملک ہے جو دنیا بھر سے گدھے درآمد کرتا ہے، کئی ممالک چین سے گدھوں کی خریدوفروخت پر پابندی کرچکے ہیں جبکہ چینی حکام کا مؤقف ہے کہ وہ گدھوں کی کھال سے مختلف اقسام کی ادویات تیار کرتا ہے۔
