Tag: miss-world-2017

  • کام کروں گی تو عامر خان کے ساتھ ، مانوشی چھلر

    کام کروں گی تو عامر خان کے ساتھ ، مانوشی چھلر

    ممبئی : نئی حسینہ عالم بھی مسٹرپرفیکشنسٹ کی دیوانی نکلی ، مانوشی چھلر کا کہنا ہے کہ کام کروں گی تو عامر خان کے ساتھ ہی کروں گی۔

    تفصیلات کے مطابق حسینہ عالم 2017 کا تاج اپنے نام کرنے والی بھارتی حسینہ مانوشی چھلر مسٹرپرفیکشنسٹ عامر خان کی دیوانی نکلی۔

    مانوشی چھلر کا کہنا ہے کہ فی الحال بالی ووڈ میں کام کرنے کا ارادہ نہیں لیکن جب کام کروں گی تو عامر خان کے ساتھ ضرور کام کرنا چاہوں گی۔

    عامر خان کے ساتھ کام کرنے کی وجہ بتاتے ہوئے مانوشی نے کہا کہ عامر صرف خود ہی چیلنجنگ کردار نہیں نبھاتے بلکہ دوسروں کو بھی چیلنجنگ کردار کرنے کو دیتے ہیں اسی لئے انکی فلموں میں کردار نبھانا کسی چیلنج سے کم نہیں ہوگا۔

    ان کا کہنا تھا کہ عامر کی ہر فلم حقیقت کی عکاسی ہوتی ہے کیونکہ ہمیشہ انکی فلموں میں معاشرے سے جڑے مسائل سے متعلق پیغام ہوتا ہے۔


    مزید پڑھیں  : حسن کا تعلق پاکستان یا بھارت سے نہیں: مس ورلڈ


    واضح رہے کہ چند روز مس ورلڈ مقابلے میں بھارت کی مانوشی چلر نے حسینہ عالم کا تاج اپنے نام کیا تھا۔

    مانوشی چھلر مس ورلڈ کا اعزاز جیتنے کے بعد وطن واپس پہنچیں تو ان کا شاندار استقبال کیا گیا۔ بعد ازاں انہیں کئی تقریبات اور پریس کانفرنسز میں بھی مدعو کیا گیا۔

    یاد رہے کہ مانوشی چھلر کلاسیکی رقاصہ اور سماجی کارکن ہیں۔ وہ یہ اعزاز جیتنے والی چھٹی بھارتی خاتون ہیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • حسن کا تعلق پاکستان یا بھارت سے نہیں: مس ورلڈ

    حسن کا تعلق پاکستان یا بھارت سے نہیں: مس ورلڈ

    نئی دہلی: عالمی مقابلہ حسن 2017 میں بھارتی حسینہ مانوشی چھلر نے مس ورلڈ کا تاج اپنے سر پر سجا لیا۔ اعزاز جیتنے کے بعد جب وہ واپس وطن پہنچیں تو ان کا شاندار استقبال کیا گیا تاہم ایک صحافی کی جانب سے پاکستان اور بھارت میں حسن کے حوالے سے پوچھے گئے سوال پر مانوشی کے جواب نے سب کو خاموش کروا دیا۔

    مانوشی چھلر مس ورلڈ کا اعزاز جیتنے کے بعد وطن واپس پہنچیں تو ان کا شاندار استقبال کیا گیا۔ بعد ازاں انہیں کئی تقریبات اور پریس کانفرنسز میں بھی مدعو کیا گیا۔

    ایسی ہی ایک پریس کانفرنس میں مانوشی سے ایک بھارتی صحافی نے سوال کیا کہ آپ کے مس ورلڈ بننے کے بعد پاکستان میں بحث شروع ہوگئی ہے کہ بھارت سے زیادہ خوبصورت لڑکیاں پاکستان میں پائی جاتی ہیں، ’لیکن برقعے میں۔ اس کا آپ کیا جواب دیں گی‘؟

    جواباً مانوشی نے جو کہا وہ مذکورہ صحافی سمیت تمام افراد کو چپ کروا دینے کے لیے کافی تھا۔ انہوں نے کہا، ’میرا خیال ہے کہ یہ صرف ظاہری خوبصورتی کی بات نہیں ہے‘۔

    انہوں نے کہا کہ مقابلہ حسن میں حصہ لینے والی تمام لڑکیاں نہایت حسین تھیں جن کا تعلق مختلف ممالک سے تھا۔ ’یہ مقابلہ خوبصورت چہرے کا نہیں تھا، خوبصورت دل کا تھا کہ اس کے ذریعے آپ کیسے دوسروں کے کام آسکتے ہیں‘۔

    مانوشی نے کہا کہ دراصل یہ صرف ایک خوبصورت چہرہ ہوتا ہے جو اس خوبصورتی کے ذریعے اچھائی کو فروغ دیتا ہے، چاہے اس کا تعلق کسی بھی ملک سے ہو۔

    یاد رہے کہ مانوشی چھلر کلاسیکی رقاصہ اور سماجی کارکن ہیں۔ وہ یہ اعزاز جیتنے والی چھٹی بھارتی خاتون ہیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • عالمی مقابلہ حسن 2017 بھارتی حسینہ کے نام

    عالمی مقابلہ حسن 2017 بھارتی حسینہ کے نام

    بیجنگ / سنیا: چین میں منعقد ہونے والے عالمی مقابلہ حسن 2017 میں بھارت کی 20 سالہ حسینہ مانوشی چھلر نے ملکہ حسینہ کا تاج اپنے سر پر سجا لیا۔

    تفصیلات کے مطابق چین میں منعقد ہونے والے مقابلہ حسین 2017 کے 67 ویں ایڈیشن میں 108 ممالک کی حسیناؤں نے حصہ لیا اور اپنی خوبصورتی کی بدولت ملکہ حسینہ کا تاج سر پر سجانے کی کوشش کی۔

    بھارت سے تعلق رکھنے والی 20 سالہ طالبہ مانوشی چھلر نے ہفتے کے روز ہونے والے مقابلے کا سہرا اپنے سر پر سجاتے ہوئے اپنے ملک کو چھٹی بار ملکہ حسن کا اعزاز دلوایا۔

    واضح رہے کہ مانوشی چھلر سے قبل ایشوریا رائے اور پریانکا چوپڑا یہ اعزاز اپنے نام کرچکی ہیں۔

    مس رولڈ نے اپنی جیت پر مداحوں کا دعاؤں اور پیار دینے پر شکریہ ادا کیا۔

    مس ورلڈ ویب سائٹ کے مطابق مانوشی چھلر کلاسیکل ڈانسر ہیں اور وہ ایک فلاحی ادارے کے ساتھ مل کر اسپتال چلارہی ہیں۔

    برطانیہ اور میکسیکو  کی حسینائیں ایونٹ میں بتدریج دوسرے اور تیسرے نمبر پر رہیں۔

    واضح رہے کہ دو سال قبل سینا میں ہونے والے مقابلے حسن کے متنازع نتائج سامنے آنے کے بعد ہانگ گانگ کی ملکہ کی حسینہ سے مقابلہ حسن کا اعزاز واپس لے لیا گیا تھا۔